This document is an excerpt from the EUR-Lex website
Document 32015D0657
Commission Decision (EU) 2015/657 of 5 February 2013 on State aid granted by Germany and Austria to Bayerische Landesbank (Case SA.28487 (C 16/09, ex N 254/09)) (notified under document C(2013) 507) (Text with EEA relevance)
Deċiżjoni tal-Kummissjoni (UE) 2015/657 tal-5 ta' Frar 2013 dwar l-għajnuna mill-Istat mogħtija mill-Ġermanja u l-Awstrija lill-Bayerische Landesbank (il-Kawża SA. 28487 (C 16/09, ex N 254/09)) (notifikata bid-dokument C(2013) 507) (Test b'rilevanza għaż-ŻEE)
Deċiżjoni tal-Kummissjoni (UE) 2015/657 tal-5 ta' Frar 2013 dwar l-għajnuna mill-Istat mogħtija mill-Ġermanja u l-Awstrija lill-Bayerische Landesbank (il-Kawża SA. 28487 (C 16/09, ex N 254/09)) (notifikata bid-dokument C(2013) 507) (Test b'rilevanza għaż-ŻEE)
ĠU L 109, 28.4.2015, p. 1–43
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
28.4.2015 |
MT |
Il-Ġurnal Uffiċjali tal-Unjoni Ewropea |
L 109/1 |
DEĊIŻJONI TAL-KUMMISSJONI (UE) 2015/657
tal-5 ta' Frar 2013
dwar l-għajnuna mill-Istat mogħtija mill-Ġermanja u l-Awstrija lill-Bayerische Landesbank (il-Kawża SA. 28487 (C 16/09, ex N 254/09))
(notifikata bid-dokument C(2013) 507)
(It-test Ġermaniż biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 108(2) tiegħu,
Wara li kkunsidrat il-Ftehim dwar iż-Żona Ekonomika Ewropea, u b'mod partikolari l-Artikolu 62(1)(a) tiegħu,
Wara li stiednet lill-Istati Membri u lill-partijiet interessati l-oħra biex jippreżentaw il-kummenti tagħhom skont dawk id-dispożizzjonijiet (1),
Billi:
1. PROĊEDURA
(1) |
Fl-4 ta' Diċembru 2008, l-awtoritajiet Ġermaniżi nnotifikaw lill-Kummissjoni dwar miżuri biex jassistu lill-Bayerische Landesbank (“BayernLB” jew “il-bank”) fil-forma ta' tarka tar-riskju ta' EUR 4,8 biljun u injezzjoni ta' kapital ta' EUR 10 biljun. Permezz tad-Deċiżjoni tat-18 ta' Diċembru 2008 (“id-Deċiżjoni dwar is-Salvataġġ”, il-kawża Nru 615/08) il-Kummissjoni awtorizzat dawn il-miżuri fuq il-bażi tal-Artikolu 107(3)(b) tat-Trattat (2) għal perjodu ta' sitt xhur, jew, fil-każ li jkun ġie ppreżentat pjan ta' ristrutturar kredibbli u sostanzjat għall-bank matul dawk is-sitt xhur, sakemm il-Kummissjoni tilħaq deċiżjoni dwar il-pjan (3). |
(2) |
F'Diċembru 2008, il-kumpanija sussidjarja ta' BayernLB, Hypo Group Alpe Adria (“HGAA”) rċeviet EUR 700 miljun minn BayernLB, u EUR 900 miljun oħra f'kapital tal-Grad 1 mill-Awstrija fuq il-bażi tal-iskema Awstrijaka ta' emerġenza għas-sostenn tal-banek (4). Fuq il-bażi tal-istess skema Awstrijaka, HGAA rċeviet ukoll garanziji ta' EUR 1,35 biljun għall-ħruġ ta' bonds taħt programm ta' ħruġ ta' dejn. |
(3) |
Fid-29 ta' April 2009 il-Ġermanja nnotifikat pjan ta' ristrutturar għal BayernLB lill-Kummissjoni. Fl-istess data l-Awstrija ppreżentat pjan ta' vijabbiltà għal HGAA. |
(4) |
Permezz ta' ittra datata t-12 ta' Mejju 2009, il-Kummissjoni infurmat lill-Ġermanja u lill-Awstrija li kienet iddeċidiet li tibda l-proċedura stipulata fl-Artikolu 108(2) tat-Trattat dwar il-miżuri ta' assistenza lil BayernLB u lil HGAA: il-Kummissjoni kellha dubji dwar jekk l-għajnuna għar-ristrutturar lil BayernLB kinitx kompatibbli mas-suq intern, u b'mod partikolari jekk il-pjan ta' ristrutturar kienx probabbli li jirrestawra l-vijabbiltà ta' BayernLB (“id-deċiżjoni ta' ftuħ”) (5). Barra minn hekk, il-Kummissjoni staqsiet jekk HGAA kinitx b'saħħitha fil-bażi tagħha, u għalhekk kellha dubji dwar jekk l-għajnuna Awstrijaka lil HGAA kinitx kompatibbli mal-Artikolu 107(3)(b) tat-Trattat (6). |
(5) |
HGAA ġiet nazzjonalizzata fit-23 ta' Diċembru 2009. Dik il-miżura kienet awtorizzata mill-Kummissjoni f'deċiżjoni adottata fit-23 ta' Diċembru 2009 (“id-Deċiżjoni dwar is-Salvataġġ ta' HGAA”, il-kawżi C 16/09 u N 698/09) (7). Fl-istess deċiżjoni, il-Kummissjoni estendiet il-proċedimenti biex tinkludi l-għajnuna addizzjonali mogħtija mill-Awstrija lil HGAA li fl-opinjoni tal-Kummissjoni kellha tiġi kkunsidrata meta jiġi vvalutat il-pjan ta' ristrutturar għal BayernLB. Il-Kummissjoni għamlet sejba temporanja li l-miżuri kienu kompatibbli mas-suq intern fuq il-bażi tal-Artikolu 107(3)(b) tat-Trattat sakemm issir il-preżentazzjoni lill-Kummissjoni ta' pjan koerenti u kredibbli ta' ristrutturar għal HGAA. |
(6) |
Fis-16 ta' April 2010, ġie ppreżentat pjan ta' ristrutturar rivedut għal HGAA, u fit-22 ta' Ġunju 2010, il-Kummissjoni kompliet testendi l-investigazzjoni formali, minħabba li l-pjan rivedut ma kienx jiżgura li terġa' tinkiseb il-vijabbiltà ta' HGAA u ma kienx jipprovdi għal kondiviżjoni xierqa tal-piż ta' ristrutturar jew ta' miżuri xierqa li jnaqqsu t-tagħwiġ tal-kompetizzjoni li tiġi kkawżata. Sakemm tinsilet il-konklużjoni tal-eżami tagħha tal-pjan ta' ristrutturar għal HGAA, il-Kummissjoni tawlet l-awtorizzazzjoni tal-għajnuna li kienet sabet kompatibbli mas-suq intern, fuq bażi temporanja fid-Deċiżjoni dwar is-Salvataġġ ta' HGAA (8). |
(7) |
Fis-7 ta' Frar 2011, il-Kummissjoni infurmat lill-Awstrija u lill-Ġermanja li l-kawża Nru 698/09, li tirrigwarda lil HGAA (9), kienet se tinqasam proċeduralment minn mal-kawża C 16/09, dwar BayernLB. Id-Deċiżjoni preżenti tirrigwarda biss il-kawża C 16/09. |
(8) |
Il-Kummissjoni qabbdet esperti esterni biex jivvalutaw it-tarka tar-riskju li ġiet awtorizzata temporanjament fid-Deċiżjoni dwar is-Salvataġġ, u biex jagħmlu valutazzjoni tal-portafoll tal-assi li t-tarka tar-riskju kellha tkopri. Wara diskussjonijiet mal-bank u l-awtoritajiet Ġermaniżi, l-esperti ppreżentaw rapport finali fis-16 ta' Novembru 2009. |
(9) |
Il-Ġermanja pprovdiet projezzjonijiet ta' kontijiet ta' qligħ u telf għal kull qasam tan-negozju u kull entità legali fis-6 ta' April 2011. Fit-13 ta' April 2011, il-Ġermanja pprovdiet dettalji dwar l-assi proġettati għal kull qasam tan-negozju u ta' obbligazzjonijiet proġettati għal kull sors ta' finanzjament. Fl-istess ħin, il-Ġermanja pprovdiet il-marġini previsti għal kull qasam tan-negozju għal assi, u għal kull sors ta' finanzjament għall-obbligazzjonijiet. Ingħatat informazzjoni addizzjonali permezz ta' skambji ta' korrispondenza b'mod frekwenti: b'mod partikolari, l-informazzjoni ġiet ipprovduta fil-15, fil-21 u fit-22 ta' Ġunju 2011 li kienet tinkludi ppjanar kapitali sal-2019, filwaqt li tinkorpora l-effetti previsti ta' Basel III fuq l-istruttura kapitali (10). Il-projezzjonijiet finanzjarji aġġornati ġew ippreżentati fis-27 ta' Settembru 2011 u kienu jinkludu dejta ta' profitt aġġornata u ppjanar kapitali aġġornat. Fit-13 u l-20 ta' Ottubru 2011, ingħatat informazzjoni addizzjonali dwar it-tnaqqis fin-negozju, u fl-4, il-5 u s-6 ta' Ġunju 2012 informazzjoni addizzjonali dwar il-projezzjonijiet finanzjarji u t-tarka tar-riskju. Fis-6 ta' Ġunju 2012, ġew ipprovduti projezzjonijiet finanzjarji aġġornati inklużi projezzjonijiet ta' kontijiet tal-profitt u tat-telf għal kull qasam tan-negozju, projezzjonijiet ta' ppjanar kapitali u informazzjoni dwar ir-rekwiżiti tal-finanzjament. F'dan li jsegwi, ir-referenzi għall-projezzjonijiet finanzjarji tal-pjan ta' ristrutturar jirreferu għall-informazzjoni finanzjarja provduta fis-6 ta' Ġunju 2012, jew, fejn l-informazzjoni pprovduta fis-6 ta' Ġunju 2012 ma kinitx tinvolvi xi aġġornamenti, għal informazzjoni finanzjarja pprovduta qabel. |
(10) |
Il-miżuri ta' għajnuna u l-pjan ta' ristrutturar għal BayernLB ġew diskussi mill-awtoritajiet Ġermaniżi u mid-dipartimenti tal-Kummissjoni f'sensiela ta' laqgħat, telekonferenzi u forom oħra ta' skambju ta' informazzjoni bejn Mejju 2009 u Ġunju 2012. |
(11) |
Il-Ġermanja kkonfermat li għall-fini tal-kalkolu tal-kapital kien mistenni li l-kontijiet jiġu awditjati skont l-Istandards Internazzjonali tar-Rappurtar Finanzjarju (“IFRS”) mill-1 ta' Jannar 2013 'il quddiem. |
(12) |
Matul l-investigazzjoni saret diskussjoni intensiva bejn l-awtoritajiet Ġermaniżi, ir-regolatur finanzjarju, is-sidien tal-banek u l-bank innifsu rigward il-pjan ta' ristrutturar u skeda ta' rimborż possibbli. |
(13) |
Fil-15 ta' Ġunju 2012, il-Ġermanja infurmat lill-Kummissjoni b'ittra elettronika li waslet fil-14 ta' Ġunju 2012 mingħand l-Awtorità tas-Sorveljanza Finanzjarja Ġermaniża (Bundesanstalt für Finanzdienstleistungsaufsicht — “BaFin”), li fiha BaFin qalet li ma kinitx se taċċetta li l-valur nominali ta' għoti b'self bla imgħax ipprovdut mill-Bayerische Landesbodenkreditanstalt (“BayernLabo”) għandu jiġi kklassifikat bħala kapital skont l-abbozz ta' Regolament dwar ir-Rekwiżiti Kapitali (11), anki jekk l-awditur tal-bank kien ta l-opinjoni, fit-12 ta' April 2012, li skont l-IFRSs is-self għandu tabilħaqq bħala regola jingħadd f'valur nominali. Din il-kwistjoni ma taffettwax it-trattament ta' kapital skont il-Prinċipji tal-Kontabilità Ġeneralment Aċċettati (“GAAP”) skont il-Kodiċi Kummerċjali Ġermaniż (Handelsgesetzbuch). |
(14) |
Fis-6 ta' Ġunju 2012 il-Ġermanja nnotifikat pjan ta' ristrutturar emendat għal BayernLB, li ġie ssupplimentat b'sottomissjonijiet tat-12 u t-13 ta' Lulju 2012. |
(15) |
Fl-20 ta' Ġunju 2012, ingħatat informazzjoni dwar allokazzjoni indikattiva għal kull qasam tan-negozju ta' tnaqqis ta' pożizzjonijiet ta' riskju addizzjonali. |
(16) |
Fis-27 ta' Ġunju 2012, il-Ġermanja pprovdiet lill-Kummissjoni bi skeda ta' rimborż indikattiv. |
(17) |
Fit-28 ta' Ġunju 2012 il-Ġermanja nnotifikat katalogu ta' impenji għal BayernLB. |
(18) |
Fil-25 ta' Lulju 2012, il-Kummissjoni adottat deċiżjoni finali dwar l-għajnuna għar-ristrutturar notifikata (“id-Deċiżjoni ta' Ristrutturar 2012”). Id-Deċiżjoni ta' Ristrutturar 2012 għandha difett legali, peress li kienet indirizzata lill-Awstrija b'lingwa differenti mil-lingwa uffiċjali tal-pajjiż, għalkemm l-Awstrija ma qablitx li l-verżjoni awtentika tkun b'lingwa oħra għajr bil-Ġermaniż. Għalhekk il-Kummissjoni teħtieġ li tadotta deċiżjoni ġdida li tissostitwixxi d-Deċiżjoni ta' Ristrutturar 2012. Id-Deċiżjoni ta' Ristrutturar 2012 fiha xi żbalji li setgħu ġew trattati f'rettifika (fil-premessi 13, 29, 30, 48, 72, 77, 81, 108, 163, 200, 207 u 210; fit-Tabelli 5, 10, 11 u 12; fir-referenzi għall-EUR/USD fl-Anness I; u fil-punt 29(2) tal-Anness I u l-punt 2 tal-Anness II). Il-korrezzjoni ta' dawn l-iżbalji ma taffettwawx il-valutazzjoni tal-fatti li l-Kummissjoni għamlet fid-Deċiżjoni ta' Ristrutturar 2012. Din id-Deċiżjoni għalhekk se tirrettifika l-iżbalji. |
2. IL-FATTI
1. Deskrizzjoni tal-benefiċjarju (12)
(19) |
BayernLB hu Landesbank Ġermaniż li għandu l-kwartieri ġenerali tiegħu fi Munich. Permezz ta' kumpanija holding, BayernLB Holding AG, hija miżmuma indirettament mil-Land tal-Bavarja (Freistaat Bayern), li għandha sehem ta' madwar 94 %, u l-Assoċjazzjoni tal-Banek tat-Tfaddil fil-Bavarja (Sparkassenverband Bayern, “l-assoċjazzjoni tal-banek tat-tfaddil”), li għandha bejn wieħed u ieħor 6 % (13). |
(20) |
Fl-2008, is-sena tal-għoti tal-injezzjoni ta' kapital (ara t-Taqsima 2.2(a)) u t-tarka tar-riskju (ara t-Taqsima 2.2(b)), il-grupp ta' BayernLB, inkluż BayernLabo, LBS u s-sussidjarji ta' BayernLB, kellhom total tal-karta bilanċjali konsolidata ta' EUR 422 biljun, b'pożizzjonijiet ta' riskju li jammontaw għal EUR 198 biljun (14) u madwar 20 000 impjegat. Fi tmiem l-2008, BayernLB irreġistrat telf ta' madwar EUR 5 biljun. L-avvenimenti li wasslu għall-miżuri ta' salvataġġ deskritti fit-Taqsima 2.2(a) u (b) ta' din id-Deċiżjoni huma spjegati fid-dettall fid-Deċiżjoni dwar is-Salvataġġ. Tabella 1 Ċifri Ewlenin 2007-2011 (f'miljuni ta' EUR, sakemm ma jkunx iddikjarat mod ieħor)
|
(21) |
BayernLB huwa bank kummerċjali internazzjonali. Il-punt fokali reġjonali tan-negozju tal-bank huwa dwar il-Ġermanja u l-pajjiżi Ewropej magħżula. Il-BayernLB jinsab ukoll fiċ-ċentri finanzjarji l-prinċipali bħal New York, Londra, Pariġi u Milan. |
(22) |
Is-sussidjarji ewlenin ta' BayernLB huma Deutsche Kreditbank AG (“DKB”), Landesbausparkasse Bayern (“LBS”), Bayerische Landesbodenkreditanstalt (“BayernLabo”), MKB Bank Zrt (“MKB”, sussidjarja Ungeriża), u, sakemm ġie nnazzjonalizzat mill-Awstrija fi tmiem l-2009, HGAA. |
(23) |
HGAA huwa grupp finanzjarju internazzjonali li fl-2008 kellu karta bilanċjali ta' EUR 43 biljun u assi ppeżati tar-riskju (“RWAs”) ta' EUR 32,8 biljun. Dan il-grupp finanzjarju HGAA li hu kumpanija azzjonarja huwa l-Hypo Alpe-Adria-Bank International AG (“HAAB Int”), ibbażat fi Klagenfurt, fl-Awstrija. Qabel in-nazzjonalizzazzjoni ta' HGAA, BayernLB kellu sehem ta' 67,08 % fil-grupp. |
(24) |
MKB huwa bank universali bi rwol ewlieni fl-Ungerija li jiffoka fuq korporattivi kbar u individwi ta' valur nett għoli. Huwa jservi madwar 350 000 klijent konsumatur u klijenti korporattivi ta' daqs medju kif ukoll madwar 3 000 klijent korporattiv u klijenti ta' istituzzjonijiet kbar. |
(25) |
L-LBS huwa istituzzjoni (Anstalt) f'BayernLB li hija indipendenti mil-lat organizzattiv u ekonomiku, iżda ma għandhiex personalità ġuridika. Minħabba li huwa istituzzjoni f'BayernLB, is-sidien huma identiċi, jiġifieri l-Land tal-Bavarja u l-assoċjazzjoni tal-banek tat-tfaddil. |
(26) |
L-LBS jikkoopera mal-banek tat-tfaddil fil-Bavarja, li fost affarijiet oħra jservu bħala l-mezz ta' distribuzzjoni tiegħu, u għandu pożizzjoni ewlenija fin-negozju tat-tfaddil ipotekarju ssussidjat mill-Istat fil-Bavarja. |
(27) |
L-LBS għandu sehem ta' madwar 42 % tas-suq għal self ipotekarju għall-kuntratti tat-tfaddil ġodda. Fil-31 ta' Diċembru 2011, huwa kellu karta bilanċjali ta' EUR 11-il biljun, depożiti ta' EUR 9,7 biljun u self għall-bini pendenti ta' EUR 1,9 biljun. Fl-2011 kellu introjtu tat-taxxa minn qabel ta' EUR 68 miljun. |
(28) |
BayernLabo huwa istituzzjoni ta' żvilupp f'BayernLB; huwa ġie stabbilit fl-1884 bl-għan li jiffinanzja proġetti infrastrutturali. Fl-1972 ingħaqad mal-Bayerische Gemeindebank biex jiffurmaw il-Bayerische Landesbank Girozentrale, li wara sar BayernLB. BayernLabo huwa indipendenti minn perspettiva organizzattiva u ekonomika, iżda huwa legalment dipendenti; huwa istituzzjoni rregolata mil-liġi pubblika f'BayernLB, u huwa kopert għal kollox b'garanzija ta' 100 % (Gewährträgerhaftung) ipprovduta mil-Land tal-Bavarja. Il-kontijiet annwali tiegħu huma kompletament integrati fil-kontijiet ta' BayernLB. |
(29) |
Oriġinarjament, BayernLabo kien jiġġestixxi l-fondi tal-Land tal-Bavarja bħala fiduċjarju; il-fondi kellhom jintużaw għal skopijiet ta' akkomodazzjoni soċjali. Il-valur fi flus ta' parti mis-self għall-akkomodazzjoni soċjali kien ivvalutat fil-bidu tad-Disgħinijiet (1990s) u l-Land injetta s-somma f'BayernLabo bħala kontribuzzjoni assenjata għal skop speċifiku (Zweckeinlage). Il-kontribuzzjoni assenjata għal skop speċifiku tammonta għal EUR 612 miljun, li jibqa' kostanti maż-żmien. |
(30) |
Il-kapital ta' BayernLabo jrid jintuża biex jippromwovi l-akkomodazzjoni soċjali, u mhuwiex disponibbli għan-negozju kummerċjali ta' BayernLB, jiġifieri ma jistax jintuża biex jissodisfa r-rekwiżiti kapitali regolatorji għas-self jew assi oħra. |
(31) |
Il-kapital ta' BayernLabo bħalissa huwa rimunerat b'dan il-mod. Għall-kontribuzzjoni assenjata għal skop speċifiku, BayernLB jrid iħallas lil-Land rimunerazzjoni minima ta' [2–5] (*) %, sakemm BayernLB b'mod ġenerali ma jagħmilx telf. Għall-funzjoni tal-assorbiment tat-telf tal-bqija tal-kapital ta' BayernLabo, BayernLB jrid iħallas remunerazzjoni ta' [0-1] % lil BayernLabo. Dik ir-remunerazzjoni ġiet aċċettata bħala xierqa fid-Deċiżjoni tal-Kummissjoni 2006/739/KE (15). Sabiex jiġi żgurat li l-kapital ta' BayernLabo jkun jista' jibqa' jitqies bħala kapital tal-ogħla kwalità għal BayernLB (tal-Grad 1), il-pjan ta' ristrutturar aġġusta l-livell ta' kapital u l-forma ta' remunerazzjoni (ara l-premessa 81). |
2. Il-miżuri ta' għajnuna
(a) L-injezzjoni ta' kapital
(32) |
F'Diċembru 2008, BayernLB kiseb injezzjoni ta' kapital tal-Grad 1 ta' EUR 10 biljun mil-Land tal-Bavarja (16), li kienet tikkonsisti minn parteċipazzjoni siekta (stille Einlage) fl-ammont ta' EUR 3 biljun u ishma privileġġati fl-ammont ta' EUR 7 biljun. Il-kupun għall-parteċipazzjoni siekta huwa stabbilit għal 10 % tal-valur nominali u mhuwiex kumulattiv. L-ishma privileġġati jridu jiġu remunerati għal 10 % bi dritt preferenzjali għal profitti matul il-fażi ta' ristrutturar. Dan id-dritt preferenzjali għall-profitti jispiċċa ladarba l-irkupru (claw-back) jintemm u l-parteċipazzjoni siekta tal-Land tkun tħallset lura bis-sħiħ. Il-pagamenti tad-dividendi mhumiex kumulattivi. |
(33) |
L-assoċjazzjoni tal-banek ta' tfaddil ma ħaditx sehem fiż-żieda tal-kapital azzjonarju. B'konsegwenza ta' dan, is-sehem tagħha ta' 50 % f'BayernLB tnaqqas għal 6 % (17). |
(b) It-tarka tar-riskju ta' EUR 4,8 biljun
(34) |
Il-Land tal-Bavarja pprovda tarka tar-riskju ta' EUR 4,8 biljun fuq portafoll ta' titoli abbażi ta' assi (ABSs) b'valur nominali ta' EUR 21 biljun (18). |
(35) |
It-tarka tar-riskju tipproteġi lil BayernLB kontra telf li ġej mill-portafoll ABS ta' BayernLB, u l-garanzija pprovduta għalhekk tipprevjeni aktar deprezzament. Saret diikjarazzjoni għal dak l-effett mil-Land fid-19 ta' Diċembru 2008. Il-portafoll ABS kellu valur nominali ta' EUR 19,589-il biljun fid-data ta' referenza tal-31 ta' Diċembru 2008. |
(36) |
Il-portafoll ABS ta' BayernLB fih titoli sottostanti ta' diversi tipi. Titoli abbażi ta' ipoteki residenzjali (RMBS), kemm tas-Segmenti Prime kif ukoll tas-Segmenti Subprime, jikkostitwixxu madwar nofs il-portafoll totali. Titoli oħra kbar fil-portafoll jinkludu titoli abbażi ta' ipoteki kummerċjali (Commercial Mortgage-Backed Securities — CMBSs), obbligi ta' dejn kollateralizzat (Collateralized Debt Obligations — CDOs) u ABSs oħra relatati ma' riċevibbli kummerċjali u tal-konsumatur. |
(37) |
Il-Land tal-Bavarja tiggarantixxi EUR 4,8 biljun, li, madankollu, jsiru effettivi biss jekk u sal-punt li t-telf jeċċedi s-somma ta' EUR 1,2 biljun li jridu jitħallsu minn BayernLB (l-ewwel parti tat-telf — “first loss piece”). Meta titnaqqas l-ewwel parti tat-telf ta' EUR 1,2 biljun mill-valur nominali ta' EUR 19,589-il biljun, jirriżulta prezz ta' trasferiment ta' EUR 18,389-il biljun. |
(38) |
It-tul ta' żmien tat-tarka tar-riskju huwa marbut mal-maturità tat-titoli fil-portafoll ABS. It-titoli garantiti tnaqqsu minn madwar EUR 19,6-il biljun f'Diċembru 2008 għal EUR 11,9-il biljun f'Diċembru 2011. Skont il-projezzjonijiet aġġornati tal-31 ta' Marzu 2012, il-portafoll se jitnaqqas għal EUR 7 biljun sa Settembru 2014. Il-prijorità hija li jiġi mminimizzat it-telf, iżda mhuwiex ċar x'se jkun il-livell tal-prezzijiet tas-suq fl-2014, u għalhekk għadu mhux ċar jekk f'dak iż-żmien, bejgħ tal-portafoll li fadal (li fil-prinċipju huwa mfittex) ikunx effettivament vijabbli, jiġifieri ekonomikament raġonevoli (19). |
(39) |
Il-portafoll kien ivvalutat f'żewġ passi. L-ewwel nett, intużat għodda ta' twissija bikrija biex timmarka n-negozji individwali (aħdar, isfar u aħmar) biex jinstabu dawk in-negozji f'diffikultà jew dawk indeboliti. Bl-għajnuna tal-għodda ġiet prodotta klassifikazzjoni interna: negozji li kellhom bandiera safra jew ħamra tnaqqsu tipikament fil-grad. Il-klassifikazzjoni interna imbagħad ġiet immappjata skont il-klassifikazzjoni pubblika Moody's. Il-klassifikazzjoni pubblika mbagħad intużat fil-verżjoni 2.4 ta' CDOROM (20) ta' Moody's biex wieħed jasal għal stima tat-telf mistenni fuq il-portafoll sħiħ u s-segmenti rilevanti. |
(40) |
Fuq il-bażi ta' din il-metodoloġija l-valur ekonomiku reali (VER) tal-portafoll ABS fi żmien l-approvazzjoni tal-miżuri kien stmat mill-esperti tal-Kummissjoni għal 83,87 % tal-valur nominali ta' EUR 19,589-il biljun, jiġifieri EUR 16,429-il biljun. F'email bid-data tal-14 ta' Diċembru 2009 il-Ġermanja ddikjarat li mhijiex se tfittex aktar analiżi tat-telf mistenni. Meta prezz ta' trasferiment ta' EUR 18,389-il biljun jitqabbel ma' valur ekonomiku reali ta' EUR 16,429-il biljun, hemm differenza ta' EUR 1,96 biljun. |
(41) |
L-effett ta' sulliev kapitali tal-miżura fiż-żmien meta ġiet implimentata t-tarka tar-riskju kien jammonta għal EUR 1,28 biljun. |
