This document is an excerpt from the EUR-Lex website
Document 32015R0753
Regulation (EU) 2015/753 of the European Parliament and of the Council of 29 April 2015 on the import into the Union of agricultural products originating in Turkey (codification)
Regolament (UE) 2015/753 tal-Parlament Ewropew u tal-Kunsill tad-29 ta' April 2015 dwar l-importazzjoni fl-Unjoni ta' prodotti agrikoli li ġejjin mit-Turkija (kodifikazzjoni)
Regolament (UE) 2015/753 tal-Parlament Ewropew u tal-Kunsill tad-29 ta' April 2015 dwar l-importazzjoni fl-Unjoni ta' prodotti agrikoli li ġejjin mit-Turkija (kodifikazzjoni)
ĠU L 123, 19.5.2015, p. 23–26
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Repeal | 31998R0779 | 08/06/2015 | |||
Implicit repeal | 32014R0255 | Revoka parzjali | artikolu 2 | 09/06/2015 | |
Modifies | 32014R0255 | Tħassir | artikolu 2 | 08/06/2015 |
19.5.2015 |
MT |
Il-Ġurnal Uffiċjali tal-Unjoni Ewropea |
L 123/23 |
REGOLAMENT (UE) 2015/753 TAL-PARLAMENT EWROPEW U TAL-KUNSILL
tad-29 ta' April 2015
dwar l-importazzjoni fl-Unjoni ta' prodotti agrikoli li ġejjin mit-Turkija
(Kodifikazzjoni)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw t-Trattat dwar il-Funzjonament tal-Unjoni Ewropea, u b'mod partikolari l-Artikolu 207(2) tiegħu,
Wara li kkunsidraw l-proposta mressqa mill-Kummissjoni,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Filwaqt li jaġixxu skont il-proċedura leġiżlattiva ordinarja (2),
Billi:
(1) |
Ir-Regolament tal-Kunsill (KE) Nru 779/98 (3) ġie emendat b'mod sostanzjali (4). Għal iktar ċarezza u razzjonalità, dak ir-Regolament għandu jiġu kkodifikat. |
(2) |
Id-Deċiżjoni Nru 1/98 tal-Assoċjazzjoni tal-Kunsill KE-Turkija (5) jistabbilixxi s-sistema ta' preferenzi li japplikaw fir-rigward ta' importazzjonijiet fl- Unjoni ta' prodotti agrikoli li ġejjin mit-Turkija. |
(3) |
Billi, fil-każ ta' prodotti li għalihom ir-Regolamenti tal-Unjonijeħtieġu li ċertu prezz ta' importazzjoni jkun osservata, l-applikazzjoni tas-sistema ta' tariffi preferenzjali hija soġġetta għall-osservanza ta' dak il-prezz. |
(4) |
Biex ikunu żgurati kundizzjonijiet uniformi għall-implimentazzjoni ta' dan ir-Regolament, għandhom jingħataw setgħat ta' implimentazzjoni lill-Kummissjoni. Dawk is-setgħat għandhom ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (6), |
ADDOTTAW DAN IR-REGOLAMENT:
Artikolu 1
Il-Kummissjoni għandha, permezz ta' atti ta' implimentazzjoni, tadotta regoli meħtieġa għall-applikazzjoni tal-iskema ta' importazzjoni għall-prodotti elenkati fl-Anness I għat-Trattat dwar il-Funzjonament tal-Unjoni Ewropea li joriġinaw mit-Turkija u li jiġu importati fl-Unjoni skont il-kundizzjonijiet stipulati fid-Deċiżjoni Nru 1/98 tal-Kunsill tal-Assoċjazzjoni KE-Turkija. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 3(2) ta' dan ir-Regolament.
Artikolu 2
1. Fil-każ ta' prodotti li għalihom ir-Regolamenti tal-Unjoni jeħtieġu li ċertu prezz ta' importazzjoni jkun osservat, l-applikazzjoni tas-sistema ta' tariffi preferenzjali hija soġġetta għall-osservanza ta' dak il-prezz.
2. Fil-każ ta' prodotti tas-sajd li għalihom ġie stabbilit prezz ta' riferenza, l-applikazzjonitat-tariffa preferenzjali għandha tkun soġġetta għall-osservanza ta' dak il-prezz.
Artikolu 3
1. Il-Kummissjoni għandha tkun megħjuna mill-Kumitat għall-Organizzazzjoni Komuni tas-Swieq Agrikoli stabbilit bl-Artikolu 229 tar-Regolament (UE) Nru 1308/2013 tal-Parlament Ewropew u tal-Kunsill (7). Dak il-Kumitat għandu jkun kumitat skont it-tifsira tar-Regolament (UE) Nru 182/2011.
2. Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.
3. Meta l-opinjoni tal-Kumitat għandha tinkiseb bi proċedura bil-miktub, dik il-proċedura għandha tintemm mingħajr riżultat jekk, fil-limitu ta' żmien għall-għoti tal-opinjoni, il-president tal-Kumitat jiddeċiedi hekk, jew mill-inqas kwart tal-membri tal-kumitat jitolbu hekk.
Artikolu 4
Ir-Regolament (KE) Nru 779/98 huwa mħassar.
Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta' korrelazzjoni fl-Anness II.
Artikolu 5
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, id-29 ta' April 2015.
Għall-Parlament Ewropew
Il-President
M. SCHULZ
Għall-Kunsill
Il-President
Z. KALNIŅA-LUKAŠEVICA
(1) Opinjoni tal-10 ta' Diċembru 2014 (għadha ma ġietx ippubblikata fil-Ġurnal Uffiċjali).
(2) Pożizzjoni tal-Parlament Ewropew tal-11 ta' Marzu 2015 (għadha ma ġietx ippubblikata fil-Ġurnal Uffiċjali) u d-deċiżjoni tal-Kunsill tal-20 ta' April 2015.
(3) Regolament tal-Kunsill (KE) Nru 779/98 tas-7 ta' April 1998 fuq l-importazzjoni fil-komunità ta' prodotti agrikoli li ġejjin mit-Turkija, li jħassar ir-Regolament (KEE) Nru 4115/86 u jemenda r-Regolament (KE) Nru 3010/95 (ĠU L 113, 15.4.1998, p. 1).
(4) Ara l-Anness I.
(5) Deċiżjoni Nru 1/98 tal-Assoċjazzjoni tal-Kunsill KE-Turkija tal-25 ta' Frar 1998 fuq ir-reġim tan-negozju għall-prodotti agrikoli (ĠU L 86, 20.3.1998, p. 1).
(6) Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet għall-kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (ĠU L 55, 28.2.2011, p. 13).
(7) Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
ANNESS I
Regolament imħassar flimkien mal-emenda tiegħu
Regolament tal-Kunsill (KE) Nru 779/98 |
|
Regolament (UE) Nru 255/2014 tal-Parlament Ewropew u tal-Kunsill |
Artikolu 2 biss |
ANNESS II
Tabella ta' Korrelazzjoni
Regolament (KE) Nru 779/98 |
Dan ir-Regolament |
Artikolu 1 |
Artikolu 1 |
Artikolu 2, l-ewwel paragrafu |
Artikolu 2(1) |
Artikolu 2, it-tieni paragrafu |
Artikolu 2(2) |
Artikolu 2a |
Artikolu 3 |
Artikolu 3 |
— |
Artikolu 4 |
— |
— |
Artikolu 4 |
Artikolu 5 |
Artikolu 5 |
— |
Anness I |
— |
Anness II |