This document is an excerpt from the EUR-Lex website
Document 32016R0314
Commission Regulation (EU) 2016/314 of 4 March 2016 amending Annex III to Regulation (EC) No 1223/2009 of the European Parliament and of the Council on cosmetic products (Text with EEA relevance)
Regolament tal-Kummissjoni (UE) 2016/314 tal-4 ta' Marzu 2016 li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
Regolament tal-Kummissjoni (UE) 2016/314 tal-4 ta' Marzu 2016 li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE)
C/2016/1293
ĠU L 60, 5.3.2016, p. 59–61
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 32009R1223 | Emenda | anness III Test | 25/03/2016 |
Relation | Act | Comment | Subdivision concerned | From | To |
---|---|---|---|---|---|
Corrected by | 32016R0314R(01) | ||||
Corrected by | 32016R0314R(02) | (FR) |
5.3.2016 |
MT |
Il-Ġurnal Uffiċjali tal-Unjoni Ewropea |
L 60/59 |
REGOLAMENT TAL-KUMMISSJONI (UE) 2016/314
tal-4 ta' Marzu 2016
li jemenda l-Anness III tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta' Novembru 2009 dwar il-prodotti kożmetiċi (1), u b'mod partikolari l-Artikolu 31(1) tiegħu,
Billi:
(1) |
Is-sustanza dietilenglikol monoetiletere (DEGEE) bl-isem INCI etossidiglikol li tintuża fi prodotti kożmetiċi għadha mhix regolata skont ir- Regolament (KE) Nru 1223/2009. |
(2) |
Id-DEGEE kienet is-suġġett ta' valutazzjoni tar-riskju magħmula minn Franza fuq il-bażi li Franza ddeċidiet (2) li hija sikura għall-konsumatur, meta tintuża f'konċentrazzjoni ta' mhux aktar minn 1,5 % fil-prodotti kożmetiċi kollha ħlief il-prodotti għall-iġjene orali. Din id-deċiżjoni ġiet innotifikata lill-Kummissjoni u l-Istati Membri b'konformità mal-Artikolu 12 tad-Direttiva tal-Kunsill 76/768/KEE (3). B'riżultat ta' dan, il-Kummissjoni tat mandat lill-Kumitat Xjentifiku dwar il-Prodotti tal-Konsum (Scientific Committee on Consumer Products/SCCP) biex jagħti opinjoni dwar is-sikurezza ta' kull glikoletere ristrett bid-deċiżjoni Franċiża. |
(3) |
L-SCCP, li wara ħadlu postu il-Kumitat Xjentifiku dwar is-Sikurezza tal-Konsumatur (Scientific Committee on Consumer Safety/SCCS), skont id-Deċiżjoni tal-Kummissjoni 2008/721/KE (4), adotta opinjonijet xjentifiċi dwar id-DEGEE, fid-19 ta' Diċembru 2006 (5), fis-16 ta' Diċembru 2008 (6), fil-21 ta' Settembru 2010 (7) u fis-26 ta' Frar 2013 (8). |
(4) |
L-SCCS ikkonkluda li l-użu tad-DEGEE f'formulazzjonijiet ossidattivi taż-żebgħa tax-xagħar f'konċentrazzjoni massima ta' 7 % w/w, f'formulazzjonijiet taż-żebgħa tax-xagħar mhux ossidativi f'konċentrazzjoni massima ta' 5 % w/w u fi prodotti li jitlaħalħu f'konċentrazzjoni massima ta' 10 % w/w ma jagħtix lok għal riskju għas-saħħa tal-konsumaturi. L-SCCS ikkonkluda li l-użu tad-DEGEE ma jagħtix lok għal riskju għas-saħħa tal-konsumaturi f'konċentrazzjoni massima ta' 2,6 % w/w fi prodotti kożemtiċi oħra mhux fl-għamla ta' sprej u fil-prodotti tal-isprej li ġejjin: fwejjaħ fini, sprejs tax-xagħar, antiperspiranti u deodoranti. Madankollu, l-użu tad-DEGEE fil-prodotti tal-iġjene orali u tal-għajnejn ma ġiex evalwat mill-SCCS u allura ma jistax jitqies sikur għall-konsumaturi. |
(5) |
Fid-dawl ta' dawk l-opinjonijiet tal-SCCS, il-Kummissjoni tqis li n-nuqqas ta' regolamentazzjoni tad-DEGEE iqajjem riskju potenzjali għas-saħħa tal-bniedem. |
(6) |
Ir-Regolament (KE) Nru 1223/2009 għandu għalhekk jiġi emendat skont dan. |
(7) |
L-applikazzjoni tar-restrizzjonijiet imsemmija hawn fuq għandha tiġi ddiferita biex l-industrija tkun tista' tagħmel l-aġġustamenti meħtieġa fil-formulazzjonijiet tal-prodott. B'mod partikolari, wara d-dħul fis-seħħ ta' dan ir-Regolament l-impriżi għandhom jingħataw tnax-il xahar biex iqiegħdu fis-suq prodotti li huma konformi u biex ineħħu mis-suq prodotti li mhumiex konformi. |
(8) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DAN IR-REGOLAMENT:
Artikolu 1
L-Anness III tar-Regolament (KE) Nru 1223/2009 huwa emendat skont l-Anness ta' dan ir-Regolament.
