Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015D1423

    Deċiżjoni ta' Implimentazzjoni tal-Kummissjoni (UE) 2015/1423 tal-21 ta' Awwissu 2015 dwar ċerti miżuri interim ta' protezzjoni kontra l-marda tal-infafet fil-ġilda fil-Greċja (notifikata bid-dokument C(2015) 6010) (Test b'rilevanza għaż-ŻEE)

    ĠU L 222, 25.8.2015, p. 7–8 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 06/09/2015; Imħassar b' 32015D1500

    ELI: http://data.europa.eu/eli/dec_impl/2015/1423/oj

    Date of document:
    21/08/2015; Data ta' adozzjoni
    Date of effect:
    24/08/2015; Jidħol fis-seħħ Data tan-notifika
    Date of notification:
    24/08/2015
    Date of end of validity:
    06/09/2015; Imħassar b' 32015D1500
    Author:
    Il-Kummissjoni Ewropea
    Form:
    Deċiżjoni implimentattiva
    Addressee:
    Il-Greċja
    Authentic language:
    Grieg
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modified by:
    Relation Act Comment Subdivision concerned From To
    Repealed by 32015D1500 07/09/2015
    Instruments cited:
    Link

    25.8.2015   

    MT

    Il-Ġurnal Uffiċjali tal-Unjoni Ewropea

    L 222/7

    DEĊIŻJONI TA' IMPLIMENTAZZJONI TAL-KUMMISSJONI (UE) 2015/1423

    tal-21 ta' Awwissu 2015

    dwar ċerti miżuri interim ta' protezzjoni kontra l-marda tal-infafet fil-ġilda fil-Greċja

    (notifikata bid-dokument C(2015) 6010)

    (It-test bil-Grieg biss huwa awtentiku)

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikulari l-Artikolu 9(3) tagħha,

    Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku, applikabbli għall-kummerċ intra-Kommunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikulari l-Artikolu 10(3) tagħha,

    Billi:

    (1)

    Il-marda tal-infafet fil-ġilda hija marda virali li primarjament tittieħed minn vettur tal-annimali bovini, ikkaratterizzata minn telfiet sinifikanti u bil-potenzjal li tinfirex sew, l-aktar permezz tal-annimali ħajjin u prodotti miksuba minn annimali infettati.

    (2)

    Id-Direttiva tal-Kunsill 92/119/KEE (3) tistabbilixxi miżuri ġenerali għall-kontroll ta' ċertu mard tal-annimali, inkluża l-marda tal-infafet fil-ġilda. Dawn jinkludu miżuri li għandhom jittieħdu f'każ ta' suspett u konferma tal-marda tal-infafet fil-ġilda.

    (3)

    Fl-20 ta' Awwissu 2015, l-awtoritajiet Griegi nnotifikaw lill-Kummissjoni b'żewġ tifqigħat tal-marda tal-infafet fil-ġilda f'azjendi bovini b'total ta' madwar 200 annimal bovin fil-prefettura ta' Feres, fl-unità reġjonali ta' Evros fil-Greċja.

    (4)

    Il-Greċja applikat il-miżuri xierqa fil-qafas tad-Direttiva 92/119/KEE, u stabbiliet żoni ta' protezzjoni u sorveljanza madwar it-tifqigħat f'konformità mal-Artikolu 10 ta' dik id-Direttiva.

    (5)

    Jeżisti r-riskju li l-vajrus tal-marda tal-infafet fil-ġilda jinxtered lejn żoni oħra tal-Greċja u lejn Stati Membri oħra, partikolarment permezz tal-kummerċ tal-annimali bovini ħajjin u s-semen tagħhom, il-moviment ta' ċerti ruminanti selvaġġi u t-tqegħid fis-suq ta' ċerti prodotti li ġejjin mill-annimali bovini.

    (6)

    Sabiex jiġi evitat it-tixrid tagħha lejn partijiet oħra tal-Greċja, lejn Stati Membri oħra u lejn pajjiżi terzi, huwa xieraq li l-moviment u d-dispaċċ ta' annimali bovini u s-semen tagħhom kif ukoll it-tqegħid fis-suq ta' ċertu prodotti tal-annimali mill-unità reġjonali ta' Evros jiġu projbiti.

    (7)

    Sakemm jiltaqa' l-Kumitat Permanenti dwar il-Katina Alimentari u s-Saħħa tal-Annimali u f'kollaborazzjoni mal-Istat Membru inkwistjoni, il-Kummissjoni għandha tieħu miżuri interim ta' protezzjoni marbuta mal-marda tal-infafet fil-ġilda fil-Greċja.

    (8)

    Is-sitwazzjoni għandha tiġi rieżaminata fil-laqgħa li jmiss tal-Kumitat Permanenti dwar il-Pjanti, l-Annimali, l-Ikel u l-Għalf, u l-miżuri jiġu adattati fejn meħtieġ.

    ADOTTAT DIN ID-DEĊIŻJONI:

    Artikolu 1

    1.   Il-Greċja għandha tipprojbixxi d-dispaċċ tal-prodotti li ġejjin mill-unità reġjonali ta' Evros lejn partijiet oħra tal-Greċja, lejn Stati Membri oħra u lejn pajjiżi terzi:

    (a)

    annimali bovini ħajjin u ruminanti selvaġġi;

    (b)

    semen ta' annimali bovini.

    2.   Il-Greċja għandha tipprojbixxi li l-prodotti li ġejjin mill-unità reġjonali ta' Evros jitqegħdu fis-suq barra mill-unità reġjonali ta' Evros:

    (a)

    laħam frisk prodott minn annimali bovini, u preparazzjonijiet tal-laħam u prodotti tal-laħam prodotti minn tali laħam frisk;

    (b)

    ħalib u prodotti tal-ħalib minn annimali bovini;

    (c)

    prodotti sekondarji mhux proċessati ta' annimali bovini, sakemm mhux destinati, taħt is-superviżjoni uffiċjali tal-awtorità kompetenti, għar-rimi f'impjant approvat fit-territorju tal-Greċja.

    Artikolu 2

    Din id-Deċiżjoni tapplika sat-30 ta' Settembru 2015.

    Artikolu 3

    Din id-Deċiżjoni hija indirizzata lir-Repubblika Ellenika.

    Magħmul fi Brussell, il-21 ta' Awwissu 2015.

    Għall-Kummissjoni

    Vytenis ANDRIUKAITIS

    Membru tal-Kummissjoni

    (1)  ĠU L 395, 30.12.1989, p. 13.

    (2)  ĠU L 224, 18.8.1990, p. 29.

    (3)  Id-Direttiva tal-Kunsill 92/119/KEE tas-17 ta' Diċembru 1992 li tintroduċi miżuri ġenerali Komunitarji għall-kontroll ta' ċertu mard tal-annimali u l-miżuri speċifiċi li għandhom x'jaqsmu mal-marda vexxikolari tal-ħnieżer (ĠU L 62, 15.3.1993, p. 69).

    Top