Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0147

    Regolament ta’ Implimentazzjoni tal-Kummissjoni (UE) Nru 147/2012 tal- 20 ta’ Frar 2012 li jemenda r-Regolament (UE) Nru 65/2011 li jistabbilixxi regoli dettaljati għall-implimentazzjoni tar-Regolament (KE) Nru 1698/2005, dwar l-implimentazzjoni ta’ proċeduri ta’ kontroll kif ukoll kundizzjonalità fir-rigward ta’ miżuri ta’ appoġġ għall-iżvilupp rurali

    ĠU L 48, 21.2.2012, p. 7–8 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 31/12/2014; Imħassar b' 32014R0640

    ELI: http://data.europa.eu/eli/reg_impl/2012/147/oj

    Date of document:
    20/02/2012
    Date of effect:
    28/02/2012; Dħul fis-seħħ Data tal-pubblikazzjoni +7 Ara Art. 2
    Date of end of validity:
    31/12/2014; Imħassar b' 32014R0640
    Author:
    Il-Kummissjoni Ewropea
    Form:
    Regolament implimentattiv
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32011R0065 Żieda artikolu 17.3 TR 28/02/2012
    Modifies 32011R0065 abolizzjoni artikolu 17 .5 L3 sentenza 2 28/02/2012
    Modifies 32011R0065 abolizzjoni artikolu 6.2 punt B) 28/02/2012
    Modifies 32011R0065 Sostituzzjoni artikolu 22 inċiż 6 28/02/2012
    Modifies 32011R0065 Żieda artikolu 2 punt D) 28/02/2012
    Modifies 32011R0065 Sostituzzjoni artikolu 31 punt A)II) 28/02/2012
    Modifies 32011R0065 abolizzjoni artikolu 17 .7 L2 sentenza 2 28/02/2012
    Modifies 32011R0065 Żieda artikolu 17 .8 28/02/2012
    Modifies 32011R0065 Sostituzzjoni artikolu 17.3 L1 28/02/2012
    Modifies 32011R0065 abolizzjoni artikolu 6.2 punt A) 28/02/2012
    Modifies 32011R0065 Żieda artikolu 17.3 BI 28/02/2012
    Modifies 32011R0065 Żieda artikolu 2 punt E) 28/02/2012
    Modified by:
    Relation Act Comment Subdivision concerned From To
    Repealed by 32014R0640
    Instruments cited:
    Link

    21.2.2012   

    MT

    Il-Ġurnal Uffiċjali tal-Unjoni Ewropea

    L 48/7

    REGOLAMENT TA’ IMPLIMENTAZZJONI TAL-KUMMISSJONI (UE) Nru 147/2012

    tal-20 ta’ Frar 2012

    li jemenda r-Regolament (UE) Nru 65/2011 li jistabbilixxi regoli dettaljati għall-implimentazzjoni tar-Regolament (KE) Nru 1698/2005, dwar l-implimentazzjoni ta’ proċeduri ta’ kontroll kif ukoll kundizzjonalità fir-rigward ta’ miżuri ta’ appoġġ għall-iżvilupp rurali

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KE) Nru 1698/2005 tal-20 ta’ Settembru 2005 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) (1), u b’mod partikolari l-Artikoli 51(4), 74(4) u 91 tiegħu,

    Billi:

    (1)

    L-Artikolu 6(2) tar-Regolament tal-Kummissjoni (UE) Nru 65/2011 (2) fih definizzjonijiet li, skont it-test ta’ dak l-Artikolu, għandhom japplikaw biss għat-Titolu I tal-Parti II ta’ dak ir-Regolament. Madankollu, it-termini “miżuri relatati maż-żona” u “miżuri relatati mal-annimali” jidhru mar-Regolament kollu. Għalhekk dawk it-termini għandhom jiġu inklużi fil-lista ta’ definizzjonjiet stipulati fl-Artikolu 2 tar-Regolament.

    (2)

    Għal raġunijiet ta’ konsistenza, fl-Artikolu 31(a)(ii) tar-Regolament (UE) Nru 65/2011, it-terminu “appoġġ relatat maż-żona” għandu jiġi sostitwit mit-terminu “miżuri relatati maż-żona”.

    (3)

    Ir-Regolament tal-Kummissjoni (KE) Nru 1122/2009 tat-30 ta’ Novembru 2009 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 73/2009 fir-rigward tal-kundizzjonalità, il-modulazzjoni u s-sistema integrata ta’ amministrazzjoni u kontroll, skont l-iskemi ta’ appoġġ għall-bdiewa previsti għal dak ir-Regolament, kif ukoll għall-implimentazzjoni tar-Regolament tal-Kunsill (KE) Nru 1234/2007 fir-rigward tal-kundizzjonalità skont l-iskema ta’ appoġġ prevista għas-settur tal-inbid (3) ġie emendat biex jiġu mtejba u ssimplifikati ċerti regoli ta’ kontroll fir-rigward ta’ pagamenti relatati mal-annimali. Għal raġunijiet ta’ konsistenza mal-kontrolli għall-miżuri relatati mal-annimali skont ir-Regolament (UE) Nru 65/2011, f’dak ir-Regolament għandhom jiġu inklużi regoli korrispondenti.

