Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0841

    Regolament ta’ Implimentazzjoni tal-Kummissjoni (UE) Nru 841/2012 tat- 18 ta’ Settembru 2012 dwar l-awtorizzazzjoni tal- Lactobacillus plantarum (NCIMB 41028) u l- Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali Test b’relevanza għaż-ŻEE

    ĠU L 252, 19.9.2012, p. 17–20 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/reg_impl/2012/841/oj

    Date of document:
    18/09/2012
    Date of effect:
    19/11/2012; Dħul fis-seħħ Ara Art. 5
    Date of end of validity:
    No end date
    Author:
    Il-Kummissjoni Ewropea
    Form:
    Regolament implimentattiv
    Additional information:
    Rilevanza għaż-ŻEE
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Link

    19.9.2012   

    MT

    Il-Ġurnal Uffiċjali tal-Unjoni Ewropea

    L 252/17

    REGOLAMENT TA’ IMPLIMENTAZZJONI TAL-KUMMISSJONI (UE) Nru 841/2012

    tat-18 ta’ Settembru 2012

    dwar l-awtorizzazzjoni tal-Lactobacillus plantarum (NCIMB 41028) u l-Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ din l-awtorizzazzjoni. L-Artikolu 10(7) tar-Regolament (KE) Nru 1831/2003 flimkien mal-Artikolu 10, minn (1) sa (4), tiegħu jistipula dispożizzjonijiet speċifiċi għall-evalwazzjoni tal-prodotti użati fl-Unjoni bħala addittivi tal-furrajna minn dakinhar li daħal fis-seħħ ir-Regolament.

    (2)

    Skont l-Artikolu 10(1)(b) u l-Artikolu 7 tar-Regolament (KE) Nru 1831/2003, il-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) iddaħħlu fir-Reġistru Komunitarju tal-Addittivi fl-Għalf bħala prodotti eżistenti li jagħmlu parti mill-grupp funzjonali tal-addittivi tal-furrajna, għall-ispeċijiet kollha tal-annimali.

    (3)

    Skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, ġew ippreżentati applikazzjonijiet għall-awtorizzazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali, bit-talba li dawk l-addittivi jiġu kklassifikati fil-kategorija “additivi teknoloġiċi” u fil-grupp funzjonali “addittivi tal-furrajna”. Dawk l-applikazzjonijiet kienu akkumpanjati bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

    (4)

    L-applikazzjonijiet jikkonċernaw l-awtorizzazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) bħala addittivi fl-għalf għall-ispeċijiet kollha tal-annimali, li għandhom jiġu kklassifikati fil-kategorija tal-addittivi “addittivi teknoloġiċi”.

    (5)

    Fl-opinjoni tagħha tat-13 ta’ Diċembru 2011 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) ma għandhomx effetti negattivi fuq saħħet l-annimali, saħħet il-bniedem jew l-ambjent, u li dawn il-mikroorganiżmi għandhom il-potenzjal li jtejbu l-produzzjoni tal-furrajna minn kull magħlef billi jżidu l-preservazzjoni ta’ materja xotta u jnaqqsu t-telf ta’ proteini. L-Awtorità vverifikat ukoll ir-rapport dwar il-metodu ta’ analiżi tal-addittivi fl-għalf, f’għalf ippreżentat mil-Laboratorju Komunitarju ta’ Referenza li twaqqaf permezz tar-Regolament (KE) Nru 1831/2003.

    (6)

    Il-valutazzjoni tal-mikroorganiżmi Lactobacillus plantarum (NCIMB 41028) u Lactobacillus plantarum (NCIMB 30148) turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta’ dawk il-mikroorganiżmi għandu jiġi awtorizzat kif speċifikat fl-Anness ta’ dan ir-Regolament.

    (7)

    Minħabba li saru xi modifiki fil-kundizzjonijiet tal-awtorizzazzjoni tal-mikroorganiżmu Lactobacillus plantarum (NCIMB 41028) u Lactobacillus plantarum (NCIMB 30148) u billi ma hemm l-ebda effetti immedjati diretti fir-rigward tas-sigurtà, qabel l-awtorizzazzjoni, għandu jitħalla jgħaddi perjodu raġonevoli sabiex il-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. Huwa wkoll xieraq li jingħata perjodu tranżitorju għar-rimi tal-ħażniet eżistenti ta’ dawk il-mikroorganiżmi u l-għalf li fih dawn il-mikroorganiżmi.

    (8)

    Huwa ferm kumpless għall-operaturi li jadattaw ripetutament u minn jum għall-ieħor għat-tikketti tal-għalf li fih addittivi differenti li jkunu ġew awtorizzati suċċessivament skont il-proċedura stabbilita fl-Artikolu 10(2) tar-Regolament (KE) Nru 1831/2003 u li għalihom iridu jitħarsu regoli ġodda dwar it-tikkettar. Għalhekk huwa xieraq li jitnaqqas il-piż amministrattiv fuq l-operaturi billi jiġi pprovdut perjodu ta’ żmien li jippermetti konverżjoni bla xkiel tat-tikkettar.

    (9)

    Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Il-mikroorganiżmu speċifikat fl-Anness I, li jagħmel parti mill-kategorija ta’ addittivi “addittivi teknoloġiċi” u mill-grupp funzjonali “addittivi tal-furrajna”, huwa awtorizzat bħala addittiv fin-nutrizzjoni tal-annimali, suġġett għall-kundizzjonijiet stipulati f’dak l-Anness.

    Artikolu 2

    Il-mikroorganiżmu speċifikat fl-Anness II, li jagħmel parti mill-kategorija ta’ addittivi “addittivi teknoloġiċi” u mill-grupp funzjonali “addittivi tal-furrajna”, huwa awtorizzat bħala addittiv fin-nutrizzjoni tal-annimali, suġġett għall-kundizzjonijiet stipulati f’dak l-Anness.