(42) |
L-eżattezza tal-metodu u tal-kalkoli sottostanti użati biex jiddeterminaw l-effett ta' sulliev kapitali ġiet ikkonfermata minn BaFin f'ittra bid-data tad-9 ta' April 2010. |
(43) |
BayernLB irreveda r-remunerazzjoni għat-tarka tar-riskju (inkluż pagament ta' rkupru) (claw-back-Zahlung), b'mod retroattiv, b'effett mill-1 ta' Jannar 2010, minn 50 punt bażiku għal imposta annwali ta' EUR 200 miljun, magħmula minn:
|
(c) Il-garanziji ta' obbligazzjoni
(44) |
BayernLB irċieva garanziji ta' obbligazzjoni mogħtija mill-Fond ta' Stabbilizzazzjoni tas-Suq Finanzjarju Ġermaniż (Sonderfonds Finanzmarktstabilisierung (“SoFFin”)) skont l-Att ta' Stabilizzazzjoni tas-Suq Finanzjarju (Finanzmarktstabilisierungsgesetz), li kienu approvati mill-Kummissjoni fid-Deċiżjoni tagħha dwar il-pakkett Ġermaniż ta' salvataġġ għall-istituzzjonijiet ta' kreditu (21). Dawn il-garanziji kienu jammontaw għal EUR 15-il biljun, li minnhom EUR 5 biljun intużaw għal kwistjoni f'Jannar 2009, filwaqt li l-bqija, EUR 10 biljun ġew irritornati mingħajr ma ntużaw lill-garanti fis-16 ta' Ottubru 2009, filwaqt li SoFFin naqqas il-garanzija għal EUR 5 biljun. Fit-23 ta' Jannar 2012, l-aħħar ħlas parzjali tal-garanziji ta' obbligazzjoni mogħtija minn SoFFin ġie mifdi. |
(d) Garanzija ta' finanzjament għal-likwidità mogħtija mill-Awstrija
(45) |
F'Diċembru 2008, wara li kiber id-deprezzament u t-telf, HGAA rċieva EUR 700 miljun mill-BayernLB u EUR 900 miljun f'kapital mhux ta' votazzjoni tal-Grad 1 (22) mill-Awstrija abbażi tal-iskema Awstrijaka ta' emerġenza għas-sostenn tal-banek (23). |
(46) |
Fl-2009, BayernLB u HGAA kkummissjonaw esperti esterni biex jagħmlu rapport dwar ir-riskju ta' kreditu ta' HGAA. Dan ir-rapport sab li t-telf mistenni jnaqqas il-proporzjon kapitali ta' Grad 1 għal anqas minn 4 % sa tmiem l-2009. |
(47) |
Wara l-ultumatum tal-awtorità Awstrijaka superviżorja tas-swieq finanzjarji lill-azzjonisti biex jieħdu d-deċiżjonijiet neċessarji għal rikapitalizzazzjoni ta' HGAA sal-11 ta' Diċembru 2009, l-Awstrija akkwistat l-ishma kollha bil-prezz simboliku ta' euro (24). BayernLB rrinunzja d-drittijiet kollha tiegħu ta' azzjonista inklużi l-ammont riċevibbli tiegħu ta' EUR 300 miljun f'kapital tal-Grad 2 f'HGAA (25). Fil-każ li miżuri ta' kapital ulterjuri kienu meħtieġa biex jippermettu lil HGAA jissodisfa r-rekwiżiti minimi regolatorji tal-kapital, ġie maqbul ukoll li kull injezzjoni ta' kapital addizzjonali tinqasam bejn BayernLB u l-Awstrija fi proporzjon ta' 3:1. Madankollu, kull kapital addizzjonali pprovdut minn BayernLB fuq dik il-bażi jnaqqas il-EUR [500-550] miljun f'finanzjament li BayernLB kien ipprovda lil HGAA, li fuqhom kien irrinunzja d-drittijiet tiegħu bħala parti mill-operazzjoni ta' salvataġġ ta' HGAA. |
(48) |
Sabiex tiġi żgurata l-likwidità ta' HGAA, BayernLB ħareġ mill-ġdid linja ta' likwidità li tammonta għal EUR [350-600] miljun li kienu skadew fl-4 ta' Diċembru 2009. Barra minn hekk, kien hemm qbil li l-finanzjament intra-grupp eżistenti ta' EUR 2,638 biljun minn BayernLB lil HGAA jibqa' ma' HGAA sa tmiem l-2013. Fl-2014, BayernLB jħalli finanzjament li jammonta għal EUR [650-700] miljun lil HGAA, u fl-2015 jħalli EUR [350-400] miljun. L-iskopertura kienet garantita mill-Awstrija, fil-każ li HGAA jiddisintegra jew f'każ li kienet ittieħdet miżura ekonomikament komparabbli li ma kinitx tassigura l-vijabbiltà ta' HGAA. |
(e) Il-kapital ta' BayernLabo ttrasferit lil BayernLB
(49) |
Parti sinifikanti tar-riżervi ta' BayernLabo, li tammonta għal EUR 1 biljun, għandha tiġi trasferita għar-riservi tal-bank bażi, BayernLB, mingħajr ebda ħlas jew remunerazzjoni. |
3. Il-pjan ta' ristrutturar notifikat mill-Ġermanja
(a) Deskrizzjoni tal-mudell ta' negozju
(50) |
BayernLB ħejja pjan ta' ristrutturar biex jistabbilixxi r-ritorn tiegħu lejn il-vijabbiltà sal-31 ta' Diċembru 2015. Il-pjan jipprevedi bidliet sostanzjali fil-mudell ta' negozju ta' BayernLB u jipprvedi għal riallinjament strateġiku tal-bank. Il-mudell ta' negozju l-ġdid huwa kkaratterizzat minn riskju mnaqqas u enfasi akbar fuq il-kummerċ reġjonali u s-sostenibbiltà fuq il-lat tal-finanzjament kif ukoll fuq dak tas-self. Huwa jipprevedi riduzzjoni sinifikanti tal-attivitajiet ta' BayernLB u konċentrazzjoni fuq l-attivitajiet ewlenin, fuq il-prodotti ewlenin, ir-reġjuni prinċipali, permezz tal-għeluq jew iċ-ċessjoni taċ-ċentri ta' kummerċ, tas-sussidjarji u tal-parteċipazzjoni azzjonarja, u l-waqfien tal-oqsma ta' negozju. |
(51) |
Karatteristika ewlenija tal-istrateġija ta' ristrutturar hija d-distinzjoni bejn l-attivitajiet ewlenin u mhux prinċipali f'segmenti tan-negozju. Huwa l-objettiv ta' BayernLB li jissepara mill-attivitajiet kollha li mhumiex prinċipali. |
(52) |
Sabiex tiġi implimentata s-separazzjoni strateġika bejn l-attivitajiet prinċipali u mhux prinċipali, BayernLB stabbilixxa unità tar-ristrutturar fejn il-biċċa l-kbira tal-attivitajiet mhux prinċipali huma miġburin flimkien. B'dan il-mod, BayernLB jista' jiffoka fuq il-kompiti futuri fl-attivitajiet prinċipali tiegħu mingħajr ma jkollu jittratta t-tneħħija gradwali tal-attivitajiet mhux prinċipali. |
(53) |
BayernLB se jiffoka l-attività ta' negozju tiegħu fuq tliet oqsma ta' negozju prinċipali:
|
(54) |
Fil-qasam ta' negozju tal-korporattivi, il-grupp fil-mira huwa intrapriżi bi kwartieri ġenerali fil-Ġermanja u b'fatturat ta' mill-inqas EUR 1 biljun. S'issa negozju mwettaq f'fergħat barranin, speċjalment attivitajiet lokali, se jitnaqqas u jkun limitat għal klijenti b'rabta mal-Ġermanja (27), li lilhom BayernLB b'mod partikolari se joffri prodotti bankarji korporattivi, speċjalment faċilitajiet ta' kreditu, u prodotti finanzjarji strutturati, li jikkonsistu fl-iffinanzjar tal-kummerċ u l-esportazzjoni, il-finanzjament tal-lokazzjoni u l-proġetti. |
(55) |
Fir-rigward ta' negozji żgħar u ta' daqs medju, BayernLB se jpoġġi fil-mira l-intrapriżi tal-Bavarja b'fatturat bejn EUR 50 miljun u EUR 1 biljun, negozji mmexxija mill-familji, u intrapriżi oħra Ġermaniżi f'reġjuni speċifiċi fejn il-bank huwa diġà preżenti, bħal Nordrhein-Westfalen, permezz tal-fergħa ta' Düsseldorf. F'reġjuni mingħajr fergħat lokali, il-bank se jiffoka fuq intrapriżi b'fatturat bejn EUR 100 miljun u EUR 1 biljun. Barra minn faċilitajiet ta' kreditu, il-bank, inter alia, se joffri prodotti fl-oqsma tal-iffinanzjar tal-kummerċ u l-esportazzjoni, l-operazzjonijiet dokumentarji, l-imgħax u l-ġestjoni tal-valuta, derivattivi, investiment finanzjarju, tranżazzjonijiet monetarji u lokazzjoni. Il-bank se jipprovdi wkoll prodotti lill-intrapriżi b'fatturat taħt il-EUR 50 miljun permezz tal-banek tat-tfaddil. |
(56) |
Permezz tas-sussidjarja tiegħu DKB, BayernLB se jkun attiv fl-operazzjonijiet bankarji għall-konsumatur tal-oqsma ta' negozju (Retailbanking), fl-infrastruttura, u l-konsumaturi kummerċjali. Fl-operazzjonijiet bankarji għall-konsumatur, DKB se joffri kontijiet bankarji, karti ta' kreditu u prodotti oħra (finanzjament, investiment) kif ukoll servizzi bankarji diretti. Fl-infrastruttura, DKB se jkollu bħala mira b'mod partikolari, l-entitajiet li jipprovdu servizzi ta' interess ġenerali u l-istituzzjonijiet tal-kura tas-saħħa. Fl-aħħar nett, DKB se jimmira lejn il-konsumaturi kummerċjali f'ċerti industriji bħall-agrikoltura, l-ikel, it-teknoloġija ambjentali, it-turiżmu, u s-servizzi legali u tat-taxxa. |
(57) |
Fir-rigward tal-proprjetà immobbli, BayernLB se jiffoka fuq klijenti Ġermaniżi. Madankollu, huwa se jipprovdi wkoll servizzi lill-klijenti internazzjonali b'rabta mal-Ġermanja. F'dak li għandu x'jaqsam mal-proprjetà immobbli kummerċjali, il-bank se jipprovdi finanzjament tal-portafoll, finanzjament għall-promozzjoni tal-akkomodazzjoni, finanzjament għall-iżvilupp u l-inventarji, u finanzjament ta' fondi tal-proprjetà immobbli. F'dak li għandu x'jaqsam mal-proprjetà immobbli residenzjali, il-bank se jipprovdi servizzi għall-intrapriżi tal-akkomodazzjoni u finanzjament għall-bini tad-djar. Fil-kuntest ta' ġestjoni tal-proprjetà immobbli, il-bank se jiffoka fuq il-finanzjament ta' djar tal-kura u l-proprjetà tal-kura tas-saħħa. |
(58) |
BayernLB se jkompli jikkoopera mal-banek tal-Bavarja, u sa ċertu punt, ukoll ma' banek ta' tfaddil Ġermaniżi oħra. Il-bank se jipprovdi prodotti li jikkumplimentaw il-prodotti proprji tal-banek tat-tfaddil u jaġixxi bħala bank ċentrali tal-banek tat-tfaddil. |
(59) |
Fis-segment tal-awtoritajiet pubbliċi, BayernLB se joffri prodotti varji ta' finanzjament u servizzi oħrajn relatati, pereżempju, għal proġetti ta' sħubija privata-pubblika. BayernLB mhux se joffri prodotti ġodda ta' kreditu lill-awtoritajiet pubbliċi barra l-Bavarja ħlief għall-immaniġġjar tal-likwidità. Barra minn hekk, il-finanzjament għall-proġetti ta' sħubija privata-pubblika, u l-finanzjament għall-proġetti u għall-esportazzjoni jistgħu jibqgħu jiġu offruti jekk dan ikun fl-interess tal-klijenti b'rabta mal-Ġermanja. |
(60) |
Permezz tas-sussidjarja tiegħu BayernLabo, BayernLB se jkun attiv f'li jipprovdi fondi ffinanzjati mill-gvern għal proġetti ta' proprjetà immobbli residenzjali fil-Bavarja. BayernLabo se jkollu fil-mira tiegħu l-klijenti privati, l-intrapriżi li joħolqu jew jimmodernizzaw l-akkomodazzjoni fil-Bavarja, u l-awtoritajiet pubbliċi. Barra minn hekk, BayernLabo se joffri prodotti ta' finanzjament lill-awtoritajiet pubbliċi u lill-konsorzji stabbiliti mill-awtoritajiet pubbliċi. Dak in-negozju, madankollu, se jkun limitat għar-reġjun tal-Bavarja. |
(61) |
BayernLB se jipprovdi prodotti tat-Teżor (prodotti, (commodities), rati tal-imgħax fuq perjodu ta' żmien qasir, derivattivi ta' introjtu fiss, kambju), prodotti tas-swieq finanzjarji (introjtu fiss, prodotti strutturati għaċ-ċertifikati tal-konsumatur (Retailzertifikate), prodotti ta' imgħax strutturati, l-eżekuzzjoni tal-ishma) u prodotti ta' finanzjament (self internazzjonali, finanzjament intern). Il-bank se joffri dawn il-prodotti lill-istituzzjonijiet finanzjarji u lill-klijenti istituzzjonali bħall-kumpaniji tal-assigurazzjoni, il-fiduċjarji u l-knejjes. Dan il-qasam tan-negozju se jkun limitat għal attivitajiet marbuta mal-klijenti tal-bank: in-negozjar proprjetarju jitneħħa, ħlief għal attivitajiet tat-teżor. Barra minn hekk, in-negozju ta' kreditu ma' banek oħra se jonqos b'mod sostanzjali. |
(b) It-tnaqqis tal-attivitajiet ta' negozju
(62) |
BayernLB kien diġà għalaq l-uffiċċji tiegħu f'Beijing, Tokjo, Montreal, Mumbai, Kiev, Ħong Kong u Shanghai. Il-preżenza internazzjonali tal-bank se tkun limitata għall-uffiċċji f'Pariġi, New York, Londra u Milan, li diġà tnaqqset b'mod sostanzjali. |
(63) |
Il-bank se jbigħ bosta mis-sussidjarji tiegħu. B'mod partikolari, se jbigħ l-LBS lill-assoċjazzjoni tal-banek tat-tfaddil. Il-prezz tax-xiri ta' EUR 818,3 miljun huwa msejjes fuq rapport espert ipprovdut minn żewġ valutazzjonijiet esperti fit-30 ta' Mejju 2012 u jirrifletti l-valur ta' LBS fit-30 ta' Ġunju 2012. Il-Ġermanja targumenta li l-banek tat-tfaddil huma l-mezz ta' distribuzzjoni ewlieni għal prodotti LBS, u li biex jiġi stabbilit prezz, investitur privat normali kieku japplika skont (Abschlag) għal riskju tas-suq bħal dan. Dan l-argument ma ġiex ikkunsidrat fir-rapport espert. Għal din ir-raġuni l-Kummissjoni ma nsistietx fuq sejħa miftuħa għall-offerti, billi kkonkludiet li huwa improbabbli li tali sejħa kienet twassal għal aktar rikavati minn bejgħ lill-assoċjazzjoni tal-banek tat-tfaddil abbażi tar-rapport espert. |
(64) |
Barra minn hekk, il-bank se jtemm l-attività tiegħu fl-Ewropa tal-Lvant (is-segment “Osteuropa”), u b'mod partikolari se jbigħ is-sussidjarja Ungeriża tiegħu, l-MKB Bank. Fil-pjan inizjali ta' ristrutturar BayernLB kien immira għal data ta' bejgħ ta'[…] għal MKB. Minħabba l-inċertezza politika u ekonomika fl-Ungerija (28) u l-impatt ta' dan fuq id-dejta finanzjarja ta' MKB, BayernLB wasal għall-konklużjoni li kien improbabbli li jkun kapaċi jbigħ lil MKB fi żmien qasir, u ddeċieda li jipposponi ċ-ċessjoni ta' MKB minn […]. |
(65) |
Barra minn hekk, BayernLB se jnaqqas b'mod permanenti r-riskji fil-bqija tal-oqsma ta' negozju prinċipali tiegħu. Se jabbanduna n-negozji li huma ferm dipendenti fuq l-iżvilupp tas-swieq finanzjarji, pereżempju l-kummerċ proprjetarju, it-titoli sostnuti minn assi u l-finanzjament tal-akkwist relatat mat-tranżazzjonijiet. Huwa se jnaqqas ħafna n-negozju marbut mal-finanzjament u n-negozju b'riskju għoli ma' klijenti internazzjonali, u jimpenja ruħu f'tali negozju biss fejn hemm rabta ċara mal-Ġermanja. |
(66) |
Fir-rigward tal-korporattivi fil-qasam tan-negozju, in-negozju korporattiv u l-finanzjament tal-proġetti għall-klijenti li ma għandhomx rabta mal-Ġermanja se jiġu abbandunati. |
(67) |
In-negozju tal-proprjetà immobbli f'uffiċċji barranin ma' klijenti mingħajr rabta mal-Ġermanja se jispiċċa. |
(68) |
Barra minn hekk, in-negozju ta' kreditu mal-banek se jitnaqqas b'mod estensiv, u l-kummerċ proprjetarju dedikat se jiġi abbandunat. |
(69) |
B'kollox, il-bank jimpenja ruħu li jnaqqas il-karta bilanċjali tiegħu għal EUR 239,4 biljun fl-2015, minn EUR 421,7 biljun fl-2008. Fuq bażi simili għall-2008, karta bilanċjali mnaqqsa għal EUR 239,4 biljun tikkorrispondi għal EUR 206 biljun, li jirrappreżenta tnaqqis ta' 51 %. |
(c) Fokus reġjonali
(70) |
Fi tmiem l-2010, 58 % tal-iskopertura ta' kreditu ta' BayernLB kien jinsab fil-Ġermanja u 74 % fl-Ewropa (ir-reġjun ġeografiku). L-iskoperturi prinċipali tal-munita ta' BayernLB huma d-dollaru Amerikan, il-lira sterlina u l-frank Svizzeru (ara t-Tabella 2); 24 % tal-assi tal-bank ġew denominati f'muniti oħra minbarra l-euro fi tmiem l-2010. Tabella 2 Assi u obbligazzjonijiet denominati f'munita barranija fi tmiem l-2010
|
(71) |
Mill-assi denominati mid-dollaru, [30–50] % tpoġġew fl-unità ta' ristrutturar fi tmiem l-2010. Lejn tmiem l-2010 l-uffiċċju ta' BayernLB fi New York kellu [30–50] % tal-assi denominati f'USD u l-uffiċċju ta' Londra kellu [50–70] % tal-assi denominati f'GBP. |
(72) |
Fil-qasam tan-negozji korporattivi, BayernLB pprovda self għall-finanzjament ta' proġetti kif ukoll self għall-kumpaniji. Fi tmiem l-2010, mit-EUR [23–29] biljun ta' self kontabilizzat f'dan il-qasam ta' negozju, is-self korporattiv kien jirrappreżenta EUR [9–14] biljun; it-EUR [12–17] biljun li jifdal kienu magħmula l-aktar minn finanzjament għall-proġetti u self għall-finanzjament strutturat ieħor. Is-selfiet għall-finanzjament ta' proġetti ġġenera skopertura sinifikanti għall-pajjiżi li mhumiex fl-UE. Mill-istokk pendenti ta' selfiet għall-finanzjament ta' proġetti, [2–5] % biss kienu allokati fil-Ġermanja fi tmiem l-2011; it-tliet l-akbar skoperturi skont il-pajjiż kienu l-Istati Uniti, ir-Renju Unit u [pajjiż mil-Lvant Nofsani]. Mis-selfiet il-ġodda ġġenerati fi New York bejn l-2009 u l-2011, [12–15] % biss kienu relatati ma' proġetti li fihom klijent Ġermaniż tal-bank kien qed jieħu sehem, meta mqabbla ma [55–60] % tas-selfiet għall-finanzjament ta' proġetti ġġenerati fuq l-istess perjodu fl-Ewropa, fil-Lvant Nofsani u fl-Afrika (“EMEA”) |
(73) |
Għalhekk, biex il-bank ikun aktar iffukat fuq is-suq bażi tiegħu fil-Bavarja u l-Ġermanja, il-bank qabel li jirrestrinġi l-kummerċ tiegħu għal klijenti b'rabta mal-Ġermanja, u li jillimita b'mod sinifikanti l-kummerċ internazzjonali tiegħu, kif indikat fid-dettall fl-impenji pprovduti mill-Ġermanja. |
(d) Miżuri li jsaħħu l-kapital
(74) |
Matul l-investigazzjoni, saret diskussjoni intensiva bejn l-awtoritajiet Ġermaniżi, ir-regolatur finanzjarju, is-sidien tal-bank u l-bank innifsu, dwar il-pjan ta' ristrutturar emendat u skeda ta' rimborż possibbli. |
(75) |
Huwa mingħajr dubju li skont Basel III il-parteċipazzjonijiet passivi (ħlief għall-Għajnuna mill-Istat) mhux se jiġu rikonoxxuti bħala kapital tal-1 Grad, u għalhekk mhux se jibqgħu jitqiesu bis-sħiħ bħala kapital regolatorju mill-2013 'il quddiem. |
(76) |
Il-banek individwali tat-tfaddil tal-Bavarja attwalment jippossjedu bejn EUR [700–750] miljun f'parteċipazzjonijiet passivi f'BayernLB; […] (29). Dawk il-parteċipazzjonijiet passivi ma għandhom l-ebda maturità, u għalhekk jibqgħu fil-bank sakemm dawn jitħallsu lura fuq l-inizjattiva tal-bank. |
(77) |
L-assoċjazzjoni tal-banek tat-tfaddil qablet mal-bank li l-parteċipazzjonijiet passivi kollha mingħajr maturità speċifikata li huma miżmuma minn banek ta' tfaddil individwali se jitħallsu lura […] u jiġu minnufih investiti mill-ġdid f'BayernLB Holding mill-assoċjazzjoni ta' banek tat-tfaddil, permezz ta' żieda fil-kapital (30). |
(78) |
Barra minn hekk, l-assoċjazzjoni tal-banek tat-tfaddil se jinjettaw EUR [22-62] miljun oħra f'BayernLB Holding. L-ishma l-ġodda li jiġu miżmuma mill-assoċjazzjoni tal-banek tat-tfaddil se jiġu ddeterminati skont il-valur ta' BayernLB Holding ivvalutat mill-istandard IdW S1 żviluppat mill-Istitut Ġermaniż tal-Kontabilisti Pubbliċi Ċċertifikati, Institut der Wirtschaftsprüfer (“IdW”). Is-sehem tal-assoċjazzjoni tal-banek tat-tfaddil ma jistax jaqbeż il-25 %, sabiex ikun żgurat li jibqa' taħt il-minoranza li timblokka, li hija ta' 25 % + vot 1. |
(79) |
Il-parteċipazzjoni siekta ta' EUR 3 biljun li jappartjeni lil-Land tal-Bavarja jitlef l-istatus tiegħu bħala kapital tal-Grad 1 regolatorju sħiħ fl-2018. Il-Bavarja ddikjarat pubblikament li trid tirkupra t-EUR 3 biljun ta' parteċipazzjoni siekta mill-BayernLB. Madankollu, il-BayernLB żamm lura milli jifdi l-parteċipazzjoni siekta, minħabba biża' ta' perikolu lill-bafer kapitali regolatorju tiegħu. BaFin qalet lill-Kummissjoni verbalment li hija tqis li bank ikollu bżonn mhux biss ta' 9 % tal-proporzjon prinċipali tal-1 Grad kif definit mill-Awtorità Bankarja Ewropea (“EBA”) iżda wkoll riżerva sostanzjali, li għandha tammonta għal mill-inqas bejn 0,5 u 1 % skont il-mudell ta' negozju tal-bank. |
(80) |
Barra minn hekk, wara li jiġi applikat xenarju ta' kriżi f'konformità mal-istress test ta' EBA ta' Ġunju 2011, il-bank ikkonkluda li jkun għaqli li jkollu riżerva ta' dan it-tip. L-awtorità regolatriċi laqgħet dan l-approċċ b'mod prudenti. Għal din ir-raġuni, il-Ġermanja ma setgħet tipproponi l-ebda soluzzjoni lill-Kummissjoni li turi kif il-parteċipazzjoni siekta setgħet tiġi mifdija. |
(81) |
BaFin ġibdet l-attenzjoni li l-kapital ta' BayernLabo [għandu mnejn jiġi ttrattat b'mod differenti] fil-ġejjieni. BayernLB għalhekk għandu l-intenzjoni li jittrasferixxi parti sinifikanti mir-riżervi ta' BayernLabo (EUR 1 biljun) lill-bank bażi. Il-kontribuzzjoni b'finijiet speċjali (ara l-premessi 29 u 31), madankollu, se tibqa' għand BayernLabo, u se tibqa' tintuża għall-ħidma tal-promozzjoni tal-akkomodazzjoni imposta legalment fuqu. Il-kapital li jifdal f'BayernLabo se jiġi aġġornat sabiex ikun jista' jiġi rikonoxxut bħala kapital prinċipali tal-EBA, li jassorbi t-telf kompletament u jiġi remunerat permezz ta' dividendi. |
(e) Id-deskrizzjoni tal-ippjanar finanzjarju
(82) |
Is-suppożizzjonijiet użati fl-ippjanar finanzjarju, it-trattament regolatorju, iċ-ċifri ewlenin projettati, il-profittabilità għal kull qasam tan-negozju u l-projezzjonijiet fir-rigward ta' MKB huma ppreżentati hawn taħt fil-premessi 83 ff. |
—
(83) |
Għall-PDG u t-tbassir dwar il-munita fuq terminu qasir (jiġifieri l-perjodu 2012-2013), BayernLB juża metodoloġija li hija bbażata fuq previżjonijiet ponderati minn istituzzjonijiet internazzjonali, previżjonijiet fuq terminu qasir minn esperti tat-tbassir privati, u kontribut minn BayernLB stess mid-dipartiment ta' riċerka interna. BayernLB jibbaża t-tbassir tal-PDG tiegħu fit-tul lil hinn mill-2013 fuq is-suppożizzjoni li l-ekonomija jkollha tendenza li tikber skont il-potenzjal tagħha fit-tul. It-tbassir ta' BayernLB għal skopijiet ta' ppjanar intern huwa bħala regola, konservattiv. Devjazzjonijiet żgħar miċ-ċifri previsti minn istituzzjonijiet oħra jistgħu jseħħu minħabba t-tqarrib (pereżempju, it-tbassir taż-żona tal-euro tal-2013: FMI: 0,9 %, BayernLB u l-Kummissjoni: 1 %). |
(84) |