Artikolu 2
Mill-25 ta' Marzu 2017 il-prodotti kożmetiċi biss li jikkonformaw ma' dan ir-Regolament għandhom jitqiegħdu fis-suq tal-Unjoni.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Marzu 2016.
Għall-Kummissjoni
Il-President
Jean-Claude JUNCKER
(1) ĠU L 342, 22.12.2009, p. 59.
(2) Ministère de la Santé et des Solidarités (Il-Ministeru Franċiż tas-Saħħa u s-Solidarjetà). Décision du 23 novembre 2005 soumettant à des conditions particulières et à des restrictions la fabrication, le conditionnement, l'importation, la distribution en gros, la mise sur le marché à titre gratuit ou onéreux, la détention en vue de la vente ou de la distribution à titre gratuit ou onéreux et l'utilisation de produits cosmétiques contenant certains éthers de glycol, Journal officiel, nru 291 tal-15 ta' Diċembru 2005, http://www.journal-officiel.gouv.fr/frameset.html.
(3) Id-Direttiva tal-Kunsill 76/768/KEE tas-27 ta' Lulju 1976 dwar l-approssimazzjoni tal-liġijiet tal-Istati Membri li għandhom x'jaqsmu mal-prodotti kosmetiċi (ĠU L 262, 27.9.1976, p. 169).
(4) Id-Deċiżjoni tal-Kummissjoni 2008/721/KE tal-5 ta' Settembru 2008 li twaqqaf Struttura Konsultattiva ta' Kumitati Xjentifiċi u esperti fil-qasam tas-sigurtà tal-konsumatur, is-saħħa pubblika u l-ambjent u li tirrevoka d-Deċiżjoni 2004/210/KE (ĠU L 241, 10.9.2008, p. 21).
(5) SCCP/1044/06, http://ec.europa.eu/health/ph_risk/committees/04_sccp/docs/sccp_o_082.pdf.
(6) SCCP/1200/08, http://ec.europa.eu/health/ph_risk/committees/04_sccp/docs/sccp_o_161.pdf.
(7) SCCS/1316/10, http://ec.europa.eu/health/scientific_committees/consumer_safety/docs/sccs_o_039.pdf.
(8) SCCS/1507/13, http://ec.europa.eu/health/scientific_committees/consumer_safety/docs/sccs_o_119.pdf.
ANNESS
Fl-Anness III tar-Regolament (KE) Nru 1223/2009, tiżdied l-annotazzjoni li ġejja:
Ref Nru |
Identifikazzjoni tas-sustanza |
Restrizzjonijiet |
Il-kliem li għandu jintuża fil-kondizzjonijiet tal-użu u fit-twissijiet |
|||||||||||||
Isem kimiku/INN |
Isem tal-Glossarju ta' Ingredjenti Komuni |
Numru CAS |
Numru KE |
Tip ta' prodott, partijiet tal-ġisem |
Konċentrazzjoni massima fi preparazzjoni lesta għall-użu |
Oħrajn |
|
|||||||||
a |
b |
c |
d |
e |
f |
g |
h |
i |
||||||||
“x |
2-(2-etossietossi)etanol Dietilenglikol monoetiletere (DEGEE) |
Ethoxydiglycol |
111-90-0 |
203-919-7 |
|
|
(a) sa (e)
|
|
||||||||
|
|
|||||||||||||||
|
|
|||||||||||||||
|
|
|||||||||||||||
|
|