This document is an excerpt from the EUR-Lex website
Document 32014R0945
Commission Implementing Regulation (EU) No 945/2014 of 4 September 2014 laying down implementing technical standards with regard to relevant appropriately diversified indices according to Regulation (EU) No 575/2013 of the European Parliament and of the Council Text with EEA relevance
Regolament ta' Implimentazzjoni tal-Kummissjoni (UE) Nru 945/2014 tal- 4 ta' Settembru 2014 li jistabbilixxi standards tekniċi ta' implimentazzjoni fir-rigward ta' indiċi diversifikati b'mod xieraq rilevanti skont ir-Regolament (UE) Nru 575/2013 tal-Parlament Ewropew u tal-Kunsill Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 945/2014 tal- 4 ta' Settembru 2014 li jistabbilixxi standards tekniċi ta' implimentazzjoni fir-rigward ta' indiċi diversifikati b'mod xieraq rilevanti skont ir-Regolament (UE) Nru 575/2013 tal-Parlament Ewropew u tal-Kunsill Test b'rilevanza għaż-ŻEE
ĠU L 265, 5.9.2014, p. 3–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 17/10/2023
- Date of document:
- 04/09/2014
- Date of effect:
- 25/09/2014; Dħul fis-seħħ Data tal-pubblikazzjoni + 20 Ara Art. 2
- Date of end of validity:
- No end date
- Author:
- Il-Kummissjoni Ewropea
- Form:
- Regolament implimentattiv
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R0575 - A344P1L3
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Modified by 32020R0125 Sostituzzjoni anness 19/02/2020 Modified by 32023R2056 Sostituzzjoni anness 17/10/2023 - Instruments cited:
- Link
- EUROVOC descriptor:
- Subject matter:
- Directory code:
|
5.9.2014 |
MT |
Il-Ġurnal Uffiċjali tal-Unjoni Ewropea |
L 265/3 |
REGOLAMENT TA' IMPLIMENTAZZJONI TAL-KUMMISSJONI (UE) Nru 945/2014
tal-4 ta' Settembru 2014
li jistabbilixxi standards tekniċi ta' implimentazzjoni fir-rigward ta' indiċi diversifikati b'mod xieraq rilevanti skont ir-Regolament (UE) Nru 575/2013 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (1) u b'mod partikolari t-tielet subparagrafu tal-Artikolu 344(1) tiegħu,
Billi:
|
(1) |
Skont l-Artikolu 344(4) tar-Regolament (UE) Nru 575/2013, ir-riskju speċifiku ta' futur tal-indiċi tal-borża li jkun trattat bħala ekwità individwali skont dak l-Artikolu jista' jiġi injorat meta l-indiċi tal-borża rilevanti jiġi negozjat fil-borża u jirrappreżenta indiċi diversifikat b'mod xieraq rilevanti. |
|
(2) |
Meta futur ta' indiċi tal-borża negozjat fil-borża ikun diversifikat kif xieraq, wieħed jista' jassumi li indiċi tal-borża bħal dan ma jirrappreżenta l-ebda riskju speċifiku. Dan jiġi kkunsidrat bħala l-każ fejn l-indiċi jikkonsisti f'minn tal-inqas 20 ekwità, l-ebda entità waħda inkluża fihom ma tirrappreżenta aktar minn 25 % tal-indiċi totali u 10 % tal-akbar ekwitajiet (in-numru arrotondit ta' ekwitajiet għan-numru naturali superjuri) jirrappreżentaw anqas minn 60 % tal-indiċi totali. Barra minn hekk, l-indiċi jrid jinkludi ekwitajiet minn mill-anqas suq nazzjonali u dawn iridu jikkonsistu f'ekwitajiet minn mill-anqas erba' industriji fosthom taż-żejt u l-gass, materjali bażiċi, titoli industrijali, oġġetti tal-konsum, kura tas-saħħa, servizzi tal-konsumatur, telekomunikazzjonijiet, utilitajiet, finanzi u teknoloġija. |
|
(3) |
Minħabba li l-Artikolu 344(4) tar-Regolament (UE) Nru 575/2013 jirreferi għall-indiċi eliġibbli “rilevanti”, unikament dawk l-indiċi tal-borża li huma rilevanti għall-istituzzjonijiet finanzjarji tal-UE ġew ivvalutati skont il-kriterji għall-identifikazzjoni tal-indiċi tal-borża eliġibbli. |
|
(4) |
Dan ir-Regolament huwa bbażat fuq l-abbozz tal-istandards tekniċi ta' implimentazzjoni ssottomess mill-Awtorità Bankarja Ewropea lill-Kummissjoni. |
|
(5) |
L-Awtorità Bankarja Ewropea wettqet konsultazzjonijiet pubbliċi miftuħa dwar l-abbozz tal-istandards tekniċi ta' implimentazzjoni li fuqhom huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2), |
ADOTTAT DAN IR-REGOLAMENT:
Artikolu 1
Indiċi tal-borża għall-finijiet tal-Artikolu 344 tar-Regolament (UE) Nru 575/2013
Il-lista ta' indiċi tal-borża, li tista' tiġi trattata skont it-tieni sentenza tal-Artikolu 344(4) tar-Regolament (UE) Nru 575/2013, tinsab fl-Anness.
Artikolu 2
Dħul fis-Seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta' Settembru 2014.
Għall-Kummissjoni
Il-President
José Manuel BARROSO
(1) ĠU L 176, 27.6.2013, p. 1.
(2) ĠU L 331, 15.12.2010, p. 12.
ANNESS
Indiċi tal-borża li jissodisfaw il-ħtiġijiet tal-Artikolu 344 tar-Regolament (UE) Nru 575/2013
|
Indiċi |
Il-pajjiż |
||
|
L-Awstralja |
||
|
L-Awstrija |
||
|
Il-Belġju |
||
|
Il-Brażil |
||
|
Il-Kanada |
||
|
Iċ-Ċina |
||
|
Il-Kroazja |
||
|
Id-Danimarka |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
L-Ewropa |
||
|
Franza |
||
|
Franza |
||
|
Il-Ġermanja |
||
|
Il-Ġermanja |
||
|
Il-Ġermanja |
||
|
Il-Ġermanja |
||
|
Il-Greċja |
||
|
Ħong Kong |
||
|
Ħong Kong |
||
|
L-Indja |
||
|
L-Italja |
||
|
Il-Malasja |
||
|
Malta |
||
|
Il-Ġappun |
||
|
Il-Ġappun |
||
|
Il-Messiku |
||
|
Il-Pajjiżi l-Baxxi |
||
|
Il-Pajjiżi l-Baxxi |
||
|
Il-Polonja |
||
|
Il-Portugall |
||
|
Singapor |
||
|
Spanja |
||
|
L-Isvezja |
||
|
L-Isvizzera |
||
|
L-Emirati Għarab Magħquda |
||
|
Ir-Renju Unit |
||
|
Ir-Renju Unit |
||
|
L-Istati Uniti tal-Amerika |
||
|
L-Istati Uniti tal-Amerika |
||
|
L-Istati Uniti tal-Amerika |
