EUR-Lex Access to European Union law
This document is an excerpt from the EUR-Lex website
Document 32014R0399
Commission Implementing Regulation (EU) No 399/2014 of 22 April 2014 concerning the authorisation of the preparations of Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 and Lactobacillus fermentum NCIMB 30169 as feed additives for all animal species Text with EEA relevance
Regolament ta' Implimentazzjoni tal-Kummissjoni (UE) Nru 399/2014 tat- 22 ta' April 2014 li jikkonċerna l-awtorizzazzjoni tal-preparazzjonijiet ta' Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 u Lactobacillus fermentum NCIMB 30169 bħala addittivi tal-għalf għall-ispeċi tal-annimali kollha Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 399/2014 tat- 22 ta' April 2014 li jikkonċerna l-awtorizzazzjoni tal-preparazzjonijiet ta' Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 u Lactobacillus fermentum NCIMB 30169 bħala addittivi tal-għalf għall-ispeċi tal-annimali kollha Test b'rilevanza għaż-ŻEE
ĠU L 119, 23.4.2014, p. 40–43
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 15/07/2024
Relation | Act | Comment | Subdivision concerned | From | To |
---|---|---|---|---|---|
Corrected by | 32014R0399R(01) | (BG, CS, DA, DE, EL, EN, ES, ET, FI, FR, HU, IT, LT, LV, MT, NL, PL, PT, RO, SK, SL, SV, HR) | |||
Modified by | 32024R1750 | Tħassir | anness Test | 15/07/2024 |
23.4.2014 |
MT |
Il-Ġurnal Uffiċjali tal-Unjoni Ewropea |
L 119/40 |
REGOLAMENT TA' IMPLIMENTAZZJONI TAL-KUMMISSJONI (UE) Nru 399/2014
tat-22 ta' April 2014
li jikkonċerna l-awtorizzazzjoni tal-preparazzjonijiet ta' Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 u Lactobacillus fermentum NCIMB 30169 bħala addittivi tal-għalf għall-ispeċi tal-annimali kollha
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' tali awtorizzazzjoni. L-Artikolu 10(7) tar-Regolament (KE) Nru 1831/2003, flimkien mal-Artikolu 10(1) sa (4) tiegħu, jistipula d-dispożizzjonijiet speċifiċi għall-valutazzjoni tal-prodotti li kienu jintużaw bħala addittivi tal-foraġġ insilat fl-Unjoni dakinhar li daħal fis-seħħ dak ir-Regolament. |
(2) |
Skont l-Artikolu 10(1)(b) tar-Regolament (KE) Nru 1831/2003, il-preparazzjonijiet ta' Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 u Lactobacillus fermentum NCIMB 30169 kienu ddaħħlu fir-Reġistru tal-Addittivi fl-Għalf bħala prodotti eżistenti li jappartjenu għall-grupp funzjonali tal-addittivi tal-foraġġ insilat, għall-ispeċi tal-annimali kollha. |
(3) |
Skont l-Artikolu 10(2) tar-Regolament (KE) Nru 1831/2003, flimkien mal-Artikolu 7 tiegħu, tressqu applikazzjonijiet biex dawk il-preparazzjonijiet jiġu awtorizzati bħala addittivi tal-għalf għall-ispeċi tal-annimali kollha, u ntalab li dawn l-addittivi jitniżżlu fil-kategorija tal-“addittivi teknoloġiċi” u fil-grupp funzjonali tal-“addittivi tas-silaġġ”. Ma' dawk l-applikazzjonijiet tressqu wkoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(4) |
Fl-opinjonijiet tagħha tal-4 ta' Diċembru 2013 (2) u tal-5 ta' Diċembru 2013 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjonijiet ikkonċernati ma għandhom ebda effett negattiv fuq saħħet l-annimali, fuq saħħet il-bniedem jew fuq l-ambjent. L-Awtorità kkonkludiet ukoll li l-preparazzjonijiet ta' Lactobacillus brevis DSM 23231, Lactobacillus brevis DSMZ 16680, Lactobacillus plantarum CECT 4528 u Lactobacillus fermentum NCIMB 30169 għandhom il-potenzjal li jtejbu l-produzzjoni tal-foraġġ insilat. L-Awtorità tqis li ma hemmx bżonn ta' rekwiżiti speċifiċi għall-monitoraġġ wara l-kummerċjalizzazzjoni tagħhom. Hija vverifikat ukoll ir-rapport dwar il-metodi ta' analiżi tal-addittivi tal-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003. |
(5) |
Il-valutazzjoni tal-preparazzjonijiet ikkonċernati turi li ntlaħqu l-kundizzjonijiet għall-awtorizzazzjoni previsti fl-Artikolu 5 tar-Regolament (KE) Nru 1831/2003. Għaldaqstant, l-użu ta' dawk il-preparazzjonijiet għandu jiġi awtorizzat kif speċifikat fl-Anness ta' dan ir-Regolament. |
(6) |
Billi r-raġunijiet dwar is-sikurezza ma jeħtiġux applikazzjoni immedjata tal-emendi tal-kundizzjonijiet tal-awtorizzazzjoni, jixraq li jkun permess perjodu tranżitorju biex il-partijiet interessati jħejju lilhom infushom biex jissodisfaw ir-rekwiżiti l-ġodda li jirriżultaw mill-awtorizzazzjoni. |
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Awtorizzazzjoni
Il-preparazzjonijiet speċifikati fl-Anness li jiffurmaw parti mill-kategorija tal-addittivi tal-“addittivi teknoloġiċi” u mill-grupp funzjonali tal-“addittivi tal-foraġġ insilat”, huma awtorizzati biex jintużaw bħala addittivi fl-għalf tal-annimali, skont il-kundizzjonijiet stipulati f'dak l-Anness.
