This document is an excerpt from the EUR-Lex website
Document 32012R0409
Council Regulation (EU) No 409/2012 of 14 May 2012 suspending certain restrictive measures laid down in Regulation (EC) No 194/2008 renewing and strengthening the restrictive measures in respect of Burma/Myanmar
Regolament tal-Kunsill (UE) Nru 409/2012 tal- 14 ta’ Mejju 2012 li jissospendi ċerti miżuri restrittivi stabbiliti fir-Regolament (KE) Nru 194/2008 li jġedded u jsaħħaħ il-miżuri restrittivi fir-rigward ta’ Burma/il-Mjanmar
Regolament tal-Kunsill (UE) Nru 409/2012 tal- 14 ta’ Mejju 2012 li jissospendi ċerti miżuri restrittivi stabbiliti fir-Regolament (KE) Nru 194/2008 li jġedded u jsaħħaħ il-miżuri restrittivi fir-rigward ta’ Burma/il-Mjanmar
ĠU L 126, 15.5.2012, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 02/05/2013; Imħassar b' 32013R0401
Relation | Act | Comment | Subdivision concerned | From | To |
---|---|---|---|---|---|
Modifies | 32008R0194 | Emenda | anness VI P. J | 16/05/2012 |
Relation | Act | Comment | Subdivision concerned | From | To |
---|---|---|---|---|---|
Repealed by | 32013R0401 |
15.5.2012 |
MT |
Il-Ġurnal Uffiċjali tal-Unjoni Ewropea |
L 126/1 |
REGOLAMENT TAL-KUNSILL (UE) Nru 409/2012
tal-14 ta’ Mejju 2012
li jissospendi ċerti miżuri restrittivi stabbiliti fir-Regolament (KE) Nru 194/2008 li jġedded u jsaħħaħ il-miżuri restrittivi fir-rigward ta’ Burma/il-Mjanmar
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 215 tiegħu,
Wara li kkunsidra d-Deċiżjoni tal-Kunsill 2012/225/PESK tas-26 ta' April 2012 li temenda d-Deċiżjoni 2010/232/PESK li ġġedded il-miżuri restrittivi kontra Burma/il-Mjanmar (1),
Wara li kkunsidra l-proposta konġunta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà u mill-Kummissjoni Ewropea,
Billi:
(1) |
Ir-Regolament tal-Kunsill (KE) Nru 194/2008 (2) jipprevedi għal ċerti miżuri, li jinkludu restrizzjonijiet fuq ċerti importazzjonijiet minn u esportazzjonijiet lejn Burma/il-Mjanmar, l-iffriżar tal-fondi u r-riżorsi ekonomiċi ta’ ċerti individwi u entitajiet u restrizzjonijiet fuq l-iffinanzjar ta’ ċerti intrapriżi. |
(2) |
Bi tweġiba għall-iżviluppi reċenti f’Burma/il-Mjanmar, id-Deċiżjoni 2012/225/PESK immodifikat id-Deċiżjoni 2010/232/PESK (3) sabiex tipprovdi għas-sospensjoni, sat-30 ta’ April 2013, tal-miżuri restrittivi kollha ħlief l-embargo fuq l-armi u l-embargo fuq tagħmir li jista’ jintuża għar-repressjoni interna. |
(3) |
Ir-Regolament (KE) Nru 194/2008 għandu għalhekk jiġi mmodifikat kif meħtieġ sabiex jissospendi l-biċċa l-kbira tal-miżuri restrittivi. |
(4) |
Is-sospensjoni tal-iffriżar tal-fondi u r-riżorsi ekonomiċi għandha tiġi interpretata bħala li tippermetti r-rilaxx, mingħajr l-awtorizzazzjoni minn qabel mill-awtoritajiet kompetenti, ta' fondi u riżorsi ekonomiċi li kienu ffriżati skont ir-Regolament (KE) Nru 194/2008, |
ADOTTA DAN IR-REGOLAMENT:
Artikolu 1
Il-miżuri msemmija fl-Artikoli 2, 3, 5, 6, 7(3), 8, 9(2), 11, 12, 13 u 15(2)sa (8) tar-Regolament (KE) Nru 194/2008 għandhom jiġu sospiżi sat-30 ta’ April 2013.
L-Artikolu 7(5) tar-Regolament (KE) Nru 194/2008 għandu jiġi sospiż sat-30 ta’ April 2013 safejn dan jirreferi għall-Artikolu 7(3).
Artikolu 2
Il-persuni elenkati fl-Anness għandhom jitneħħew mil-lista ta' persuni fil-Parti J tal-Anness VI għar-Regolament (KE) Nru 194/2008.
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Mejju 2012.
Għall-Kunsill
Il-President
C. ASHTON
(1) ĠU L 115, 27.4.2012, p. 25.
(3) ĠU L 105, 27.4.2010, p. 22.
ANNESS
PERSUNI MSEMMIJA FL-ARTIKOLU 2
1. |
Thidar Zaw |
2. |
Pye Phyo Tay Za |
3. |
Ohn |
4. |
Shwe Shwe Lin |
5. |
Nan Than Htwe a.k.a Nan Than Htay |
6. |
Nang Lang Kham a.k.a. Nan Lan Khan |
7. |
Lo Hsing-han |
8. |
San San Kywe |
9. |
Nandar Hlaing |
10. |
Aye Aye Maw |
11. |
Nan Mauk Loung Sai a.k.a. Nang Mauk Lao Hsai |
12. |
Than Than Nwe |
13. |
Nay Soe |
14. |
Theint Theint Soe |
15. |
Sabai Myaing |
16. |
Htin Htut |
17. |
Htay Htay Khine (Khaing) |
18. |
Sandar Tun |
19. |
Aung Zaw Naing |
20. |
Mi Mi Khaing |
21. |
Moe Mya Mya |
22. |
Thurane Aung a.k.a. Christopher Aung, Thurein Aung |
23. |
Khin Phyone |
24. |
Nyunt Nyunt Oo |
25. |
Myint Myint Aye |
26. |
Min Thein a.k.a. Ko Pauk |
27. |
Tin Tin Latt |
28. |
Wut Yi Oo |
29. |
Capitain Htun Zaw Win |
30. |
Yin Thu Aye |
31. |
Yi Phone Zaw |