This document is an excerpt from the EUR-Lex website
Document 32015R1897
Commission Implementing Regulation (EU) 2015/1897 of 21 October 2015 amending Commission Regulation (EC) No 2056/2001 as regards the landing obligation
Regolament ta' Implimentazzjoni tal-Kummissjoni (UE) 2015/1897 tal-21 ta' Ottubru 2015 li jemenda r-Regolament (KE) Nru 2056/2001 fir-rigward tal-obbligu ta' ħatt l-art
Regolament ta' Implimentazzjoni tal-Kummissjoni (UE) 2015/1897 tal-21 ta' Ottubru 2015 li jemenda r-Regolament (KE) Nru 2056/2001 fir-rigward tal-obbligu ta' ħatt l-art
ĠU L 277, 22.10.2015, p. 11–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 21/10/2015; Data ta' adozzjoni
- Date of effect:
- 11/11/2015; Dħul fis-seħħ Data tal-pubblikazzjoni +20 Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 31998R0850 - A48
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32001R2056 Tlestija artikolu 2 punt 3 11/11/2015 Modifies 32001R2056 Żieda artikolu 9a 11/11/2015 - Instruments cited:
- Link
- EUROVOC descriptor:
- Subject matter:
- Directory code:
-
- 04.10.30.00 Il-qasam tas-sajd / Politika komuni tas-sajd / Konservazzjoni tar-riżorsi
|
22.10.2015 |
MT |
Il-Ġurnal Uffiċjali tal-Unjoni Ewropea |
L 277/11 |
REGOLAMENT TA' IMPLIMENTAZZJONI TAL-KUMMISSJONI (UE) 2015/1897
tal-21 ta' Ottubru 2015
li jemenda r-Regolament (KE) Nru 2056/2001 fir-rigward tal-obbligu ta' ħatt l-art
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 850/98 tat-30 ta' Marzu 1998 dwar il-konservazzjoni ta' riżorsi tas-sajd permezz ta' miżuri tekniċi għall-protezzjoni ta' żgħar ta' organiżmi tal-baħar (1), u b'mod partikolari l-Artikolu 48 tiegħu,
Billi:
|
(1) |
Ir-Regolament (UE) Nru 1380/2013 tal-Parlament Ewropew u tal-Kunsill (2) stabbilixxa bħala wieħed mill-għanijiet tiegħu l-eliminazzjoni gradwali tal-iskartar permezz tal-introduzzjoni tal-obbligu ta' ħatt l-art għal qabdiet ta' speċijiet soġġetti għal limiti ta' qbid. Ċerti dispożizzjonijiet tar-Regolament tal-Kummissjoni (KE) Nru 2056/2001 (3) li jistabbilixxi miżuri tekniċi addizzjonali għall-irkupru tal-ħażniet ta' merluzz fil-Baħar tat-Tramuntana u l-Punent tal-Iskozja jobbligaw lis-sajjieda jiskartaw il-ħut. Sabiex jitneħħew l-inkompatibbiltajiet bejn dak ir-Regolament u l-obbligu ta' ħatt l-art, u biex l-obbligu ta' ħatt l-art isir operazzjonali, dawk id-dispożizzjonijiet għandhom jiġu emendati. |
|
(2) |
B'mod partikolari, sabiex tiġi żgurata l-implimentazzjoni tal-obbligu ta' ħatt l-art, ir-Regolament (KE) Nru 2056/2001 għandu jiġi emendat billi jirrikjedi li l-qabdiet mhux intenzjonati kollha ta' organiżmi tal-baħar ta' speċijiet soġġetti għall-obbligu ta' ħatt l-art u li jinqabdu b'eċċess tal-limiti tal-kompożizzjoni tal-qabda għandhom jinħattu l-art, jingħaddu u jitnaqqsu mill-kwoti. |
|
(3) |
Il-miżuri stipulati f'dan ir-Regolament huma skont l-opinjoni tal-Kumitat għas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2056/2001 huwa emendat kif ġej:
|
(1) |
Fl-Artikolu 2, jiżdied il-punt 3 li ġej:
(*) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).”" |
|
(2) |
Jiddaħħal l-Artikolu 9a li ġej: “Artikolu 9a Fejn organiżmi tal-baħar ta' speċi soġġetta għall-obbligu tal-ħatt l-art jinqabdu b'eċċess tal-perċentwali jew tal-kwantitajiet permessi speċifikati fl-Artikolu 4(1), sa (6), fl-Artikolu (5)2, fl-Artikolu 6(2), fl-Artikolu 7 u fl-Artikolu 8 ta' dan ir-Regolament, għandu japplika l-Artikolu 15 tar-Regolament (UE) Nru 1380/2013. Dawk il-qabdiet mhux intenzjonati għandhom jinħattu l-art, jingħaddu u jitnaqqsu mill-kwoti. Qabdiet mhux intenzjonati ta' dan it-tip m'għandhomx jitqiesu bħala li jirrappreżentaw ksur tad-dispożizzjoniiet dwar il-perċentwali permessi tal-kompożizzjoni tal-qabda speċifikati f'dawk l-Artikoli.” |
Artikolu 2
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta' Ottubru 2015.
Għall-Kummissjoni
Il-President
Jean-Claude JUNCKER
(1) ĠU L 125, 27.4.1998, p. 1.
(2) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(3) Ir-Regolament tal-Kummissjoni (KE) Nru 2056/2001 tad-19 ta' Ottubru 2001 li jistabbilixxi miżuri tekniċi addizzjonali għall-irkupru tal-ħażniet ta' merluzz fil-Baħar tat-Tramuntana u l-Punent tal-Iskozja (ĠU L 277, 20.10.2001, p. 13).
