Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R1076

    Regolament ta’ Implimentazzjoni tal-Kummissjoni (UE) Nru 1076/2013 tal- 31 ta’ Ottubru 2013 li jemenda r-Regolament tal-Kummissjoni (KEE) Nru 2454/93 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità li jirrigwarda l-importazzjoni temporanja, l-esportazzjoni u l-importazzjoni mill-ġdid ta’ strumenti mużikali portabbli

    ĠU L 292, 1.11.2013, p. 1–2 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 30/04/2016; Impliċitament imħassar minn 32016R0481

    ELI: http://data.europa.eu/eli/reg_impl/2013/1076/oj

    Date of document:
    31/10/2013
    Date of effect:
    21/11/2013; Dħul fis-seħħ Data tal-pubblikazzjoni +20 Ara Art. 2
    Date of end of validity:
    30/04/2016; Impliċitament imħassar minn 32016R0481
    Author:
    Il-Kummissjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 31993R2454 Żieda artikolu 569 .1BI 21/11/2013
    Modifies 31993R2454 Żieda artikolu 230 punt E) 21/11/2013
    Modifies 31993R2454 Żieda artikolu 232 .1 punt D) 21/11/2013
    Modifies 31993R2454 Żieda artikolu 231 punt E) 21/11/2013
    Modified by:
    Relation Act Comment Subdivision concerned From To
    Implicitly repealed by 32016R0481 01/05/2016
    Link

    1.11.2013   

    MT

    Il-Ġurnal Uffiċjali tal-Unjoni Ewropea

    L 292/1

    REGOLAMENT TA’ IMPLIMENTAZZJONI TAL-KUMMISSJONI (UE) Nru 1076/2013

    tal-31 ta’ Ottubru 2013

    li jemenda r-Regolament tal-Kummissjoni (KEE) Nru 2454/93 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità li jirrigwarda l-importazzjoni temporanja, l-esportazzjoni u l-importazzjoni mill-ġdid ta’ strumenti mużikali portabbli

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KEE) Nru 2913/92 tat-12 ta’ Ottubru 1992 li jwaqqaf il-Kodiċi Doganali tal-Komunità (1), u b’ mod partikolari l-Artikolu 247 tiegħu,

    Billi:

    (1)

    It-Tieni Taqsima tal-Kapitolu 3 tat-Titolu VII tal-Parti I tar-Regolament tal-Kummissjoni (KEE) Nru 2454/93 (2) tistabbilixxi r-regoli dwar “dikjarazzjonijiet doganali magħmula minn kwalunkwe att ieħor”. Skont l-Artikoli 230, 231 u 232 ta’ dan ir-Regolament, ċerti kategoriji ta’ oġġetti għandhom jitqiesu li ġew dikjarati għar-rilaxx għaċ-ċirkolazzjoni libera, għall-esportazzjoni jew għall-importazzjoni temporanja minn att li huwa kkunsidrat bħala dikjarazzjoni doganali fil-forom stabbiliti fl-Artikolu 233.

    (2)

    Madankollu, strumenti mużikali portabbli li huma temporanjament impurtati minn vjaġġaturi bl-intenzjoni li jużawhom bħala tagħmir professjonali għandhom jiġu ppreżentati lid-dwana u jiġu ddikjarati espliċitament għall-proċedura ta’ importazzjoni temporanja.

    (3)

    Inċidenti riċenti, li fihom artisti fis-settur tal-mużika kienu affettwati b’mod negattiv mill-applikazzjoni tar-regoli doganali fl-importazzjoni, indikaw li jeħtieġ li l-aċċess għall-proċedura ta’ importazzjoni temporanja jiġi ssimplifikat billi jkun permess li tali strumenti mużikali portabbli jiġu ddikjarati bi kwalunkwe att ieħor. Sabiex jiġi evitat li jinqalgħu problemi simili f’konnessjoni mal-esportazzjoni u l-importazzjoni mill-ġdid, din is-simplifikazzjoni għandha tkopri wkoll strumenti mużikali portabbli li jkunu ddikjarati għall-esportazzjoni jew li jkunu ġew impurtati mill-ġdid u ddikjarati għar-rilaxx għaċ-ċirkolazzjoni libera bħala oġġetti ritornati minn vjaġġaturi.

    (4)

    Ir-Regolament (KEE) Nru 2454/93 għandu għalhekk jiġi emendat skont dan.

    (5)

    Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

    ADOTTAT DAN IR-REGOLAMENT:

    Artikolu 1

    Ir-Regolament (KEE) Nru 2454/93 huwa emendat kif ġej:

    (1)

    Fl-Artikolu 230, jiżdied il-punt (e) li ġej:

    “(e)

    strumenti mużikali portabbli impurtati minn vjaġġaturi u intitolati għal eżenzjoni bħala oġġetti ritornati.”

    (2)

    Fl-Artikolu 231, jiżdied il-punt (e) li ġej:

    “(e)

    strumenti mużikali portabbli ta’ vjaġġaturi.”

    (3)

    Fl-Artikolu 232, paragrafu 1, il-punt (d) li ġej huwa miżjud:

    “(d)

    strumenti mużikali portabbli msemmija fl-Artikolu 569(1a).”.

    (4)

    Fl-Artikolu 569, jidħol il-paragrafu 1a li ġej:

    “1a.   L-eżenzjoni totali mid-dazji ta’ importazzjoni tingħata għal strumenti mużikali portabbli impurtati temporanjament minn vjaġġatur kif definit fl-Artikolu 236(A) bl-intenzjoni li jintużaw bħala tagħmir professjonali.”.

    Artikolu 2

    Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-31 ta’ Ottubru 2013.

    Għall-Kummissjoni

    Il-President

    José Manuel BARROSO

    (1)  ĠU L 302, 19.10.1992, p. 1.

    (2)  Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità (ĠU L 253, 11.10.1993, p. 1).

    Top