This document is an excerpt from the EUR-Lex website
Document 32014D0144
2014/144/EU: Council Decision of 11 March 2014 on the position to be taken on behalf of the European Union within the Joint Committee on Agriculture set up by the Agreement between the European Community and the Swiss Confederation on trade in agricultural products, as regards amendment of the Annex to the Additional Agreement between the European Community, the Swiss Confederation and the Principality of Liechtenstein
2014/144/UE: Deċiżjoni tal-Kunsill tal- 11 ta’ Marzu 2014 dwar il-pożizzjoni li għandha tittieħed f'isem l-Unjoni Ewropea fi ħdan il-Kumitat Konġunt għall-Agrikoltura mwaqqaf skont il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli, fir-rigward tal-emenda tal-Anness tal-Ftehim Addizzjonali konkluż bejn il-Komunità Ewropea, il-Konfederazzjoni Svizzera u l-Prinċipat tal-Liechtenstein
2014/144/UE: Deċiżjoni tal-Kunsill tal- 11 ta’ Marzu 2014 dwar il-pożizzjoni li għandha tittieħed f'isem l-Unjoni Ewropea fi ħdan il-Kumitat Konġunt għall-Agrikoltura mwaqqaf skont il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli, fir-rigward tal-emenda tal-Anness tal-Ftehim Addizzjonali konkluż bejn il-Komunità Ewropea, il-Konfederazzjoni Svizzera u l-Prinċipat tal-Liechtenstein
ĠU L 78, 17.3.2014, p. 4–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
17.3.2014 |
MT |
Il-Ġurnal Uffiċjali tal-Unjoni Ewropea |
L 78/4 |
DEĊIŻJONI TAL-KUNSILL
tal-11 ta’ Marzu 2014
dwar il-pożizzjoni li għandha tittieħed f'isem l-Unjoni Ewropea fi ħdan il-Kumitat Konġunt għall-Agrikoltura mwaqqaf skont il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli, fir-rigward tal-emenda tal-Anness tal-Ftehim Addizzjonali konkluż bejn il-Komunità Ewropea, il-Konfederazzjoni Svizzera u l-Prinċipat tal-Liechtenstein
(2014/144/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(4) flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli (1) (minn hawn ’il quddiem il-"Ftehim") daħal fis-seħħ fl-1 ta' Ġunju 2002. |
(2) |
L-Artikolu 6 tal-Ftehim iwaqqaf Kumitat Konġunt għall-Agrikoltura (minn hawn 'il quddiem imsejjaħ il-"Kumitat") li hu responsabbli għall-ġestjoni tal-Ftehim u jiżgura l-funzjonament tajjeb tiegħu. |
(3) |
Ftehim Addizzjonali konkluż bejn il-Komunità Ewropea, il-Konfederazzjoni Svizzera u l-Prinċipat tal-Liechtenstein li jestendi għall-Prinċipat tal-Liechtenstein il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli (2) (minn hawn 'il quddiem il-"Ftehim Addizzjonali"), daħal fis-seħħ fis-27 ta' Settembru 2007. |
(4) |
Skont l-Artikolu 2(2) tal-Ftehim Addizzjonali, il-Kumitat jista' jimmodifika l-Anness tal-Ftehim Addizzjonali, skont l-Artikoli 6 u 11 tal-Ftehim. |
(5) |
Jeħtieġ li l-Anness tal-Ftehim Addizzjonali jiġi emendat sabiex jaġġorna d-dettalji tal-aġenzija kompetenti tal-Gvern tal-Liechtenstein u sabiex jirrifletti l-emendi għall-Anness 7 u l-Anness 12 għall-Ftehim. |
(6) |
Il-pożizzjoni li għandha tittieħed f'isem l-Unjoni fi ħdan il-Kumitat għandha għalhekk tkun ibbażata fuq l-abbozz mehmuż tad-Deċiżjoni. |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f'isem l-Unjoni fi ħdan il-Kumitat Konġunt għall-Agrikoltura għandha tkun ibbażata fuq l-abbozz tad-Deċiżjoni tal-Kumitat mehmuż ma' din id-Deċiżjoni.
Ir-rappreżentanti tal-Unjoni fil-Kumitat jistgħu jilħqu ftehim dwar tibdiliet tekniċi fl-abbozz tad-Deċiżjoni mingħajr ma jkun hemm bżonn li tittieħed Deċiżjoni oħra tal-Kunsill.
Artikolu 2
Id-Deċiżjoni tal-Kumitat għandha tiġi pubblikata f'Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, il-11 ta’ Marzu 2014
Għall-Kunsill
Il-President
G. STOURNARAS
(1) ĠU L 114, 30.4.2002, p. 132.
(2) ĠU L 270, 13.10.2007, p. 6.