Artikolu 2
Miżuri tranżitorji
Il-preparazzjonijiet speċifikati fl-Anness u l-għalf li jkun fih dawn il-preparazzjonijiet, li jkunu ġew prodotti u ttikkettati qabel it-13 ta' Novembru 2014 f'konformità mar-regoli applikabbli qabel il-15 ta' Mejju 2014, jistgħu jibqgħu jitqiegħdu fis-suq u jintużaw sakemm jintużaw il-ħażniet eżistenti kollha.
Artikolu 3
Dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-22 ta' April 2014.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) EFSA Journal 2014; 12(1):3530.
(3) EFSA Journal 2014; 12(1):3534, EFSA Journal 2014; 12(1):3533 u EFSA Journal 2014; 12(1):3535.
ANNESS
Numru ta' identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età Massima |
Kontenut minimu |
Kontenut massimu |
Dispożizzjonijiet oħrajn |
Tmiem il-perjodu ta' awtorizzazzjoni |
||||||
CFU/kg ta' materja friska |
|||||||||||||||
Il-kategorija tal-addittivi teknoloġiċi. Grupp funzjonali: addittivi tal-foraġġ insilat |
|||||||||||||||
1k20736 |
— |
Lactobacillus brevis DSM 23231 |
Kompożizzjoni tal-addittiv Preparazzjoni ta' Lactobacillus brevis DSM 23231 li fiha ammont minimu ta' 1 × 1010 CFU/g tal-addittiv. Karatterizzazzjoni tas-sustanza attiva Ċelloli vijabbli tal-Lactobacillus brevis DSM 23231. Il-metodu analitiku (1) In-numerazzjoni tal-addittiv tal-għalf: il-metodu tat-tifrix permezz tal-agar MRS (EN 15787). L-identifikazzjoni: Elettroforeżi bil-Ġell f'Kamp Pulsat (PFGE). |
Kull speċi tal-annimali |
— |
— |
— |
|
It-13 ta' Mejju 2024 |
||||||
1K 20737 |
— |
Lactobacillus brevis DSMZ 16680 |
Kompożizzjoni tal-addittiv Preparazzjoni ta' Lactobacillus brevis DSM 16680 li fiha ammont minimu ta' 2,5 × 1010 CFU/g tal-addittiv. Karatterizzazzjoni tas-sustanza attiva Ċelloli vijabbli tal-Lactobacillus brevis DSMZ 16680 Il-metodu analitiku (1) In-numerazzjoni tal-addittiv tal-għalf: il-metodu tat-tifrix permezz tal-agar MRS (EN 15787) L-identifikazzjoni: Elettroforeżi bil-Ġell f'Kamp Pulsat (PFGE). |
Kull speċi tal-annimali |
|
|
|
|
It-13 ta' Mejju 2024 |
||||||
1k20738 |
— |
Lactobacillus plantarum CECT 4528 |
Kompożizzjoni tal-addittiv Preparazzjoni ta' Lactobacillus plantarum CECT 4528 li fiha minimu ta' 2,5 × 1011 CFU/g ta' addittiv. Karatterizzazzjoni tas-sustanza attiva Ċelloli vijabbli tal-Lactobacillus plantarum CECT 4528. Il-metodu analitiku (1) In-numerazzjoni tal-addittiv tal-għalf: il-metodu tat-tifrix permezz tal-agar MRS (EN 15787) L-identifikazzjoni: Elettroforeżi bil-Ġell f'Kamp Pulsat (PFGE). |
Kull speċi tal-annimali |
— |
— |
— |
|
It-13 ta' Mejju 2024 |
||||||
1K 20739 |
— |
Lactobacillus fermentum NCIMB 30169 |
Kompożizzjoni tal-addittiv Preparazzjoni tal-Lactobacillus fermentum NCIMB 30169 li fiha minimu ta' 2,5 × 1010 CFU/g ta' addittiv. Karatterizzazzjoni tas-sustanza attiva Ċelloli vijabbli ta' Lactobacillus fermentum NCIMB 30169. Il-metodu analitiku (1) In-numerazzjoni tal-addittiv tal-għalf: il-metodu tat-tifrix permezz tal-agar MRS (EN 15787) L-identifikazzjoni: Elettroforeżi bil-Ġell f'Kamp Pulsat (PFGE). |
Kull speċi tal-annimali |
— |
— |
— |
|
It-13 ta' Mejju 2024 |
(1) Id-dettalji dwar il-metodi analitiċi jinsabu fl-indirizz tal-Laboratorju ta' Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx