This document is an excerpt from the EUR-Lex website
Document 32015R0160
Commission Delegated Regulation (EU) 2015/160 of 28 November 2014 amending Delegated Regulation (EU) No 907/2014 supplementing Regulation (EU) No 1306/2013 of the European Parliament and of the Council with regard to paying agencies and other bodies, financial management, clearance of accounts, securities and use of euro
Regolament ta' Delega tal-Kummissjoni (UE) 2015/160 tat- 28 ta' Novembru 2014 li jemenda r-Regolament ta' Delega tal-Kummissjoni (UE) Nru 907/2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill rigward l-aġenziji tal-pagamenti u korpi oħra, il-ġestjoni finanzjarja, l-approvazzjoni tal-kontijiet, il-garanziji u l-użu tal-euro
Regolament ta' Delega tal-Kummissjoni (UE) 2015/160 tat- 28 ta' Novembru 2014 li jemenda r-Regolament ta' Delega tal-Kummissjoni (UE) Nru 907/2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill rigward l-aġenziji tal-pagamenti u korpi oħra, il-ġestjoni finanzjarja, l-approvazzjoni tal-kontijiet, il-garanziji u l-użu tal-euro
ĠU L 27, 3.2.2015, p. 7–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2022; Impliċitament imħassar minn 32022R0127
Relation | Act | Comment | Subdivision concerned | From | To |
---|---|---|---|---|---|
Modifies | 32014R0907 | Żieda | artikolu 5.3 BI | 10/02/2015 | |
Modifies | 32014R0907 | Sostituzzjoni | artikolu 12.8 | 10/02/2015 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32022R0127 | 01/01/2023 |
3.2.2015 |
MT |
Il-Ġurnal Uffiċjali tal-Unjoni Ewropea |
L 27/7 |
REGOLAMENT TA' DELEGA TAL-KUMMISSJONI (UE) 2015/160
tat-28 ta' Novembru 2014
li jemenda r-Regolament ta' Delega tal-Kummissjoni (UE) Nru 907/2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill rigward l-aġenziji tal-pagamenti u korpi oħra, il-ġestjoni finanzjarja, l-approvazzjoni tal-kontijiet, il-garanziji u l-użu tal-euro
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta' Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b'mod partikolari l-Artikolu 40 u 53(3) tiegħu,
Billi:
(1) |
L-Artikolu 5 tar-Regolament ta' Delega tal-Kummissjoni (UE) Nru 907/2014 (2) jistabbilixxi l-kundizzjonijiet li skonthom u skont il-prinċipju tal-proporzjonalità, l-infiq li jsir wara l-limiti ta' żmien għall-pagamenti huwa kkunsidrat bħala eliġibbli għall-pagamenti tal-Unjoni. |
(2) |
Għal raġunijiet ta' ċertezza u ċarezza legali, huwa neċessarju li mad-dispożizzjoniet diġà stabbiliti fl-Artikolu 5 tar-Regolament ta' Delega (UE) Nru 907/2014 jiżdiedu l-kundizzjonijiet li għandhom japplikaw għall-pagamenti diretti li saru fis-sena finanzjarja 2015 kif stipulat fir-Regolament tal-Kunsill (KE) Nru 73/2009 (3). Għal dak il-għan, huwa meħtieġ li b'mod partikolari ssir referenza għal-limiti massimi xierqa ffissati għall-Istati Membri fir-rigward tas-sena kalendarja 2014 fir-Regolament (KE) Nru 73/2009, li jiddistingwu bejn dawk l-Istati Membri li japplikaw l-Iskema ta' Pagament Uniku u dawk li japplikaw l-Iskema ta' Pagament Uniku skont l-Erja. Barra minn hekk biex tkun indirizzata s-sitwazzjoni speċifika fir-rigward tal-applikazzjoni ta' dixxiplina finanzjarja, għandha ssir referenza għad-dispożizzjonijiet tal-Artikolu 11 tar-Regolament (KE) Nru 73/2009 dwar il-pagamenti fir-rigward tas-sena kalendarja 2013 u għad-dispożizzjonijiet tal-Artikolu 26 tar-Regolament (UE) Nru 1306/2013 dwar il-pagamenti fir-rigward tas-sena kalendarja 2014. |