ABBOZZ
DEĊIŻJONI Nru …/2014 TAL-KUMITAT KONĠUNT GĦALL-AGRIKOLTURA
ta' …
dwar l-emendi ta' Ftehim Addizzjonali bejn il-Komunità Ewropea, il-Konfederazzjoni Svizzera u l-Prinċipat ta' Liechtenstein li jestendi għall-Prinċipat ta' Liechtenstein il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli
IL-KUMITAT KONĠUNT GĦALL-AGRIKOLTURA,
Wara li kkunsidra l-Ftehim Addizzjonali bejn il-Komunità Ewropea, il-Konfederazzjoni Svizzera u l-Prinċipat ta' Liechtenstein li jestendi għall-Prinċipat ta' Liechtenstein il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli, u b'mod partikolari l-Artikolu 2(2) tiegħu,
Wara li kkunsidra l-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli, u b'mod partikulari l-Artikolu 11 tiegħu,
Billi:
(1) |
Il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli (minn hawn ’il quddiem il-"Ftehim") daħal fis-seħħ fl-1 ta' Ġunju 2002. |
(2) |
Il-Ftehim Addizzjonali konkluż bejn il-Komunità Ewropea, il-Konfederazzjoni Svizzera u l-Prinċipat tal-Liechtenstein li jestendi għall-Prinċipat tal-Liechtenstein il-Ftehim bejn il-Komunità Ewropea u l-Konfederazzjoni Svizzera dwar in-Negozju fi Prodotti Agrikoli (minn hawn 'il quddiem imsejjaħ il-"Ftehim Addizzjonali"), daħal fis-seħħ fis-27 ta' Settembru 2007. |
(3) |
L-Anness tal-Ftehim Addizzjonali għandu jiġi emendat sabiex jiġi aġġornat l-indirizz tal-aġenzija tal-Gvern tal-Liechtenstein kompetenti għal kwistjonijiet ittrattati mill-awtoritajiet agrikoli kantonali sabiex jirrifletti d-deċiżjoni Nru 1/2012 tal-Kumitat Konġunt għall-Agrikoltura dwar l-emenda tal-Anness 7 (il-kummerċ ta' prodotti tal-inbid) li daħal fis-seħħ fl-4 ta' Mejju 2012 u sabiex titlesta l-lista tad-denominazzjonijiet tal-oriġini u l-indikazzjonijiet ġeografiċi għall-prodotti agrikoli u l-oġġetti tal-ikel li joriġinaw minn Liechtenstein, |
IDDEĊIEDA KIF ĠEJ:
Artikolu 1
L-Anness tal-Ftehim Addizzjonali huwa emendat kif ġej:
1) |
It-tieni paragrafu taħt it-titlu "Prinċipju" huwa sostitwit b'dan li ġej: “Meta jingħataw doveri, responsabbiltajiet jew poteri lil cantons Svizzeri, dawn jobbligaw ukoll lill-aġenziji kompetenti tal-gvern ta’ Liechtenstein. Għalhekk fir-rigward ta' suġġetti trattati mill-awtoritajiet tal-agrikoltura tal-canton, dawn jaqgħu taħt ir-responsabbiltà tal-Uffiċċju tal-Ambjent diviżjoni agrikoltura ("Amt für Umwelt, Abteilung Landwirtschaft "), Dr. Grass-Strasse 12, FL-9490 Vaduz, filwaqt li fir-rigward tas-suġġetti trattati mill-awtoritajiet veterinarji u tal-ikel tal-canton dawn jaqgħu taħt ir-responsabbiltà tal-Uffiċċju tal-Ispezzjoni tal-Ikel u tal-Affarijiet Veterinarji (" Amt für Lebensmittelkontrolle und Veterinärwesen "), Postplatz 2, FL-9494 Schaan.” |
2) |
Taħt l-intestatura "Anness 7 Kummerċ tal-prodotti tal-inbid", is-sottotitlu "Ismijiet protetti tal-prodotti tal-inbid li joriġinaw minn Liechtenstein (skont it-tifsira tal-Artikolu 6 tal-Anness 7)" jinbidel bis-sottotitlu li ġej: “Ismijiet protetti tal-prodotti tal-inbid li joriġinaw minn Liechtenstein (skont it-tifsira tal-Artikolu 5 tal-Anness 7)” |
3) |
Tiżdied l-indikazzjoni ġeografika li ġejja mal-lista tal-indikazzjonijiet ġeografiċi Svizzeri protetti skont l-Appendiċi 1 tal-Anness 12 tal-Ftehim, li ż-żona ġeografika tagħhom tinkludi wkoll it-territorju ta' Liechtenstein: “Werdenberger Sauerkäse/Liechtensteiner Sauerkäse/Bloderkäse (DPO)”. |
Artikolu 2
Din id-Deċiżjoni għandha tidħol fis-seħħ fi ….2014.
Magħmul fi …, ….
Għall-Kumitat Konġunt għall-Agrikoltura
Il-Kap tad-Delegazzjoni tal-Unjoni Ewropea
Il-Kap tad-Delegazzjoni Svizzera
Is-Segretarju tal-Kumitat