EUR-Lex Access to European Union law
This document is an excerpt from the EUR-Lex website
Document 32011D0385
2011/385/EU: Commission Decision of 28 June 2011 on the recognition of Ecuador pursuant to Directive 2008/106/EC of the European Parliament and of the Council as regards the systems for the training and certification of seafarers (notified under document C(2011) 4440) Text with EEA relevance
2011/385/UE: Deċiżjoni tal-Kummissjoni tat- 28 ta’ Ġunju 2011 dwar ir-rikonoxximent tal-Ekwador skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi għat-taħriġ u ċ-ċertifikazzjoni tal-baħħara (notifikata bid-dokument numru C(2011) 4440) Test b’relevanza għaż-ŻEE
2011/385/UE: Deċiżjoni tal-Kummissjoni tat- 28 ta’ Ġunju 2011 dwar ir-rikonoxximent tal-Ekwador skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi għat-taħriġ u ċ-ċertifikazzjoni tal-baħħara (notifikata bid-dokument numru C(2011) 4440) Test b’relevanza għaż-ŻEE
ĠU L 170, 30.6.2011, p. 38–38
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
30.6.2011 |
MT |
Il-Ġurnal Uffiċjali tal-Unjoni Ewropea |
L 170/38 |
DEĊIŻJONI TAL-KUMMISSJONI
tat-28 ta’ Ġunju 2011
dwar ir-rikonoxximent tal-Ekwador skont id-Direttiva 2008/106/KE tal-Parlament Ewropew u tal-Kunsill fir-rigward tas-sistemi għat-taħriġ u ċ-ċertifikazzjoni tal-baħħara
(notifikata bid-dokument numru C(2011) 4440)
(Test b’relevanza għaż-ŻEE)
(2011/385/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2008/106/KE tal-Parlament Ewropew u tal-Kunsill tad-19 ta’ Novembru 2008 dwar il-livell minimu ta’ taħriġ tal-baħħara (1), u b’mod partikolari l-ewwel subparagrafu l-Artikolu 19(3) tagħha,
Wara li kkunsidrat it-talba magħmula minn Spanja fl-14 ta’ Frar 2006,
Billi:
(1) |
Skont id-Direttiva 2008/106/KE l-Istati Membri jistgħu jiddeċiedu li jaċċettaw iċ-ċertifikati xierqa tal-baħħara li jkunu ġew minn pajjiżi terzi, sakemm dak il-pajjiż terz ikkonċernat ikun rikonnoxxut mill-Kummissjoni. Dawk il-pajjiżi terzi għandhom jissodisfaw ir-rekwiżiti kollha tal-Organizzazzjoni Marittima Internazzjonali (IMO) il-Konvenzjoni dwar l-Istandards għat-Taħriġ, iċ-Ċertifikazzjoni u l-Għassa tal-baħħara, 1978 (il-Konvenzjoni STCW) (2) kif ġiet riveduta fl-1995. |
(2) |
Permezz ta' ittra tal-14 ta' Frar 2006, Spanja ressqet talba għar-rikonoxximent tal-Ekwador. Wara t-talba ta' Spanja, il-Kummissjoni vvalutat, it-taħriġ u s-sistemi ta' ċertifikazzjoni fl-Ekwador sabiex tivverifika jekk dan il-pajjiż jikkonformax mar-rekwiżiti tal-Konvenzjoni STCW u jekk ittiħdux miżuri xierqa biex ikunu evitati l-frodi fil-ħruġ taċ-ċertifikati. Dik il-valutazzjoni kienet ibbażata fuq ir-riżultati ta' spezzjoni li għamlu l-esperti tal-Aġenzija Ewropea għas-Sigurtà Marittima f'Lulju 2007. Matul dik l-ispezzjoni, ġew identifikati ċerti nuqqassijiet fit-taħriġ u s-sistemi ta' ċertifikazzjoni. |
(3) |
Il-Kummissjoni pprovdiet lill-Istati Membri rapport dwar ir-riżultati tal-valutazzjoni. |
(4) |
Permezz ta' ittra tat-18 ta' Marzu 2009, il-Kummissjoni talbet lill-Ekwador biex jipprovdi provi li juru li n-nuqqassijiet li kienu identifikati ġew ikkoreġuti. |
(5) |
Permezz tal-ittri tat-8 ta' Mejju 2009, u tal-20 ta’ Mejju 2009, l-Ekwador pprovda l-informazzjoni mitluba u l-provi dwar l-implimentazzjoni tal-azzjoni korrettiva xierqa u suffiċjenti biex jiġu indirizzati n-nuqqasijiet kollha identifikati matul il-valutazzjoni ta' konformità; |
(6) |
Ir-riżultat tal-valutazzjoni tal-konformità u l-evalwazzjoni tal-informazzjoni pprovdut mill-Ekwador juru li l-Ekwador jissodisfa r-rekwiżiti kollha tal-Konvenzjoni STCW, u ħa l-miżuri xierqa biex ikunu evitati l-frodi fil-ħruġ taċ-ċertifikati. Għaldaqstant, għandu jiġi rikonoxxut mill-Kummissjoni. |
(7) |
Il-miżuri previsti f’din id-Deċiżjoni huma skont l-opinjoni tal-Kumitat dwar Ibħra Sikuri u l-Prevenzjoni ta' Tniġġis minn Vapuri, |
ADOTTAT DIN ID-DEĊIŻJONI:
Artikolu 1
Għall-finijiet tal-Artikolu 19 tad-Direttiva 2008/106/KE L-Ekwador hu rikonoxxut fir-rigward tas-sistemi għat-taħriġ u ċ-ċertifikazzjoni tal-baħħara.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-28 ta’ Ġunju 2011.
Għall-Kummissjoni
Siim KALLAS
Viċi-President
(1) ĠU L 323, 3.12.2008, p. 33.
(2) Adottata mill-Organizzazzjoni Marittima Internazzjonali.