32012R0571

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 571/2012 - EN - EUR-Lex

Help

Search tips

Need more search options? Use the Advanced search

Document 32012R0571

Regolament ta’ Implimentazzjoni tal-Kummissjoni (UE) Nru 571/2012 tat- 28 ta’ Ġunju 2012 li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet ta’ approvazzjoni tas-sustanzi attivi silikat tal-aluminju, proteini idrolizzati u 1,4-diamminobutan (putressin) Test b’relevanza għaż-ŻEE

ĠU L 169, 29.6.2012, p. 46–49 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 059 P. 265 - 268

Legal status of the document In force

ELI: http://data.europa.eu/eli/reg_impl/2012/571/oj

Date of document:: 28/06/2012
Date of effect:: 19/07/2012; Dħul fis-seħħ Data tal-pubblikazzjoni +20 Ara Art. 2
Date of effect:: 01/11/2012; Applikazzjoni Ara Art. 2
Date of end of validity:: No end date

Author:: Il-Kummissjoni Ewropea
Form:: Regolament implimentattiv

Treaty:

Trattat dwar il-Funzjonament tal-Unjoni Ewropea

Legal basis:

32009R1107 - A13P2PTC)

Link

Select all documents mentioning this document

Modifies:

Relation	Act	Comment	Subdivision concerned	From	To
Modifies	32011R0540	Emenda	anness P. A	01/11/2012

Instruments cited:

Link

EUROVOC descriptor:

Subject matter:

Directory code:

03.50.20.00 Agrikoltura / Approssimazzjoni tal-liġijiet u l-miżuri tas-saħħa / Saħħa tal-pjanti

HTML

PDF

Official Journal

29.6.2012

Il-Ġurnal Uffiċjali tal-Unjoni Ewropea

L 169/46

REGOLAMENT TA’ IMPLIMENTAZZJONI TAL-KUMMISSJONI (UE) Nru 571/2012

tat-28 ta’ Ġunju 2012

li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet ta’ approvazzjoni tas-sustanzi attivi silikat tal-aluminju, proteini idrolizzati u 1,4-diamminobutan (putressin)

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2)(c) tiegħu,

Billi:

(1)

Is-sustanzi attivi silikat tal-aluminju, proteini idrolizzati u 1,4-diamminobutan (putressin) ġew inklużi fl-Anness I tad-Direttiva tal-Kunsill 91/414/KEE (2) permezz tad-Direttiva tal-Kummissjoni 2008/127/KE (3) skont il-proċedura prevista fl-Artikolu 24b tar-Regolament tal-Kummissjoni (KE) Nru 2229/2004 tat-3 ta' Diċembru 2004 li jistabbilixxi aktar regoli fid-dettall għall-implimentazzjoni tar-raba' stadju tal-programm ta' ħidma msemmi fl-Artikolu 8(2) tad-Direttiva tal-Kunsill 91/414/KEE (4). Mis-sostituzzjoni tad-Direttiva 91/414/KEE bir-Regolament (KE) Nru 1107/2009, dawn is-sustanzi jitqiesu bħala approvati skont dak ir-Regolament u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (5).

(2)

Skont l-Artikolu 25a tar-Regolament (KE) Nru 2229/2004, l-Awtorità Ewropea dwar is-Sigurtà fl-Ikel, minn hawn 'l quddiem “l-Awtorità”, ippreżentat lill-Kummissjoni l-fehmiet tagħha dwar l-abbozz tar-rapporti tar-reviżjoni għas-silikat tal-aluminju (6), il-proteini idrolizzati (7) u l-1,4-diamminobutan (putressin) (8) fis-16 ta' Diċembru 2011. L-abbozz tar-rapporti ta' reviżjoni u l-fehmiet tal-Awtorità ġew riveduti mill-Istati Membri u l-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u ġew iffinalizzati fl-1 ta’ Ġunju 2012 fil-format tar-rapporti ta’ reviżjoni tal-Kummissjoni għas-silikat tal-aluminju, il-proteini idrolizzati u l-1,4-diamminobutan (putressin).

(3)	L-Awtorità kkomunikat il-fehmiet tagħha dwar is-silikat tal-aluminju, il-proteini idrolizzati u l-1,4-diamminobutan (putressin) lin-notifikaturi, u l-Kummissjoni stednithom biex iressqu kummenti dwar ir-rapporti ta’ reviżjoni.

(4)	Huwa kkonfermat li s-sustanzi attivi silikat tal-aluminju, proteini idrolizzati u 1,4-diamminobutan (putressin) għandhom jitqiesu bħala approvati skont ir-Regolament (KE) Nru 1107/2009.