It-tbassir ta' BayernLB dwar id-dollaru hu bbażat fuq is-suppożizzjoni li d-dollaru se […] fl-2013. Fl-2015-16, id-dollaru se […] meta mqabbel mal-euro. Skont BayernLB, dan se jkun ir-riżultat ta' […] mistennija fil-finanzi pubbliċi tal-Istati Uniti u l-parità tal-kapaċità tal-akkwist (PPP) tar-rata tal-kambju […], li l-Organizzazzjoni għall-Kooperazzjoni u l-Iżvilupp Ekonomiċi (OECD) stmat għal USD 1,25 għal kull euro fl-2011. Peress li l-inflazzjoni fl-Istati Uniti hi mistennija li tkun ogħla minn dik fiż-żona tal-ewro, il-PPP skont BayernLB, għandha tkun qrib USD 1,30 fl-2016. |
(85) |
Għal rati ta' imgħax, it-tbassir ta' BayernLB jibda mill-ambjent attwali ta' rata ta' imgħax baxxa ħafna. BayernLB jassumi ritorn gradwali għan-normal mil-livelli baxxi ta' bħalissa għal-livelli ta' valur ġust; huwa jibbaża din il-fehma fuq tbassir dwar it-tkabbir, tbassir dwar l-inflazzjoni u dikjarazzjonijiet rigward il-politika monetarja mistennija. |
(86) |
L-awtoritajiet Ġermaniżi pprovdew lill-Kummissjoni b'informazzjoni li turi li t-tbassir dwar il-PGD ta' BayernLB huwa qrib ħafna tal-kunsens tal-istituzzjonijiet internazzjonali ewlenin bħall-Fond Monetarju Internazzjonali (FMI) u l-Kummissjoni. |
(87) |
L-aħħar aġġornament tal-projezzjonijiet, datat minn Ġunju 2012, huwa bbażat fuq sett ta' suppożizzjonijiet stabbiliti f'Mejju 2012. F'dawn il-projezzjonijiet finanzjarji aġġornati ta' Ġunju 2012 BayernLB bidel numru ta' suppożizzjonijiet makroekonomiċi, u aġġusta b'mod partikolari t-tbassir tiegħu għar-rati ta' interessi kurrenti baxxi ħafna (ara t-Tabella 3). Tabella 3 Suppożizzjonijiet ewlenin ta' projezzjonijiet finanzjarji
|
(88) |
BayernLB għamel ukoll għadd ta' aġġustamenti negattivi fil-projezzjonijiet ta' qligħ tiegħu għal raġunijiet speċifiċi għall-kumpaniji. Pereżempju, huwa uża projezzjonijiet tat-taxxa b'aktar kawtela (jiġifieri rata ta' taxxa effettiva ogħla), żied l-ispejjeż operattivi biex jirriflettu deċiżjoni mhux favorevoli tal-Qorti Federali tax-Xogħol (Bundesarbeitsgericht), u aġġorna r-riżultati ħeġġ bejn il-valuti (Cross-Currency-Hedge-Ergebnis) biex jirriflettu l-pożizzjoni fi tmiem l-2011 (31). |
(89) |
BayernLB pprovda analiżi tas-sensittività tal-projezzjonijiet finanzjarji tiegħu għal varjazzjoni tar-rati tal-kambju tad-dollaru Amerikan, tal-frank Svizzeru u tal-isterlina. Skont l-informazzjoni pprovduta, l-introjtu mill-imgħax nett huwa l-aktar sensittiv għal varjazzjonijiet f'rati tal-kambju tad-dollaru. Il-projezzjonijiet dwar l-introjtu mill-imgħax nett għandhom it-tendenza li jonqsu għar-rati tal-kambju ogħla tal-euro/dollaru u li jiżdiedu għar-rati tal-kambju aktar baxxi tal-euro/dollaru. |
—
(90) |
Il-Ġermanja pprovdiet projezzjonijiet finanzjarji dettaljati għal volumi tal-assi, marġini u pożizzjonijiet ta' riskju għal kull qasam tan-negozju, u wkoll għall-finanzjament ta' kull sors ta' rifinanzjament bil-marġini rispettivi. |
(91) |
Iċ-ċifri ewlenin tal-pjan ta' ristrutturar huma ppreżentati fit-Tabella 4. Tabella 4 Iċ-ċifri finanzjarji ewlenin tal-pjan ta' ristrutturar
|
(92) |
Fl-istress test tal-EBA ta' Diċembru 2011, il-proporzjon kapitali bażi EBA tal-Grad 1 ta' BayernLB kien ta' 10 %. Matul il-perjodu ta' ristrutturar, il-bank se jiġġenera żieda fil-profitti. |
—
Tabella 5
Il-projezzjonijiet tal-oqsma ta' negozju u l-profittabilità
Il-qasam ta' negozju |
RoE wara t-taxxa (****) |
RWAs (EUR biljun) |
Bidla fir-RWAs f'% |
|||
2011 (%) |
2012 (%) |
2016 (%) |
2011 |
2016 |
2011-2016 (%) |
|
Kumpaniji u negozji żgħar u ta' daqs medju |
8,3 |
[3-8] |
[5-10] |
27,3 |
[29-31] |
+ [6-14] |
DKB |
4,7 |
[3-8] |
[5-10] |
31,1 |
[38-41] |
+ [21-31] |
Il-proprjetà immobbli |
9,8 |
[3-8] |
[5-10] |
9,7 |
[13-15] |
+ [33-42] |
Il-Banek tat-Tfaddil u l-Assoċjazzjoni |
[15-50] |
[10-35] |
[10-35] |
0,7 |
[1-3] |
+ [50-200] |
Swieq |
4,0 |
[(– 10)-(– 5)] |
[0-5] |
20,3 |
[14-16] |
[(– 31)-(– 21)] |
BayernLabo |
85 |
[115-120] |
[75-80] |
0,6 |
[0,6-0,8] |
+ [0-33] |
Grupp (*****) |
|
[1-5] |
[5-10] |
118,4 |
[95-105] |
[(– 20)-(– 11)] |
Attivitajiet li ma tkomplewx |
||||||
L-unità ta' ristrutturar |
5,6 |
[(– 5)-(0)] |
[(– 13)-(– 5)] |
12,1 |
[1,5-2] |
[(– 100)-(– 75)] |
LBS |
25,3 |
[…] |
[…] |
2.1 |
(…) |
[…] |
MKB |
– 40,4 |
[(– 20)-(– 15)] |
[…] |
7,2 |
(…) |
[…] |
—
(93) |
F'Ġunju 2011, il-Ġermanja pprovdiet il-pjan ta' finanzjament għal BayernLB stabbilit fit-Tabella 6. Din l-analiżi tmur lura għal qabel mal-bank intrabat bit-tnaqqis addizzjonali fil-karta bilanċjali tiegħu li jġib it-total fuq il-karta bilanċjali tiegħu għal madwar EUR 240 biljun fl-2015. Tabella 6 Il-pjan ta' finanzjament
|
(94) |
BayernLB ippovda l-informazzjoni stipulata fit-Tabella 7 li turi t-tibdil matul il-perjodu ta' ristrutturar tiegħu ta' obbligazzjonijiet ta' anterjorità (32) garantiti mill-Istat ta' qabel il-kriżi titolizzati u mhux titolizzati. Tabella 7 Profil tal-maturità tal-obbligazzjonijiet ta' anterjorità
|
(95) |
Il-Ġermanja pprovdiet informazzjoni estensiva dwar sorsi alternattivi ta' finanzjament li huma disponibbli għal BayernLB. L-informazzjoni hija relatata b'mod partikolari mal-kollateral li huwa eliġibbli għall-ħruġ ta' bonds koperti iżda li mhumiex elenkati fil-pjan ta' finanzjament ipprovdut. Tali kollateral ikun disponibbli fil-livell ta' DKB u jista' jipprovdi sors alternattiv irħis ta' finanzjament. Il-Ġermanja pprovdiet ukoll informazzjoni dwar il-kapaċità tal-ħruġ inkrementali fis-swieq internazzjonali. |
—
(96) |
Il-Liġi dwar ir-Rimborż ta' Self f'Munita Barranija (33) ppromulgata mill-awtoritajiet Ungeriżi fil-ħarifa tal-2011 kienet fattur prinċipali fit-telf nett ta' MKB għas-sena ta' EUR 382 miljun. |
(97) |
Billi l-prospettiva tal-qligħ ta' MKB ġiet indebolita b'mod permanenti minħabba r-rimborż antiċipat ta' self f'munita barranija u l-ambjent diffiċli kontinwu, BayernLB niżżel il-valur ta' sehmu fl-MKB b'EUR 576 miljun fil-kontijiet tiegħu, f'konformità mal-istandards ta' kontabilità Ġermaniżi. |
(98) |
Fl-ewwel kwart tal-2012, BayernLB kkontribwixxa EUR 200 miljun għal żieda kapitali għal MKB. Permezz ta' finanzjament intragrupp, BayernLB għandu skopertura għal MKB stmata għal madwar EUR […] biljun fi tmiem l-2012. |
—
(99) |
F'dan l-eżerċizzju tal-kapital tal-EBA ta' Diċembru 2011, il-proporzjon bażi tal-Grad 1 ta' BayernLB skont il-kriterji tal-EBA (“il-proporzjon bażi ta' EBA” jew “il-proporzjoni bażi”) kien ta' 10 %. Filwaqt li qies il-kompożizzjoni tal-portafoll sovran ta' BayernLB, l-EBA ikkonkludiet li BayernLB ma kellu bżonn l-ebda bafer kapitali sovran speċifiku għall-iskoperturi tiegħu fiż-Żona Ekonomika Ewropea. |
—
(100) |
L-ippjanar finanzjarju huwa bbażat fuq is-suppożizzjoni li fl-2013 kellu jkun hemm bidla fl-istandards ta' kontabilità ta' referenza użati għall-kalkolu tal-proporzjonijiet kapitali regolatorji, mill-Prinċipji ta' Kontabbiltà Ġeneralment Aċċettati (GAAPs), skont il-Kodiċi Kummerċjali Ġermaniż (Handelsgesetzbuch), għall-Istandards Internazzjonali tar-Rapportar Finanzjarju (IFRSs). |
(101) |
L-użu tal-IFRSs jagħti lok għal għadd ta' bidliet fil-kapital regolatorju ta' BayernLB, li huma kkunsidrati fil-projezzjonijiet. Impatt deċiżiv tal-bidla jirrigwarda self mingħajr imgħax (self b'sussidji mill-Istat) ipprovdut minn BayernLabo fil-kuntest ta' kostruzzjoni residenzjali u żvilupp urban (34). Skont il-Kodiċi Kummerċjali dan is-self huwa rreġistrat skont il-valur skontat tiegħu (li huwa taħt il-valur nominali, minħabba li s-self ma jħalli l-ebda imgħax). Skont l-IFRSs, kif ikkonfermat mill-awditur ta' BayernLB, is-self ikun kopert skont il-valur nominali tiegħu. Id-differenza tkun tiġġenera kapital fil-livell ta' BayernLabo u konsegwentement fil-livell ta' BayernLB. L-impatt ta' din il-bidla jammonta għal EUR 967 miljun fil-31 ta' Diċembru 2011. |
(f) Tnaqqis fil-pożizzjoni ta' riskju ulterjuri
(102) |
Il-Ġermanja tintrabat li tnaqqas il-pożizzjonijiet ta' riskju ulterjuri ta' EUR 10 biljun sal-2017 b'mod newtrali għall-profitt, li fih kull tnaqqis fl-introjtu jiġi kkumpensat minn tnaqqis korrispondenti fil-kostijiet. It-tnaqqis jista' jinkiseb billi jiġi ottimizzat il-kalkolu tal-pożizzjonijiet tar-riskju jew billi jitnaqqsu l-assi f'ċerti oqsma ta' negozju. |
(103) |
Bħala eżempju BayernLB pprovda l-analiżi li ġejja segment b'segment tat-tnaqqis ta' EUR 10 biljun meta mqabbel mal-projezzjonijiet tal-pożizzjoni ta' riskju fil-pjan ta' ristrutturar: tnaqqis addizzjonali ta' EUR […] biljun f'kumpaniji/negozji żgħar u ta' daqs medju, EUR […] biljun f'DKB, EUR […] biljun fil-proprjetà immobbli, EUR […] biljun fis-swieq, u EUR […] biljun fl-unità tar-ristrutturar. |
(104) |
Bħala eżempju, il-Ġermanja pprovdiet żewġ xenarji possibbli għall-kisba tat-tnaqqis fil-pożizzjoni ta' riskju ta' EUR 10 biljun addizzjonali. Il-Ġermanja u BayernLB jikkunsidraw dawn ix-xenarji possibbli. |
(105) |
Fl-ewwel xenarju, il-Ġermanja tippreżenta l-impatt ta' tnaqqis fil-pożizzjoni ta' riskju li jikkonsisti f'EUR […] biljun, permezz ta' tnaqqis fin-negozju u EUR […] biljun, permezz tal-ottimizzazzjoni, murija fit-Tabella 8. Tabella 8 Xenarju 1
|
(106) |
Fit-tieni xenarju l-Ġermanja tippreżenta l-impatt ta' tnaqqis fil-pożizzjoni ta' riskju li jikkonsisti f'EUR […] biljun, permezz ta' tnaqqis fin-negozju u EUR […] biljun, permezz tal-ottimizzazzjoni, murija fit-Tabella 9. Tabella 9 Xenarju 2
|
(107) |
Skont il-Bank, il-profil preċiż tat-tnaqqis fil-pożizzjonijiet ta' riskju matul il-perjodu ma jistax jiġi stabbilit f'dan l-istadju, minħabba li t-tnaqqis jista' jinkiseb jew permezz ta' ottimizzazzjoni jew permezz ta' tnaqqis fin-negozju. |
4. Skeda ta' rimborż
(108) |
Fuq it-talba tal-Kummissjoni, il-bank ikkalkula l-iskedi ta' rimborż stipulati fit-Tabelli 10 u 11, waqt li kkunsidra t-tnaqqis fil-pożizzjoni ta' riskju li jammonta għal EUR 10 biljun mill-2017. Il-bank qies l-effetti sekondarji kollha tar-rimborż, b'mod partikolari l-pagamenti ta' interessi fuq il-parteċipazzjoni siekta. Barra minn hekk, l-iskeda ta' rimborż hija bbażata fuq suppożizzjoni prudenti li r-regolatur ma jirrikonoxxix il-kapital iġġenerat permezz ta' inklużjoni fil-kapital ta' self ta' BayernLabo fil-valur nominali fil-kapital bażi ta' superviżjoni skont l-IFRSs (Tabella 10). Madankollu, il-Ġermanja ntrabtet li jekk ir-regolatur kellu jirrikonoxxi s-self kollu jew partijiet minnu bħala kapital bażi ta' superviżjoni, dawn ikunu kkunsidrati fl-iskeda għar-rimborż tal-parti korrispondenti tal-pagament ta' rkupru mill-2013 kif indikat fit-Tabella 11. Tabella 10 Skeda ta' rimborż ipotetiku eskluż il-kapital addizzjonali potenzjalment iġġenerat minn kontabilità ta' valur nominali tas-self ta' BayernLabo skont l-IFRSs (f'miljuni ta' EUR)
Tabella 11 Skeda ta' rimborż ipotetiku inklużi kapital addizzjonali ta' […] potenzjalment iġġenerat permezz ta' kontabilità ta' valur nominali ta' self ta' BayernLabo skont l-IFRSs (f'miljuni ta' EUR)
|
5. L-impenji pprovduti mill-Ġermanja
(109) |
Il-Ġermanja impenjat ruħha li tiżgura li l-pjan ta' ristrutturar oriġinali sottomess fid-29 ta' April 2009, kif emendat l-aħħar permezz tal-komunikazzjoniijiet tal-Ġermanja tas-6 u t-12 ta' Ġunju 2012, jiġi implimentat bis-sħiħ, inklużi l-impenji mniżżla fl-Anness I ta' din id-Deċiżjoni u l-kundizzjonijiet stabbiliti fl-Anness II ta' din id-Deċiżjoni, u skont l-iskeda mniżżla f'dawk l-Annessi. |
3. SOMMARJU TAD-DEĊIŻJONI TA' FTUĦ U L-ESTENSJONI TAGĦHA
(110) |
Fid-deċiżjoni ta' ftuħ il-Kummissjoni esprimiet dubji fir-rigward ta' dan li ġej:
|
(111) |
Fiż-żmien li t-tarka tar-riskju ġiet implimentata, il-Ġermanja sostniet li l-ammont ta' għajnuna involut fit-tarka tar-riskju jammonta għal EUR 1,6 biljun. Fid-deċiżjoni ta' ftuħ, il-Kummissjoni qajmet dubji dwar il-korrettezza tal-kalkolu tar-rata tal-iskala tal-għajnuna, b'mod partikolari fin-nuqqas ta' valutazzjonijiet tal-valur tas-suq tal-portafoll ABS, u enfasizzat li r-remunerazzjoni ta' 50 punt bażi kienet ferm inqas minn dak li investitur fis-suq jistenna. |
(112) |
Barra minn hekk, il-Kummissjoni kellha dubji dwar is-suppożizzjonijiet sottostanti tal-pjan ta' ristrutturar u kienet imħassba dwar il-vijabbiltà tas-sussidjarji tal-bank HGAA u MKB. Il-Kummissjoni osservat li l-ebda impenn ċar ma kien ingħata biex jinbiegħu lil HGAA, lil MKB u u lil Banque LB Lux SA minn […]. |
(113) |
Fil-fehma tal-Kummissjoni, it-tnaqqis previst fil-karta bilanċjali u fir-RWAs ma kienx biżżejjed biex jindirizza t-tfixkil fil-kompetizzjoni, billi parti konsiderevoli minn dak it-tnaqqis ikun meħtieġ fi kwalunkwe każ għar-restawr tal-vijabbiltà. |
(114) |
Il-Kummissjoni qalet li hija stenniet aktar miżuri ta' natura komportamentali jew strutturali biex ikompli jittaffa t-tgħawwiġ tal-kompetizzjoni, u f'dak il-kuntest semmiet b'mod partikolari żvestiment possibbli tal-LBS. |
(115) |
Rigward ir-rekwiżit li l-għajnuna tkun limitata għall-minimu, il-Kummissjoni osservat li ma kienx hemm proposti ċari li tressqu rigward il-qsim tal-piżijiet mill-azzjonisti. |
(116) |
Id-Deċiżjoni ta' Salvataġġ ta' HGAA estendiet il-proċedura ta' investigazzjoni formali għall-għajnuna mogħtija mill-Awstrija lil HGAA f'Diċembru 2009. Il-Kummissjoni staqsiet lilha nnifisha jekk dawk il-miżuri jistgħux jikkostitwixxu għajnuna addizzjonali lil BayernLB. Il-Kummissjoni osservat li s-salvataġġ ta' HGAA u l-ħtieġa li tirriżulta li jinkiteb il-valur kontabilistiku jistgħu jheddu l-vijabbiltà ta' BayernLB. BayernLB kien qabel li jbigħ lil HGAA fiż-żmien bħala miżura biex jiġi llimitat kull tgħawwig tal-kompetizzjoni, iżda l-bejgħ ta' HGAA ma setax jitqies bħala miżura li tillimita t-tgħawwiġ tal-kompetizzjoni, billi l-bejgħ deher li kien meħtieġ għall-vijabbiltà ta' BayernLB. Il-Kummissjoni esprimiet dubji dwar jekk il-livell ġenerali ta' miżuri proposti minn BayernLB biex jillimitaw it-tgħawwiġ tal-kompetizzjoni kienx biżżejjed. |
4. KUMMENTI MILL-ĠERMANJA
(117) |
Il-Ġermanja ma kkontestatx li dik l-injezzjoni ta' kapital, it-tarka tar-riskju u l-garanziji pprovduti kienu jikkostitwixxu għajnuna mill-Istat. Il-Ġermanja argumentat li l-kapital ta' BayernLabo ttrasferit lil BayernLB ma kienx jikkostitwixxi għajnuna mill-Istat minħabba li t-trasferiment serva għall-iskop uniku li titħallas lura parti mill-għajnuna li waslet u li jitnaqqas il-kapital ta' BayernLB. U BayernLB diġà kellu l-benefiċċju tal-kapital ta' BayernLabo qabel it-trasferiment, sabiex f'kull każ l-ammont ta' kwalunkwe għajnuna jkun inqas mill-ammont trasferit. |
(118) |
Fil-kuntest tad-diskussjoni dwar il-valur ekonomiku reali tal-portafoll ABS fil-31 ta' Diċembru 2008 u l-konklużjoni tal-Kummissjoni, ibbażata fuq ir-rapport tal-esperti, li l-valur ekonomiku reali kien ta' 83,87 % tal-valur nominali, il-Ġermanja indikat li mhijiex se titlob rivalutazzjoni ġdida u komprensiva. Barra minn hekk, il-Ġermanja aċċettat il-valur tas-suq ta' EUR 11,753-il biljun, li kien ta' 60 % tal-valur nominali. |
(119) |
Il-Ġermanja kkontestat li d-differenza kollha ta' EUR 1,96 biljun bejn il-prezz tat-trasferiment u l-valur ekonomiku reali għandha tiġi rkuprata. B'mod partikolari, l-irkupru ma kellux għalfejn jitħallas fi […], minħabba li l-bank ma kellux bafer ta' kapital adegwat. Għall-istess raġuni, il-Ġermanja ma qablitx mal-pass suġġerit tar-rimborż tal-parteċipazzjonijiet passivi. |
5. IL-VALUTAZZJONI TAL-GĦAJNUNA LILL-BAYERNLB
(120) |
Il-valutazzjoni tal-għajnuna għar-ristrutturar għandha tikkunsidra l-għajnuna kollha mogħtija lil BayernLB mill-2008. |
1. L-eżistenza tal-għajnuna mill-Istat
(121) |
Skont l-Artikolu 107(1) tat-Trattat, kull għajnuna mogħtija minn Stat Membru jew permezz ta' riżorsi tal-Istat fi kwalunkwe forma li twassal għal tfixkil jew thedded li tfixkel il-kompetizzjoni billi tiffavorixxi ċerti impriżi jew il-produzzjoni ta' ċerti prodotti, sa fejn tolqot il-kummerċ bejn l-Istati Membri, tkun inkompatibbli mas-suq intern. |
(122) |
Biex miżura tkun tikkostitwixxi għajnuna mill-Istat iridu jintlaħqu l-kundizzjonijiet li ġejjin: il-miżura trid tkun iffinanzjata mir-riżorsi tal-Istat; trid tagħti vantaġġ lil ċerti impriżi jew lill-produzzjoni ta' ċerti prodotti; dak il-vantaġġ irid ikun selettiv; u l-miżura trid toħloq tfixkil jew thedded li tfixkel il-kompetizzjoni u jkollha l-potenzjal li taffettwa l-kummerċ bejn l-Istati Membri. Dawn il-kundizzjonijiet iridu jiġu ssodisfati kollha qabel ma miżura tkun tista' tiġi kkwalifikata bħala għajnuna mill-Istat. |
(123) |
Il-Kummissjoni ssostni l-fehma tagħha li dawk il-kundizzjonijiet huma fil-fatt issodisfati mill-miżuri kollha ta' għajnuna, hekk kif tispjega hawn taħt fit-taqsimiet minn (a) sa (e). |
(a) Ir-rikapitalizzazzjoni mil-Land tal-Bavarja
(124) |
Il-Kummissjoni stabbiliet, fid-Deċiżjoni dwar is-Salvataġġ, li l-kundizzjonijiet kollha msemmija fil-premessa 122 ġew isssodisfati. It-tisħiħ tal-kapital ta' BayernLB b'EUR 10 biljun għalhekk, jikkostitwixxi għajnuna mill-Istat (35). L-ebda investitur privat ma kien jipprovdi fondi bħal dawn lil kumpanija f'diffikultà, ikunu xi jkunu t-termini. Il-komponent tal-għajnuna tal-injezzjoni ta' kapital fil-bank konsegwentement irid ikun il-valur nominali ta' dik ir-rikapitalizzazzjoni. Skont il-prassi deċiżjonali tal-Kummissjoni (36), għalhekk, l-ammont tal-għajnuna jkun daqs il-valur nominali tal-injezzjoni ta' kapital, jiġifieri EUR 10 biljun. |
(b) It-tarka tar-riskju
(125) |
Hawn ukoll il-Kummissjoni stabbilixxiet, fid-Deċiżjoni dwar is-Salvataġġ, li l-kundizzjonijiet kollha fl-Artikolu 107(1) tat-Trattat ġew issodisfati. It-tarka tar-riskju għalhekk tikkostitwixxi għajnuna mill-Istat. Din l-analiżi, sadanittant, ġiet ikkonfermata permezz tal-komunikazzjoni mill-Kummissjoni dwar it-trattament ta' assi indeboliti fis-settur bankarju tal-Komunità (“il-Komunikazzjoni dwar l-Assi Indeboliti”) (37), li tipprovdi gwida speċifika dwar l-applikazzjoni tar-regoli dwar l-għajnuna mill-Istat għall-miżuri ta' salvataġġ tal-assi. Permezz ta' dan ikun zgurat trattament ugwali taħt ir-regoli tal-għajnuna mill-Istat għall-miżuri ta' salvataġġ tal-assi introdotti mill-Istati Membri. |
(126) |
Għalkemm il-miżura inkwistjoni kienet stabbilita qabel l-adozzjoni tal-Komunikazzjoni dwar l-Assi Indeboliti, il-Kummissjoni trid tapplika l-liġi u l-linji gwida li jkunu fis-seħħ fil-mument li d-deċiżjoni tagħha tiġi adottata, irrispettivament miż-żmien li fih tfasslu jew ġew notifikati l-miżuri tal-għajnuna (38). Fil-kriżi finanzjarja attwali, il-Kummissjoni diġà applikat il-Komunikazzjoni dwar l-Assi Indeboliti għall-miżuri nnotifikati qabel ma l-Komunikazzjoni ġiet ippubblikata (39). |
(127) |
It-tarka tar-riskju pprovduta mil-Land tal-Bavarja taqa' fil-kamp ta' applikazzjoni tal-Komunikazzjoni dwar l-Assi Indeboliti. Il-paragrafi 32 u s-segwitu tal-Komunikazzjoni stabbilixxew il-prinċipji ewlenin li jiggwidaw l-identifikazzjoni tal-assi eliġibbli u l-klassifikazzjoni tagħhom f'kategoriji (“baskets”). Il-portafoll tal-ABS tal-BayernLB fih bosta tipi ta' titoli sottostanti. It-titoli abbażi ta' ipoteka residenzjali (RMBS) kemm dawk primi, kif ukoll dawk li mhumiex primi, jikkostitwixxu madwar nofs il-portafoll totali. Komponenti ewlenin oħra tal-portafoll jinkludu t-titoli abbażi ta' ipoteka ta' negozju (s-CMBSs), is-CDOs kif ukoll l-ABSs oħra relatati mar-riċevibbli ta' negozju u tal-konsumatur. Dawn il-forom kollha ta' titoli abbażi ta' assi huma elenkati fit-Tabella 1 tal-Anness III tal-Komunikazzjoni dwar l-Assi Indeboliti, u għalhekk jikkostitwixxu assi eliġibbli għal miżura ta' salvataġġ tal-assi. |
(128) |
Skont il-paragrafu 39 tal-Komunikazzjoni dwar l-Assi Indeboliti, l-ammont ta' għajnuna f'miżura ta' salvataġġ tal-assi huwa d-differenza bejn il-prezz li bih l-assi jiġu ttrasferiti u l-prezz tas-suq kurrenti tagħhom. Il-prezz tat-trasferiment hawnhekk huwa l-valur nominali ta' EUR 19,589 biljun li minnu titneħħa l-ewwel biċċa telf ta' EUR 1,2 biljun, u jifdal EUR 18,389 biljun. Il-valur tas-suq tal-portafoll huwa ta' madwar EUR 11,8 biljun (40). Id-differenza bejn il-prezz tat-trasferiment u l-valur tas-suq huwa għalhekk daqs jew akbar mill-ammont tat-telf kopert mit-tieni garanzija ta' telf (EUR 4,8 biljun). Għaldaqstant, il-garanzija trid titqies li hija għajnuna mill-Istat fl-intier tagħha. L-ammont ta' għajnuna fil-provvediment tat-tarka tar-riskju huwa għalhekk ta' EUR 4,8 biljun. |