    (4)

    Skont l-Artikolu 17(3) tar-Regolament (UE) Nru 65/2011, annimal bovin li jkun tilef tikketta tal-widna waħda jew tnejn għandu jitqies li huwa parti mill-annimali stabbiliti sakemm jiġi identifikat b’mod ċar u individwalment mill-elementi l-oħra tas-sistema għall-identifikazzjoni u r-reġistrazzjoni tal-annimali bovini. Is-sistema għall-identifikazzjoni u r-reġistrazzjoni tal-annimali bovini hija stabbilita sew b’mod ġenerali. Għalhekk, fejn annimal bovin wieħed tilef iż-żewġ tikketti tal-widna u l-identità tiegħu tista’ tiġi stabbilita mingħajr ebda dubju, dan l-annimal għandu jiġi inkluż ukoll fl-għadd ta’ annimali stabbiliti u għandu jkun eleġibbli għall-pagament. Madankollu, dan għandu japplika biss jekk il-bidwi ħa miżuri biex jirrimedja s-sitwazzjoni qabel ma titħabbar il-verifika fuq il-post u, sabiex ikun evitat kull riskju ta’ pagamenti irregolari, l-applikazzjoni ta’ din ir-regola għandha tkun limitata għal annimal wieħed.

    (5)

    Ġiet stabbilita sistema ġdida u mtejba għall-identifikazzjoni ta’ annimali ovini u kaprini skont ir-Regolament tal-Kunsill (KE) Nru 21/2004 tas-17 ta’ Diċembru 2003 li jistabbilixxi sistema għall-identifikazzjoni u r-reġistrazzjoni tal-annimali ovini u kaprini u li jemenda r-Regolament (KE) Nru 1782/2003 u d-Direttivi 92/102/KEE u 64/432/KEE (4). Għalhekk, fl-Artikolu 17 tar-Regolament (UE) Nru 65/2011 għandha tiġi inkluża dispożizzjoni simili għall-annimali ovini u kaprini ddikjarati għall-pagament.

    (6)

    Skont l-Artikolu 7(1) tar-Regolament (UE) Nru 65/2011, l-Artikolu 16 tar-Regolament (KE) Nru 1122/2009 japplika mutatis mutandis għall-finijiet tat-Titolu I tal-Parti II tar-Regolament (UE) Nru 65/2011. Filwaqt li skont it-tieni subparagrafu tal-Artikolu 16(1) tar-Regolament (KE) Nru 1122/2009, il-benefiċjarji ta’ miżuri relatati ma’ annimali huma meħtieġa li jinfurmaw lill-aworitajiet kompetenti dwar kull tibdil ta’ fejn jinżammu l-annimali matul il-perjodu ta’ żamma, għandu jkun ċar il-fatt li jekk wieħed jonqos milli jagħmel dan ma jfissirx li se jkun hemm penalitajiet sakemm l-annimali kkonċernati jinstabu b’mod immedjat ġewwa l-ażjenda matul il-verifika fuq il-post.

    (7)

    Fir-rigward tar-regoli dwar it-tnaqqis u l-esklużjonijiet stipulati fl-Artikolu 17 tar-Regolament (UE) Nru 65/2011 u l-ordni tat-tnaqqis stipulat fl-Artikolu 22 ta’ dak ir-Regolament, għandu jkun ċar li l-għoti ta’ kumpens skont ir-Regolament tal-Kummissjoni (KE) Nru 885/2006 (5) għandu dejjem jitwettaq l-aħħar ħaġa fl-ordni tat-tnaqqis skont l-Artikolu 22 tar-Regolament (UE) Nru 65/2011. L-Artikoli 17 u 22 ta’ dak ir-Regolament għandhom għalhekk jiġu emendati skont dan.

    (8)

    Għaldaqstant, ir-Regolament (UE) Nru 65/2011 għandu jiġi emendat skont dan.

    (9)

    Il-miżuri pprovduti f’dan ir-Regolament huma konformi mal-opinjoni tal-Kumitat għall-Iżvilupp Rurali,

    ADOTTAT DAN IR-REGOLAMENT:

    Artikolu 1

    Ir-Regolament (UE) Nru 65/2011 huwa emendat kif ġej:

    (1)

    Fl-Artikolu 2, jiżdiedu d-definizzjonijiet li ġejjin:

    ‘(d)

    “Miżuri relatati maż-żona” tfisser miżuri jew sottomiżuri li għalihom l-appoġġ jiġi bbażat fuq id-daqs taż-żona ddikjarata;

    (e)

    “Miżuri relatati mal-annimali” tfisser miżuri jew sottomiżuri li l-appoġġ għalihom huwa bbażat fuq l-għadd ta’ annimali ddikjarati.’