(3) |
Huwa meħtieġ li jiġi ċċarat il-punt 8 tal-Artikolu 12 tar-Regolament ta' Delega (UE) Nru 907/2014 minħabba li l-kliem fih jista', b'mod involontarju, iwassal lill-Kummissjoni biex tapplika livell ta' korrezzjoni b'rata fissa li jkun aktar baxx mir-riskju għall-baġit tal-Unjoni. Il-paragrafu 8 tal-Artikolu 12 ta' dak ir-Regolament għandu għalhekk jiġi riformulat biex jindika b'mod ċar li, meta l-elementi oġġettivi juru li l-ikbar telf għall-fondi huwa aktar baxx minn dak ta' telf li jirriżulta mill-applikazzjoni ta' rata fissa aktar baxxa minn dik proposta mill-Kummissjoni, il-Kummissjoni għandha tapplika dik ir-rata fissa aktar baxxa meta tiddeċiedi dwar l-ammonti li għandhom jiġu esklużi mill-finanzjament mill-Unjoni. |
(4) |
Għaldaqstant, ir-Regolament ta' Delega (UE) Nru 907/2014 għandu jkun emendat skont dan, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 907/2014 huwa emendat kif ġej:
(1) |
Fl-Artikolu 5, għandu jiżdied il-paragrafu 3a li ġej: “3a. Permezz ta' deroga mill-paragrafu 2, matul is-sena finanzjarja 2015, fil-każ tal-pagamenti diretti elenkati fl-Anness I tar-Regolament tal-Kunsill (KE) Nru 73/2009, għandhom japplikaw il-kundizzjonijiet li ġejjin:
L-ammonti tar-rimborżi msemmija fl-Artikolu 26(5) tar-Regolament (UE) Nru 1306/2013 ma għandhomx jitqiesu biex jiġi vverifikat jekk ġietx imħarsal-kundizzjoni stipulata fil-punt (b) jew (c) tal-ewwel sottoparagrafu ta' dan il-paragrafu. (*) Ir-Regolament (UE) Nru 228/2013 tal-Parlament Ewropew u tal-Kunsill tat-13 ta' Marzu 2013 li jistabbilixxi miżuri speċifiċi għall-agrikoltura fir-reġjuni ultraperiferiċi tal-Unjoni u li jħassar ir-Regolament tal-Kunsill (KE) Nru 247/2006 (ĠU L 78, 20.3.2013, p. 23)." (**) Ir-Regolament (UE) Nru 229/2013 tal-Parlament Ewropew u tal-Kunsill tat-13 ta' Marzu 2013 li jistabbilixxi miżuri speċifiċi għall-agrikoltura favur il-gżejjer minuri fil-Baħar Eġew u li jħassar ir-Regolament tal-Kunsill (KE) Nru 1405/2006 (ĠU L 78, 20.3.2013, p. 41).”" |
(2) |
Fl-Artikolu 12, il-paragrafu 8 jinbidel b'dan li ġej: “8. Meta Stat Membru jissottometti ċerti elementi oġġettivi, li ma jissodisfawx ir-rekwiżiti stipulati fil-paragrafi 2 u 3 ta' dan l-Artikolu, iżda li juru li l-ikbar telf għall-fondi huwa limitat għal somma li tkun inqas minn dik li toħroġ mill-applikazzjoni tar-rata fissa proposta, il-Kummissjoni għandha tuża r-rata fissal-aktar baxxa biex tiddeċiedi l-ammonti li għandhom jitħallew barra mill-finanzjament tal-Unjoni skont l-Artikolu 52 tar-Regolament (UE) Nru 1306/2013.” |
Artikolu 2
Dan ir-Regolament jidħol fis-seħħ fis-seba' jum ta' wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmula fi Brussell, it-28 ta' Novembru 2014.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 549.
(2) Ir-Regolament ta' Delega tal-Kummissjoni (UE) Nru 907/2014 tal-11 ta' Marzu 2014 li jissupplimenta r-Regolament (UE) Nru 1306/2013 tal-Parlament Ewropew u tal-Kunsill rigward l-aġenziji tal-pagamenti u korpi oħra, il-ġestjoni finanzjarja, l-approvazzjoni tal-kontijiet, il-garanziji u l-użu tal-euro (ĠU L 255, 28.8.2014, p. 18).
(3) Ir-Regolament tal-Kunsill (KE) Nru 73/2009 tad-19 ta' Jannar 2009 li jistabbilixxi regoli komuni ta' appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta' appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka r-Regolament (KE) Nru 1782/2003 (ĠU L 30, 31.1.2009, p. 16).