Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013D0256

    Deċiżjoni ta’ Implimentazzjoni tal-Kummissjoni tat- 30 ta’ Mejju 2013 dwar ir-rikonoxximent tal-għodda għall-kalkolu msejħa Biograce GHG biex tintwera l-konformità mal-kriterji ta’ sostenibbiltà mogħtija fid-Direttivi 98/70/KE u 2009/28/KE tal-Parlament Ewropew u tal-Kunsill

    ĠU L 147, 1.6.2013, p. 46–47 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 21/06/2018

    ELI: http://data.europa.eu/eli/dec_impl/2013/256/oj

    Date of document:
    30/05/2013
    Date of effect:
    21/06/2013; Dħul fis-seħħ Data tal-pubblikazzjoni +20 Ara Art. 4
    Date of end of validity:
    21/06/2018; Ara Art. 3
    Author:
    Il-Kummissjoni Ewropea
    Form:
    Deċiżjoni implimentattiva
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Link

    1.6.2013   

    MT

    Il-Ġurnal Uffiċjali tal-Unjoni Ewropea

    L 147/46

    DEĊIŻJONI TA’ IMPLIMENTAZZJONI TAL-KUMMISSJONI

    tat-30 ta’ Mejju 2013

    dwar ir-rikonoxximent tal-għodda għall-kalkolu msejħa “Biograce GHG” biex tintwera l-konformità mal-kriterji ta’ sostenibbiltà mogħtija fid-Direttivi 98/70/KE u 2009/28/KE tal-Parlament Ewropew u tal-Kunsill

    (2013/256/UE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva 2009/28/KE tal-Parlament Ewropew u tal-Kunsill tat-23 ta’ April 2009 dwar il-promozzjoni tal-użu tal-enerġija minn sorsi rinnovabbli u li temenda u sussegwentement tħassar id-Direttivi 2001/77/KE u 2003/30/KE (1), u partikolarment l-Artikolu 18(6) tagħha,

    Wara li kkunsidrat id-Direttiva 98/70/KE tal-Parlament Ewropew u tal-Kunsill tat-13 ta’ Ottubru 1998 dwar il-kwalità tal-karburanti tal-petrol u tad-diżil u li temenda d-Direttiva tal-Kunsill 93/12/KEE (2), u partikolarment l-Artikolu 7c(6) tagħha,

    Wara li kkonsultat mal-Kumitat dwar is-Sostenibbiltà tal-Bijokarburanti u Bijolikwidi,

    Billi:

    (1)

    Id-Direttivi 98/70/KE u 2009/28/KE jistipulaw il-kriterji ta’ sostenibbiltà għall-bijofjuwils. L-Artikoli 7b u 7c u tal-Anness IV tad-Direttiva 98/70/KE huma simili tal-Artikoli 17 u 18 u tal-Anness V tad-Direttiva 2009/28/KE.

    (2)

    Meta l-bijofjuwils u l-bijolikwidi jkunu jridu jitqiesu għall-finijiet imsemmija fl-Artikolu 17(1)(a), (b) u (c) tad-Direttiva 2009/28/KE, l-Istati Membri għandhom jeżiġu lill-operaturi ekonomiċi juru l-konformità tal-bijofjuwils u tal-bijolikwidi mal-kriterji ta’ sostenibbiltà stabbiliti fl-Artikolu 17(2) sa (5) tad-Direttiva 2009/28/KE.

    (3)

    Meta operatur ekonomiku jipprovdi provi jew dejta miksuba skont skema volontarja li tkun ġiet irrikonoxxuta mill-Kummissjoni, safejn ikun kopert b’dik id-deċiżjoni ta’ rikonoxximent, Stat Membru ma għandux jeżiġi lill-fornitur jipprovdi aktar evidenza ta’ konformità mal-kriterji ta’ sostenibbiltà.

    (4)

    L-għodda għall-kalkolu msejħa “Biograce GHG” ġiet sottomessa lill-Kummissjoni flimkien ma’ talba għar-rikonoxximent fid-19 ta’ Frar 2013. L-għodda tista’ tintuża biex jiġu kkalkulati l-emissjonijiet tal-gassijiet b’effett ta’ serra għal firxa wiesgħa ta’ bijofjuwils u bijolikwidi differenti. Skemi volontarji li qed jużaw l-għodda jridu jiżguraw li qed tiġi applikata kif xieraq u li tilħaq l-istandards adegwati ta’ affidabbiltà, trasparenza u verifika indipendenti. Ladarba tiġi rrikonoxxuta, l-iskema għandha tkun disponibbli fil-pjattaforma ta’ trasparenza stabbilita skont id-Direttiva 2009/28/KE.

    (5)

    L-evalwazzjoni tal-għodda għall-kalkolu msejħa “Biograce GHG” sabet li din fiha dejta preċiża għall-finijiet tal-Artikolu 17(2) tad-Direttiva 2009/28/KE u tal-Artikolu 7b(2) tad-Direttiva 98/70/KE u li hija tikkonforma mar-rekwiżiti metodoloġiċi mogħtija fl-Anness IV tad-Direttiva 98/70/KE u l-Anness V tad-Direttiva 2009/28/KE.

    (6)

    F’każ li jkun hemm bidliet fl-iskema, il-Kummissjoni se tivvaluta l-iskema bil-għan li tistabbilixxi jekk l-iskema tkunx għadha qed tkopri b’mod xieraq il-kriterji ta’ sostenibbiltà li għalihom tkun ġiet irrikonoxxuta.

    (7)

    Il-miżuri previsti f’din id-Deċiżjoni huma skont l-opinjoni tal-Kumitat dwar is-Sostenibbiltà tal-Bijofjuwils u l-Bijolikwidi,

    ADOTTAT DIN ID-DEĊIŻJONI:

    Artikolu 1

    L-iskema volontarja tal-għodda għall-kalkolu “Biograce GHG” (minn issa ‘l quddiem “l-iskema”) sottomessa għar-rikonoxximent lill-Kummissjoni fid-19 ta’ Frar 2013 fiha dejta preċiża għall-finijiet tal-Artikolu 17(2) tad-Direttiva 2009/28/KE u tal-Artikolu 7b(2) tad-Direttiva 98/70/KE.

    Artikolu 2

    Jekk isir xi tibdil fil-kontenut tal-iskema wara li tiġi adottata din id-Deċiżjoni b’tali mod li dan jista’ jaffettwa l-bażi ta’ din id-Deċiżjoni, it-tali tibdil għandu jiġi nnotifikat lill-Kummissjoni minnufih. Il-Kummissjoni għandha tivvaluta t-tibdil innotifikat bil-għan li tistabbilixxi jekk l-iskema tkunx għadha qed tkopri b’mod xieraq il-kriterji ta’ sostenibbiltà li għalihom tkun ġiet irrikonoxxuta jew le.

    Il-Kummissjoni tista’ tirrevoka din id-Deċiżjoni jekk ikun intwera biċ-ċar li l-iskema ma tkunx implimentat elementi meqjusa bħala deċiżivi għal din id-Deċiżjoni u jekk ikun twettaq ksur serju u strutturali ta’ dawk l-elementi.

    Artikolu 3

    Din id-Deċiżjoni hija valida għal perjodu ta’ ħames snin.

    Artikolu 4

    Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Magħmul fi Brussell, it-30 ta’ Mejju 2013.

    Għall-Kummissjoni

    Il-President

    José Manuel BARROSO

    (1)  ĠU L 140, 5.6.2009, p. 16.

    (2)  ĠU L 350, 28.12.1998, p. 58.

    Top