(5)

Skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu u kif ukoll fid-dawl tal-għarfien xjentifiku u tekniku attwali, huwa meħtieġ li jiġu emendati l-kundizzjonijiet tal-approvazzjoni tas-silikat tal-aluminju, il-proteini idrolizzati u l-1,4-diamminobutan (putressin). Huwa xieraq li b'mod partikolari tkun mitluba aktar informazzjoni konfermattiva fir-rigward tas-silikat tal-aluminju u l-proteini idrolizzati Fl-istess waqt għandu jkun hemm ċerti adattamenti tekniċi, b'mod partikolari l-isem tas-sustanza attiva "putressin (1,4-diamminobutan)" għandu jiġi sostitwit bi "1,4-diamminobutan (putressin)". L-Anness tar-Regolament (UE) Nru 540/2011 għandu għalhekk jiġi emendat skont dan.

(6)

Għandu jitħalla perjodu raġonevoli ta’ żmien qabel l-applikazzjoni ta’ dan ir-Regolament sabiex l-Istati Membri, in-notifikaturi u d-detenturi tal-awtorizzazzjonijiet tal-prodotti għall-protezzjoni tal-pjanti jkunu jistgħu jissodisfaw ir-rekwiżiti li jirriżultaw mill-emenda tal-kundizzjonijiet tal-approvazzjoni.

(7)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-Parti A tal-Anness tar-Regolament ta’ Implimentazzjoni (UE) Nru 540/2011 hija emendata skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jibda japplika mill-1 ta’ Novembru 2012.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-28 ta’ Ġunju 2012.

Għall-Kummissjoni

Il-President

José Manuel BARROSO

(1) ĠU L 309, 24.11.2009, p. 1.

(2) ĠU L 230, 19.8.1991, p. 1.

(3) ĠU L 344, 20.12.2008, p. 89.

(4) ĠU L 379, 24.12.2004, p. 13.

(5) ĠU L 153, 11.6.2011, p. 1.

(6) Conclusion on the peer review of the pesticide risk assessment of the active substance aluminium silicate (Konklużjoni dwar ir-reviżjoni inter pares tal-valutazzjoni tar-riskju għall-pestiċidi tas-sustanza attiva silikat tal-aluminju). EFSA Journal 2012; 10(1):2517. Tinstab onlajn: www.efsa.europa.eu/efsajournal.

(7) Conclusion on the peer review of the pesticide risk assessment of the active substance hydrolysed proteins (Konklużjoni dwar ir-reviżjoni inter pares tal-valutazzjoni tar-riskju għall-pestiċidi tas-sustanza attiva proteini idrolizzati). EFSA Journal 2012; 10(2):2545. Tinstab onlajn: www.efsa.europa.eu/efsajournal.

(8) Conclusion on the peer review of the pesticide risk assessment of the active substance 1,4-diaminobutane (putrescine) (Konklużjoni dwar ir-reviżjoni inter pares tal-valutazzjoni tar-riskju għall-pestiċidi tas-sustanza attiva 1,4-diamminobutan (putressin)). EFSA Journal 2012;10(1):2516. Tinstab onlajn: www.efsa.europa.eu/efsajournal.

ANNESS

Il-Parti A tal-Anness tar-Regolament ta’ Implimentazzjoni (UE) Nru 540/2011 hija emendata kif ġej:

(1)

Ir-ringiela 220 dwar is-sustanza attiva silikat tal-aluminju hija sostitwita b'dan li ġej:

Numru

Isem Komuni, Numri ta’ Identifikazzjoni

Isem tal-IUPAC

Purità (*)

Data tal-approvazzjoni

Skadenza tal-approvazzjoni

Dispożizzjonijiet speċifiċi

“220

Silikat tal-aluminju

Nru CAS 1332-58-7

Nru CIPAC 841

Mhux disponibbli

Isem kimiku: Silikat tal-aluminju

≥ 999,8 g/kg

1 ta’ Settembru 2009

31 ta’ Awwissu 2019

PARTI A

L-użijiet bħala repellent biss jistgħu jkunu awtorizzati.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, il-konklużjonijiet tar-rapport ta' reviżjoni dwar is-silikat tal-aluminju (SANCO/2603/08), u b'mod partikolari l-Appendiċijiet I u II tiegħu, kif iffinalizzati fil-Kumitat Permanenti dwar il-Katina Alimentari u s-Saħħa tal-Annimali tal-1 ta’ Ġunju 2012 għandhom jitqiesu.

F’din il-valutazzjoni ġenerali l-Istati Membri għandhom jagħtu attenzjoni partikolari għas-sikurezza tal-operaturi; il-kundizzjonijiet tal-użu għandhom jinkludu l-applikazzjoni ta' tagħmir protettiv personali u respiratorju adegwat, fejn xieraq.

Il-kundizzjonijiet għall-użu għandhom jinkludu, fejn xieraq, miżuri għall-mitigazzjoni tar-riskju.

