Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32013R1030

Regolament ta’ Implimentazzjoni tal-Kummissjoni (UE) Nru 1030/2013 tal- 24 ta’ Ottubru 2013 li jemenda r-Regolament (KE) Nru 889/2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar il-produzzjoni organika u t-tikkettar ta’ prodotti organiċi fir-rigward tal-produzzjoni, it-tikkettar u l-kontroll organiku

ĠU L 283, 25.10.2013, p. 15–16 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 31/12/2021; Impliċitament imħassar minn 32021R1165

ELI: http://data.europa.eu/eli/reg_impl/2013/1030/oj

Date of document:
24/10/2013
Date of effect:
01/07/2013; Applikazzjoni Ara Art. 2
Date of effect:
28/10/2013; Dħul fis-seħħ Data tal-pubblikazzjoni + 3 Ara Art. 2
Date of end of validity:
31/12/2021; Impliċitament imħassar minn 32021R1165
Author:
Il-Kummissjoni Ewropea
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Replacement 32008R0889 TXT artikolu 95 P.11 01/07/2013
Modified by:
Relation Act Comment Subdivision concerned From To
Corrected by 32013R1030R(01) (SV)
Implicitly repealed by 32021R1165 01/01/2022
Instruments cited:
Link

25.10.2013   

MT

Il-Ġurnal Uffiċjali tal-Unjoni Ewropea

L 283/15

REGOLAMENT TA’ IMPLIMENTAZZJONI TAL-KUMMISSJONI (UE) Nru 1030/2013

tal-24 ta’ Ottubru 2013

li jemenda r-Regolament (KE) Nru 889/2008 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar il-produzzjoni organika u t-tikkettar ta’ prodotti organiċi fir-rigward tal-produzzjoni, it-tikkettar u l-kontroll organiku

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta’ prodotti organiċi u li jemenda r-Regolament (KEE) Nru 2092/91 (1), u b’mod partikolari l-Artikolu 13(3), l-Artikolu 15(2) u l-Artikolu 40 tiegħu,

Billi:

(1)

Ir-Regolament (KE) Nru 834/2007 jistabbilixxi r-rekwiżiti bażiċi għall-produzzjoni organika tal-alka u tal-annimali tal-akkwakultura. Ir-regoli dettaljati għall-implimentazzjoni ta’ dawk ir-rekwiżiti huma stipulati fir-Regolament tal-Kummissjoni (KE) Nru 889/2008 (2), kif emendat b’mod partikolari bir-Regolament tal-Kummissjoni (KE) Nru 710/2009 (3).

(2)

Skont l-Artikolu 95(11) tar-Regolament (KE) Nru 889/2008, għal perjodu li jiskadi fl-1 ta’ Lulju 2013, l-awtoritajiet nazzjonali jistgħu jawtorizzaw lil dawk l-unitajiet tal-produzzjoni tal-akkwakultura u tal-alka li ġew stabbiliti u prodotti skont ir-regoli organiċi aċċettati fil-livell nazzjonali qabel l-1 ta’ Jannar 2009 biex iżommu l-istatus tagħhom ta’ unitajiet tal-produzzjoni organika skont ċerti kondizzjonijiet speċifiċi.

(3)

Seba’ Stati Membri riċentement ressqu talbiet għal reviżjoni tar-regoli dwar il-prodotti, is-sustanzi u t-tekniki li jistgħu jintużaw fil-produzzjoni organika tal-akkwakultura. Dawk it-talbiet għandhom jiġu evalwati mill-Grupp ta’ esperti biex jagħti pariri tekniċi dwar il-produzzjoni organika stabbilit bid-Deċiżjoni tal-Kummissjoni 2009/427/KE (4).

(4)

Il-produzzjoni organika tal-alka u tal-annimali tal-akkwakultura għadu qasam relattivament ġdid, ikkaratterizzat minn diversità kbira u minn livell għoli ta’ kumplessità teknika, u jidher biċ-ċar li hemm bżonn ta’ perjodu itwal ta’ tranżizzjoni.

(5)

Sabiex tiġi żgurata l-kontinwità u jingħata biżżejjed żmien għall-evalwazzjoni li jeħtieġ issir tat-talbiet imressqa mill-Istati Membri u biex ma jkunx hemm interruzzjoni fl-unitajiet tal-produzzjoni li ġew stabbiliti u li jipproduċu skont ir-regoli aċċettati fil-livell nazzjonali qabel l-1 ta’ Jannar 2009, huwa xieraq li jittawwal il-perjodu tranżitorju stabbilit bl-Artikolu 95(11) tar-Regolament (KE) Nru 889/2008.

(6)

Sabiex ikun żgurat li ma jkun hemm l-ebda interruzzjoni fl-istatus organiku ta’ dawk l-unitajiet tal-produzzjoni, dan ir-Regolament għandu japplika mill-1 ta’ Lulju 2013.

(7)

Għalhekk, ir-Regolament (KE) Nru 889/2008 għandu jiġi emendat skont dan.

(8)

Il-miżuri stipulati f’dan ir-Regolament huma skont l-opinjoni tal-Kumitat regolatorju għall-produzzjoni organika,

ADOTTAT DAN IR-REGOLAMENT:

Artikolu 1

Fil-paragrafu 11 tal-Artikolu 95 tar-Regolament (KE) Nru 889/2008, id-data “l-1 ta’ Lulju 2013” għandha tinbidel bid-data “l-1 ta’ Jannar 2015”.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Lulju 2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-24 ta’ Ottubru 2013.

Għall-Kummissjoni

Il-President

José Manuel BARROSO

(1)  ĠU L 189, 20.7.2007, p. 1.

(2)  ĠU L 250, 18.9.2008, p. 1.

(3)  ĠU L 204, 6.8.2009, p. 15.

(4)  ĠU L 139, 5.6.2009, p. 29.

Top