    (2)

    Fl-Artikolu 6(2) għandhom jitħassru l-punti (a) u (b).

    (3)

    L-Artikolu 17 huwa emendat kif ġej:

    (a)

    Fil-paragrafu 3, l-ewwel subparagrafu għandu jinbidel b’dan li ġej:

    ‘3.   Annimal bovin li jkun tilef tikketta tal-widna waħda jew tnejn għandu jitqies li huwa parti mill-annimali stabbiliti sakemm jiġi identifikat b’mod ċar u individwalment mill-elementi l-oħra tas-sistema għall-identifikazzjoni u r-reġistrazzjoni tal-annimali bovini. Barra minn hekk, fejn annimal bovin wieħed ta’ ażjenda jitlef żewġ tikketti tal-widna għandu jitqies li huwa parti mill-annimali stabbiliti sakemm dak l-annimal għadu jista’ jiġi identifikat mir-reġistru, il-passaport tal-annimal, id-dejtabejż jew mezzi oħra stipulati fir-Regolament (KE) Nru 1760/2000 tal-Parlament Ewropew u tal-Kunsill (*) u sakemm min hu responsabbli miż-żamma tiegħu jista’ jipprovdi evidenza li diġà kien ħa azzjoni sabiex jirrimedja s-sitwazzjoni qabel ma tħabbret il-verifika fuq il-post.

    (*)  ĠU L 204, 11.8.2000, p. 1.’"

    (b)

    Il-paragrafi li ġejjin huma mdaħħla:

    ‘3a.   Annimal ovin jew kaprin li tilef tikketta tal-widna waħda għandu jitqies li huwa parti mill-annimali stabbiliti sakemm dak l-annimal għadu jista’ jiġi identifikat bl-ewwel mezz ta’ identifikazzjoni skont l-Artikolu 4(2)(a) tar-Regolament tal-Kunsill (KE) Nru 21/2004 (**) u sakemm ir-rekwiżiti l-oħra kollha tas-sistema għall-identifikazzjoni u r-reġistrazzjoni ta’ annimali ovini u kaprini jkunu ssodisfati.

    3b.   Meta benefiċjarju jonqos milli jinforma lill-awtoritajiet kompetenti skont it-tieni subparagrafu tal-Artikolu 16(1) tar-Regolament (KE) Nru 1122/2009 li l-annimali ttieħdu f’post ieħor matul il-perjodu taż-żamma, l-annimali kkonċernati għandhom jitqiesu li huma parti mill-annimali stabbiliti jekk l-annimali instabu b’mod immedjat fl-ażjenda matul il-verifika fuq il-post.

    (**)  ĠU L 5, 9.1.2004, p. 8.’"

    (c)

    Fit-tielet subparagrafu tal-paragrafu 5, it-tieni sentenza għandha titħassar;

    (d)

    Fit-tieni subparagrafu tal-paragrafu 7, it-tieni sentenza għandha titħassar;

    (e)

    Il-paragrafu li ġej għandu jiddaħħal:

    ‘8.   L-ammont li jirriżulta mill-esklużjonijiet stipulati fit-tielet subparagrafu tal-paragrafu 5 u t-tieni subparagrafu tal-paragrafu 7 ta’ dan l-Artikolu għandu jiġi kkumpensat skont l-Artikolu 5b tar-Regolament tal-Kummissjoni (KE) Nru 885/2006. Jekk l-ammont ma jistax jiġi kkumpensat kompletament skont dak l-Artikolu matul it-tliet snin kalendarji li jsegwu s-sena kalendarja tas-sejba, il-bilanċ dovut għandu jiġi mħassar.’

    (4)

    Fl-Artikolu 22, is-sitt inċiż huwa sostitwit b’dan li ġej:

    ‘—

    fl-aħħar, skont l-Artikolu 16(7) u 17(8) ta’ dan ir-Regolament.’

    (5)

    Fl-Artikolu 31(a), il-punt (ii) għandu jiġi sostitwit b’dan li ġej:

    ‘(ii)

    għall-miżuri relatati maż-żona, iż-żona totali maqsuma skont l-iskema ta’ għajnuna individwali;’.

    Artikolu 2

    Dan ir-Regolament għandu jidħol fis-seħħ fis-seba’ jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-20 ta’ Frar 2012.

    Għall-Kummissjoni

    Il-President

    José Manuel BARROSO

    (1)  ĠU L 277, 21.10.2005, p. 1.

    (2)  ĠU L 25, 28.1.2011, p. 8.

    (3)  ĠU L 316, 2.12.2009, p. 65.

    (4)  ĠU L 5, 9.1.2004, p. 8.

    (5)  ĠU L 171, 23.6.2006, p. 90.

    Top