(c) Il-garanziji ta' obbligazzjoni
(129) |
Il-garanziji ta' obbligazzjoni għal ammont ta' EUR 15-il biljun ipprovduti minn SoFFin abbażi tal-pakkett ta' salvataġġ Ġermaniż (41) jikkostitwixxu għajnuna mill-Istat. |
(d) Il-miżuri ta' salvataġġ Awstrijaċi
(130) |
L-ewwel nett, l-operazzjoni għas-salvataġġ ta' HGAA f'Diċembru 2009 uriet li kienet ta' vantaġġ għall-grupp BayernLB, billi l-bank altrimenti kien ikollu jirrikapitalizza s-sussidjarja tiegħu HGAA hu nnifsu (42). Madankollu, wara n-nazzjonalizzazzjoni ta' HGAA mill-Awstrija, BayernLB irrinunzja l-parteċipazzjoni azzjonarja tiegħu f'HGAA; HGAA m'għadux jifforma parti minn BayernLB, u huwa s-suġġett ta' proċedimenti separati ta' għajnuna mill-Istat. Din id-Deċiżjoni hija mingħajr preġudizzju għal dawk il-proċedimenti. |
(131) |
It-tieni, matul in-nazzjonalizzazzjoni ta' HGAA l-Awstrija ppprovdiet garanzija ta' finanzjament ta' EUR 2,638 biljun direttament lill-BayernLB. Il-miżura ġiet iffinanzjata b'mod ċar mir-riżorsi tal-Istat. Mingħajr in-nazzjonalizzazzjoni ta' HGAA u l-għoti tal-garanzija, BayernLB probabbilment kien jitlef parti kbira mill-finanzjament tiegħu. HGAA kien f'sitwazzjoni diffiċli u l-garanzija tal-Istat ħelset lil BayernLB mir-riskju ta' kreditu fi proporzjon mal-livell ta' periklu ta' HGAA. Huwa għalhekk jikkostitwixxi vantaġġ ekonomiku lil BayernLB. Peress li l-BayernLB huwa attiv f'diversi Stati Membri fis-settur finanzjarju, qasam li huwa miftuħ għall-kompetizzjoni internazzjonali intensa, il-vantaġġ irid jitqies bħala li għandu l-potenzjal li jaffettwa l-kummerċ fis-suq intern u li jfixkel il-kompetizzjoni. Għalhekk il-garanzija tal-Istat mogħtija mill-Awstrija għall-finanzjament li l-BayernLB ħalla f'HGAA tikkostitwixxi għajnuna mill-Istat lill-BayernLB. |
(e) Il-kapital ta' BayernLabo ttrasferit lill-Bayern LB
(132) |
Fid-Deċiżjoni tagħha tal-20 ta' Ottubru 2004 fil-Kawża Bayerische Landesbank—Girozentrale (43), il-Kummissjoni kkonstatat li t-trasferiment ta' riżorsi tal-Istat (talbiet pendenti fuq self għall-promozzjoni ta' bini tad-djar) lil BayernLB permezz ta' BayernLabo fis-snin 1994 u 1995 kien jikkostitwixxi għajnuna li kienet żiedet il-kapital ta' ekwità ta' BayernLB. Il-Kummissjoni kkonkludiet li t-trasferiment kien jikkostitwixxi għajnuna fuq il-bażi tal-prinċipju tal-investitur fis-suq, peress li l-ebda investitur f'ekonomija tas-suq ma kien jittrasferixxi kapital taħt l-istess kundizzjonijiet, speċjalment fid-dawl tar-remunerazzjoni miftiehma għar-riżorsi trasferiti, li l-Kummissjoni qieset bħala li kienet baxxa wisq. Mill-5 ta' Marzu 2004, madankollu, wara emenda lill-Kostituzzjoni ta' BayernLB, l-assi trasferiti ma setgħux isostnu aktar lin-negozju kompetittiv ta' BayernLB, u setgħu jservu biss bħala garanzija. Fid-Deċiżjoni tagħha, il-Kummissjoni qieset li l-emenda kienet tfisser li l-kapital ma kienx aktar jikkostitwixxi għajnuna mill-Istat minn dik id-data 'l quddiem. Il-Kummissjoni kkonkludiet, madankollu, li sa dik id-data, id-differenza bejn ir-remunerazzjoni miftiehma minn qabel li tqieset bħala baxxa ħafna u r-remunerazzjoni xierqa kienet tikkostitwixxi għajnuna illegali li kellha tiġi rkuprata. |
(133) |
Sabiex isaħħaħ il-bażi kapitali tiegħu BayernLB issa se jerġa' jirriserva lill-bank bażi, parti mir-riżerva tad-dħul ta' BayernLabo li ma tkunx aktar meħtieġa għan-negozju ta' BayernLabo. Dan ifisser li parti mill-kapital jew il-frott tal-kapital li qabel ma setgħux jintużaw biex isostnu lin-negozju kummerċjali ta' BayernLB se jibdlu n-natura tagħhom, u mhux se jibqgħu jservu biss bħala garanzija f'każ ta' insolvenza. Din it-trasformazzjoni ma ssegwix l-iskop inizjali tal-kapital, li kien li jaġixxi bħala bafer f'xenarju ta' insolvenza. It-trasferiment tal-kapital minn BayernLabo lill-bank bażi jtemm il-limitazzjoni fuq l-użu tiegħu, u BayernLB jista' juża l-kapital mingħajr restrizzjoni. BayernLB mhux se jibqa' jagħti remunerazzjoni lil BayernLabo jew lil-Land tal-Bavarja għal dan id-dritt. B'konsegwenza ta' dan, meta l-Land tal-Bavarja definittivament jirrilaxxa l-kapital lill-BayernLB, BayernLB jirċievi vantaġġ mil-Land. Peress li BayernLB huwa attiv f'diversi Stati Membri fis-settur finanzjarju, qasam li huwa miftuħ għal kompetizzjoni internazzjonali intensa, dan il-vantaġġ irid jiġi kkunsidrat bħala li għandu l-potenzjal li jaffettwa l-kummerċ fis-suq intern u li jfixkel il-kompetizzjoni. Għalhekk it-trasferiment ta' EUR 1 biljun ta' kapital minn BayernLabo lil BayernLB jikkostitwixxi għajnuna mill-Istat. |
(f) Il-konklużjoni dwar l-ammont totali tal-għajnuna
(134) |
L-ammont totali ta' għajnuna mogħtija lil BayernLB mill-Ġermanja permezz tar-rinfurzar ta' kapital (EUR 10 biljun injezzjoni ta' kapital fl-operazzjoni ta' salvataġġ tal-2008, it-trasferiment ta' EUR 1 biljun ta' kapital mingħand BayernLabo fl-2012, u t-tarka tar-riskju ta' EUR 4,8 biljun) huwa ta' EUR 15,8-il biljun. Dan l-ammont jirrappreżenta madwar 8 % tal-assi mwieżna għar-riskju ta' BayernLB fl-2008 (EUR 198 biljun). Barra minn hekk, BayernLB rċeva sa EUR 17,638-il biljun permezz ta' garanziji ta' likwidità mogħtija mill-Ġermanja u l-Awstrija. |
2. Il-kompatibbiltà tal-għajnuna
(a) L-applikazzjoni tal-Artikolu 107(3)(b)tat-Trattat
(135) |
Skont l-Artikolu 107(3)(b) tat-Trattat, l-għajnuna mill-Istat tista' titqies bħala kompatibbli mas-suq intern jekk tkun maħsuba “sabiex tirrimedja taħwid serju fl-ekonomija ta' Stat Membru”. Fl-approvazzjoni tagħha tal-pakkett ta' salvataġġ Ġermaniż, il-Kummissjoni rrikonoxxiet li kien hemm theddida ta' taqlib serju fl-ekonomija tal-Ġermanja u li l-appoġġ mill-Istat għall-banek kien aktarx jirrimedja dak it-taqlib. Minkejja li l-ekonomija ilha tirkupra bil-mod il-mod sa mill-bidu tal-2010, dan l-aħħar reġa' deher l-istress fis-swieq finanzjarji, u l-Kummissjoni għadha tikkunsidra li r-rekwiżiti biex l-għajnuna mill-Istat tiġi approvata skont l-Artikolu 107(3)(b) tat-Trattat huma ssodisfati. F'Diċembru 2011, il-Kummissjoni kkonfermat din il-fehma meta adottat Komunikazzjoni dwar l-applikazzjoni, mill-1 ta' Jannar 2012, tar-regoli ta' għajnuna mill-Istat biex jappoġġaw miżuri favur il-banek fil-kuntest tal-kriżi finanzjarja (44), li fiha ttawlet l-applikazzjoni ta' dawk id-dispożizzjonijiet. |
(136) |
Il-kollass ta' bank li huwa kkunsidrat minn Stat Membru li jkun ta' importanza sistemika, bħal BayernLB, jista' jaffettwa s-swieq finanzjarji b'mod dirett, u għalhekk l-ekonomija sħiħa ta' Stat Membru. Fid-dawl tas-sitwazzjoni fraġli attwali tas-swieq finanzjarji, il-Kummissjoni għalhekk qed tkompli ssejjes il-valutazzjoni tagħha tal-miżuri ta' għajnuna mill-Istat fis-settur bankarju fuq l-Artikolu 107(3)(b) tat-Trattat. |
(b) Il-konformità tal-miżura tal-assi indeboliti mal-Komunikazzjoni dwar l-Assi Indeboliti
(137) |
Fid-deċiżjoni ta' ftuħ, il-Kummissjoni qajmet dubji rigward il-kompatibbiltà tat-tarka tar-riskju. Dawn id-dubji jridu jiġu vvalutati fid-dawl tal-Artikolu 107(3)(b) tat-Trattat fuq il-bażi tal-Komunikazzjoni dwar l-Assi Indeboliti, sabiex jiġi stabbilit jekk l-assi li jikkwalifikawx għall-għajnuna skont il-paragrafu 32 tal-Komunikazzjoni. |
(138) |
Il-paragrafu 46 tal-Komunikazzjoni dwar l-Assi Indeboliti jistipula li filwaqt li huwa kompitu tal-Istati Membri li jagħżlu l-aħjar mudell sabiex jeħilsu lill-banek mill-assi indeboliti, madankollu, sabiex jiġu evitati l-kunflitti ta' interess u jiffaċilitaw il-bank benefiċjarju biex jiffoka fuq ir-restawr tal-vijabbiltà, huwa meħtieġ li tiġi żgurata separazzjoni funzjonali u organizzattiva ċara bejn il-bank u l-assi indeboliti tiegħu, partikolarment f'dak li jirrigwarda l-amministrazzjoni, il-persunal u l-klijentela tagħhom. |
(139) |
Għalkemm il-Land tal-Bavarja jipprovdi garanzija li tipproteġi lil BayernLB kontra telf li jiġi mill-portafoll tiegħu tal-ABS, l-assi protetti kollha jibqgħu fuq il-karta bilanċjali ta' BayernLB. |
(140) |
Il-Kummissjoni taċċetta l-fatt li s-segregazzjoni sħiħa tal-assi koperti u tal-persunal li jimmaniġġjawhom tista', f'każ ta' garanzija ta' tali daqs bħat-tarka tar-riskju, tkun diffiċli u potenzjalment ta' dannu għall-għan li jitnaqqas it-telf mistenni. Għalhekk, ma hemm l-ebda rekwiżit għall-maniġers tal-portafoll li jkunu ddedikati esklussivament għall-ġestjoni ta' assi koperti jew inkella li l-assi koperti jinżammu separati minn assi oħra tal-bank. |
(141) |
Barra minn hekk, il-Kummissjoni tqis li l-Ġermanja stabbiliet salvagwardji adegwati biex tipprevjeni kunflitti ta' interess u biex tiżgura li t-telf fuq l-assi koperti jitnaqqsu għall-minimu (45). B'mod partikolari, BayernLB stabbilixxa Unità interna ta' Ristrutturar li fiha ġew trasferiti diversi portafolli. L-Unità ta' Ristrutturar ħadet ir-responsabbiltà li tnaqqas dawn il-portafolli u li tissorvelja wkoll it-tnaqqis tal-attivitajiet ta' negozju f'unitajiet oħra ta' BayernLB. L-Unità ta' Ristrutturar hija funzjonalment u mil-lat organizzattiv, separata mill-unitajiet l-oħra ta' BayernLB (46). |
(142) |
Il-Kummissjoni qabbdet esperti esterni biex iwettqu valwazzjoni tal-portafoll ABS ta' BayernLB. It-tim ta' esperti tal-Kummissjoni stabbilixxa l-valur ekonomiku reali (VER) tal-portafoll ABS ta' BayernLB, għal 83,87 % tal-valur nominali, skont il-prassi deċiżjonali tal-Kummissjoni. Il-valur ekonomiku reali jammonta għal EUR 16,429-il biljun. |
(143) |
Skont il-punt 20 tal-Komunikazzjoni dwar l-Assi Indeboliti, l-applikazzjonijiet għall-għajnuna għandhom ikunu suġġetti għal trasparenza u divulgazzjoni sħiħa ta' indebolimenti minn banek eliġibbli dwar l-assi li jkunu se jiġu koperti mill-miżuri ta' salvataġġ, fuq il-bażi ta' valwazzjoni xierqa, iċċertifikata minn esperti indipendenti rikonoxxuti u vvalidata mill-awtorità rilevanti ta' sorveljanza. Informazzjoni ddettaljata dwar il-portafoll protett ġiet ipprovduta lill-Kummissjoni. L-effett ta' sulliev kapitali ta' EUR 1,28 biljun kien ikkonfermat minn BaFin f'April 2010. Il-Kummissjoni hija għalhekk sodisfatta li dan il-kriterju ntlaħaq. |
(144) |
Il-prinċipju tal-qsim tal-piżijiet stabbilit fil-Komunikazzjoni dwar l-Assi Indeboliti jirrikjedi li l-banek iġorru t-telf assoċjat ma' assi indeboliti sal-massimu possibbli. Għalhekk, l-assi għandhom, fil-prinċipju, jiġu ttrasferiti bi prezz li jkun daqs jew inqas mill-VER. Dan jista', pereżempju, jinkiseb permezz ta' tniżżil fil-valur minn qabel li jġib il-valur tal-assi għall-VER. Il-paragrafu 24 tal-Komunikazzjoni jipprovdi li, meta ma jkunx possibbli li jintlaħaq qsim sħiħ tal-piżijiet ex ante, il-bank għandu jintalab li jikkontribwixxi għat-telf jew għall-kopertura mir-riskju f'forma ta' klawżoli ta' rkupru jew permezz ta' klawsola ta' “l-ewwel telf”, li għandu jitħallas mill-bank. |
(145) |
F'dan il-każ, is-salvataġġ tal-assi indeboliti sar mingħajr ma sar tniżżil fil-valur minn qabel għall-VER tal-portafoll ABS. Il-qsim tal-piżijiet kellu jitwettaq, madankollu, permezz tal-ewwel parti ta' telf ta' EUR 1,2 biljun miżmuma minn BayernLB. |
(146) |
Il-Kummissjoni stabbiliet li l-VER kien ta' 83,87 % tal-valur nominali, li jammonta għal EUR 16,429-il biljun. B'hekk il-prezz tat-trasferiment ta' EUR 18,349-il biljun huwa, wara li jitnaqqas l-ewwel telf, EUR 1,960 biljun 'il fuq mill-VER. Skont il-paragrafu 41 tal-Komunikazzjoni dwar l-Assi Indeboliti, dan l-ammont, “it-transfer delta”, għandu jiġi rkuprat minn BayernLB, jew immedjatament jew tal-anqas matul iż-żmien. |
(147) |
Irkupru jitlob li l-bank benefiċjarju jirrimborża l-ammont kollu 'l fuq mill-VER li huwa kopert mill-garanzija. Jekk l-ebda rkupru sħiħ ma huwa possibbli, se jkunu meħtieġa miżuri estensivi sabiex jillimitaw it-tgħawwig tal-kompetizzjoni. Madankollu, il-Kummissjoni ma tara l-ebda raġuni għalfejn irkupru sħiħ ma jkunx possibbli fil-każ inkwistjoni. |
(148) |
Il-Kummissjoni tinnota li BayernLB issa huwa lest li jħallas primjum addizzjonali ta' 3,75 % fuq il-parti tal-garanzija li tammonta għal EUR 2 biljun, jiġifieri EUR 75 miljun fis-sena, u imposta speċjali ta' EUR 45 miljun kull sena, jiġifieri total ta' EUR 120 miljun fis-sena għal sitt snin sal-2015. Dak l-arranġament jkun jammonta għal pagament ta' rkupru annwali ta' EUR 120 miljun. |
(149) |
Dan iħalli marġini ta' EUR 1,24 biljun li għandu jitħallas fuq perjodu ta' żmien (l-irkupru ta' EUR 1,96 biljun li minnu jitnaqqsu s-sitt pagamenti annwali ta' EUR 120 miljun imsemmija fil-premessa 148). BayernLB jsostni li mhux se jkun kapaċi jħallas dak l-ammont (ara l-premessa 119). |
(150) |
Madankollu, il-Kummissjoni tqis li rkupru ta' ammont nominali ta' EUR 1,96 biljun sal-2019 huwa fattibbli. Skont il-paragrafu 41 tal-Komunikazzjoni dwar l-Assi Indeboliti, irkupru parzjali għandu jkun permess biss jekk l-irkupru sħiħ jirriżulta fl-insolvenza teknika ta' BayernLB. Madankollu, il-Kummissjoni ma temminx li dan jista' jiġri jekk il-pagamenti ta' rkupru ġew mifruxa fuq perjodu ta' żmien partikolari, anki wara l-perjodu ta' ristrutturar. Approċċ bħal dan ma jkunx f'kunflitt mal-paragrafu 41 tal-Komunikazzjoni, li ma jirreferix għal ħlas fi żmien perjodu speċifiku iżda għal ħlas “fi stadju aktar tard”. Din l-interpretazzjoni hija konformi mal-prassi deċiżjonali stabbilita (47). Għalhekk il-Kummissjoni tikkunsidra li r-rekwiżit tal-kondiviżjoni tal-piż fil-Komunikazzjoni dwar l-Assi Indeboliti jkun irrispettat jekk irid jinkiseb irkupru sħiħ sal-2019. |
(151) |
Fil-premessa 78 tad-deċiżjoni ta' ftuħ, il-Kummissjoni enfasizzat li r-remunerazzjoni ta' 50 punt bażi li kienet titħallas mill-bank f'dak iż-żmien kienet ferm taħt il-prezz li investitur tas-suq jistenna. |
(152) |
L-awtoritajiet Ġermaniżi, sadanittant, impenjaw ruħhom li BayernLB iħallas remunerazzjoni ta' 6,25 % fuq l-effett ta' sulliev kapitali. Din ir-remunerazzjoni hija konformi mal-livelli approvati f'deċiżjonijiet preċedenti tal-Kummissjoni (48). |
(153) |
Fuq il-bażi ta' dan ta' hawn fuq, BayernLB ikollu jħallas 6,25 % fuq effett ta' sulliev kapitali ta' EUR 1,28 biljun. BayernLB aċċetta li jħallas primjum bażiku ta' 6,25 % fuq is-sulliev kapitali ta' EUR 1,28 biljun, jiġifieri EUR 80 miljun fis-sena, li tibda mill-1 ta' Jannar 2010 […]. |
(154) |
Peress li BayernLB iħallas remunerazzjoni adegwata, li tammonta għal EUR 80 miljun fis-sena, għall-garanzija tal-assi, u bil-kundizzjoni li l-Ġermanja tirkupra bis-sħiħ il-parti eċċessiva tad-differenza fit-trasferiment, li tammonta għal EUR 1,96 biljun, sabiex iġib il-prezz tat-trasferiment konformi mar-REV, il-garanzija tal-assi fuq il-portafoll tal-ABS tista' titqies bħala kompatibbli mas-suq intern. Biex jinkiseb irkupru sħiħ, il-kundizzjonijiet fl-Anness II ta' din id-Deċiżjoni jridu jintlaħqu. Fid-dawl ta' dawn il-kunsiderazzjonijiet id-dubji indikati fid-deċiżjoni ta' ftuħ ittaffew. |
(c) Il-kompatibbiltà tal-għajnuna għar-ristrutturar
(155) |
Il-miżuri kollha li l-Kummissjoni identifikat bħala għajnuna mill-Istat ittieħdu fil-kuntest tar-ristrutturar ta' BayernLB. F'din id-Deċiżjoni l-Kummissjoni għandha teżamina dawk il-miżuri kollha, inkluża l-miżura meħuda mill-Awstrija. Ir-regoli applikabbli għall-għoti ta' għajnuna għar-ristrutturar lill-istituzzjonijiet finanzjarji fil-kriżi attwali huma stabbiliti fil-Komunikazzjoni tal-Kummissjoni dwar ir-ritorn għall-vijabbiltà u l-valutazzjoni ta' miżuri ta' ristrutturar fis-settur finanzjarju fil-kriżi attwali skont ir-regoli tal-għajnuna mill-Istat (“il-Komunikazzjoni dwar ir-Ristrutturar”) (49). Il-Komunikazzjoni dwar ir-Ristrutturar tindika li, sabiex ikun kompatibbli mas-suq intern skont l-Artikolu 107(3)(b) tat-Trattat, ir-ristrutturar ta' istituzzjoni finanzjarja fil-kuntest tal-kriżi finanzjarja attwali jrid iwassal għar-ritorn tal-vijabbiltà tal-bank, irid jinkludi kontribut suffiċjenti tal-(kondiviżjoni tal-piżijiet) tar-riċevituri nfushom u jillimita l-għajnuna għall-minimu meħtieġ, u jrid jinkludi miżuri xierqa maħsuba biex jillimitaw it-tgħawwiġ tal-kompetizzjoni. |
(156) |
Meta l-Kummissjoni tanalizza r-ristrutturar ta' bank fil-kuntest tal-kriżi finanzjarja attwali, tħares lejn il-miżuri ta' għajnuna li jtejbu s-sitwazzjoni kapitali tal-bank. Mhijiex il-prattika tal-Kummissjoni fid-Deċiżjonijiet tagħha li teżamina l-assistenza ta' likwidità jew il-garanziji ta' finanzjament fid-dettall u lil hinn mill-kontribut li jistgħu jkunu mistennija li jagħmlu lir-ristrutturar ġenerali. Fid-dawl ta' dan, il-Kummissjoni tqis li r-responsabbiltà u l-garanziji ta' finanzjament mogħtija mill-Ġermanja u l-Awstrija huma kompatibbli mas-suq intern. |
(157) |
Skont il-Komunikazzjoni dwar ir-Ristrutturar, l-għajnuna għar-ristrutturar għandha tiżgura li l-bank ikun jista' jirritorna għall-vijabbiltà, iżda għandha tkun limitata għall-minimu meħtieġ biex jinkiseb dak ir-riżultat. Fil-premessa 99 tad-deċiżjoni ta' ftuħ, il-Kummissjoni qalet li l-pjan ta' ristrutturar ma fih ebda proposti ambizzjużi biex l-għajnuna tiġi llimitata għall-minimu. |
(158) |
BayernLB kiseb injezzjoni ta' kapital ta' EUR 10 biljun, li hija biċ-ċar l-ogħla waħda li qatt inkisbet mil-Landesbanken kollha Ġermaniżi. Fl-istress test EBA ta' Diċembru 2011 il-proporzjon bażi tal-Grad 1 tal-EBA ta' BayernLB kien ta' 10 %. Fost it-13-il istituzzjoni finanzjarja Ġermaniża li ħadu sehem fl-eżerċizzju tal-istress test, BayernLB kien ir-raba' wieħed bl-ogħla kapital: huwa kien ikkapitalizzat aħjar mill-banek Ġermaniżi l-oħrajn kollha li kienu rċevew l-għajnuna mill-Istat (50) bl-eċċezzjoni ta' HRE, u kkapitalizzat aħjar mill-banek il-kbar l-oħra li ma kienu rċevew l-ebda assistenza ta' kapital, bħad-Deutsche Bank u l-Helaba Landesbank Hessen-Thüringen. F'każ li ma jkun hemm l-ebda tifdija ta' xi kapital, kwalunkwe eċċess ta' kapital provdut bħala għajnuna mill-Istat ikun jista' jintuża minn BayernLB biex jikkompeti b'mod aggressiv għad-detriment tal-banek oħra, b'mod partikolari banek reġjonali l-oħra (Landesbanken), barra mill-qasam tan-negozju ġeografiku preċedenti tiegħu (51). Limitazzjoni tal-kapital hija għalhekk meħtieġa biex jiġi limitat it-tgħawwiġ tal-kompetizzjoni. |
(159) |
Barra minn hekk, jekk BayernLB ma kellux għalfejn juża l-kapital tiegħu b'mod razzjonali jkun imħares minn pressjoni kompetittiva. Huwa jkun f'pożizzjoni li jalloka l-kapital sotto-ottimalment, li, fuq perjodu twil ta' żmien, jirriżulta f'redditu taħt il-medja. Tali kapitalizzazzjoni żejda tista' tintuża biex tassorbi telf minn investimenti imprudenti u tippermetti kontroll ineffettiv tar-risku tal-kreditu. Għalhekk ma toħloqx struttura tajba ta' inċentivi biex jiġi żgurat ir-ritorn għall-vijabbiltà. Barra minn hekk, il-kapitalizzazzjoni eċċessiva tipprevjeni wkoll lill-bank milli jiġġenera RoE kompetittiv (52). |
(160) |
Minkejja dawn id-diffikultajiet, il-Ġermanja ma offriet l-ebda soluzzjoni li tippermetti li l-kapital eċċessiv jiġi mifdi. |
(161) |
Madankollu, iż-żieda fil-kapital tikkonsisti minn injezzjoni kapitali ta' EUR 7 biljun u parteċipazzjoni siekta ta' EUR 3 biljun. Il-parteċipazzjoni siekta hija strument li jista' jiġi mifdi. Barra minn hekk, ġie provdut qabel ma ġew miftiehma r-regoli ta' Basel III, u mhux se jikkwalifika bħala kapital tal-ABE ladarba r-regoli ta' Basel III jiġu implimentati. Minħabba li għandu kupun ta' 10 %, il-parteċipazzjoni siekta fuq perjodu medju ssir sors ekonomikament għali ta' finanzjament, u tillimita l-kapaċità ta' distribuzzjoni ta' qligħ ta' BayernLB, li min-naħa tiegħu jrendi l-bank inqas attraenti għall-investituri kapitali l-ġodda. |
(162) |