L-Istati Membri kkonċernati għandhom jiżguraw li l-applikant jipprovdi informazzjoni ta’ konferma lill-Kummissjoni rigward:

(a)	l-ispeċifikazzjoni tal-materjal tekniku, kif immanifatturat kummerċjalment, appoġġata minn dejta analitika xierqa;

(b)	ir-rilevanza tal-materjali tat-test użati fil-fajl tat-tossiċità fid-dawl tal-ispeċifikazzjoni tal-materjal tekniku;

L-Istati Membri kkonċernati għandhom jiżguraw li l-applikant jibgħat din l-informazzjoni lill-Kummissjoni sal-1 ta’ Mejju 2013.”

(2)

Ir-ringiela 234 dwar is-sustanza attiva proteini idrolizzati hija sostitwita b'dan li ġej:

“Numru

Isem Komuni, Numri ta’ Identifikazzjoni

Isem tal-IUPAC

Purità (**)

Data tal-approvazzjoni

Skadenza tal-approvazzjoni

Dispożizzjonijiet speċifiċi

234

Proteini idrolizzati

Nru CAS mhux assenjat

Nru CIPAC 901

Mhux disponibbli

Rapport ta’ reviżjoni (SANCO/2615/2008)

1 ta’ Settembru 2009

31 ta’ Awwissu 2019

PARTI A

L-użijiet bħala attirant biss jistgħu jkunu awtorizzati. Il-proteini idrolizzati li ġejjin mill-annimali jridu jkunu f'konformità mar-Regolament (KE) Nru 1069/2009 (***) u r-Regolament tal-Kummissjoni (UE) Nru 142/2011 (****).

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, il-konklużjonijiet tar-rapport ta' reviżjoni dwar il-proteini idrolizzati (SANCO/2615/08), u b'mod partikolari l-Appendiċijiet I u II tiegħu, kif iffinalizzati fil-Kumitat Permanenti dwar il-Katina Alimentari u s-Saħħa tal-Annimali tal-1 ta’ Ġunju 2012 għandhom jitqiesu.

F’din il-valutazzjoni ġenerali l-Istati Membri għandhom jagħtu attenzjoni partikolari għas-sikurezza tal-operaturi u tal-ħaddiema; il-kundizzjonijiet tal-użu għandhom jinkludu l-applikazzjoni ta' tagħmir protettiv personali adegwat, fejn xieraq.

Il-kundizzjonijiet għall-użu għandhom jinkludu, fejn xieraq, miżuri għall-mitigazzjoni tar-riskju.

L-Istati Membri kkonċernati għandhom jiżguraw li l-applikant jipprovdi informazzjoni ta’ konferma lill-Kummissjoni rigward:

(a)	l-ispeċifikazzjonijiet tal-materjal tekniku, kif immanifatturat kummerċjalment, appoġġati minn dejta analitika xierqa;

(b)	ir-riskju għall-organiżmi akkwatiċi.

L-Istati Membri kkonċernati għandhom jiżguraw li l-applikant jibgħat lill-Kummissjoni l-informazzjoni stabbilita fil-punt (a) sal-1 ta' Mejju 2013 u l-informazzjoni stabbilita fil-punti (b) sal-1 ta' Novembru 2013.

(3)

Ir-ringiela 245 dwar is-sustanza attiva 1,4-diamminobutan (putressin) hija sostitwita b'dan li ġej:

Numru

Isem Komuni, Numri ta’ Identifikazzjoni

Isem tal-IUPAC

Purità (*****)

Data tal-approvazzjoni

Skadenza tal-approvazzjoni

Dispożizzjonijiet speċifiċi

“245

1,4-diamminobutan (putressin)

Nru CAS 110-60-1

Nru CIPAC 854

Butan-1,4-diammin

≥ 990 g/kg

1 ta’ Settembru 2009

31 ta’ Awwissu 2019

PARTI A

L-użijiet bħala attirant biss jistgħu jkunu awtorizzati.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, il-konklużjonijiet tar-rapport ta' reviżjoni dwar il-1,4-diamminobutan (putressin) (SANCO/2626/08), u b'mod partikolari l-Appendiċijiet I u II tiegħu, kif iffinalizzati fil-Kumitat Permanenti dwar il-Katina Alimentari u s-Saħħa tal-Annimali tal-1 ta’ Ġunju 2012 għandhom jitqiesu.

Il-kundizzjonijiet għall-użu għandhom jinkludu, fejn xieraq, miżuri għall-mitigazzjoni tar-riskju.”

(*) Aktar dettalji dwar l-identità u l-ispeċifikazzjoni ta' sustanzi attivi huma pprovduti fir-rapport ta' reviżjoni tagħhom.

(**) Aktar dettalji dwar l-identità u l-ispeċifikazzjoni ta' sustanzi attivi huma pprovduti fir-rapport ta' reviżjoni tagħhom.

(***) ĠU L 300, 14.11.2009, p. 1.

(****) ĠU L 54, 26.2.2011, p. 1.”

(*****) Aktar dettalji dwar l-identità u l-ispeċifikazzjoni ta' sustanzi attivi huma pprovduti fir-rapport ta' reviżjoni tagħhom.

Top

All

Choose the experimental features you want to try