EUR-Lex Access to European Union law
This document is an excerpt from the EUR-Lex website
Document 32013R0855
Commission Implementing Regulation (EU) No 855/2013 of 4 September 2013 prohibiting fishing activities for traps registered in Italy fishing for bluefin tuna in the Atlantic Ocean, east of longitude 45° W, and in the Mediterranean Sea
Regolament ta’ Implimentazzjoni tal-Kummissjoni (UE) Nru 855/2013 tal- 4 ta’ Settembru 2013 li jipprojbixxi l-attivitajiet tas-sajd għal nases irreġistrati fl-Italja u li jkunu qed jistadu għat-tonn fl-Oċean Atlantiku, fil-Lvant tal-lonġitudni 45° W, u fil-Baħar Mediterran
Regolament ta’ Implimentazzjoni tal-Kummissjoni (UE) Nru 855/2013 tal- 4 ta’ Settembru 2013 li jipprojbixxi l-attivitajiet tas-sajd għal nases irreġistrati fl-Italja u li jkunu qed jistadu għat-tonn fl-Oċean Atlantiku, fil-Lvant tal-lonġitudni 45° W, u fil-Baħar Mediterran
ĠU L 237, 5.9.2013, p. 8–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2013
5.9.2013 |
MT |
Il-Ġurnal Uffiċjali tal-Unjoni Ewropea |
L 237/8 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 855/2013
tal-4 ta’ Settembru 2013
li jipprojbixxi l-attivitajiet tas-sajd għal nases irreġistrati fl-Italja u li jkunu qed jistadu għat-tonn fl-Oċean Atlantiku, fil-Lvant tal-lonġitudni 45° W, u fil-Baħar Mediterran
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, (1) u b’mod partikolari l-Artikolu 36(2) tiegħu,
Billi:
(1) |
Ir-Regolament tal-Kunsill (UE) Nru 40/2013 tal-21 ta’ Jannar 2013 li jiffissa għall-2013 l-opportunitajiet tas-sajd disponibbli fl-ilmijiet tal-UE u, għall-bastimenti tal-UE, f’ċerti ilmijiet mhux tal-UE għal ċerti stokkijiet tal-ħut u gruppi ta’ stokkijiet tal-ħut li huma soġġetti għal negozjati jew ftehimiet internazzjonali (2) jistipula l-ammont ta’ tonn li jista’ jinqabad fl-2013 fl-Oċean Atlantiku, fil-Lvant tal-lonġitudni 45° W, u fil-Baħar Mediterran minn bastimenti tas-sajd u nases tal-Unjoni Ewropea. |
(2) |
Ir-Regolament tal-Kunsill (KE) Nru 302/2009 tas-6 ta’ April 2009 li jistabbilixxi pjan multiannwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007, (3) jeħtieġ li l-Istati Membri jgħarrfu lill-Kummissjoni dwar il-kwota individwali allokata lill-bastimenti tagħhom li huma itwal minn 24 metru. Għall-bastimenti tal-qbid li huma inqas minn 24 metru u għan-nases, l-Istati Membri jridu minn tal-inqas jgħarrfu lill-Kummissjoni dwar il-kwota allokata lill-organizzazzjonijiet tal-produtturi jew lill-gruppi ta’ bastimenti b’irkaptu simili. |
(3) |
Il-Politika Komuni tas-Sajd hija mfassla b’tali mod li tiżgura l-vijabbiltà fit-tul tas-settur tas-sajd permezz tal-isfruttar sostenibbli tar-riżorsi akkwatiċi ħajjin abbażi tal-approċċ ta’ prekawzjoni. |
(4) |
Skont il-paragrafu 2 tal-Artikolu 36 tar-Regolament (KE) Nru 1224/2009, fejn il-Kummissjoni ssib li, abbażi tat-tagħrif mogħti mill-Istati Membri u ta’ tagħrif rilevanti ieħor li hi għandha, l-opportunitajiet tas-sajd disponibbli għall-Unjoni Ewropea, għal Stat Membru jew għal grupp ta’ Stati Membri jitqiesu li ntużaw kollha għal irkaptu wieħed jew iktar jew għal flotta waħda jew aktar, il-Kummissjoni għandha tgħarraf lill-Istat Membru/Istati Membri kkonċernat(i) dwar dan u għandha tipprojbixxi l-attivitajiet tas-sajd għaż-żona, għall-irkaptu, għall-istokk, għall-grupp tal-istokkijiet jew għall-flotta rispettivi involuti f’dawk l-attivitajiet tas-sajd speċifiċi. |