Barra minn hekk, skont il-pjan ta' ristrutturar, il-bank beħsiebu jagħmel profitti matul il-perjodu ta' ristrutturar. Dawn il-profitti ma jkunux jistgħu jiġu ddistribwiti, minħabba li BayernLB jinsab fir-ristrutturar. Meta dan jitqies b'mod parallel mat-tnaqqis fil-pożizzjoni ta' riskju previst fil-pjan ta' ristrutturar, jista' jkun mistenni li l-kapitalizzazzjoni tal-bank tiżdied kull sena, u din ittejjeb il-kapaċità tiegħu li jħallas lura. Barra minn hekk, il-Ġermanja kkommettiet ruħha għal tnaqqis ta' pożizzjoni ta' riskju addizzjonali lil hinn mit-tnaqqis previst fil-pjan ta' ristrutturar, li jillibera ammont addizzjonali ta' 10 % mill-kapital ta' BayernLB. |
(163) |
Fuq dik il-bażi, il-Kummissjoni talbet lill-awtoritajiet Ġermaniżi biex jipprovdu skeda għall-parteċipazzjoni siekta ta' rimborż ta' EUR 3 biljun qabel l-2018, meta hija ma tibqax tissodisfa r-rekwiżiti kollha li għandhom jiġu rikonoxxuti bħala kapital bażi għall-finijiet ta' superviżjoni. B'reazzjoni l-awtoritajiet Ġermaniżi pprovdew ix-xenarji ta' rimborż indikati fi Table 10 — Hypothetical repayment schedule excluding additional capital potentially generated by nominal-value accounting of BayernLabo loans. |
(164) |
Il-Kummissjoni tqis li l-għajnuna tista' tkun limitata għall-minimu neċessarju permezz tar-rimborż tal-parteċipazzjoni siekta ta' EUR 3 biljun, kif indikat fit-Tabella 10. Dan ir-rimborż huwa xieraq fid-dawl, l-ewwel nett, tal-projezzjonijiet tal-bank u, it-tieni, tar-rekwiżiti regolatorji l-aktar reċenti, li jappellaw għal kapitalizzazzjoni 'l fuq minn 9 % tal-kapital bażi tal-Grad 1 flimkien ma' bafer kapitali (li wkoll se jkun il-każ skont ir-regoli ta' Basel III). Fuq dik il-bażi, suġġetta għall-kundizzjoni tar-rimborż dettaljat fl-Anness II, il-Kummissjoni tqis li l-għajnuna għar-ristrutturar hija limitata għall-minimu meħtieġ biex tkun restawrata l-vijabbiltà. |
(165) |
Il-Kummissjoni tinnota li speċjalment fir-rigward ta' BayernLabo l-iskeda ta' rimborż hija bbażata fuq suppożizzjonijiet u trattament regolatorju ta' kontabilità partikolari għalkemm fir-realtà hemm xi inċertezza dwar il-qafas applikabbli. Jekk is-suppożizzjonijiet jinbidlu, ir-rimborż ikun skont it-Tabella 11. |
(166) |
Il-Kummissjoni se tivvaluta l-vijabbiltà tal-bank fuq il-bażi tal-iskeda ta' rimborż u l-kontribuzzjoni tal-bank u tal-azzjonisti tiegħu. |
(167) |
Fil-valutazzjoni ta' pjan ta' ristrutturar, il-Kummissjoni jeħtiġilha tevalwa jekk il-bank hux kapaċi jirrestawra l-vijabbiltà fuq perjodu fit-tul mingħajr għajnuna mill-Istat (it-Taqsima 2 tal-Komunikazzjoni dwar ir-Ristrutturar). Id-deċiżjoni ta' ftuħ qajmet dubji f'dan ir-rigward. |
(168) |
Skont il-Komunikazzjoni dwar ir-Ristrutturar, il-vijabbiltà fit-tul tinkiseb jekk il-bank ikun kapaċi jikkompeti fis-suq għall-kapital fuq il-merti tiegħu stess b'konformità mar-rekwiżiti regolatorji rilevanti. Biex jagħmel dan, il-bank irid ikopri l-ispejjeż kollha tiegħu u jipprovdi redditu xieraq fuq l-ekwità, b'kunsiderazzjoni tal-profil tar-riskju tiegħu. Il-vijabbiltà fit-tul tirrikjedi wkoll li kull għajnuna mill-Istat li tasal jew tiġi mifdija maż-żmien, hekk kif previst fiż-żmien meta tingħata l-għajnuna, jew tiġi rrimunerata skont il-kundizzjonijiet normali tas-suq, u b'hekk jiġi żgurat li kull forma ta' għajnuna mill-Istat addizzjonali tintemm. Ir-ritorn għall-vijabbiltà għandu jiġi minn miżuri interni u jkun ibbażat fuq pjan ta' ristrutturar kredibbli, u għandu jidentifika l-kawżi tad-diffikultajiet tal-bank u d-dgħufijiet tiegħu u jispjega kif l-operazzjoni ta' ristrutturar se tirrimedjahom. B'mod partikolari, ir-ristrutturar b'suċċess jirrikjedi l-irtirar minn kull attività li fuq perjodu medju jibqa' strutturalment wieħed li jiġġenera t-telf. |
(169) |
Il-Kummissjoni tqis li dan ir-rekwiżit milħuq, peress li l-pjan ta' ristrutturar jipprevedi tnaqqis sinifikanti fl-attivitajiet tas-suq finanzjarju tal-bank kemm fil-volum kif ukoll fil-kumplessità, u jnaqqas l-attivitajiet barranin tal-bank biex jiffoka fuq il-qasam fejn tinsab il-kompetenza prinċipali tiegħu, prinċipalment is-servizzi bankarji ta' negozju għal klijenti konsumaturi u l-klijenti ta' negozju żgħar u ta' daqs medju fis-swieq nazzjonali reġjonali tiegħu. |
(170) |
Il-punt 13 tal-Komunikazzjoni dwar ir-Ristrutturar jirrikjedi li l-pjan ta' ristrutturar ikun ibbażat fuq suppożizzjonijiet li jitqabblu ma' parametri referenzjarji xierqa mifruxa mas-settur kollu, emendati b'mod adegwat biex jikkunsidraw l-elementi l-ġodda tal-kriżi attwali fis-swieq finanzjarji, u għandu jinkorpora l-livell ta' stress adegwat. |
(171) |
Il-Kummissjoni tinnota li ċ-ċifri li BayernLB pprovda huma allinjati ma' parametri referenzjarji internazzjonali. Il-previżjonijiet makroekonomiċi huma konformi ma' dawk ta' istituzzjonijiet internazzjonali, u l-istimi tas-suq tal-muniti barranin jistgħu jitqiesu bħala konservattivi. Il-projezzjonijiet ta' BayernLB dwar l-EUR/USD jinkorporaw dollaru aktar dgħajjef fl-2016 minn dak suġġerit mil-livell tal-parità tal-kapaċità tal-akkwist; dan jissuġġerixxi li l-qligħ f'dollari ta' BayernLB ġew ikkonvertiti f'euro b'mod konservattiv. Projezzjonijiet relattivament għolja tar-rata tal-kambju tal-EUR/USD x'aktarx li jkollhom impatt negattiv fuq l-introjtu nett prospettiv, billi BayernLB għandu aktar assi denominati f'dollari minn obbligazzjonijiet (53). Il-livelli pproġettati tad-dollaru meta mqabbla mal-euro huma taħt il-livelli kurrenti tar-rata tal-kambju tal-EUR/USD u l-livelli tal-kurva futura. |
(172) |
Skont l-analiżi tas-sensittività mogħtija minn BayernLB (il-premessa 89) il-profitti tal-bank jiżdiedu jekk kien mistenni dollaru aktar b'saħħtu skont il-projezzjonijiet. Din iż-żieda tista' tiġi spjegata mill-fatt li BayernLB għandu aktar assi milli obbligazzjonijiet f'USD u għaldaqstant, f'każ li d-dollaru jkun aktar b'saħħtu, l-ekwivalenti tal-euro tal-imgħax nett li huwa jirċievi f'dollari huwa ogħla. Peress li BayernLB jassumi dollaru aktar dgħajjef minn dak mistenni mis-swieq finanzjarji, kif rifless fil-kurva futura, is-suppożizzjoni tista' titqies bħala waħda li tiflaħ għall-istress. |
(173) |
Il-Kummissjoni tosserva wkoll li BayernLB aġġusta l-projezzjonijiet tiegħu biex jinkorpora l-impatt negattiv ta' numru ta' elementi speċifiċi għall-kumpaniji (is-sentenza tal-Qorti Federali tax-Xogħol, MKB fl-Ungerija, l-ispejjeż tal-iħħeġġjar tal-kambju, u r-rata tat-taxxa). Dan jikkonferma li l-previżjonijiet finanzjarji tal-bank huma prudenti u jieħdu kont biżżejjed ta' stress li huwa possibbli. |
(174) |
Il-projezzjonijiet finanzjarji ppreżentati fis-6 ta' Ġunju 2012 ibassru ritorn gradwali lejn il-profittabilità permezz ta' żieda moderata fl-introjtu akkumpanjata minn tnaqqis tal-ispejjeż. Il-livelli projettati ta' introjtu huma konformi mal-livelli miksuba fil-passat. B'mod partikolari, il-livelli projettati ta' introjtu fuq il-pożizzjonijiet ta' riskju (li jirrappreżenta l-kapaċità li tiġġenera l-introjtu fir-rigward tal-assi aġġustati għar-riskju) huma konformi mal-projezzjonijiet mill-pari ta' BayernLB. Il-projezzjonijiet fi Table 4 huma inqas mil-livelli miksuba fl-2009 u l-2010 (54). Għaldaqstant, il-Kummissjoni tqis il-projezzjonijiet dwar l-introjtu bħala prudenti. Il-komponenti kollha ta' introjtu, u b'mod partikolari l-introjtu mill-imposti, huma mbassra skont il-livelli miksuba fil-passat. |
(175) |
Il-projezzjonijiet ta' BayernLB jistennew li l-provvedimenti ta' telf fis-self ta' negozju jonqsu matul il-perjodu ta' ristrutturar, li huwa konsistenti mar-ritorn fuq perjodu medju għat-tkabbir ekonomiku. BayernLB jipprojetta tnaqqis ta' [15-30] % fl-ispejjeż tul il-perjodu ta' ristrutturar, li jwassal għal proporzjon finali tal-kost/tal-introjtu ta' [30-60] %. Dan il-livell huwa konformi ma' dawk ta' banek megħjuna oħrajn (55). Il-Kummissjoni tqis li titjib tal-proporzjon tal-kost/tal-introjtu huwa meħtieġ għar-ritorn lejn il-vijabbiltà. Minħabba l-mudell ta' negozju ta' BayernLB, li ma joperax fergħat tal-konsumaturi (fergħat tal-konsumaturi għandhom it-tendenza li jżidu l-proporzjon tal-kost/tal-introjtu tal-banek b'operazzjonijiet għall-konsumatur), il-livelli storiċi ta' proporzjon tal-kost/tal-introjtu ma jistgħux jitqiesu bħala sostenibbli. |
(176) |
Fir-rigward tal-finanzjament, l-isfida li l-Landesbanken qed jiffaċċjaw fuq perjodu medju hija s-sostituzzjoni ta' dejn li jgawdi mill-klawżola ta' anterjorità garantit mill-Istat. Dejn li jgawdi mill-klawżola ta' anterjorità jikkostitwixxi sors irħis ta' finanzjament għal-Landesbanken li ma jistax jiġi sostitwit bl-istess prezz. Fi tmiem l-2010 BayernLB kellu EUR 58 biljun ta' dejn pendenti li jgawdi mill-klawżola ta' anterjorità. Virtwalment dan id-dejn kollu jimmatura sa tmiem l-2015. Il-Kummissjoni tinnota li l-obbligazzjonijiet maturati li jgawdu mill-klawżola ta' interjorità huma kkumpensati sew mit-tnaqqis tal-karta bilanċjali ta' EUR 70 biljun previst minn BayernLB f'Ġunju 2011. |
(177) |
Aktar tnaqqis addizzjonali offrut mill-bank wassal għal impenn min-naħa tal-awtoritajiet Ġermaniżi li l-karta bilanċjali titnaqqas għal b'total ta' EUR 240 biljun. Il-pjan ta' finanzjament ippreżentat f'Ġunju 2011 ppreżenta għadd ta' punti dgħajfa f'termini ta' kredibbiltà tad-disponibbiltà ta' ċerti sorsi ta' finanzjament. L-ewwel nett, il-pjan ibbaża fuq suppożizzjoni li d-depożiti tal-korporattivi jiżdiedu b'EUR [2-8] biljun, żieda ta' […] % fuq il-livell tal-2010. It-tieni, il-finanzjament ta' Depot B miksub permezz ta' banek tat-tfaddil kien ipprojettat li jiżdied b'EUR [1-5] biljun, żieda ta' […] % fuq il-livell tal-2010. Dawn il-kwistjonijiet kienu indirizzati bi tnaqqis addizzjonali ta' EUR [3-10] biljun miksuba permezz ta' tnaqqis addizzjonali f'żoni ta' negozju b'finanzjament intensiv (proprjetà immobbli, korporattivi u finanzjament ta' proġetti). Barra minn hekk, BayernLB ipprovda informazzjoni kredibbli dwar is-sorsi ta' finanzjament alternattivi disponibbli, b'mod partikolari l-kapaċità tiegħu biex jinħarġu iktar bonds koperti (Pfandbriefe). |
(178) |
Il-Kummissjoni tinnota wkoll b'mod favorevoli t-tnaqqis fuq id-dipendenza fuq finanzjament mhux garantit mis-suq interbankarju, kif jidher fit-Table 6. |
(179) |
Il-punt 13 tal-Komunikazzjoni dwar ir-Ristrutturar jindika li l-vijabbiltà fit-tul tinkiseb meta l-bank ikun kapaċi jipprovdi redditu xieraq fuq l-ekwità, waqt li jikkunsidra l-profil tar-riskju tiegħu. Fin-nuqqas ta' rimborż il-bank ma kienx se jkun kapaċi jiġġenera RoE suffiċjenti biex ikun kompetittiv fis-suq tal-kapital. Wara r-ristrutturar, il-bank jiġġenera RoE ta' [5-10] %, filwaqt li jassumi proporzjon kapitali ta' 10 %. Il-kalkoli tar-RoE fit-Tabella 4 jassumu proporzjon kapitali ta' 10 %, li kien il-proporzjon bażi tal-Grad 1 tal-EBA rreġistrat mill-EBA għal BayernLB fl-eżerċizzju kapitali ta' Diċembru 2011. Huwa wkoll il-proporzjon użat minn BayernLB biex jippreżenta r-RoE fil-projezzjonijiet tiegħu (ara t-Tabella 4). Madankollu, fin-nuqqas ta' rimborż, il-proporzjon kapitali tal-bank ikun sostanzjalment ogħla (kif spjegat fil-premessa 159, il-proporzjonijiet kapitali ta' BayernLB setgħu żdiedu mil-livell ta'10 % ta' Diċembru 2011 fuq il-bażi ta' projezzjonijiet ta' profitti sostnuti matul il-perjodu biss jekk dawn il-profitti kellhom jinżammu), biex ir-RoE jkun aktar baxx minn dak ipprojettat. |
(180) |
Permezz ta' tnaqqis addizzjonali ta' EUR 10 biljun f'pożizzjonijiet ta' riskju li l-Ġermanja impenjat ruħha għalihom, flimkien mal-iskeda ta' rimborż stabbilita fl-Anness II, il-livell tar-RoE huwa stabbilit mill-ġdid għal madwar [7-12] % fl-2016. Dan it-titjib tar-RoE huwa possibbli minħabba l-mod newtrali fil-profitt li bih it-tnaqqis ta' pożizzjoni ta' riskju addizzjonali se jinkiseb, kif impenjat ruħha għalih il-Ġermanja. Il-fattibbiltà ta' tali tnaqqis ta' newtrali fil-profitt wriet li hija plawżibbli fuq il-bażi ta' żewġ xenarji illustrattivi li l-bank jista' jimplimenta. |
(181) |
Madankollu, it-tnaqqis jista' jikseb ir-rekwiżit ta' vijabbiltà ta' profittabbiltà suffiċjenti biss sakemm il-kapital iġġenerat jintuża biex jitħallas lura l-kapital eċċessiv tal-bank. Il-livell ta' RoE miksub fl-aħħar tal-perjodu ta' ristrutturar huwa konformi mal-projezzjonijiet mill-pari ta' BayernLB (56). |
(182) |
L-iskeda ta' rimborż stabbilita fl-Anness II tikseb rimborż sħiħ tal-parteċipazzjonijiet passivi, li inkella jkunu taqqlu l-profittabbiltà tal-bank. Dawk il-parteċipazzjonijiet passivi jkollhom jitħallsu b'rata ferm ogħla mir-RoE tal-bank, u dawn mhux se jibqgħu jikkwalifikaw bħala kapital ta' superviżjoni skont ir-regoli ta' Basel III. Rimborż sħiħ jinkiseb taħt il-pjan ta' ristrutturar sottomess, filwaqt li l-kapitalizzazzjoni tal-bank tinżamm f'livelli komdi. |
(183) |
Il-livell ta' RoE għandu jiġi analizzat fid-dawl tal-profil tar-riskju tal-bank. BayernLB, fl-imgħoddi, kien attiv barra l-Ġermanja. B'mod partikolari fin-negozju tal-korporattivi, BayernLB kien isellef lill-partijiet mingħajr l-ebda rabta ma' klijent domestiku ta' BayernLB, u għal proġetti li ma kienu joffru l-ebda kollateral sostanzjali. Il-finanzjament tal-proġetti kien jiffoka fuq proġetti barranin li l-unika garanzija ta' ħlas għalihom kienet il-flussi ta' flus futuri mistennija mill-proġett iffinanzjat. |
(184) |
Il-Ġermanja impenjat ruħha għal limiti stretti f'termini ta' pożizzjonijiet ta' riskju f'attivitajiet internazzjonali f'dawk l-oqsma tax-xogħol. Il-Ġermanja impenjat ruħha wkoll li tillimita n-negozju tal-bank għall-klijenti b'rabta mas-suq lokali tiegħu, ibbażat fuq definizzjonijiet ċari, sabiex tillimita l-iskoperturi tal-kreditu lill-klijenti mingħajr relazzjoni ta' klijentela fuq il-bażi tal-mudell ta' negozju reġjonali tal-bank. L-iffukar mill-ġdid tal-attivitajiet tal-bank iwassal għal tnaqqis tal-livell relativ ta' riskju. F'dan l-isfond, ir-RoE projettat ta' madwar [7-12] % jista' jitqies bħala aċċettabbli. |
(185) |
Il-punt 13 tal-Komunikazzjoni dwar ir-Ristrutturar jirrikjedi wkoll li l-bank għandu jkun kapitalizzat biżżejjed fi tmiem l-operazzjoni ta' ristrutturar. Fuq il-bażi ta' valutazzjoni prudenti, għalhekk, l-adegwatezza ta' kapital attwali u prospettiva għandha tkun f'konformità mar-regolamenti superviżorji applikabbli (57). Il-Kummissjoni stabbiliet li s-suppożizzjonijiet jistgħu jitqiesu prudenti, u li dawn jippermettu għal firxa xierqa ta' stress konformi mal-punt 13 tal-Komunikazzjoni dwar ir-Ristrutturar. Barra minn hekk, il-projezzjonijiet kapitali fornuti wara talba mill-Kummissjoni huma bbażati fuq skeda ta' rimborż li turi li l-livelli ta' adegwatezza ta' kapital attwali u prospettivi huma fuq il-livelli indikati mir-regolatur li huma msemmija fil-premessa 79. Għaldaqstant huma jikkonformaw mal-aħħar rekwiżit regolatorju, li jitlob li ssir kapitalizzazzjoni ogħla minn 9 % tal-ABE tal-kapital bażi tal-Grad 1 flimkien ma' bafer. B'hekk, huma jiżguraw ukoll l-osservanza tar-regoli ta' Basel III. |
(186) |
Il-Kummissjoni ma tarax il-ħtieġa li tagħmel tajjeb għal stress addizzjonali. L-ewwel nett, il-kalkoli tal-EBA għall-eżerċizzju ta' kapital ta' 9 % kienu jqisu biss l-istress sovran, li fil-każ ta' BayernLB mhuwiex sinifikanti. Fl-istress test tal-EBA ta' Ġunju 2011, barra minn hekk, stress individwali u makro ġew applikati biss għal proporzjon ta' 5 % tal-kapital bażi tal-EBA tal-Grad 1. Il-Kummissjoni bħalissa ma għandha l-ebda indikazzjoni li l-EBA issa se tkun teħtieġ stress test li jikkombina l-approċċi taż-żewġ eżerċizzji. Tali taħlita lanqas ma kienet meħtieġa fil-valutazzjoni tar-ristrutturar ta' xi banek Ġermaniżi oħra. Minflok BaFin staqsiet biss lill-banek biex jikkonformaw mar-rekwiżit kapitali bażi tal-Grad 1 tal-EBA ta' 9 % (58). Illum, għalhekk, il-Kummissjoni tista' taħdem biss fuq il-bażi li l-adegwatezza kapitali li se tkun meħtieġa hija l-istess bħal fl-eżerċizżju kapitali ta' Diċembru 2011 flimkien ma' bafer addizzjonali, kif indikat fil-premessa 79. Din is-suppożizzjoni hija saħansitra iktar raġonevoli billi stress prevedibbli speċifiku għall-bank u għall-ambjent makroekonomiku diġà huma kkunsidrati fil-projezzjonijiet. |
(187) |
Fi kwalunkwe każ, il-Kummissjoni tagħraf ir-rwol tal-kontrollur finanzjarju. Il-Kummissjoni taċċetta li l-obbligu ta' rimborż ta' ħlas parzjali annwali fl-Anness II huwa suġġett għal approvazzjoni regolatorja. Il-pagamenti tal-ħlasijiet parzjali skont din l-iskeda ta' rimborż jiddependu mill-approvazzjoni minn BaFin. Jekk BaFin tipprojbixxi jew ma tapprovax ir-rimborż ta' ħlas parzjali, il-Kummissjoni taċċetta li l-obbligu korrispondenti li jitħallas lura dak l-ammont jiġi ddifferit. Madanakollu, jekk rimborż tal-ammont inizjalment differit ma jiġix approvat fis-sena ta' wara, jew ikun għal darb' oħra pprojbit, l-implimentazzjoni tal-pjan ta' ristrutturar tkun kompromessa, u l-Ġermanja għalhekk ikun jeħtiġilha tippreżenta pjan ta' ristrutturar modifikat lill-Kummissjoni. |
(188) |
Is-sempliċi fatt li l-awtorità ta' superviżjoni tipprojbixxi jew ma tawtorizzax ir-rimborż ma jistax b'mod awtomatiku jeżenta lill-bank mill-obbligu ta' rimborż: dan ikun jeħtieġ azzjoni mill-bank. Jekk il-bank ma jkunx jista' jħallas lura filwaqt li jintlaħqu r-rekwiżiti kollha imposti mir-regolatur, il-kapital addizzjonali għandu fil-prinċipju jiġi lliberat permezz ta' aktar tnaqqis tar-RWA. Barra minn hekk, kull dewmien ġeneralment ikun jeħtieġ miżuri kompensatorji addizzjonali (59). Il-Kummissjoni għalhekk tinsisti fuq il-prinċipju li fil-pjan ta' ristrutturar modifikat il-Ġermanja trid tipprovdi miżuri kompensatorji addizzjonali. Dan huwa rifless fil-punt 4 tal-Anness II. |
(189) |
Madankollu, ta' min jinnota li jekk ir-rekwiżiti kapitali regolatorji fil-futur imorru sostanzjalment lil hinn mil-livell previst f'din id-Deċiżjoni, il-Kummissjoni għandha mnejn ikollha twettaq valutazzjoni proporzjonali tat-tip indikat fit-tielet sentenza tal-punt 14 tal-Komunikazzjoni tal-Kummissjoni dwar l-applikazzjoni, mill-1 ta' Jannar 2012, tar-regoli dwar l-għajnuna mill-Istat għall-appoġġ ta' miżuri favur il-banek fil-kuntest tal-kriżi finanzjarja (60); dan jista' possibbilment ikun jeħtieġ biss miżura addizzjonali limitata ta' ristrutturar. |
(190) |
Skont il-Komunikazzjoni dwar ir-Ristrutturar jeħtieġ li jiġi vvalutat ukoll jekk il-pjan ta' ristrutturar jindirizzax xi nuqqasijiet eżistenti jew potenzjali fl-istruttura tal-governanza korporattiva. Il-Kummissjoni tqis li l-pjan ta' ristrutturar jinvolvi tibdil sinifikanti fl-istruttura legali tal-bank u fil-governanza korporattiva li se jrendi lil BayernLB inqas vulnerabbli għall-influwenza potenzjali mhux xierqa mill-azzjonisti u jippermetti sorveljanza korporattiva aħjar. |
(191) |
Il-miżuri li se jiġu implimentati se jiżguraw li BayernLB ma jkunx differenti mill-kompetituri tiegħu f'dak li għandu x'jaqsam mal-kostituzzjoni, mal-politiki u l-proċeduri interni tiegħu, jew mar-rwol u l-għamla tal-korpi governattivi tiegħu. Hemm biżżejjed salvagwardji kontra d-deċiżjonijiet tan-negozju li qed jittieħdu fuq il-bażi ta' kunsiderazzjonijiet oħra barra dawk ta' negozju. Barra minn hekk, il-kwalità ta' sorveljanza korporattiva hija msaħħa b'mod sostanzjali. Hemm differenzazzjoni aktar ċara u aktar strinġenti tar-rwoli rispettivi tad-diversi korpi (il-laqgħa tal-azzjonisti, il-bord superviżorju u l-bord eżekuttiv) u l-professjonalità tal-bord superviżorju se jibbenefika mill-inklużjoni ta' esperti indipendenti u l-introduzzjoni ta' test “xieraq u adattat” li kull membru tal-bord se jkollu jgħaddi minnu. |
(192) |
Il-qafas ta' governanza korporattiva huwa kompatibbli mar-rekwiżiti għall-intrapriżi privati u jestendi għall-implimentazzjoni tal-kodiċi (volontarju) Ġermaniż ta' governanza korporattiva. |
(193) |
Il-laqgħa tal-azzjonisti tal-bank se jkollha s-setgħat standard ta' laqgħa tal-azzjonisti, mingħajr ebda influwenza addizzjonali. Skont il-kodiċi ta' governanza korporattiva, nofs il-membri tal-bord superviżorju se jkunu indipendenti. Għandhom jiġu applikati lill-membri kollha tal-bord, rekwiżiti kwalitattivi introdotti mill-BaFin, ir-regolatur Ġermaniż, li jiżguraw kwalifika minima tal-membri tal-bord superviżorju maħtura reċentement. Matul il-perjodu ta' ristrutturar, il-President tal-Bord Superviżorju se jkun membru indipendenti. Se jiġi introdott ukoll kumitat ta' verifika u ta' riskju, li se jkun qed jopera f'konformità mal-aħjar prattiki ta' governanza korporattiva. |
