Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016R0603

Regolament ta' Implimentazzjoni tal-Kunsill (UE) 2016/603 tat-18 ta' April 2016 li jimplimenta r-Regolament (UE) Nru 267/2012 dwar miżuri restrittivi kontra l-Iran

ĠU L 104, 20.4.2016, p. 8–9 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2016/603/oj

Date of document:
18/04/2016; Data ta' adozzjoni
Date of effect:
21/04/2016; Dħul fis-seħħ Data tal-pubblikazzjoni +1 Ara Art. 2
Date of effect:
22/10/2016; Applikazzjoni Ara Anness
Date of end of validity:
No end date
Author:
Il-Kunsill tal-Unjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32012R0267 Żieda anness IX P. I.B Test 21/04/2016
Affected by case:
Link

20.4.2016   

MT

Il-Ġurnal Uffiċjali tal-Unjoni Ewropea

L 104/8

REGOLAMENT TA' IMPLIMENTAZZJONI TAL-KUNSILL (UE) 2016/603

tat-18 ta' April 2016

li jimplimenta r-Regolament (UE) Nru 267/2012 dwar miżuri restrittivi kontra l-Iran

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 267/2012 tat-23 ta' Marzu 2012 dwar miżuri restrittivi kontra l-Iran u li jħassar ir-Regolament (UE) Nru 961/2010 (1), u b'mod partikolari l-Artikolu 46(2) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,

Billi:

(1)

Fit-23 ta' Marzu 2012, il-Kunsill adotta r-Regolament (UE) Nru 267/2012.

(2)

Fl-14 ta' Lulju 2015, iċ-Ċina, Franza, il-Ġermanja, il-Federazzjoni Russa, ir-Renju Unit u l-Istati Uniti, bl-appoġġ tar-Rappreżentant Għoli tal-Unjoni għall-Affarijiet Barranin u l-Politika ta' Sigurtà, laħqu ftehim mal-Iran dwar soluzzjoni komprensiva fit-tul għall-kwistjoni nukleari Iranjana. L-implimentazzjoni b'suċċess tal-Pjan ta' Azzjoni Komprensiv Konġunt (PAKK) ser tiżgura n-natura esklużivament paċifika tal-programm nukleari Iranjan u tipprovdi għat-tneħħija komprensiva tas-sanzjonijiet kollha relatati man-nuklear.

(3)

Fl-20 ta' Lulju 2015, il-Kunsill tas-Sigurtà tan-Nazzjonijiet Uniti adotta r-Riżoluzzjoni (UNSCR) 2231 (2015) li tapprova l-PAKK, tħeġġeġ l-implimentazzjoni sħiħa tagħha skont l-iskeda ta' żmien stabbilita fil-PAKK u tipprevedi azzjonijiet li għandhom isiru f'konformità mal-PAKK.

(4)

Il-PAKK, kif approvat mill-UNSCR 2231 (2015), jipprevedi b'mod partikolari li l-Unjoni għandha tneħħi l-miżuri restrittivi fis-seħħ kontra ċerti persuni u entitajiet f'Jum it-Tranżizzjoni (18 ta' Ottubru 2023), li hi d-data li tiġi 8 snin wara Jum l-Adozzjoni (18 ta' Ottubru 2015) jew f'mument qabel abbażi ta' rapport mid-Direttur Ġenerali tal-Aġenzija Internazzjonali tal-Enerġija Atomika (IAEA) lill-Bord tal-Gvernaturi tal-IAEA u b'mod parallel lill-Kunsill tas-Sigurtà tan-NU li jiddikjara li l-IAEA kkonkludiet li l-materjal nukleari kollu fl-Iran kien għadu jintuża f'attivitajiet paċifiċi (“Konklużjoni Aktar Ġenerali”).

(5)

Il-Kunsill irreveda d-dikjarazzjoni tar-raġunijiet rigward entità waħda li għandha tkun soġġetta għal miżuri restrittivi sa Jum it-Tranżizzjoni u ddeċieda li għandha tiġi ssupplementata.

(6)

L-entrata fl-Anness għal dan ir-Regolament għandha tapplika sat-22 ta' Ottubru 2016.

(7)

Ir-Regolament (UE) Nru 267/2012 għandu għalhekk jiġi emendat skont dan,

ADOTTA DAN IR-REGOLAMENT:

Artikolu 1

L-Anness IX għar-Regolament (UE) Nru 267/2012 huwa emendat kif indikat fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fid-data wara dik tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-18 ta' April 2016.

Għall-Kunsill

Il-President

F. MOGHERINI

(1)  ĠU L 88, 24.3.2012, p. 1.

ANNESS

L-entrata li ġejja tiddaħħal fil-parti I.B tal-Anness IX għar-Regolament (UE) Nru 267/2012 sat-22 ta' Ottubru 2016:

I.   Persuni u entitajiet involuti fl-attivitajiet nukleari jew tal-missili ballistiċi u persuni u entitajiet li jipprovdu appoġġ lill-Gvern tal-Iran.

B.   Entitajiet

 

Isem

Informazzjoni ta' identifikazzjoni

Raġunijiet

Data tal-inklużjoni fil-lista

“7a. (*)

Bank Saderat Iran (inklużi l-fergħat kollha) u s-sussidjarji:

Bank Saderat Tower, 43 Somayeh Ave, Tehran, Iran

Peress li ttratta ittri ta' kreditu tal-Organizzazzjoni tal-Industriji tad-Difiża (DIO) f'Marzu 2009, il-Bank Saderat kiser id-dispożizzjonijiet tal-UNSCR 1737 li indikat id-DIO u għalhekk kienet teħtieġ l-iffriżar ta' fondi, assi finanzjarji u riżorsi ekonomiċi tagħha, u pprojbixxiet li jsiru disponibbli għaliha xi wieħed minn dawn. Billi ttrattat dawk l-ittri ta' kreditu, il-Bank Saderat assista wkoll lid-DIO fil-ksur tal-projbizzjoni li tinsab fil-UNSCR 1747 dwar l-akkwist u l-għoti mill-Iran ta' kwalunkwe arma u materjal relatat.

 

(a)

Bank Saderat PLC (London)

5 Lothbury, London, EC2R 7 HD, Renju Unit

Sussidjarja 100 % proprjetà tal-Bank Saderat

 

(*)  F'konformità mar-Regolament ta' Implimentazzjoni tal-Kunsill (UE) 2016/603, din l-entrata għandha tapplika sat-22 ta' Ottubru 2016.”

Top