Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32016R0534

Regolament ta' Implimentazzjoni tal-Kummissjoni (UE) 2016/534 tal-31 ta' Marzu 2016 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

C/2016/2043

ĠU L 89, 6.4.2016, p. 6–7 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2016/534/oj

Date of document:
31/03/2016; Data ta' adozzjoni
Date of effect:
26/04/2016; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea
Responsible body:
Directorate-General for Taxation and Customs Union, TAXUD
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 31987R2658 Żieda anness I P. II kapitolu 4 NOTE 3 26/04/2016
Modifies 31987R2658 Żieda anness I P. II kapitolu 4 NOTE 4 26/04/2016
Instruments cited:
Link

6.4.2016   

MT

Il-Ġurnal Uffiċjali tal-Unjoni Ewropea

L 89/6

REGOLAMENT TA' IMPLIMENTAZZJONI TAL-KUMMISSJONI (UE) 2016/534

tal-31 ta' Marzu 2016

li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u b'mod partikolari l-Artikolu 9(1)(a) tiegħu,

Billi:

(1)

Ir-Regolament (KEE) Nru 2658/87 stabbilixxa nomenklatura tal-oġġetti (minn hawn 'il quddiem imsejħa n-“Nomenklatura Magħquda”), li hija stabbilita fl-Anness I ta' dak ir-Regolament.

(2)

Il-prodotti tal-ħalib tal-Kapitolu 4 jinkludu l-permeati tal-prodotti tal-ħalib, li huma prodotti tal-ħalib ikkaratterizzati minn kontenut kbir ta' lattożju li jinkisbu bit-tneħħija tax-xaħmijiet u tal-proteini tal-ħalib mill-ħalib, mix-xorrox, mill-krema u/jew mix-xorrox ħelu tal-butir u/jew minn materja prima simili permezz tal-ultrafiltrazzjoni jew ta' tekniki tal-ipproċessar oħrajn.

(3)

Hemm ideat diverġenti dwar il-klassifikazzjoni tal-permeati tax-xorrox u tal-ħalib taħt is-sottointestaturi tal-intestatura 0404. Għaldaqstant, fl-interess taċ-ċertezza legali, jeħtieġ li jiġi ċċarat il-kamp ta' applikazzjoni tas-sottointestaturi 0404 10 u 0404 90 dwar dawn il-prodotti.

(4)

Id-distinzjoni bejn “permeat tax-xorrox” u “permeat tal-ħalib” tista' ssir permezz tas-sejba jew tan-nuqqas ta' sejba ta' sustanzi li huma assoċjati mal-produzzjoni tax-xorrox. Għalhekk għandu jintuża dan il-kriterju, flimkien ma' kriterju organolettiku, biex issir distinzjoni bejn il-permeati tax-xorrox u dawk tal-ħalib.

(5)

Is-sottointestatura 0404 10 għandha tinkludi “il-permeat tax-xorrox” li huwa prodott li ġeneralment ikollu riħa kemmxejn qarsa, li jinkiseb permezz tal-ultrafiltrazzjoni tax-xorrox jew ta' taħlitiet tal-kostitwenti naturali tax-xorrox. Il-klassifikazzjoni tal-permeati tal-prodotti tal-ħalib f'dik is-sottointestatura għandha tiddependi mill-preżenza ta' sustanzi assoċjati mal-produzzjoni tax-xorrox (eż. l-aċidu lattiku, il-lattati u l-glikomakropeptidi) fil-prodott.

(6)

Is-sottointestatura 0404 90 għandha tinkludi “il-permeat tal-ħalib”, li huwa prodott li jinkiseb permezz tal-ultrafiltrazzjoni tal-ħalib, u li ġeneralment ikollu riħa ta' ħalib. Il-klassifikazzjoni tal-permeati tal-prodotti tal-ħalib f'dik is-sottointestatura għandha tiddependi mil-livell limitat tal-kwantità ta' sustanzi assoċjati mal-produzzjoni tax-xorrox f'dak il-prodott, jew min-nuqqas ta' dawn is-sustanzi.

(7)

Il-metodu ta' referenza għas-sejba tal-aċidu lattiku u tal-lattati (il-metodu ISO 8069:2005) huwa previst fil-Parti A tal-Anness I tar-Regolament tal-Kummissjoni (KE) Nru 273/2008 (2) u l-metodu ta' referenza biex jinsab ix-xorrox tal-kimożina (jiġifieri l-preżenza ta' makropeptidi tal-kaseina, bħalma huma l-glikomakropeptidi) huwa stabbilit fl-Anness XII ta' dak ir-Regolament. Dawk il-metodi għandhom jintużaw ukoll għall-klassifikazzjoni korretta tal-prodotti li jikkonċerna dan ir-Regolament.