(194) |
Għaldaqstant, b'mod ġenerali, il-pjan ta' ristrutturar ta' BayernLB x'aktarx li jistabbilixxi mill-ġdid il-vijabbiltà fit-tul tiegħu. |
(195) |
Il-Komunikazzjoni dwar ir-Ristrutturar tindika li, sabiex l-għajnuna tinżamm sal-minimu, il-banek għandhom l-ewwel jużaw ir-riżorsi tagħhom għall-finanzjament tar-ristrutturar u jiżguraw li l-ispejjeż assoċjati mar-ristrutturar għandhom jitħallsu mhux biss mill-Istat iżda wkoll minn dawk li investew fil-bank. Fid-deċiżjoni ta' ftuħ, il-Kummissjoni nnotat li l-kamp ta' applikazzjoni tad-divestituri propost bħala kontribuzzjoni proprja tal-bank baqa' vag. |
(196) |
Fl-istess ħin, il-Ġermanja ntrabtet li BayernLB se jbigħ [40-70] % mis-sussidjarji jew il-parteċipazzjonijiet finanzjarji sa tmiem il-perjodu ta' ristrutturar. Il-bank diġà biegħ il-maġġoranza tas-sussidjarji u qed jistenna li jtemm il-bejgħ kollu sa mhux iktar tard minn […]. Il-parteċipazzjonijiet finanzjarji li għandhom jinbiegħu huma mniżżla fil-punt 11 tal-Anness I u fl-Anness III, u jinkludu lil LBS Bayern, MKB u Banque LB Lux SA, li huma fost l-akbar sussidjarji ta' BayernLB. Id-dħul iġġenerat u kull profitt li jkun sar jintużaw biex ikopru l-kostijiet tar-ristrutturar u biex jgħinu biex jiġi żgurat li l-għajnuna tinżamm għall-minimu. |
(197) |
Barra minn hekk, sabiex jiġi żgurat li matul il-perjodu ta' ristrutturar is-sidien tal-bank ikollhom parti kbira kemm jista' jkun possibbli fir-rikostituzzjoni ta' bażi kapitali adegwata, il-Ġermanja ntrabtet li l-bank iżomm id-dividendi u ma jħallasx il-kupuni, minbarra dawk li huwa legalment obbligat li jħallas, sa tmiem il-perjodu ta' ristrutturar, jew lil hinn jekk il-parteċipazzjoni siekta tal-Land ma tkunx tħallset lura sa dakinhar. Dan se jiżgura, f'konformità mal-punt 26 tal-Komunikazzjoni dwar ir-Ristrutturar, li BayernLB ma jużax l-għajnuna mill-Istat biex iħallas il-fondi proprji jekk ma jkunx hemm biżżejjed profitti biex isiru dawn il-ħlasijiet. Il-projbizzjoni fit-tul fuq dividendi u kupuni ibridi se tgħin ukoll lil BayernLB biex jirrispetta l-iskeda ta' rimborż. |
(198) |
Aspett ieħor jikkonċerna l-assoċjazzjoni tal-banek tat-tfaddil, li ma pparteċipatx fil-miżuri ta' salvataġġ tal-2008 minkejja li kienet azzjonista ta' BayernLB. Minħabba li l-assoċjazzjoni tal-banek tat-tfaddil ma pparteċipatx fis-salvataġġ, sehemha ddgħajjef b'mod sinifikanti, iżda sadattant, qablet dwar bosta kontribuzzjonijiet addizzjonali. |
(199) |
L-ewwel nett, il-banek ta' tfaddil bħalissa jippossjedu parteċipazzjonijiet passivi individwali li jilħqu total ta' madwar EUR [770-810] miljun, kif spjegat fil-premessa 76, u sabiex tittejjeb il-kwalità tal-kapital tal-bank u biex jiġi żgurat li l-kapital ipprovdut mill-banek tat-tfaddil ikompli jgħodd bħala kapital bażi tal-Grad 1 tal-EBA, il-banek tat-tfaddil qablu li jixtru lura dawn il-parteċipazzjonijiet passivi […]. L-assoċjazzjoni tal-banek tat-tfaddil se tinjetta EUR [810-840] miljun f'ekwità, biex b'hekk jiżdied is-sehem tagħha f'BayernLB (61). Għalhekk, il-banek tat-tfaddil se jitilfu l-intitolament tagħhom għal ħlasijiet ta' imgħax aktar affidabbli, filwaqt li l-projbizzjoni tad-dividendi tfisser li dawn mhux se jirċievu pagamenti ta' dividendi korrispondenti fuq il-perjodu medju. |
(200) |
It-tieni, l-assoċjazzjoni tal-banek tat-tfaddil qablet li tixtri l-LBS għal prezz ġust ta' EUR 818,3 miljun sa tmiem l-2012. Meta ġiet biex tistabbilixxi l-prezz, l-assoċjazzjoni tal-banek tat-tfaddil ma applikatx tnaqqis li jikkunsidra l-fatt li l-banek ta' tfaddil huma l-mezz ta' distribuzzjoni ewlieni għal prodotti tal-LBS, kif kien probabbli jagħmel investitur privat. |
(201) |
Minħabba dawn il-miżuri kollha, il-parteċipazzjoni azzjonarja li kienet inizjalment iddgħajfet għal 6 % se tiżdied b'mod sinifikanti, potenzjalment sa 25 %. |
(202) |
Fl-aħħar nett, għandu jiġi nnutat li l-Ġermanja se tirkupra l-parti kollha tal-garanzija tal-assi 'l fuq mill-VER. Il-kondiviżjoni tal-piżijiet mill-bank u l-azzjonisti tiegħu għalhekk tista' titqies bħala waħda xierqa; id-dubji mqajmin f'dan ir-rigward fid-deċiżjoni ta' ftuħ ittaffew. |
(203) |
Fl-aħħar nett, il-Komunikazzjoni dwar ir-Ristrutturar teħtieġ li l-pjan ta' ristrutturar jinkludi miżuri li jillimitaw it-tgħawwiġ tal-kompetizzjoni. Dawn il-miżuri għandhom ikunu magħmula apposta biex jindirizzaw it-tgħawwiġ fis-swieq fejn il-bank benefiċjarju jopera wara r-ristrutturar. In-natura u l-forma ta' tali miżuri tiddependi fuq żewġ kriterji: l-ewwel, l-ammont tal-għajnuna u l-kundizzjonijiet u ċ-ċirkustanzi li taħthom ingħata u, it-tieni, il-karatteristiċi tas-swieq li fihom il-benefiċjarju jrid jaħdem. Barra minn hekk, il-Kummissjoni trid tqis il-firxa tal-kontribuzzjoni proprja u tal-kondiviżjoni tal-piżijiet tal-bank benefiċjarju matul il-perjodu ta' ristrutturar. |
(204) |
Fid-deċiżjoni ta' ftuħ, il-Kummissjoni qieset li l-miżuri proposti biex jindirizzaw it-tgħawwiġ tal-kompetizzjoni huma insuffiċjenti. Il-pjan aġġornat ta' ristrutturar jipprevedi aktar miżuri bħal dawn. |
(205) |
F'dan il-każ, l-għajnuna tammonta għal madwar EUR 15,8-il biljun f'assistenza kapitali: din tinkludi r-rikapitalizzazzjoni, li tammonta għal EUR 10 biljun, it-tarka tar-riskju ta' EUR 4,8 biljun, u t-trasferiment ta' EUR 1 biljun kapital ta' BayernLabo lil BayernLB. Iċ-ċifra la tinkludi l-garanziji ta' likwidità mogħtija minn SoFFin, li jammontaw għal madwar EUR 15-il biljun (li minnhom intużaw EUR 5 biljun) (62) u lanqas il-garanziji pprovduti mill-Awstrija għall-finanzjament ta' EUR 2,638 biljun li BayernLB kien qabel li jħalli f'HGAA. L-ammont ta' għajnuna ta' EUR 15,8-il biljun huwa ekwivalenti għal 8 % tal-assi mwieżna għar-riskju wara l-miżuri (pożizzjonijiet ta' riskju ta' EUR 198 biljun fl-2008). L-ammont ikompli jiżdied jekk jiġu kkunsidrati l-EUR 2,638 biljun f'garanziji li l-bank kiseb mill-Awstrija u l-EUR 15-il biljun li huwa kiseb minn SoFFin (li minnhom EUR 5 biljun ġew effettivament użati). L-ammont ta' għajnuna mogħtija lill-benefiċjarju huwa għalhekk kbir ħafna. Sabiex jillimitaw it-tgħawwiġ potenzjali tal-kompetizzjoni, il-miżuri meħtieġa se jkunu apprezzabbli, anki meta jittieħed kont tal-iskala adatta tal-kontribuzzjoni proprja tal-bank u l-kondiviżjoni tal-piżijiet mill-benefiċjarju u l-azzjonisti tiegħu tul il-perjodu ta' ristrutturar. |
(206) |
Fil-pjan ta' ristruttur il-ġdid, it-tnaqqis fil-karta bilanċjali previst għaldaqstant żdied konsiderevolment meta mqabbel mal-pjan inizjali. Abbażi tal-assi fi tmiem l-2008, BayernLB se jnaqqas il-karta bilanċjali tiegħu b' 51 %, minn EUR 421,7 biljun għal EUR 206 biljun (EUR 239,4 biljun fl-2015). |
(207) |
Għal dan l-għan, BayernLB lest li jbigħ għadd sinifikanti ta' sussidjarji domestiċi u barranin, u li jnaqqas b'mod sostanzjali l-portafoll ta' parteċipazzjoni tiegħu. Dawn iċ-ċessjonijiet iridu jkunu tlestew sa […]; inkella s-sussidjarji jew kumpaniji assoċjati rilevanti jkollhom iwaqqfu n-negozju l-ġdid [wara …]. It-Tabella 12 tipprovdi ħarsa ġenerali lejn l-akbar ċessjonijiet Tabella 12 Ċessjoni ta' parteċipazzjonijiet ewlenin
|
(208) |
Dawn iċ-ċessjonijiet jinkludu l-istituzzjonijiet ta' kreditu internazzjonali tal-bank kollha. Iċ-ċessjoni ta' HGAA, li diġà dehret fil-bżonn ta' għajnuna għar-ristrutturar fl-2008, ikkontribwiet biex tinġieb lura l-vijabbiltà ta' BayernLB. Madankollu, anki jekk HGAA ma jiġix ikkunsidrat għall-finijiet ta' miżuri ta' kwantifika biex jiġi llimitat it-tgħawwiġ tal-kompetizzjoni, it-tnaqqis fil-karta bilanċjali jibqa' ta' 45 % (EUR (421,7 – 44,6 =) 377,4 biljun meta mqabbel ma' EUR 206 biljun). |
(209) |
Barra minn hekk, BayernLB se jnaqqas l-għadd tal-fergħat internazzjonali tiegħu jew tal-uffiċċji ta' rappreżantazzjoni b'sebgħa, u l-bqija tal-fergħat f'Londra, Pariġi, New York u Milan se jonqsu b'mod sostanzjali. |
(210) |
Kollox ma' kollox, il-Kummissjoni tikkunsidra li dan it-tnaqqis tat-total tal-karta bilanċjali tal-bank b'aktar min-nofs huwa xieraq minħabba t-tfixkil fil-kompetizzjoni li qed jirriżulta mill-ammont kbir ta' għajnuna li qed tingħata. It-tnaqqis huwa f'konformità mal-prassi tal-Kummissjoni fid-deċiżjonijiet tagħha fir-rigward ta' Landesbanken oħra (63). |
(211) |
Barra minn dawk il-miżuri strutturali b'kopertura wiesgħa, BayernLB qabel ukoll dwar diversi restrizzjonijiet ta' mġiba. Il-bank impenja ruħu li josserva, matul il-perjodu ta' ristrutturar, limitu massimu ta' EUR 500 000 fuq ir-rimunerazzjoni tal-persunal (fiss u varjabbli), projbizzjoni fuq l-akkwiżizzjonijiet, u projbizzjoni fuq id-dividendi. Ir-restrizzjonijiet fuq ir-rimunerazzjoni tal-persunal se jiġu estiżi awtomatikament (għalkemm għal-limitu massimu tas-salarji dawn se jkunu ftit inqas stretti) sakemm il-parteċipazzjoni siekta u l-irkupru jkunu tħallsu lura kollha, li x'aktarx ma jseħħx qabel l-2019. Dawn il-miżuri joħolqu inċentiv għal rimborż u jipprekludu l-bank milli jakkwista negozji li jikkompetu miegħu, li jimpedixxi t-tkabbir mhux organiku ta' BayernLB ffinanzjat mill-għajnuna. |
(212) |
Barra minn hekk, BayernLB se jillimita l-attivitajiet ta' negozju internazzjonali tiegħu li jifdal għall-korporattivi, il-finanzjamenti ta' proġetti u l-proprjetà immobbli b'mod sinifikanti, b'ambitu u volum assolut, kif indikat fl-Anness I. Dan se jillibera l-kapaċità għal atturi oħra fis-swieq bażi ta' BayernLB. |
(213) |
Il-Ġermanja impenjat ruħha wkoll li BayernLB jwaqqaf għadd ta' attivitajiet bħal dawk marbuta mat-tbaħħir u l-avjazzjoni. Il-finanzi pubbliċi barra l-Bavarja se jitwaqqfu wkoll. |
(214) |
Filwaqt li titqies din it-taħlita ta' miżuri diversi, u fid-dawl ta' dak li ġie kkonstatat iktar 'il fuq li l-kontribuzzjoni proprja u l-kondiviżjoni tal-piżijiet tal-bank huma xierqa, il-Kummissjoni tikkunsidra li hemm salvagwardji suffiċjenti biex jillimitaw it-tgħawwiġ potenzjali tal-kompetizzjoni, minkejja l-ammont kbir ta' għajnuna li BayernLB qed jirċievi. |
(215) |
It-Taqsima 5 tal-Komunikazzjoni dwar ir-Ristrutturar tistipula li biex il-Kummissjoni tkun tista' tivverifika li l-pjan ta' ristrutturar qiegħed jiġi implimentat sewwa, iridu jiġu ppreżentati rapporti fuq bażi regolari. L-ewwel rapport għandu jintbagħat mhux aktar tard minn sitt xhur wara l-approvazzjoni tal-pjan ta' ristrutturar. Għal dan l-għan il-Ġermanja għandha taħtar fiduċjarju ta' monitoraġġ u darbtejn fis-sena tipprovdi rapporti ta' monitoraġġ. |
(216) |
Ir-rimborżi individwali huma suġġetti għal ftehim mir-regolatur Ġermaniż BaFin. Jekk il-bank ma jissodisfax il-miri stabbiliti fl-iskeda ta' rimborż, il-punt 4 tal-Anness II jirrikjedi li l-Ġermanja tinnotifika pjan ta' ristrutturar modifikat lill-Kummissjoni. Tali notifika ġdida għandha fil-prinċipju tinkludi miżuri addizzjonali li jillimitaw it-tgħawwiġ tal-kompetizzjoni. |
(217) |
Il-Kummissjoni tirrikonoxxi li t-tnaqqis ulterjuri fil-pożizzjonijiet ta' riskju msemmi fil-punt 33 tal-Anness I huwa magħmul biex ikun żgurat li BayernLB ikun jista' jħallas lura l-kumplament tal-parteċipazzjonijiet passivi fl-2017. Il-Kummissjoni bbażat il-valutazzjoni tagħha fuq it-tnaqqis f'pożizzjonijiet ta' riskju li ġew impenjati għal kull qasam tan-negozju fil-firxiet indikati fil-punt 33 tal-Anness I u l-effetti sekondarji tagħhom għal kull qasam tan-negozju. Jekk, fl-implimentazzjoni tal-pjan, BayernLB jidentifika oqsma ta' ottimizzazzjoni li jaffettwaw il-firxiet indikati, fid-dawl ta' żviluppi makroekonomiċi jew regolatorji ġodda, il-Ġermanja għandha tinnotifika d-devjazzjoni fil-firxiet lill-Kummissjoni, sakemm il-bidliet fit-tnaqqis ta' kull żona fil-qasam tan-negozju ma jkunux aktar minn [10-15] % fl-2017, jibqgħu fil-volum totali definit fil-punt 33 tal-Anness I, u jkunu mingħajr preġudizzju għall-vijabilità ta' BayernLB kif deskritt fil-pjan ta' ristrutturar. F'każ ta' notifika ġdida, il-Kummissjoni se tikkunsidra jekk il-bidliet jikkontribwixxux biex jiġi mmassimizzat l-effett ta' sulliev kapitali filwaqt li jiġu minimizzati effetti sekondarji negattivi, u konsegwentement ma jaffettwawx il-vijabilità tal-bank. |
(218) |
Fid-dawl tal-projezzjonijiet tal-bank u b'kont meħud tal-aħħar rekwiżiti regolatorji, li se jeħtieġ proċess ta' kapitalizzazzjoni ogħla minn 9 % kapital bażi tal-Grad 1 flimkien ma' bafer, u tar-regoli ta' Basel III, il-Kummissjoni tqis li l-miżuri tar-ristrutturar, inklużi l-impenji tal-Ġermanja, x'aktarx li jirrestawraw il-vijabbiltà fit-tul ta' BayernLB u jagħmlu tajjeb għat-tgħawwiġ tal-kompetizzjoni li jġibu magħhom il-miżuri ta' għajnuna. Suġġett għall-kundizzjonijiet rigward ir-rimborż ta' parti tal-miżuri ta' għajnuna u l-irkupru, il-pjan ta' ristrutturar jipprovdi wkoll biex l-għajnuna tiġi limitata għall-minimu neċessarju u biex il-bank jagħmel kontribuzzjoni adegwata tiegħu stess. Sakemm ir-rekwiżit ta' rimborż fl-Anness II huwa ssodisfat, għalhekk, l-għajnuna għar-ristrutturar tista' titqies kompatibbli mas-suq intern skont l-Artikolu 107(3)(b) tat-TFUE. |
6. VANTAĠĠ LILL-ASSOĊJAZZJONI TAL-BANEK TAT-TFADDIL.
(219) |
It-tħassib tal-Kummissjoni li l-assoċjazzjoni tal-banek tat-tfaddil ibbenefikat mill-miżura ta' salvataġġ mingħajr ma qasmet il-piż kif xieraq ukoll ġie kklerjat. Fid-deċiżjoni ta' ftuħ, il-Kummissjoni indikat li matul l-investigazzjoni formali hija għandha mnejn tivvaluta l-korrettezza tal-valutazzjoni ta' BayernLB u l-eżattezza tal-kalkolu tas-sehem li jifdal tal-assoċjazzjoni tal-banek tat-tfaddil. Sussegwentement il-Kummissjoni bagħtet talba għal informazzjoni lill-Ġermanja dwar il-kontribuzzjoni ta' salvataġġ tal-assoċjazzjoni tal-banek tat-tfaddil. Sadanittant inkiseb livell xieraq ta' qsim tal-piżijiet permezz tal-konverżjoni tal-parteċipazzjonijiet passivi tal-banek tat-tfaddil u l-injezzjoni ta' kapital sussegwenti mill-assoċjazzjoni tal-banek tat-tfaddil li żżid il-parteċipazzjoni azzjonarja tagħha. Barra minn hekk, il-Kummissjoni ma sabet l-ebda irregolaritajiet fil-valutazzjoni tal-bank li ffurmaw il-bażi għall-allokazzjoni ta' ishma fl-2008. Għalhekk mhux meħtieġ li jkomplu jiġu eżaminati dubji ulterjuri dwar l-assoċjazzjoni tal-banek tat-tfaddil f'dak ir-rigward. |
KONKLUŻJONIJIET
(220) |
Fid-dawl tal-impenji mogħtija mill-Ġermanja fir-rigward tar-ristrutturar u l-kundizzjonijiet stabbiliti fl-Anness II f'dak li għandu x'jaqsam mar-rimborż ta' parti mill-miżuri ta' għajnuna u l-irkupru, il-Kummissjoni tasal għall-konklużjoni li t-tarka tar-riskju hija konformi mat-Taqsima 5 tal-Komunikazzjoni dwar l-Assi Indeboliti, li l-għajnuna għar-ristrutturar hija limitata għall-minimu meħtieġ u t-tgħawwiġ tal-kompetizzjoni huwa indirizzat biżżejjed, u li l-pjan ta' ristrutturar ippreżentat x'aktar ikun kapaċi jirrestawra l-vijabbiltà fit-tul ta' BayernLB. L-għajnuna għar-ristrutturar għandha għalhekk titqies kompatibbli mas-suq intern skont l-Artikolu 107(3)(b) tat-Trattat, |
ADOTTAT DIN ID-DEĊIŻJONI:
Artikolu 1
Id-Deċiżjoni tal-Kummissjoni tal-25 ta' Lulju 2012 dwar l-għajnuna mill-Istat mogħtija mill-Ġermanja u mill-Awstrija lil Bayerische Landesbank (il-Kawża SA.28487 (C 16/09, ex N 254/09)) hija mħassra.
Artikolu 2
1. Il-miżuri li ġejjin jikkostitwixxu għajnuna mill-Istat skont it-tifsira tal-Artikolu 107(1) tat-TFUE:
(a) |
ir-rikapitalizzazzjoni ta' Bayerische Landesbank mil-Land tal-Bavarja, fl-ammont ta' EUR 10 biljun; |
(b) |
il-garanzija fuq it-tieni telf fil-forma ta' tarka tar-riskju mogħtija lil Bayerische Landesbank mil-Land tal-Bavarja, fl-ammont ta' EUR 4,8 biljun; |
(c) |
il-garanziji ta' obbligazzjoni mogħtija lil Bayerische Landesbank mill-Ġermanja, fl-ammont ta' EUR 15-il biljun; |
(d) |
il-garanzija ta' finanzjament mogħtija lil Bayerische Landesbank mill-Awstrija, fl-ammont ta' EUR 2,638 biljun; kif ukoll |
(e) |
it-trasferiment ta' EUR 1 biljun f'kapital f'Bayerische Landesbodenkreditanstalt mill-Land tal-Bavarja lil Bayerische Landesbank. |
2. L-għajnuna mill-Istat imsemmija fil-paragrafu 1 hija kompatibbli mas-suq intern, fid-dawl tal-impenji mniżżla fl-Anness I u l-Anness III u suġġetta għall-kundizzjonijiet stipulati fl-Anness II.
Artikolu 3
Il-Ġermanja tiżgura li l-pjan ta' ristrutturar ippreżentat fis-6 ta' Ġunju 2012 u ssupplimentat fit-12 ta' Ġunju 2012 jiġi implimentat kollu, inklużi l-impenji mniżżla fl-Annessi I u III u l-kundizzjonijiet stabbiliti fl-Anness II, u skont l-iskeda mniżżla f'dawk l-Annessi.
Artikolu 4
Il-Ġermanja se tinforma lill-Kummissjoni, fi żmien xahrejn min-notifika ta' din id-Deċiżjoni dwar il-miżuri li jkunu ttieħdu sabiex tiżgura li tinżamm konformità magħhom.
Artikolu 5
Din id-Deċiżjoni hija indirizzata lir-Repubblika Federali tal-Ġermanja u lir-Repubblika tal-Awstrija.
Magħmul fi Brussell, il-5 ta' Frar 2013.
Għall-Kummissjoni
Joaquín ALMUNIA
Viċi President
(1) ĠU C 134, 13.6.2009, p. 31; ĠU C 85, 31.3.2010, p. 21; u ĠU C 266, 1.10.2010, p. 5.
(2) B'effett mill-1 ta' Diċembru 2009, l-Artikoli 87 u 88 tat-Trattat tal-KE saru l-Artikoli 107 u 108, rispettivament, tat-Trattat dwar il-Funzjonament tal-Unjoni Ewropea (TFUE). Iż-żewġ settijiet ta' dispożizzjonijiet huma, fis-sustanza, identiċi. Għall-finijiet ta' din id-Deċiżjoni, ir-referenzi għall-Artikoli 107 u 108 tat-TFUE għandhom jinftiehmu bħala referenzi għall-Artikoli 87 u 88, rispettivament, tat-Trattat tal-KE fejn xieraq.
(3) Id-Deċiżjoni tal-Kummissjoni tat-18 ta' Diċembru 2008 fil-Kawża N 615/08 BayernLB (ĠU C 80, 3.4.2009, p. 4).
(4) Id-Deċiżjoni tal-Kummissjoni tad-9 ta' Diċembru 2008 fil-Kawża N 557/08 Mmiżuri skont il-Liġi dwar l-istabbiltà tas-swieq finanzjarji u dwar it-tisħiħ tas-suq interbankarju għal istituzzjonijiet ta' kreditu u l-kumpaniji tal-assigurazzjoni fl-Awstrija (ĠU C 3, 8.1.2009, p. 2), estiża l-aħħar sat-30 ta' Ġunju 2011 permezz tad-Deċiżjoni tal-Kummissjoni tas-16 ta' Diċembru 2010 fil-kawża SA. 32018 (2010/N), ĠU C 20, 21.1.2011, p. 3.
(5) Il-Kawża C 16/2009 (ĠU C 134, 13.6.2009, p. 31).
(6) L-impatt fuq il-bank tal-għajnuna mogħtija lil HGAA se jkun is-suġġett ta' deċiżjoni separata.
(7) ĠU C 85, 31.3.2010, p. 21.
(8) ĠU C 266, 1.10.2010, p. 5.
(9) Sussegwentement imsemmija bħala l-kawża SA. 32554 (09/C) Għajnuna għar-ristrutturar għal Hypo Group Alpe Adria.
(10) Basel III huwa l-qafas regolatorju internazzjonali għall-banek żviluppat mill-Kumitat ta' Basel dwar is-Superviżjoni Bankarja: dan jinkludi sett ta' miżuri ta' riforma biex jissaħħu r-regolamentazzjoni, is-superviżjoni u l-immaniġġjar tar-riskju tas-settur bankarju.
(11) Proposta għal Regolament tal-Parlament Ewropew u tal-Kunsill dwar ir-rekwiżiti prudenzjali għall-istituzzjonijiet ta' kreditu u ditti ta' investiment, COM(2011) 452 final. Fl-20 ta' Lulju 2011, il-Kummissjoni adottat pakkett leġiżlattiv għat-tisħiħ tar-regolamentazzjoni tas-settur bankarju. Dan il-pakkett, magħruf bħala l-Pakkett CRD IV, ikun jieħu post id-direttivi dwar ir-rekwiżiti tal-kapital attwali (id-Direttiva 2006/48/KE tal-Parlament Ewropew u tal-Kunsill tal-14 ta' Ġunju 2006 rigward il-bidu u l-eżerċizzju tan-negozju tal-istituzzjonijiet ta' kreditu (ĠU L 177, 30.6.2006, p. 1) u d-Direttiva 2006/49/KE tal-Parlament Ewropew u tal-Kunsill tal-14 ta' Ġunju 2006 dwar l-adegwatezza tal-kapital ta' kumpaniji tal-investiment u istituzzjonijiet ta' kreditu (ĠU L 177, 30.6.2006, p. 201)) b'Direttiva waħda u Regolament, li huwa l-abbozz ta' Regolament dwar ir-Rekwiżiti Kapitali msemmija hawn fuq.
(12) Hemm deskrizzjoni dettaljata fid-deċiżjoni ta' ftuħ, p. 2.
(13) Qabel il-miżuri ta' salvataġġ tal-2008, il-Land tal-Bavarja u l-Assoċjazzjoni tal-Banek tat-Tfaddil kellhom sehem ta' 50 % kull wieħed.
(14) BayernLB tuża t-terminu “pożizzjonijiet ta' riskju” (Risikopositionen) skont it-terminu użat mir-regolatur għall-kalkolu tal-proporzjonijiet kapitali. Fl-istress test ta' Diċembru 2011 l-Awtorità Bankarja Ewropea rreferiet għall-pożizzjonijiet ta' riskju ta' BayernLB bħala “assi peżati għar-riskju” (RWAs). F'din id-Deċiżjoni, il-Kummissjoni se tirreferi għal dawn l-assi bħala “pożizzjonijiet ta' riskju” jew “RWAs”.