(5) |
Mit-tagħrif li għandha l-Kummissjoni jidher li l-opportunitajiet tas-sajd għat-tonn fl-Oċean Atlantiku, fil-Lvant tal-lonġitudni 45° W, u fil-Baħar Mediterran allokati lin-nases li huma rreġistrati fl-Italja ġew eżawriti. |
(6) |
Fl-1 ta’ Lulju 2013, l-Italja għarrfet lill-Kummissjoni bil-fatt li kienet imponiet waqfien tal-attivitajiet tas-sajd tal-bastiment tas-sajd tat-tliet nases attivi tagħha fis-sajd għat-tonn fl-2013 b’effett mill-14 ta’ Ġunju 2013 fil-17:00. L-Italja wkoll infurmat lill-Kummissjoni li tnejn minn dawk in-nases kienu involuti wara dik id-data fil-programm xjentifiku stabbilit mill-Kummissjoni Internazzjonali għall-Konservazzjoni tat-Tonn tal-Atlantiku (ICCAT) u ddefinit f’ċirkolari tal-ICCAT #2779/2013 tat-28 ta’ Mejju 2013. |
(7) |
Fit-3 ta’ Lulju 2013, l-Italja għarrfet lill-Kummissjoni bil-fatt li l-attivitajiet tas-sajd xjentifiċi kollha tan-nases Taljani kif definit fiċ-Ċirkolari tal-ICCAT #2779/2013 tat-28 ta’ Mejju 2013 ingħalqu matul il-jum tat-2 ta’ Lulju. |
(8) |
Bla ħsara għall-azzjonijiet imsemmija hawn fuq li ttieħdu mill-Italja, huwa meħtieġ li l-Kummissjoni tikkonferma l-projbizzjoni tas-sajd għat-tonn fl-Oċean Atlantiku, fil-Lvant tal-lonġitudni 45° W u fil-Baħar Mediterran bin-nases irreġistrati fl-Italja b’effett mill-14 ta’ Ġunju 2013 fil-17:00, bl-eċċezzjoni tas-sajd għat-tonn b’żewġ nases għal skopijiet xjentifiċi kif definit fiċ-Ċirkolari #2779/2013 tat-28 ta’ Mejju 2013. Barra minn hekk, huwa meħtieġ li l-Kummissjoni tikkonferma l-għeluq finali tal-attivitajiet kollha ta’ dawk in-nases mit-3 ta’ Lulju 2013 f’00:00, |
ADOTTAT DAN IR-REGOLAMENT:
Artikolu 1
1. Is-sajd għat-tonn fl-Oċean Atlantiku, fil-Lvant tal-lonġitudni 45° W u fil-Baħar Mediterran min-nases li huma rreġistrati fl-Italja għandu jiġi pprojbit mill-14 ta’ Ġunju 2013 fil-17:00.
It-tonn maqbud minn dawk in-nases minn dik id-data ’l quddiem ma għandux jinżamm abbord, jitqiegħed fil-gaġeġ għat-tismin jew għat-trobbija, jiġi ttrażbordat, ittrasferit, maħsud jew żbarkat.
2. B’deroga, id-dispożizzjonijiet tal-paragrafu 1 ma japplikawx għal tonn maqbud għal skopijiet xjentifiċi minn żewġ nases Taljani skont iċ-Ċirkolari ICCAT #2779/2013 tat-28 ta’ Mejju 2013 li jistgħu jinħattu għall-konsum personali tal-ekwipaġġ, jew għal finijiet ta’ karità, u li huma akkumpanjati minn kopja tal-ġurnal ta’ abbord taċ-Ċirkolari #2779/2013 tat-28 ta’ Mejju 2013.
Artikolu 2
Is-sajd għat-tonn fl-Oċean Atlantiku, fil-Lvant tal-lonġitudni 45° W u fil-Baħar Mediterran min-nases li huma rreġistrati fl-Italja għandu jiġi pprojbit mit-3 ta’ Lulju 2013 f’00:00.
It-tonn maqbud minn dawk in-nases minn dik id-data ’l quddiem ma għandux jinżamm abbord, jitqiegħed fil-gaġeġ għat-tismin jew għat-trobbija, jiġi ttrażbordat, ittrasferit, maħsud jew żbarkat.
Artikolu 3
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-4 ta’ Settembru 2013.
Għall-Kummissjoni, F'isem il-President,
Maria DAMANAKI
Membru tal-Kummissjoni
(1) ĠU L 343, 22.12.2009, p. 1.