EUR-Lex Access to European Union law
This document is an excerpt from the EUR-Lex website
Document 32015D0633
Council Decision (EU) 2015/633 of 20 April 2015 on the submission, on behalf of the European Union, of a proposal for the listing of additional chemicals in Annex A to the Stockholm Convention on Persistent Organic Pollutants
Deċiżjoni tal-Kunsill (UE) 2015/633 tal-20 ta' April 2015 dwar il-preżentazzjoni, f'isem l-Unjoni Ewropea, ta' proposta biex sustanzi kimiċi addizzjonali jiġu inklużi fl-Anness A tal-Konvenzjoni ta' Stokkolma dwar Materjal Organiku Persistenti li Jniġġes
Deċiżjoni tal-Kunsill (UE) 2015/633 tal-20 ta' April 2015 dwar il-preżentazzjoni, f'isem l-Unjoni Ewropea, ta' proposta biex sustanzi kimiċi addizzjonali jiġu inklużi fl-Anness A tal-Konvenzjoni ta' Stokkolma dwar Materjal Organiku Persistenti li Jniġġes
ĠU L 104, 23.4.2015, p. 14–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
23.4.2015 |
MT |
Il-Ġurnal Uffiċjali tal-Unjoni Ewropea |
L 104/14 |
DEĊIŻJONI TAL-KUNSILL (UE) 2015/633
tal-20 ta' April 2015
dwar il-preżentazzjoni, f'isem l-Unjoni Ewropea, ta' proposta biex sustanzi kimiċi addizzjonali jiġu inklużi fl-Anness A tal-Konvenzjoni ta' Stokkolma dwar Materjal Organiku Persistenti li Jniġġes
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Fl-14 ta' Ottubru 2004, il-Komunità Ewropea rratifikat il-Konvenzjoni ta' Stokkolma dwar Materjal Organiku Persistenti li Jniġġes (il-“Konvenzjoni”) permezz tad-Deċiżjoni tal-Kunsill 2006/507/KE. (1). |
(2) |
Bħala Parti għall-Konvenzjoni, l-Unjoni tista' tippreżenta proposti biex jiġu emendati l-Annessi għall-Konvenzjoni. L-Anness A għall-Konvenzjoni jagħti lista ta' materjali organiċi persistenti li jniġġsu li għandhom jiġu eliminati. |
(3) |
Skont it-tagħrif xjentifiku u r-rapporti tal-analiżi disponibbli, u filwaqt li jitqiesu kif xieraq il-kriterji tal-eżami analitiku li jinsabu fl-Anness D tal-Konvenzjoni, l-aċidu perfluworoottanojku (PFOA), l-imluħa tiegħu u s-sustanzi relatati mal-PFOA li jistgħu jkunu degradati għal PFOA f'kundizzjonijiet ambjentali (“PFOA u l-komposti tiegħu”), juru karatteristiċi ta' materjali organiċi persistenti li jniġġsu. |
(4) |
F'konformità mal-Artikolu 59(1) tar-Regolament (KE) Nru 1907/2006 tal-Parlament Ewropew u tal-Kunsill, (2), u dossier ippreparat skont l-Anness XV ta' dak ir-Regolament. Il-PFOA u l-melħ tal-ammonju tiegħu (APFO) ġew inklużi fil-lista ta' kandidati ta' sustanzi ta' tħassib serju li ġew identifikati li jissodisfaw il-kriterji tal-punt (c) tal-Artikolu 57 ta' dak ir-Regolament bħala tossiċi għar-riproduzzjoni tal-kategorija 1B u b'mod partikolari, li jissodisfaw ukoll il-kriterji tal-punt (d) tal-Artikolu 57 ta' dak ir-Regolament bħala sustanzi li huma persistenti, bijoakkumulattivi u tossiċi. |
(5) |
Bis-saħħa tal-Artikolu 69(4) tar-Regolament (KE) Nru 1907/2006, il-PFOA u l-komposti tiegħu bħalissa huma s-suġġett ta' dossier ieħor ippreparat skont l-Anness XV ta' dak ir-Regolament, ippreżentat lill-Aġenzija Ewropea għas-Sustanzi Kimiċi, li għandu l-għan li jillimita l-manifattura, it-tqegħid fis-suq jew l-użu tal-PFOA u l-komposti tiegħu waħedhom, jew bħala kostitwenti ta' sustanzi oħra, f'taħlita jew f'oġġetti. |
(6) |
Il-PFOA u l-komposti tiegħu huma sustanzi b'użu mifrux madwar id-dinja kollha u huma omnipreżenti fl-ambjent. Billi l-PFOA għandu l-potenzjal tat-trasport ambjentali fuq distanza twila, il-miżuri li ttieħdu fil-livell tal-Unjoni mhumiex biżżejjed biex jinżamm il-livell għoli ta' protezzjoni tal-ambjent u tas-saħħa tal-bniedem u hemm bżonn li tittieħed azzjoni internazzjonali usa'. |
(7) |
Għaldaqstant, l-Unjoni għandha tippreżenta proposta lis-Segretarjat tal-Konvenzjoni biex il-PFOA u l-komposti tiegħu jiġu inklużi fl-Anness A tal-Konvenzjoni, Dik il-proposta u l-pożizzjoni tal-Unjoni dwar il-kundizzjonijiet għall-inklużjoni tal-PFOA u l-komposti tiegħu fl-Anness A tal-Konvenzjoni għandhom iqisu kull informazzjoni rilevanti miksuba matul il-proċedura ta' restrizzjoni li għaddejja taħt l-Artikoli 68 sa 73 tar-Regolament (KE) Nru 1907/2006, |
ADOTTA DIN ID-DEĊIŻJONI:
Artikolu 1
1. L-Unjoni għandha tippreżenta proposta biex l-aċidu perfluworoottanojku u l-komposti tiegħu jiġu inklużi fl-Anness A tal-Konvenzjoni ta' Stokkolma dwar Materjal Organiku Persistenti li Jniġġes.
2. Il-Kummissjoni għandha tikkomunika l-proposta f'isem l-Unjoni lis-Segretarjat tal-Konvenzjoni bit-tagħrif kollu meħtieġ skont l-Anness D tal-Konvenzjoni.
Artikolu 2
Din id-Deċiżjoni tidħol fis-seħħ fil-data tal-adozzjoni tagħha.
Magħmul fil-Lussemburgu, l-20 ta' April 2015.
Għall-Kunsill
Il-President
J. DŪKLAVS
(1) Id-Deċiżjoni tal-Kunsill 2006/507/KE tal-14 ta' Ottubru 2004 dwar il-konklużjoni, f'isem il-Komunità Ewropea, tal-Konvenzjoni ta' Stokkolma dwar Materjal Organiku Persistenti li Jniġġes (ĠU L 209, 31.7.2006, p. 1).
(2) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).