(*) Informazzjoni kunfidenzjali
(15) Deċiżjoni tal-Kummissjoni 2006/739/KE tal-20 ta' Ottubru 2004 dwar l-għajnuna mill-Istat implimentata mill-Ġermanja għall-Bayerische Landesbank — Girozentrale (ĠU L 307, 7.11.2006, p. 81).
(16) Għal deskrizzjoni dettaljata tal-injezzjoni ta' kapital ara d-Deċiżjoni dwar is-Salvataġġ, il-premessi 13 ff.
(17) Opinjoni esperta mogħtija minn Ernst & Young fl-14 ta' Jannar 2010 dwar il-valur ta' BayernLB fit-18 ta' Diċembru 2008 ikkonkludiet li s-sehem tal-assoċjazzjoni tal-banek tat-tfaddil ta' riskju kien ta' [< 5] %. Fid-dawl tal-proċedura pendenti tal-għajnuna mill-Istat, ma ttieħdet l-ebda deċiżjoni formali dwar is-sehem miżmum mill-assoċjazzjoni tal-banek tat-tfaddil.
(18) Għal deskrizzjoni dettaljata tat-tarka tarka tar-riskju ara d-Deċiżjoni dwar is-Salvataġġ, il-premessi 20 ff.
(19) Kif spjegat fil-premessa 23 tad-Deċiżjoni dwar is-Salvataġġ, id-daqs tal-portafoll kellu jitnaqqas għal inqas minn EUR [4-6] biljun fi żmien sitt snin mill-għoti tal-garanzija. Skont in-notifika, il-bqija tal-portafoll kellha wara dan tinbiegħ fis-suq, bil-ftehim tal-garanti. L-awtoritajiet tal-Bavarja u l-bank għalhekk stennew li t-tul tal-garanzija fil-probabbiltà l-kbira ma kienx se jaqbeż is-sitt snin.
(20) CDOROM hija mudell ta' simulazzjoni Monte Carlo, li tintuża biex jiġi kkalkulat it-telf mistenni fuq segmenti ta' portafoll partikolari ta' assi statiku. Din tintuża mill-analisti ta' klassifikazzjoni ta' “Moody's Investors Services”, biex dawn jassenjaw il-klassifikazzjonijiet lis-CDOs sintetiċi statiċi. Intużaw mudelli u metodoloġiji simili biex jivvalutaw it-telf mistenni għal miżuri oħrajn li jindirizzaw l-assi danneġġati.
(21) Ara d-Deċiżjoni tal-Kummissjoni tas-27 ta' Ottubru 2008 fil-Kawża Nru 512/08 “Pakkett ta' salvataġġ għall-istituzzjonijiet ta' kreditu fil-Ġermanja”, sostitwita bid-Deċiżjoni tal-Kummissjoni tat-12 ta' Diċembru 2008 fil-Kawża Nru 625/08 “Pakkett ta' salvataġġ għall-istituzzjonijiet finanzjarji fil-Ġermanja”, imtawla bid-Deċiżjoni tal-Kummissjoni tat-22 ta' Ġunju 2009 fil-Kawża Nru 330/09 (ĠU C 160, 14.7.2009, p. 4), u bid-Deċiżjoni tal-Kummissjoni tat-23 ta' Ġunju 2010 fil-Kawża Nru 222/10 (ĠU C 178, 3.7.2010, p. 1), riattivata permezz tad-Deċiżjoni tal-Kummissjoni tal-5 ta' Marzu 2012 fil-Kawża SA.34345 (12/N) (ĠU C 108, 14.4.2012, p. 2), l-aħħar imtawla bid-deċiżjoni tal-Kummissjoni tad-29 ta' Ġunju 2012 fil-Kawża SA.34897 (12/N), li għadha ma ġietx ippubblikata.
(22) Il-forma ta' kapital użat, Partizipationskapital, m'għandux dritt tal-vot.
(23) Ara nota 4 ta' qiegħ il-paġna.
(24) Din il-miżura u l-miżuri ta' akkumpanjament kienu awtorizzati permezz tad-Deċiżjoni tal-Kummissjoni tat-23 ta' Diċembru 2009, ara n-nota ta' qiegħ il-paġna 7.
(25) Is-salvataġġ ta' HGAA mill-Awstrija skont il-kundizzjonijiet ta' hawn fuq kien ifisser li BayernLB kellu jagħmel valwazzjoni negattiva tal-valur kontabilistiku sħiħ ta' HGAA, li jammonta għal EUR 2,3 biljun, u li kellu jirrinunzja r-riċevibbli mingħand HGAA għal finanzjament li diġà kien provdut u li kien jammonta għal EUR 825 miljun.
(26) Id-definizzjoni tal-Unjoni ta' intrapriżi żgħar u ta' daqs medju (SMEs) mhijiex l-istess bħal dak li hu mifhum b'Mittelstand fil-Ġermanja, li hawnhekk ġiet tradotta bħala “negozji żgħar u ta' daqs medju”; għall-finijiet ta' din id-Deċiżjoni, Mittelstand — “negozji żgħar u ta' daqs medju” — tirreferi għal negozji b'fatturat annwali sa EUR 1 biljun.
(27) Ara d-definizzjoni ta' “rabta mal-Ġermanja” (Deutschlandbezug) fl-Anness I, il-punt 6.
(28) B'mod partikolari fl-isfond tal-imposta bankarja introdotta dan l-aħħar, li mhijiex ivvalutata abbażi ta' dħul, u l-Liġi dwar ir-Rimborż ta' Self f'Munita Barranija, li t-tnejn huma s-suġġett ta' diversi lmenti lill-Kummissjoni.
(29) Minħabba t-telf ta' BayernLB f'dawn l-aħħar snin, il-parteċipazzjonijiet passivi li pparteċipaw fit-telf tal-banek tat-faddil niżlu fil-valur mill-valur nominali tagħhom ta' EUR [770-810] miljun għal EUR [700-750] miljun.
(30) Alternattivament,il-parteċipazzjonijiet passivi jistgħu jiġu kkonvertiti f'ishma, minflok ma jitħallsu lura u mbagħad jiġu injettati mill-ġdid.
(31) Għal raġunijiet ta' kompletezza, għandu jissemma li kien hemm ukoll żewġ effetti pożittivi ta' reviżjoni, l-ewwel nett minħabba aġġornament tal-effetti mistennija ta' Basel III (EUR […]) u t-tieni minħabba aġġornament tal-ippjanar tal-unità tar-ristrutturar (EUR […] miljun).
(**) Fil-kalkoli tiegħu ta' redditu fuq l-ekwità (RoE) BayernLB jassumi proporzjon kapitali ta' 10 %.
(***) Inkluż MKB li għandu jinbiegħ mhux aktar tard minn […]; jitħalla barra l-persunal ta' MKB, […].
(****) Fil-kalkoli tiegħu ta' redditu fuq l-ekwità (RoE) BayernLB juża l-kapital bażi EBA bħala approssimazzjoni tal-ekwità, u jassumi proporzjon kapitali bażi EBA ta' 10 %. Is-suppożizzjoni ta' 10 % tal-proporzjon kapitali bażi EBA m'għandhiex effett ta' distorsjoni fuq l-analiżi tal-profittabbilità komparattiva ppreżentata hawnhekk.
(*****) Id-dejta f'din ir-ringiela tirreferi għall-grupp kollu ta' BayernLB u tinkludi oqsma ta' negozju li ma jidhrux separati fir-ringieli ta' hawn fuq
(32) Obbligazzjonijiet ta' anterjorità (Gewährträgerbehaftete Verbindlichkeiten).
(33) MKB pprovda lill-klijenti konsumaturi b'self f'munita barranija—Franki Svizzeri u euros—għall-iffinanzjar tax-xiri ta' proprjetà, normalment darhom stess. Madankollu, il-frank Svizzeru tant għola matul iż-żmien li l-kost għas-servizz tad-dejn f'munita barranija għeleb bil-kbir il-vantaġġ tas-self f'munita b'rati ta' imgħax sinifikament aktar baxxi mill-munita domestika. Sabiex jittaffa l-piż minn fuq il-mutwatarju, il-Parlament Ungeriż għadda l-Liġi dwar ir-Rimborż ta' Self f'Munita Barranija f'Settembru, li tagħti lill-individwi privati d-dritt li jħallsu lura s-self ipotekarju f'munita barranija tagħhom b'rata ferm inqas mir-rata tal-kambju tas-suq.
(34) BayernLabo għandu mandat li jipprovdi self sussidjat fil-kapaċità tiegħu bħala l-bank promozzjonali (Förderbank) ta' BayernLB.
(******) Fil-kalkoli tiegħu ta' redditu fuq l-ekwità (RoE) BayernLB juża l-kapital bażi EBA bħala approssimazzjoni tal-ekwità, u jassumi proporzjon kapitali bażi EBA ta' 10 %.
(*******) Fil-kalkoli tiegħu ta' redditu fuq l-ekwità (RoE) BayernLB juża l-kapital bażi EBA bħala approssimazzjoni tal-ekwità, u jassumi proporzjon kapitali bażi EBA ta' 10 %.
(********) Inkużi pagamenti retroattivi ta' rkupru fil-bidu tal-2010.
(*********) Inkużi pagamenti retroattivi ta' rkupru fil-bidu tal-2010.
(35) Ara n-nota ta' qiegħ il-paġna 3.
(36) Ara d-Deċiżjoni tal-Kummissjoni 2009/775/KE tal-21 ta' Ottubru 2008 Dwar Għajnuna Mill-Istat C 10/08 (ex NN 7/08) li l-Ġermanja tat għall-istrutturar mill-ġdid tal-IKB Deutsche Industriebank AG (ĠU L 278, 23.10.2009, p. 32, il-premessa 77); Id-Deċiżjoni tal-Kummissjoni tat-18 ta' Novembru 2009 fil-Kawża N 428/2009 Lloyds (ĠU C 46, 24.2.2010, p. 2); Id-Deċiżjoni tal-Kummissjoni tal-20 ta' Mejju 2010 fil-Kawża N 256/09 Ethias (ĠU C 252, 18.6.2010, p. 5); Id-Deċiżjoni tal-Kummissjoni tal-4 ta' Novembru 2009 fil-Kawża C 32/09 Sparkasse KölnBonn (ĠU C 2, 6.1.2010, p. 1).
(37) ĠU C 72, 26.3.2009, p. 1.
(38) Ara l-Kawża C-334/07 P Il-Kummissjoni vs Freistaat Sachsen [2008] il-Ġabra I-9465, il-paragrafu 53, fejn il-Qorti tal-Ġustizzja kkonfermat li miżura notifikata għandha tiġi valutata skont ir-regoli applikabbli fid-data tad-deċiżjoni.
(39) Ara d-Deċiżjoni tal-Kummissjoni tas-26 ta' Frar 2010 dwar l-Għajnuna mill-Istat C 9/09 (ex NN 49/08; NN 50/08 u NN 45/08) mogħtija mir-Renju tal-Belġju, ir-Repubblika Franċiża u l-Gran Dukat tal-Lussemburgu favur Dexia SA (ĠU L 274, 19.10.2010, p. 54, il-premessa 153); id-Deċiżjoni tal-Kummissjoni tal-20 ta' Settembru 2011 fil-Kawża C 29/09, HSH, li għadha mhix ippubblikata, il-premessa 155.
(40) 60 % tal-valur nominali, ara l-premessa 26 tad-deċiżjoni ta' ftuħ.
(41) Ara n-nota ta' qiegħ il-paġna 21.
(42) F'dan ir-rigward, il-Ġermanja argumentat li l-objettiv dejjem kien ristrutturar finanzjarju ta' HGAA anki f'każ li l-Awstrija ma kinitx intervjeniet.
(43) Ara n-nota ta' qiegħ il-paġna 15.
(44) ĠU C 356, 6.12.2011, p. 7.
(45) Ara l-Anness I, il-punt 3.
(46) Ara l-premessi 52 u 71.
(47) Ara pereżempju d-Deċiżjoni tal-Kummissjoni 2010/395/UE tal-15 ta' Diċembru 2009 dwar l-Għajnuna Statali C 17/09 (ex N 265/09) mill-Ġermanja għar-ristrutturar ta' Landesbank Baden-Württemberg (ĠU L 188, 21.7.2010, p. 1).
(48) Ara d-Deċiżjoni dwar il-LBBW, il-premessi 64 u 65. Skont il-liġi kif inhi bħalissa, il-kapital regolatorju jrid jinkludi minimu ta' 50 % tal-Grad 1. Fi kliem ieħor, sabiex jissodisfa r-rekwiżiti kapitali regolatorji l- fondi proprji jew tal-kapital regolatorju meħtieġa jistgħu jikkonsistu f'minimu ta' 50 % tal-Grad 1 u ta' massimu ta' 50 % tal-kapital tal-Grad 2. Skont ir-rakkomandazzjoni tal-Bank Ċentrali Ewropew tal-20 ta' Novembru 2008 dwar ir-rikapitalizzazzjonijiet, hemm differenza ta' 1,5 % bejn il-prezz tal-kapital tal-Grad 1 u tal-Grad 2, u tnaqqis ta' 150 punt bażi għar-remunerazzjoni ta' kapital tal-Grad 2 huwa konsegwentement xieraq. Jekk wieħed jassumi, f'konformità mal-Komunikazzjoni dwar ir-Rikapitalizzazzjoni, li 7 % hija remunerazzjoni xierqa għall-kapital tal-Grad 1 mhux finanzjat, il-kapital tal-Grad 2 għandu jiġi remunerat għal 5,5 %. Il-medja taż-żewġ rati hija ta' 6,25 %.
(49) ĠU C 195, 19.8.2009, p. 9.
(50) Bħal Commerzbank AG, Landesbank Baden-Württemberg (LBBW), HSH Nordbank AG u NordLB.
(51) Fl-2011, pereżempju, BayernLB fetaħ fergħa f'Düsseldorf.
(52) Ir-RoE indikat fit-Tabella 4 ġie kkalkolat fuq il-bażi ta' proporzjon kapitali ta' 10 %, iżda dan ma kienx se jimmaterjalizza kieku BayernLB ma ħallasx lura xi kapital. Għalhekk dan ma jirrappreżentax tajjeb il-livell ta' RoE li jista' jintlaħaq fin-nuqqas ta' rimborż.
(53) Ara t-Tabella 4.
(54) Ara Table 1.
(55) Ara pereżempju d-Deċiżjoni 2012/477/UE.
(56) Id-Deċiżjoni 2010/395/UE li permezz tagħha l-Istat Membru jimpenja ruħu li l-bank ikollu fil-mira RoE wara t-taxxa li jilħaq massimu minn 10 sa 12 %; Id-Deċiżjoni 2012/477/UE li permezz tagħha l-bank huwa mistenni li jilħaq 6,9 % fl-2014; u d-Deċiżjoni tal-Kummissjoni tal-25 ta' Lulju 2012 fil-Kawża SA.34381 NordLB, li permezz tagħha l-bank huwa mistenni li jilħaq 7,3 % fl-2016, għadha mhux ippubblikata.
(57) Ara l-punt 11 tal-Komunikazzjoni dwar ir-Ristrutturar.
(58) Id-Deċiżjoni SA.34381 (2012/N).
(59) Ara d-Deċiżjoni tal-Kummissjoni tat-30 ta' Marzu 2012 fil-Kawża SA.34539 (2012/N) Commerzbank, li għadha mhijiex ippubblikata.
(60) Ara n-nota ta' qiegħ il-paġna 44.
(61) Alternattivament, il-parteċipazzjonijiet passivi jistgħu jiġu kkonvertiti f'ishma, minflok ma l-ewwel jitħallsu lura u mbagħad jiġu injettati mill-ġdid.
(62) Ara l-premessa 44.
(**********) f'ċifri tal-2008
(63) Id-Deċiżjoni 2012/477/UE li fiha ma kien hemm l-ebda rkupru komplet iżda l-karta bilanċjali tnaqqset b' 60 %.
ANNESS I
A. IMPENJI ĠENERALI
1. |
[Il-Fażi ta' Ristrutturar] Il-fażi ta' ristrutturar tintemm fil-31 ta' Diċembru 2015. L-impenji li ġejjin japplikaw tul il-fażi ta' ristrutturar sakemm l-impenn individwali ma jiddikjarax mod ieħor. Fejn rimborż taħt il-punti 2 u 3 tal-Anness II isir biss wara dik id-data, il-punti 4, 6-8, 18-22, 24, 25, 27 u 28 ta' dan l-Anness I jibqgħu japplikaw sakemm il-bank ikun issodisfa l-obbligi ta' ħlas kollha tiegħu, iżda mhux iktar tard mill-31 ta' Diċembru 2018. |
2. |
[Fiduċjarju] L-implimentazzjoni sħiħa u xierqa tal-impenji u tal-kundizzjonijiet kollha stipulati f'din il-lista se jkunu ssorveljati kontinwament u bir-reqqa u vverifikati fid-dettall minn fiduċjarju ta' monitoraġġ bi kwalifiki xierqa li jkun indipendenti minn BayernLB. L-arranġamenti li jikkonċernaw il-ħatra u d-doveri tal-fiduċjarju ta' monitoraġġ se jiġu stipulati fi ftehim separat. |
3. |
[Il-bank bażi u l-unità ta' ristrutturar] BayernLB waqqaf unità interna ta' ristrutturar għat-trattament tat-tnaqqis ta' ċerti portafolji fuq ir-responsabbiltà tiegħu stess u wkoll biex jissorvelja l-miżuri ta' tnaqqis l-oħra meħuda minn oqsma ta' negozju u sussidjarji madwar il-grupp kollu. F'termini funzjonali u organizzattivi, l-unità interna tar-ristrutturar hija separata mill-oqsma ta' negozju li għadejjin bħalissa tal-bank bażi u sussidjarji (flimkien, in-“negozju bażi”) u titqies bħala segment separat. |
B. IT-TNAQQIS MIT-TOTAL TAL-KARTA BILANĊJALI/RESTRIZZJONI TAL-ATTIVITAJIET TA' NEGOZJU
4. |
[Tnaqqis mit-total tal-karta bilanċjali—grupp] BayernLB jimpenja ruħu li jnaqqas l-assi tal-karta bilanċjali tiegħu għal madwar EUR 239,4 biljun (1) sal-31 ta' Diċembru 2015 (2) permezz tal-għeluq ta' lokalitajiet barra mill-pajjiż, il-bejgħ ta' parteċipazzjonijiet u r-restrizzjoni tal-attivitajiet ta' negozju tiegħu. Biex ikun żgurat li l-monitoraġġ ikun jista' jkompli mingħajr tfixkil, kull tibdil fir-rata tal-kambju tal-EUR/USD se jiġi injorat sakemm ir-rata ma taqax aktar 'l isfel minn dawn li ġejjin: [1,05–1,25] għall-2012, [1,05–1,25] għall-2013, [1,05–1,25] għall-2014, u [1,05–1,25] għall-2015 (3). Jekk ir-rata tal-EUR/USD tinżel taħt dawn il-livelli, il-bank jista', wara li jinforma lill-fiduċjarju ta' monitoraġġ, jaġġusta t-total tal-mira tal-karta bilanċjali filwaqt li titqies il-waqgħa tar-rata tal-kambju bid-differenza sħiħa meta mqabbla mar-rata ppjanata, sakemm il-Kummissjoni ma toġġezzjonax għall-aġġustament bil-miktub, filwaqt li tagħti raġunijiet adegwati għall-oġġezzjoni.. |
5. |
[Tnaqqis mit-total tal-karta bilanċjali—unità ta' ristrutturar] It-total tal-assi tal-karta bilanċjali tal-unità ta' ristrutturar se jitnaqqas għal madwar EUR [7,5–10] biljun sal-31 ta' Diċembru 2015. Suġġett għall-punt 4, li japplika mutatis mutandis, kull skadenza fir-rigward ta' din is-somma se tiġi injorata safejn din isseħħ minħabba tnaqqis fir-rata tal-kambju tal-EUR/USD taħt ir-rata msemmija fit-tieni sentenza tal-punt 4. |
6. |
[Restrizzjoni tal-attivitajiet ta' negozju—negozju bażi] Fin-negozju bażi ta' dawn l-oqsma ta' negozju, ir-restrizzjonijiet li ġejjin se jiġu osservati, bl-għan li n-negozju b'rabta mal-Ġermanja biss għandu jitwettaq. It-terminu “b'rabta mal-Ġermanja” jfisser li (i) il-klijent jew il-kumpanija prinċipali tiegħu jew is-sussidjarja sinifikanti jkollhom l-uffiċċju rreġistrat tagħhom fil-Ġermanja; jew (ii) in-negozju jinvolvi l-finanzjament għall-kummerċ jew il-finanzjament relatat mal-esportazzjoni li jinvolvi […] l-assigurazzjoni ta' riskju (eż.Aġenzija ta' Kreditu għall-esportazzjoni), u l-klijent li jirċievi l-finanzjament huwa akkwirent (offtaker) ta' klijent b'rabta mal-Ġermanja kif definit f'(i) hawn fuq; jew (iii) il-proġett li jkun se jiġi ffinanzjat jinsab fil-Ġermanja, jew klijent wieħed jew aktar b'rabta mal-Ġermanja kif definit f'(i) hawn fuq huma involuti fil-proġett jew bħala offtakers tal-prodotti jew materja prima li jridu jiġu prodotti jew bħala utenti permezz ta' xiri jew kuntratti ta' trasferiment ta' użu, jew li jkollhom mill-inqas [15-50] % sehem ta' sjieda fil-kumpanija tal-proġett, jew impenjaw ruħhom li jipprovdu iktar minn [30-70] % tal-provvisti għall-proġett li għandhom jiġu ffinanzjati; jew (iv) fin-negozju internazzjonali marbut ma' proprjetà immobbli, il-klijent ikollu assi Ġermaniżi sostanzjali fil-portafoll tiegħu.
BayernLB mhux se jwettaq l-ebda negozju mill-oqsma ta' negozju msemmija f'(a), (b) u (c) f'oqsma ta' negozju oħrajn sabiex jevita l-limiti massimi tal-assi ta' riskju speċifikati. F'każ ta' xi dubju, il-klassifikazzjoni ta' attivitajiet taħt l-oqsma tan-negozju msemmija hawn fuq u d-dejta tal-ippjanar se ssegwi l-pjan ta' ristrutturar (5). |
7. |
[Infiq akbar milli ppjanat] Fir-rigward tal-limiti massimi tar-RWA stabbiliti fil-punt 6 minn (a) sa (c):
|
8. |
[Għeluq tal-attivitajiet ta' negozju] L-oqsma li ġejjin ma jagħmlux aktar parti min-negozju bażi u se jingħalqu:
|
C. L-GĦELUQ TA' LOKALITAJIET/IĊ-ĊESSJONI TA' PARTEĊIPAZZJONIJIET AZZJONARJI
9. |
[Lokalitajiet] Il-lokalitajiet li ġejjin ta' BayernLB stabbiliti bħala fergħat jew uffiċċji rappreżentattivi ngħalqu fid-dati indikati:
|
10. |
Negozju eżistenti li ma kienx ġie stralċjat sad-data tal-għeluq tal-lokalitajiet elenkati fil-punt 9 ġie ttrasferit jew twaqqaf b'mod progressiv sad-data ta' skadenza miftiehma tal-operazzjonijiet ta' negozju sottostanti. L-ebda negozju ġdid mhu se jiġi aċċettat. |
11. |
[Il-bejgħ ta' parteċipazzjonijiet] BayernLB se jbigħ il-parteċipazzjonijiet elenkati hawn taħt u fl-Anness III bl-aħjar kundizzjonijiet li jistgħu jinkisbu u fl-intier tagħhom sad-dati speċifikati (id-data tal-iffirmar), jew diġà biegħ il-parteċipazzjoni fid-data li tidher.
