EUR-Lex Access to European Union law
This document is an excerpt from the EUR-Lex website
Document 32014D0284
2014/284/EU: Council Decision of 14 April 2014 on the conclusion of the Voluntary Partnership Agreement between the European Union and the Republic of Indonesia on forest law enforcement, governance and trade in timber products to the European Union
2014/284/UE: Deċiżjoni tal-Kunsill tal- 14 ta' April 2014 dwar il konklużjoni tal-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam għall-Unjoni Ewropea
2014/284/UE: Deċiżjoni tal-Kunsill tal- 14 ta' April 2014 dwar il konklużjoni tal-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam għall-Unjoni Ewropea
ĠU L 150, 20.5.2014, p. 250–251
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2014/284/oj
20.5.2014 |
MT |
Il-Ġurnal Uffiċjali tal-Unjoni Ewropea |
L 150/250 |
DEĊIŻJONI TAL-KUNSILL
tal-14 ta' April 2014
dwar il konklużjoni tal-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam għall-Unjoni Ewropea
(2014/284/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(3) u l-ewwel subparagrafu tal-Artikolu 207(4), flimkien mal-Artikolu 218(6)(a)(v) u 218(7), tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
(1) |
F’Mejju 2003, il-Kummissjoni adottat Komunikazzjoni lill-Parlament Ewropew u lill-Kunsill imsejħa ‘Infurzar tal-Liġi tal-Foresti, il-Governanza u l-Kummerċ (FLEGT): Proposta għall-Pjan ta’ Azzjoni tal-UE’ li għamlet sejħa għal miżuri biex jindirizzaw il-qtugħ illegali tas-siġar billi jkunu żviluppati Ftehimiet ta’ sħubija volontarja ma’ pajjiżi li jipproduċu l-injam (minn hawn ‘il quddiem “Pjan ta’ Azzjoni tal-UE”). Ġew adottati konklużjonijiet mill-Kunsill dwar il-Pjan ta’ Azzjoni f’Ottubru 2003 (1) u ġiet adottata riżoluzzjoni mill-Parlament Ewropew dwar is-suġġett fil-11 ta’ Lulju 2005 (2). |
(2) |
B’konformità mad-Deċiżjoni tal-Kunsill 2013/486/UE (3), il-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam lill-Unjoni Ewropea (minn hawn ‘il quddiem imsejjaħ ‘il-Ftehim’) ġie ffirmat fit-30 ta’ Settembru 2013, soġġett għall-konklużjoni tiegħu. |
(3) |
Il-Ftehim għandu jiġi approvat, |
ADOTTA DIN ID-DEĊIŻJONI:
Artikolu 1
Il-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam għall-Unjoni Ewropea huwa b’dan approvat f’isem l-Unjoni.
It-test ta’ dan il-Ftehim huwa mehmuż ma’ din id-Deċiżjoni.
Artikolu 2
Il-President tal-Kunsill għandu jinnomina l-persuna jew persuni li jkollhom is-setgħa f’isem l-Unjoni li jagħtu n-notifika prevista fl-Artikolu 23 tal-Ftehim, sabiex l-Unjoni tintrabat bil-Ftehim.
Artikolu 3
L-Unjoni għandha tkun rapreżentata mill-Kummissjoni fil-Kumitat Konġunt ta’ Implimentazzjoni stabbilit taħt l-Artikolu 14 tal-Ftehim.
L-Istati Membri jistgħu jipparteċipaw fil-laqgħat tal-Kumitat Konġunt ta’ Implimentazzjoni bħala membri tad-delegazzjoni tal-Unjoni.
Artikolu 4
Għall-għan tal-emendar tal-annessi għall-Ftehim skont l Artikolu 22 tiegħu, il-Kummissjoni hija awtorizzata, b’konformità mal-proċedura msemmija fl-Artikolu 11(3) tar-Regolament tal-Kunsill (KE) Nru 2173/2005 (4), biex tapprova kwalunkwe tali emenda f’isem l-Unjoni.
Artikolu 5
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Luxembourg, l-14 ta’ April 2014.
Għall-Kunsill
Il-President
A. TSAFTARIS
(1) ĠU C 268, 7.11.2003, p. 1.
(2) ĠU C 157E, 6.7.2006, p. 482.
(3) Deċiżjoni tal-Kunsill 2013/486/UE tat-23 ta’ Settembru 2013 dwar l-iffirmar, f’isem l-Unjoni Ewropea, tal-Ftehim ta’ Sħubija Volontarja bejn l-Unjoni Ewropea u r-Repubblika tal-Indoneżja dwar l-infurzar tal-liġi tal-foresti, il-governanza u l-kummerċ fi prodotti tal-injam għall-Unjoni Ewropea (ĠU L 265, 8.10.2013, p. 1).
(4) Regolament tal-Kunsill (KE) Nru 2173/2005 tal-20 ta’ Diċembru 2005 dwar l-istabbiliment ta’ skema ta’ liċenzjar FLEGT għall-importazzjoni ta’ injam fil-Komunità Ewropea (ĠU L 347, 30.12.2005, p. 1).