(8)

Biex tkun assigurata l-klassifikazzjoni korretta tal-prodotti kkonċernati, għandhom jiddaħħlu Noti Addizzjonali ġodda fil-Kapitolu 4 tat-Tieni Parti tan-Nomenklatura Magħquda biex l-interpretazzjoni tagħha żgur tkun uniformi madwar l-Unjoni.

(9)

Għalhekk, ir-Regolament (KEE) Nru 2658/87 għandu jiġi emendat skont dan.

(10)

Il-Kumitat dwar il-Kodiċijiet tad-Dwana ma ħariġx opinjoni fil-limitu taż-żmien stipulat mill-President tiegħu,

ADOTTAT DAN IR-REGOLAMENT:

Artikolu 1

Fil-Kapitolu 4 tat-Tieni Parti tan-Nomenklatura Magħquda stabbilita fl-Anness I tar-Regolament (KEE) Nru 2658/87, jiddaħħlu n-Noti Addizzjonali 3 u 4 li ġejjin:

“3.

Il-prodotti tal-ħalib tal-Kapitolu 4 jinkludu l-permeati tal-prodotti tal-ħalib, li huma prodotti tal-ħalib ikkaratterizzati minn kontenut kbir ta' lattożju li jinkisbu bit-tneħħija tax-xaħmijiet u tal-proteini tal-ħalib mill-ħalib, mix-xorrox, mill-krema u/jew mix-xorrox ħelu tal-butir u/jew minn materja prima simili permezz tal-ultrafiltrazzjoni jew ta' tekniki tal-ipproċessar oħrajn.

4.

Għall-għanijiet tas-sottointestaturi 0404 10 u 0404 90 japplika dan li ġej:

 

Tista' ssir distinzjoni analitika bejn il-permeat tal-ħalib u l-permeat tax-xorrox permezz tas-sejba ta' sustanzi (bħall-aċidu lattiku, il-lattati u l-glikomakropeptidi) li huma assoċjati mal-produzzjoni tax-xorrox.

 

Is-sottointestatura 0404 10 tinkludi “il-permeat tax-xorrox”, prodott li ġeneralment ikollu riħa kemmxejn qarsa, li jinkiseb permezz tal-ultrafiltrazzjoni jew ta' tekniki oħrajn tal-ipproċessar, mix-xorrox jew minn taħlitiet tal-kostitwenti naturali tax-xorrox.

 

Is-sejba ta' sustanzi assoċjati mal-produzzjoni tax-xorrox (eż. l-aċidu lattiku, il-lattati u l-glikomakropeptidi) hija kundizzjoni għall-klassifikazzjoni tal-permeati tax-xorrox f'dik is-sottointestatura.

 

Is-sottointestatura 0404 90 tinkludi “il-permeat tal-ħalib”, prodott li ġeneralment ikollu riħa ta' ħalib, li jinkiseb permezz tal-ultrafiltrazzjoni jew ta' tekniki oħrajn tal-ipproċessar, mill-ħalib. Il-kundizzjonijiet biex il-permeati tal-ħalib jiġu kklassifikati taħt is-sottointestatura 0404 90 huma livell ta' kwantità limitata tal-aċidu lattiku u ta' lattati, jew ta' nuqqas tagħhom (massimu ta' 0,1 % fil-piż tal-permeati tal-ħalib tat-trab, u massimu ta' 0,015 % fil-piż tal-permeati tal-ħalib likwidu) u n-nuqqas ta' glikomakropeptidi.

 

Il-metodu li għandu jintuża biex jinstabu l-lattati għandu jkun il-metodu ISO 8069:2005, u l-metodu biex jinstab ix-xorrox tal-kimożina (jiġifieri l-preżenza ta' makropeptidi tal-kaseina, bħalma huma l-glikomakropeptidi) għandu jkun il-metodu stabbilit fl-Anness XII tar-Regolament tal-Kummissjoni (KE) Nru 273/2008 (*).

Artikolu 2

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, il-31 ta' Marzu 2016.

Għall-Kummissjoni,

F'isem il-President,

Stephen QUEST

Direttur Ġenerali għat-Tassazzjoni u l-Unjoni Doganali

(1)  ĠU L 256, 7.9.1987, p. 1.

(2)  Ir-Regolament tal-Kummissjoni (KE) Nru 273/2008 tal-5 ta' Marzu 2008 li jistipula r-regoli dettaljati għall-applikazzjoni tar-Regolament tal-Kunsill (KE) Nru 1255/1999 fir-rigward ta' metodi għall-analiżi u għall-evalwazzjoni tal-kwalità tal-ħalib u tal-prodotti tal-ħalib (ĠU L 88, 29.3.2008, p. 1).

Top