|
12. |
Jekk xi parteċipazzjoni tinvolvi xi finanzjament tad-dejn (“finanzjament intragrupp”) minn BayernLB li t-tul ta' żmien tiegħu jista' jestendi sa wara d-data tal-bejgħ, u BayernLB ma jistax ibigħ dawn il-parteċipazzjonijiet flimkien mal-finanzjament tad-dejn korrispondenti jew b'mod ieħor jirċievi garanzija għal finanzjament tad-dejn li għadu pendenti, il-bejgħ ta' parteċipazzjonijiet jista' jiġi pospost għal massimu ta' […] mhux aktar tard minn […] (17). |
13. |
BayernLB jista' jipposponi l-bejgħ ta' parteċipazzjonijiet elenkati hawn fuq għal massimu ta' […] mhux aktar tard minn […] (17) jekk wara li jkunu ġew garantiti offerti vinkolanti jkun jidher ċar li l-prezz li jinkiseb mit-tranżazzjoni jkun aktar baxx mill-valur kontabilistiku kurrenti tal-parteċipazzjoni fid-dikjarazzjonijiet finanzjarji individwali mfassla minnBayernLB skont il-Kodiċi Kummerċjali Ġermaniż, jew jipproduċi telf fid-dikjarazzjoni finanzjarja kkonsolidata skont l-istandards ta' kontabilità tal-IFRS. |
14. |
Suġġett għall-approvazzjoni tal-Kummissjoni, BayernLB jista' jipposponi l-bejgħ tal-parteċipazzjonijiet elenkati għal massimu ta' […] mhux aktar tard minn […] (17) jekk juri li, minħabba ċ-ċirkostanzi makroekonomiċi, bejgħ ma jkunx possibbli, jew possibbli biss taħt kundizzjonijiet “bi prezzijiet aktar baxxi mil-valur proprju” (“fire sale”-Bedingungen). |
15. |
BayernLB jista' jipposponi l-bejgħ sħiħ tiegħu tal-ishma li jifdal f'parteċipazzjoni għal massimu ta' […] sa mhux aktar tard minn […] (18) jekk dan juri li sad-data mmirata, għal raġunijiet ekonomiċi jew legali, huwa seta' jbigħ biss il-maġġoranza ta' kontroll tal-parteċipazzjoni, u li tabilħaqq għamel dan. |
16. |
Id-dħul mill-bejgħ ta' parteċipazzjonijiet ta' BayernLB jikkonċentra, sa fejn dan jaqbeż il-valur kontabilistiku, u jirriżulta fid-dikjarazzjoni tal-introjtu ppjanata li tinqabeż, se jintuża kompletament biex jiffinanzja l-pjan ta' ristrutturar ta' BayernLB u għalhekk se jitħallas lura lil-Land tal-Bavarja skont il-punt 3 tal-Anness II. |
17. |
Fir-rigward ta' negozju eżistenti minn parteċipazzjonijiet li ma nbigħux fl-iskadenza indikata dan se jitħalla jiskadi wara dik id-data, hekk kif in-negozju sottostanti jimmatura. L-ebda negozju ġdid mhu se jiġi aċċettat. |
D. OBBLIGI OĦRA FL-IMĠIBA/GOVERNANZA KORPORATTIVA
18. |
[Reklamar] BayernLB mhux se juża l-għoti ta' miżuri ta' għajnuna jew xi vantaġġi oħra fuq il-kompetituri li jirriżultaw minnhom għall-iskopijiet ta' reklamar. |
19. |
[Ir-restrizzjoni tat-tkabbir estern] Mhu se jkun hemm l-ebda espansjoni ta' attivitajiet ta' negozju permezz tal-akkwist ta' kontroll fuq kumpaniji oħra bi prezz tal-bejgħ ta' aktar minn EUR [2-0 miljun] mingħajr l-approvazzjoni tal-Kummissjoni (“l-ebda tkabbir estern”). L-iskambju ta' dejn ma' ekwità u miżuri użwali oħrajn għall-ġestjoni tal-kreditu mhumiex meqjusa bħala espansjoni tal-attivitajiet ta' negozju ħlief jekk imwettqa bl-intenzjoni li jevadu r-restrizzjoni tat-tkabbir imsemmija fl-ewwel sentenza. |
20. |
[Il-kummerċ għall-kont proprju] BayernLB se jtemm il-kummerċ proprjetarju ddedikat. Dan ifisser li BayernLB se jkompli biss bl-attivitajiet kummerċjali indikati fil-ktieb kummerċjali tiegħu li huma meħtieġa jew (a) għall-aċċettazzjoni, it-trasferiment u l-eżekuzzjoni tal-ordnijiet ta' bejgħ tal-klijienti tiegħu u l-istrumenti ta' ħħeġġjar direttament marbutin magħhom (jiġifieri l-kummerċ bi strumenti finanzjarji bħala servizz, sa valur imkejjel f'valur fir-riskju għal bidliet tal-prezz tas-suq ta' EUR [0–50] miljun/1 jum, 99 % fiduċja) jew (b) għal-likwidità u l-ġestjoni ta' ALM (imgħax, kambju, ġestjoni tar-riżerva ta' likwidità, l-immaniġjar ta' kollateral għal operazzjonijiet ta' rifinanzjament garantit) jew (c) għat-trasferiment ekonomiku tal-partiti fuq il-karta bilanċjali għall-unità ta' ristrutturar jew għall-partijiet terzi. Taħt l-ebda ċirkostanza BayernLB mhu se jwettaq attivitajiet ta' negozju li jservu purament biex isir profitt ħlief għall-għanijiet imsemmija f'(a), (b) jew (c) hawn fuq. |
21. |
[Assigurazzjonijiet rigward governanza korporattiva] Il-Bord ta' Tmexxija (Vorstand) ta' BayernLB huwa indipendenti fit-tmexxija operattiva ta' kuljum tan-negozju u d-dmir uniku tiegħu huwa lejn il-kumpanija. La l-Bord tad-Diretturi (Verwaltungsrat) u lanqas il-laqgħa ġenerali ma jistgħu jagħtuh l-istruzzjonijiet. Is-superviżjoni u l-monitoraġġ se jkunu kkonċentrati fil-Bord tad-Diretturi (li fil-futur se jkun magħruf bħala l-Bord Superviżorju (Aufsichtsrat)); għan-negozju ta' importanza fundamentali japplikaw ir-regoli ġenerali taħt il-liġi dwar il-kumpaniji pubbliċi b'responsabbiltà limitata li jirrigwardaw l-approvazzjoni tal-Bord Superviżorju (Zustimmungsvorbehalt). Barra minn hekk, BayernLB huwa suġġett għas-sorveljanza legali mill-awtorità ta' superviżjoni legali tiegħu u s-superviżjoni bankarja minn BaFin u l-Bundesbank. Il-Bord tad-Diretturi eżistenti ta' BayernLB se jinbdel f'Bord Superviżjorju ristrett, b'involviment dejjem akbar tal-membri esterni. Il-miżuri li ġejjin se jittieħdu sat-30 ta' Ġunju 2013:
|
22. |
Il-prinċipju tad-distakkament (arm's-length-Prinzip) tipiku għar-relazzjonijiet bejn kumpanija u l-azzjonisti tagħha japplika għar-relazzjoni bejn il-bank u s-sidien. Minbarra kull rimborż tal-għajnuna mogħtija, l-assi jistgħu jiġu distribwiti lill-proprjetarji fil-forma ta' profitt tal-karta bilanċjali, tnaqqis ta' kapital u qligħ mil-likwidità biss; il-miżuri strutturali marbuta mal-istituzzjonijiet dipendenti fil-BayernLB jibqgħu mhux affettwati. |
23. |
[Ir-remunerazzjoni tal-entitajiet, l-impjegati u l-aġenti essenzjali] BayernLB se jivverifika l-effett ta' inċentiv u l-adegwatezza tas-sistemi tar-remunerazzjoni tiegħu u se jiżgura, fil-possibbiltajiet skont il-liġi ċivili, li dawn ma jirriżultawx fi skopertura għal riskji bla bżonn, huma orjentati lejn objettivi tal-kumpanija sostenibbli fit-tul, u li huma trasparenti. Ir-remunerazzjoni totali tal-membri tal-bord u l-maniġment superjuri se tkun ristretta għal livell xieraq. Rimunerazzjoni fi flus (monetäre Vergütung) ta' aktar minn EUR 500 000 kull sena titqies fil-prinċipju bħala mhux xierqa. Ir-restrizzjoni msemmija fit-tieni u t-tielet sentenzi tkompli tapplika sakemm BayernLB ikun ħallas total ta' EUR […] miljun skont il-punti 2 u 3 tal-Anness II. Inkella tkompli tapplika r-restrizzjoni msemmija fit-tieni u t-tielet sentenzi ħlief li remunerazzjoni fi flus li taqbeż EUR […] fis-sena titqies bħala mhux xierqa fil-prinċipju sakemm BayernLB ikun ħallas il-pagament ta' rkupru ta' darba skont il-punt 2 tal-Anness II u l-pagamenti li jammontaw għal EUR […] miljun skont il-punt 3 tal-Anness II (19). |
24. |
Fil-limitu tal-possibbiltajiet skont il-liġi ċivili, BayernLB se jirremunera lill-entitajiet, lill-impjegati u lill-aġenti essenzjali tiegħu f'konformità mal-prinċipji li ġejjin:
|
25. |
[Regoli oħra ta' kondotta] il-politika kummerċjali ta' BayernLB tkun prudenti, soda u orjentata lejn is-sostenibbiltà. Għal dan l-għan, BayernLB b'mod partikolari se jistabbilixxi pjan ta' finanzjament fuq bażi annwali u jmexxi l-istrateġija ta' negozju tiegħu kif xieraq. Fil-kuntest tas-self u tal-investimenti tiegħu, BayernLB se jikkunsidra r-rekwiżiti ta' self tal-ekonomija, partikolarment ir-rekwiżiti ta' negozji żgħar u ta' daqs medju, billi jiġu applikati termini li huma konformi mal-prassi tas-suq u xierqa minn perspettiva superviżorja/bankarja. |
26. |
[It-Trasparenza] Matul l-implimentazzjoni tad-Deċiżjoni, il-Kummissjoni se jkollha aċċess mingħajr limitu għall-informazzjoni kollha meħtieġa għall-monitoraġġ tal-implimentazzjoni tagħha. Il-Kummissjoni tista' titlob lil BayernLB biex jipprovdi spjegazzjonijiet u kjarifiki. Il-Ġermanja u BayernLB se jikkooperaw bis-sħiħ mal-Kummissjoni għal kwalunkwe talba marbuta mal-monitoraġġ u l-implimentazzjoni ta' din id-Deċiżjoni. |
27. |
[Ebda manutenzjoni ta' kapital ibridu] BayernLB se jaderixxi ma' projbizzjoni fuq manutenzjoni ta' kapital ibridu. BayernLB se jagħti servizz ta' kapital ibridu (bħal parteċipazzjonijiet passivi (stille Einlagen) u ċertifikati ta' parteċipazzjoni fi profitt (Genussscheine) biss jekk huwa obbligat li jagħmel dan anki mingħajr rilaxx ta' riżervi (Rücklagen) jew tal-partita speċjali msemmija fit-Taqsima 340 il-punti f u g tal-Kodiċi Kummerċjali. […]. |
28. |
[Il-projbizzjoni tad-dividendi] BayernLB se jaderixxi ma' projbizzjoni tad-dividendi biex jissodisfa l-impenji tiegħu ta' pagament. BayernLB mhux se jħallas dividendi sa tmiem l-eżerċizzju tal-għeluq tas-sena finanzjarja jiġifieri sal-31 ta' Diċembru 2018. Pagamenti taħt il-punti 2 u 3 tal-Anness II jibqgħu mhux affettwati. |
E. KONTRIBUZZJONI MILL-BANEK TAT-TFADDIL TAL-BAVARJA
29. |
[Konverżjoni ta' parteċipazzjonijiet passivi u l-akkwist ta' LBS Bayern] Il-banek tat-tfaddil tal-Bavarja huma lesti li jaqsmu l-piż tar-ristrutturar ta' BayernLB li jammonta għal madwar EUR 1,65 biljun permezz tal-akkwist ta' LBS u l-konverżjoni tal-parteċipazzjonijiet passivi tagħhom (stille Einlagen). It-total huwa magħmul kif ġej: (a) Akkwist ta' LBS : L-assoċjazzjoni tal-banek tat-tfaddil tal-Bavarja se takkwista LBS bis-sħiħ għal prezz ta' EUR 818,3 miljun. Id-data tax-xiri (trasferiment ta' sjieda u l-ħlas tal-prezz tax-xiri) se tkun […]. BayernLB hu intitolat għar-rikavati (Ertrag) għas-sena tan-negozju tal-2012. (b) Konverżjoni ta' parteċipazzjonijiet passivi : Il-partiċipazzjonijiet passivi kollha ta' tul ta' żmien mhux limitat miżmuma mill-banek tat-tfaddil ta' BayernLB se jitħallsu lura bil-valur nominali ta' madwar EUR [770–810] miljun. Fl-istess ħin l-assoċjazzjoni tal-banek tat-tfaddil tal-Bavarja se tinjetta kapital ta' EUR [810-840] miljun f'BayernLB Holding AG. Ir-rimborż tal-parteċipazzjonijiet passivi u ż-żieda fil-kapital se jsiru mhux aktar kmieni minn […] u mhux aktar tard minn […]. L-ishma l-ġodda tal-assoċjazzjoni tal-banek tat-tfaddil se jkunu ddeterminati abbażi tal-valutazzjoni ta' negozju ta' BayernLB Holding AG kkalkulata skont l-istandard tal-valutazzjoni IDW S1 fiż-żmien taż-żieda kapitali. Is-sehem miżmum mill-assoċjazzjoni tal-banek tat-tfaddil, fi kwalunkwe każ, se jkun limitat għal massimu ta' 25 % u b'hekk se jkompli jibqa' taħt il-minoranza li timblokka, li hija ta' 25 % + vot wieħed. (20). |
F. BAYERNLABO
30. |
[Il-kapital ta' BayernLabo] Wara li kkunsidraw il-bidliet fir-rekwiżiti superviżorji skont il-liġi dwar l-adegwatezza kapitali tal-banek (Basel III) u rimarki analogi minn BaFin, l-arranġamenti li jikkonċernaw l-ekwità ta' BayernLabo se jiġu adattati sal-limitu meħtieġ mir-Regolament dwar ir-Rekwiżiti ta' Kapital (“CRR”) biex jiġi żgurat li l-kapital ta' ekwità ta' BayernLabo kif jidher fil-kontijiet tal-grupp IFRS għal BayernLB jirrappreżenta fondi proprji ta' bażi soda taħt ir-Rekwiżiti l-ġodda CRR. Ir-remunerazzjoni se tiġi trasformata f'remunerazzjoni konformi mal-pakett CRR bħala kapital ta' ishma (jiġifieri dividendi); ir-restrizzjoni li tillimita l-kapital ta' ekwità għas-sostenn tan-negozju ta' BayernLabo titneħħa. Somma ta' EUR 1 biljun, li skont il-pjanijiet kurrenti ta' BayernLabo mhijiex meħtieġa għall-kontinwazzjoni tal-operazzjonijiet ta' negozju. se tiġi trasferita għal fuq il-kont tal-bank bażi. L-allokazzjoni legali (Zweckbestimmung) tal-assi li jifdal f'BayernLabo (inklużi assi għal skopijiet speċjali (Zweckvermögen) u l-kontribuzzjoni korrispondenti għal skopijiet speċjali (Zweckeinlage)) jibqgħu mhux mibdula, biex il-kompitu statutorju ta' promozzjoni (Förderauftrag) jkun jista' jitkompla mingħajr restrizzjoni. |
G. IR-REMUNERAZZJONI TAL-GARANZIJA/RKUPRU
31. |
[Ir-remunerazzjoni tal-garanzija/rkupru] Il-Ftehim konkluż bejn il-Land tal-Bavarja u BayernLB fid-19 ta' Diċembru 2008 dwar l-għoti ta' garanzija (il-“ftehim ta' garanzija”) se jiġi emendat jew issupplementat biex jissodisfa l-impenji li ġejjin, li huma msejsa fuq il-fehim li d-differenza bejn il-prezz tat-trasferiment u l-valur ekonomiku reali tal-portafoll assigurat mill-ftehim ta' garanzija tammonta għal EUR 1,96 biljun. |
32. |
[Primjum totali] Il-bank se jħallas primjum annwali totali ta' EUR 200 miljun għall-garanzija b'mod retroattiv mill-1 ta' Jannar 2010. Dan il-primjum totali jikkonsisti f'dan li ġej:
|
H. RIMBORŻ TAL-PARTEĊIPAZZJONI SIEKTA TAL-BAVARJA TA' EUR 3 BILJUN
33. |
[Tnaqqis ulterjuri ta' pożizzjonijiet ta' riskju] Biex tħallas lura l-parteċipazzjoni siekta tal-Land tal-Bavarja sal-2017, BayernLB jintrabat li jnaqqas il-pożizzjonijiet ta' riskju tiegħu b'EUR 10 biljun sal-2017, imqassma f'segmenti tan-negozju kif ġej, diverġenza ta' massimu ta' [10-15] % għal kull segment li jiġi injorat sakemm jinkiseb tnaqqis totali ta' EUR 10 biljun: (21):
Jekk dawn il-miżuri jirriżultaw f'xi tnaqqis ieħor ta' negozju, dan mhux se jitqies fir-rigward tat-tnaqqis fil-karta bilanċjali skont il-punt 4. Jekk it-tnaqqis imsemmi hawn fuq f'pożizzjonijiet ta' riskju għandu jwassal għat-telf tad-dħul, il-bank se jagħmel tajjeb għal dan it-telf permezz ta' tnaqqis fl-ispejjeż kif xieraq. Fil-bidu tas-sena ta' negozju […], il-bank jimpenja ruħu li jwettaq “reviżjoni ta' nofs it-term” tal-implimentazzjoni ta' dan l-impenn, ibbażata fuq ir-rapporti tal-fiduċjarju ta' monitoraġġ. Jekk fl-okkażjoni tar-reviżjoni ta' nofs it-term il-Kummissjoni tiddetermina li BayernLB x'aktarx ma jilħaqx il-mira tat-tnaqqis tal-pożizzjonijiet tar-riskju sal-aħħar tas-sena ta' negozju 2017, BayernLB jkollu jinnotifika din il-bidla mill-ġdid, sakemm dan ikun dovut għal żviluppi makroekonomiċi jew regolatorji ġodda. |
(1) F'valuri tal-2008 dan jikkorrispondi għal tnaqqis mit-total tal-karta bilanċjali ta' madwar EUR 206 biljun.
(2) Jekk ir-restrizzjoni taħt dan il-punt tapplika lil hinn mis-sena 2015 skont il-punt 1, il-valur tat-total tal-karta bilanċjali jiġi indiċjat kull sena bl-użu tal-formula li ġejja: […].
(3) Il-BayernLB qed jippjana għar-rati tal-kambju tal-EUR/USD li ġejjin: [1,10–1,60] għall-2012, [1,10–1,60] għall-2013, [1,10–1,60] għall-2014 u [1,10–1,60] għall-2015. Wara l-2015, iċ-ċifri għar-rata tal-kambju tal-EUR/USD jiġu ssupplimentati, jekk meħtieġ, mill-pjanijiet tal-bank applikabbli f'dak iż-żmien.
(4) L-abbrevjazzjoni “RWA” użata fil-verżjoni Ġermaniża tal-punti 6, 7 u 11 tirreferi għat-terminu Ġermaniż Risikoaktiva, li huwa komponent wieħed ta' pożizzjonijiet ta' riskju iżda ma jinkludix pożizzjonijiet ta' riskju operazzjonali, pożizzjonijiet tar-riskju tas-suq, u RWA ekwivalenti jew aġġustamenti tal-valur tal-kreditu minn tranżazzjonijiet tal-iħħeġġjar imwettqa għall-klijent.
(5) Jekk ir-restrizzjonijiet tar-RWA skont il-punt 6 jibqgħu fis-seħħ lil hinn mis-sena 2015 skont il-punt 1, il-limiti massimi tar-RWA stabbiliti fil-punt 6 minn (a) sa (c) jiġu indiċjati kull sena bl-użu tal-formula li ġejja: […].
(6) BayernLB qed jippjana għar-rati tal-kambju tal-EUR/USD li ġejjin: [1,10–1,60] għall-2012, [1,10–1,60] għall-2013, [1,10–1,60] għall-2014 u [1,10–1,60] għall-2015. Wara l-2015, iċ-ċifri għar-rata tal-kambju tal-EUR/USD jiġu ssupplimentati, jekk meħtieġ, mill-pjanijiet tal-bank applikabbli f'dak iż-żmien.
(7) Is-sitwazzjoni fil-31 ta' Diċembru 2011.
(8) Bi preparazzjoni għall-bejgħ ta' Banque LB Lux SA, BayernLB akkwista 25 % mis-sehem ta' Helaba fil-Banque LB Lux SA, u biegħ il-parteċipazzjoni tiegħu f'LB(Swiss) Privatbank AG lil Helaba, li diġà għandu fil-pussess tiegħu il-50 % l-oħra f'LB(Swiss) Privatbank AG. Il-ftehim ta' bejgħ għal dan l-għan ġie ffirmat fit-23 ta' Ottubru 2009; it-tranżazzjoni għalqet fil-21 ta' Diċembru 2009.
(9) Għeluq: fis-27 ta' Marzu 2012.
(10) Parteċipazzjoni mhux konsolidata.
(11) Ix-xerrej ta' din il-parteċipazzjoni jista' jkun obbligat li josserva u jżomm il-linji gwida soċjali applikabbli għall-grupp GBW u rekwiżiti soċjali addizzjonali stabbiliti fi tranżazzjonijiet komparabbli.
(12) Kif mitlub mill-Kummissjoni Ewropea, l-ishma f'GBW AG se jinbiegħu taħt proċedura ta' offerti bbażata fuq il-prinċipji tal-kompetizzjoni. Il-Gvern Federali Ġermaniż jinnota l-fatt li akkwist mil-Land tal-Bavarja taħt proċedura ta' offerti jista' jwassal għal investigazzjoni ta' aktar għajnuna mill-Istat.
(13) Il-valur kontabilistiku f'Diċembru 2011.
(14) Fit-22 ta' Ġunju 2010 BayernLB biegħ sehem ta' 25,2 % tal-kapital azzjonarju ta' SaarLB lil-Land ta' Saarland, bir-riżultat li SaarLB m'għadux affiljat ta' BayernLB taħt it-Taqsima 271(2) tal-Kodiċi Kummerċjali. […].
(15) Inklużi l-ishma miżmuma mill-intermedjarju ta' KGAL Verwaltungs GmbH.
(16) Mhux parteċipazzjoni f'sens tekniku.
(17) MKB huwa każ speċjali […].
(18) MKB huwa każ speċjali […].
(19) Wara li jinforma l-fiduċjarju ta' monitoraġġ, il-bank jista' jaġġusta l-limitu massimu għar-rimunerazzjoni annwali fi flus fil-punt 23 skont l-inflazzjoni fil-Ġermanja.
(20) Alternattivament il-parteċipazzjonijiet passivi jistgħu jiġu kkonvertiti f'ishma, minflok ma l-ewwel jitħallsu lura u mbagħad jiġu injettati mill-ġdid.
(21) Kif ippreżentat lill-Kummissjoni fl-14 ta' Ġunju 2012; għal aktar informazzjoni, ara l-ispjegazzjonijiet fil-pjan ta' ristrutturar, it-Taqsima 6.20.2.
ANNESS II
KUNDIZZJONIJIET
1. |
[Rimborżi] BayernLB jrid (fejn xieraq permezz ta' BayernLB Holding AG) jagħmel ħlas ta' darba ta' EUR 1,24 biljun lil-Land tal-Bavarja (“il-ħlas ta' darba ta' rkupru”) u jħallas lura EUR 3 biljun f'ekwità li huwa rċieva bħala għajnuna fil-forma ta' parteċipazzjoni siekta fl-2008/2009 (ir-“rimborż ta' għajnuna”). |
2. |
Il-ħlas ta' rkupru ta' darba ta' EUR 1,24 biljun se jsir f'dawn fi ħlasijiet parzjali kif ġej: (…) Jekk l-awtorità superviżorja rilevanti tiddeċiedi li l-ekwità li tirriżulta mid-dħul fil-karta bilanċjali tal-valur nominali ta' assi għal skopijiet speċjali ta' BayernLabo (Zweckvermögen) għandha tkun rikonoxxuta b'mod sħiħ jew parzjali skont il-kapital bażi tal-Grad 1 għal skopijiet ta' kontroll, il-ħlas parzjali suċċessiv mill-ħlas ta' rkupru ta' darba biss jiżdied b'dak l-ammont u l-iskeda ta' pagament ulterjuri tiġi aġġustata skont it-Tabella 11. |
3. |
Ir-rimborż ta' għajnuna ta' EUR 3 biljun isir f'dawn il-ħlasijiet parzjali li ġejjin: (…) Il-bqija tal-partijiet tal-parteċipazzjoni siekta ta' EUR […] miljun titħallas lil-Land tal-Bavarja sal-2017 permezz tar-rilaxx tal-kapital fuq il-bażi tal-punt 33 tal-Anness I. |
4. |
[Differiment tal-obbligu ta' ħlas] Jekk l-awtorità superviżorja tipprojbixxi lil BayernLB milli jagħmel ħlas skont il-punt 2 jew tonqos milli tagħti l-approvazzjoni tagħha għal rimborż skont il-punt 3, ir-rimborżi stipulati f'dawk il-punti iridu jiġu sospiżi. F'dak il-każ l-obbligu korrispondenti li jitħallsu dawn l-ammonti jrid ikun differit sakemm l-awtorità superviżorja tapprova jew ma tipprojbixxix ir-rimborż rilevanti. Jekk ir-rimborż tal-ammont inizjalment differit mhuwiex approvata fis-sena ta' wara jew jerġa' jiġi ipprojbit, il-Gvern Federali tal-Ġermanja jinnotifika pjan ta' ristrutturar immodifikat lill-Kummissjoni li, fil-prinċipju, irid ikun fih miżuri ta' kumpens addizzjonali, bħal pereżempju aktar tnaqqis tal-karta bilanċjali. |
ANNESS III
AKTAR TNAQQIS FIL-PAREĊIPAZZJONIJIET
BayernLB kien biegħ ukoll jew se jbigħ dawn il-parteċipazzjonijiet skont il-punt 11 tal-Anness I fid-data jew sad-data indikata (1):
|
Parteċipazzjoni |
Perċentwal mill-parteċipazzjoni (%) |
Ħruġ komplet/diġà ppjanat |
1 |
gewerbegrund Holding GmbH i.L. |
100,0 |
2008 |
2 |
Hypo Alpe-Adria-Bank International AG (HGAA) |
67,1 |
2009 |
3 |
Kraftwerksgesellschaft Völklingen Geschäftsführ.-GmbH |
38,0 |
2009 |
4 |
SCI du 203 Faubourg Saint Honoré |
100,0 |
2009 |
5 |
Vulcain Energie |
10,0 |
2009 |
6 |
Bayerische Beamtenkrankenkasse AG |
1,0 |
2010 |
7 |
Bayerische Landesbrandversicherung AG |
1,0 |
2010 |
8 |
Bayerische Versicherungsverband Vers.-AG |
1,0 |
2010 |
9 |
BayernLB Corporate Advisers GmbH i.L. |
100,0 |
2010 |
10 |
Central 1 Credit Union |
0,0 (*) |
2010 |
11 |
Coast Capital Savings Credit Union |
0,0 (*) |
2010 |
12 |
Credit Union Central of British Columbia |
0,0 (*) |
2010 |
13 |
Energy & Commodity Services GmbH i.L. |
100,0 |
2010 |
14 |
Envision Credit Union |
0,0 (*) |
2010 |
15 |
Gulf and Fraser Fisherman's Credit Union |
0,0 (*) |
2010 |
16 |
GZ-Holdinggesellschaft mbH i.L. |
100,0 |
2010 |
17 |
Island Savings Credit Union |
0,0 (*) |
2010 |
18 |
IZB Soft Verwaltungs-GmbH & Co. KG |
25,1 |
2010 |
19 |
Meridian Credit Union |
0,0 (*) |
2010 |
20 |
MKB Általános Biztosító Zrt. |
25,0 |
2010 |
21 |
Schlemmermeyer GmbH & Co. KG |
20,0 |
2010 |
22 |
Valley First Credit Union |
0,0 (*) |
2010 |
23 |
MKB Életbiztosító Zrt. |
25,0 |
2010 |
24 |
Vancouver City Savings Credit Union |
0,0 (*) |
2010 |
25 |
Münchner Gesellschaft für Stadterneuerung mbH |
3,5 |
2010 |
26 |
North Shore Credit Union |
0,0 (*) |
2010 |
27 |
Westminster Savings Credit Union |
0,0 (*) |
2010 |
28 |
BLB-Grundbesitz-Verwaltungsges. mbH i.L. |
100,0 |
2011 |
29 |
German Centre (Shanghai) Limited i.L. |
100,0 |
2011 |
30 |
IZB Soft-Beteiligungs-GmbH |
25,1 |
2011 |
31 |
Groupement d'Interet Economique (GIE) Spring Rain |
100,0 |
2011 |
32 |
[…]. |
(…) |
(…) |
33 |
(…) |
(…) |
(…) |
34 |
(…) |
(…) |
(…) |
35 |
(…) |
(…) |
(…) |
36 |
Mietdienst Ges. f. Investitionsgüterleasing mbH & Co. |
5,0 |
2012 |
37 |
(…) |
(…) |
[…] % |
38 |
First Calgary Savings & Credit Union Ltd. |
0,0 (*) |
2012 |
39 |
First West Credit Union |
0,0 (*) |
2012 |
40 |
Interior Savings Credit Union |
0,0 (*) |
2012 |
41 |
KSP Unternehmensverwaltungsgesellschaft mbH i.L. |
43,0 |
2012 |
42 |
(…) |
(…) |
(…) |
43 |
(…) |
(…) |
(…) |
44 |
(…) |
(…) |
(…) |
45 |
(…) |
(…) |
(…) |
46 |
(…) |
(…) |
(…) |
47 |
(…) |
(…) |
(…) |
48 |
(…) |
(…) |
(…) |
49 |
(…) |
(…) |
(…) |
50 |
Siacon GmbH i.L. |
50,0 |
2013 |
51 |
(…) |
(…) |
(…) |
(1) Uħud mill-parteċipazzjonijiet previsti li jinbiegħu (immarkati **) huma kummerċjabbli biss b'mod limitat, minħabba li l-bank ma jkollux ċessjoni bla restrizzjonijiet tal-ishma jew minħabba li l-unika xerrejja potenzjali huma membri oħra tal-kumpanija u s-suċċess tal-istrateġija ta' ħruġ tiddependi fuq il-kooperazzjoni tagħhom (eż. STR Brennerschienentransport jew European Energy Exchange).
(*) Żball minħabba numru muri fl-eqreb unità sħiħa, sehem minoritarju