    Artikolu 3

    Ir-rekwżiti tat-tikkettar

    L-għalf li fihom il-mikroorganiżmi msemmija fl-Artikolu 1 u fl-Artikolu 2 għandhom ikunu ttikkettati skont dan ir-Regolament sa mhux aktar tard mid-19 ta' Mejju 2013.

    Madankollu, għalf li fih il-mikroorganiżmi msemmija fl-Artikolu 1 u fl-Artikolu 2 li ġie ttikkettat skont il-kundizzjonijiet tal-awtorizzazzjoni preċedenti qabel id-19 ta' Mejju 2013 jista’ jibqa’ jitqiegħed fis-suq sakemm il-ħażniet jispiċċaw.

    Artikolu 4

    Miżuri tranżitorji

    Il-ħażniet eżistenti tal-mikroorganiżmi msemmija fl-Artikolu 1 u fl-Artikolu 2 u tal-għalf li fih dawn il-mikroorganiżmi fid-data tad-dħul fis-seħħ ta’ dan ir-Regolament jista’ jibqa’ jitqiegħdu fis-suq u jintużaw skont il-kundizzjonijiet preċedenti ta’ awtorizzazzjoni sa ma jispiċċaw.

    Artikolu 5

    Dan ir-Regolament għandu jidħol fis-seħħ fid-19 ta' Novembru 2012.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-18 ta’ Settembru 2012.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  EFSA Journal 2012; 10(1):2529.

    ANNESS I

    Numru ta’ identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku.

    Speċi jew kategorija ta’ annimali

    Età massima

    Kontenut minimu

    Kontenut massimu

    Dispożizzjonijet oħra

    Tmiem il-perjodu ta’ awtorizzazzjoni

    CFU/kg ta’ materja friska

    Il-kategorija tal-addittivi teknoloġiċi. Il-grupp funzjonali: additivi tal-furrajna.

    1k20713

    —

    Lactobacillus plantarum

    (NCIMB 41028)

     

    Il-kompożizzjoni tal-addittiv:

    Preparazzjoni ta’ Lactobacillus plantarum NCIMB 41028 li fiha minimu ta’ 7 × 1010 CFU/g ta’ addittiv

     

    Il-karatterizzazzjoni tas-sustanza attiva:

    Lactobacillus plantarum NCIMB 41028

     

    Il-metodu analitiku  (1):

     

    Enumerazzjoni fl-addittiv tal-għalf: il-metodu tat-tifrix (EN 15787)

     

    L-identifikazzjoni: Elettroforeżi bil-Ġell f’Kamp Pulsat (PFGE)

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u l-pretaħlita, indika t-temperatura li jrid jinħażen fiha, u kemm jista’ jdum maħżun.

    2.

    Id-doża minima tal-addittiv meta ma jintużax flimkien ma’ mikroorganiżmi oħrajn bħall-addittivi tal-furrajna: 1 × 109 CFU/kg ta’ materjal frisk.

    3.

    Għas-sigurtà: huwa rakkomandat li tintuża protezzjoni għall-imnifsejn u par ingwanti waqt l-immaniġġar.

    Id-19 ta' Novembru 2022

    (1)  Id-dettalji dwar il-metodi analitiċi huma disponibbli fl-indirizz li ġej tal-Laboratorju ta’ Referenza: http://irmm.jrc.ec.europa.eu/EURLs/EURL_feed_additives/Pages/index.aspx

    ANNESS II

    Numru ta’ identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku.

    Speċi jew kategorija ta’ annimali

    Età massima

    Kontenut minimu

    Kontenut massimu

    Dispożizzjonijet oħra

    Tmiem il-perjodu ta’ awtorizzazzjoni

    CFU/kg ta’ materja friska

    Il-kategorija tal-addittivi teknoloġiċi. Il-grupp funzjonali: additivi tal-furrajna

    1k20714

    —

    Lactobacillus plantarum

    (NCIMB 30148)

     

    Il-kompożizzjoni tal-addittiv:

    Preparazzjoni ta’ Lactobacillus plantarum NCIMB 30148) li fiha minimu ta’ 7 × 1010 CFU/g ta’ addittiv

     

    Il-karatterizzazzjoni tas-sustanza attiva:

    Lactobacillus plantarum NCIMB 30148

     

    Il-metodu analitiku  (1)

     

    Enumerazzjoni fl-addittiv tal-għalf: il-metodu tat-tifrix (EN 15787)

     

    L-identifikazzjoni: Elettroforeżi bil-Ġell f’Kamp Pulsat (PFGE)

    L-ispeċijiet kollha tal-annimali

    —

    —

    —

    1.

    Fl-istruzzjonijiet għall-użu tal-addittiv u l-pretaħlita, indika t-temperatura li jrid jinħażen fiha, u kemm jista’ jdum maħżun.

    2.

    Id-doża minima tal-addittiv meta ma jintużax flimkien ma’ mikroorganiżmi oħrajn bħall-addittivi tal-furrajna: 1 × 109 CFU/kg ta’ materjal frisk.

    3.

    Għas-sigurtà: huwa rakkomandat li tintuża protezzjoni għall-imnifsejn u par ingwanti waqt l-immaniġġjar.

    Id-19 ta' Novembru 2022

    (1)  Id-dettalji dwar il-metodi analitiċi huma disponibbli fl-indirizz li ġej tal-Laboratorju ta’ Referenza: http://irmm.jrc.ec.europa.eu/EURLs/EURL_feed_additives/Pages/index.aspx

    Top