Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32010L0034

    Direttiva tal-Kummissjoni 2010/34/UE tal- 31 ta’ Mejju 2010 li temenda l-Anness I tad-Direttiva tal-Kunsill 91/414/KEE fir-rigward tal-estensjoni tal-użu tas-sustanza attiva penconazole (Test b’relevanza għaż-ŻEE)

    ĠU L 134, 1.6.2010, p. 73–74 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document No longer in force, Date of end of validity: 13/06/2011; Impliċitament imħassar minn 32009R1107

    ELI: http://data.europa.eu/eli/dir/2010/34/oj

    Date of document:
    31/05/2010
    Date of effect:
    02/06/2010; Dħul fis-seħħ Data tal-pubblikazzjoni + 1 Ara Art. 3
    Date of transposition:
    30/06/2010; L-aktar tard Ara Art. 2
    Date of end of validity:
    13/06/2011; Impliċitament imħassar minn 32009R1107
    Author:
    Il-Kummissjoni Ewropea
    Form:
    Direttiva
    Addressee:
    Is-sebgħa u għoxrin Stat Membru: il-Belġju, il-Bulgarija, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, il-Pajjiżi l-Baxxi, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Isvezja, ir-Renju Unit
    Additional information:
    Rilevanza għaż-ŻEE, Id-Direttiva li temenda
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 31991L0414 Emenda anness 1 02/06/2010
    Modified by:
    Relation Act Comment Subdivision concerned From To
    Implicitly repealed by 32009R1107 14/06/2011
    Instruments cited:
    Link

    1.6.2010   

    MT

    Il-Ġurnal Uffiċjali tal-Unjoni Ewropea

    L 134/73

    DIRETTIVA TAL-KUMMISSJONI 2010/34/UE

    tal-31 ta’ Mejju 2010

    li temenda l-Anness I tad-Direttiva tal-Kunsill 91/414/KEE fir-rigward tal-estensjoni tal-użu tas-sustanza attiva penconazole

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (1), u b’mod partikolari l-Artikolu 6(1) tagħha,

    Billi:

    (1)

    Skont id-Direttiva tal-Kummissjoni 2009/77/KE (2), il-penconazole ġie inkluż bħala sustanza attiva fl-Anness I tad-Direttiva 91/414/KEE, bid-dispożizzjoni speċifika li l-Istati Membri jistgħu jawtorizzaw biss l-użi fis-serer u li n-notifikatur għandu jibgħat iktar informazzjoni dwar l-imġiba tal-metabolit tal-ħamrija U1, u xi jsir minnu, sal-31 ta’ Diċembru 2011.

    (2)

    Fis-6 ta’ Mejju 2009, in-notifikatur bagħat l-informazzjoni meħtieġa lill-Ġermanja, li kienet maħtura bħala l-Istat Membru relatur skont ir-Regolament (KE) Nru 451/2000 (3). Il-Ġermanja evalwat l-informazzjoni addizzjonali u, fis-6 ta’ Novembru 2009, bagħtet lill-Kummissjoni addendum għall-abbozz tar-rapport tal-evalwazzjoni dwar il-penconazole, li kien iċċirkolat għall-kummenti lill-Istati Membri l-oħra u lill-Awtorità Ewropea għas-Sigurtà fl-Ikel (EFSA). Fil-kummenti li waslu ma tqajmux oġġezzjonijiet kbar u l-Istati Membri l-oħra u l-EFSA ma semmew ebda punt li jista’ jeskludi l-estensjoni tal-użu. L-abbozz tar-rapport tal-evalwazzjoni, flimkien ma’ dak l-addendum, ġie rivedut mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ġie ffinalizzat fil-11 ta’ Mejju 2010 fil-format tar-rapport ta’ reviżjoni tal-Kummissjoni għall-penconazole.

    (3)

    L-informazzjoni l-ġdida dwar l-imġiba tal-metabolit U1, u xi jsir minnu, mibgħuta min-notifikatur u l-evalwazzjoni l-ġdida mwettqa mill-Istat Membru relatur indika li l-prodotti għall-protezzjoni tal-pjanti li fihom il-penconazole jistgħu jkunu mistenija, b’mod ġenerali, li jissodisfaw ir-rekwiżiti stipulati fl-Artikolu 5(1)(a) u (b) tad-Direttiva 91/414/KEE, partikolarment għall-użi intenzjonati kif stipulat fid-dossier oriġinali li ġew eżaminati u analizzati fid-dettall fir-rapport tar-reviżjoni tal-Kummissjoni. Għaldaqstant, ma għadx baqa’ l-bżonn li l-użu tal-penconazole jiġi ristrett għas-serer, kif inhu stipulat fid-Direttiva 91/414/KEE kif emendata mid-Direttiva 2009/77/KE.

    (4)

    Bla ħsara għal din il-konklużjoni, jixraq li jinkiseb iktar tagħrif dwar ċerti punti speċifiċi. L-Artikolu 6(1) tad-Direttiva 91/414/KE jistipula li l-inklużjoni ta’ sustanza fl-Anness I tista’ tiġi suġġetta għal xi kundizzjonijiet. Għalhekk, jixraq li n-notifikatur jiġi mitlub jibgħat iktar informazzjoni dwar l-imġiba tal-metabolit tal-ħamrija CGA179944, u xi jsir minnu, f’ħamrija aċidika.

    (5)

    Għaldaqstant, jixraq li d-Diretttiva 91/414/KEE tiġi emendata skont dan.

    (6)

    Il-miżuri stipulati f’din id-Direttiva huma skont l-opinjoni tal-Kumitat Permanenti fuq il-Katina Alimentari u s-Saħħa tal-Annimali,

    ADOTTAT DIN ID-DIRETTIVA:

    Artikolu 1

    L-Anness I tad-Direttiva 91/414/KEE huwa emendat kif stipulat fl-Anness ta’ din id-Direttiva.

    Artikolu 2

    L-Istati Membri għandhom jadottaw u jippubblikaw, qabel it-30 ta’ Ġunju 2010, il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva. Għandhom jgħaddu minnufih lill-Kummissjoni t-test ta’ dawn id-dispożizzjonijiet u tabella tal-korrelazzjoni bejn dawn id-dispożizzjonijiet u din id-Direttiva.

    Għandhom japplikaw dawn id-dispożizzjonijiet mill-1 ta’ Lulju 2010.

    Meta l-Istati Membri jadottaw dawn id-dispożizzjonijiet, dawn għandu jkollhom referenza għal din id-Direttiva jew għandhom ikunu akkumpanjati minn din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif trid issir din ir-referenza.

    Artikolu 3

    Din id-Direttiva għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Artikolu 4

    Din id-Direttiva hi indirizzata lill-Istati Membri.

    Magħmul fi Brussell, il-31 ta’ Mejju 2010.

    Għall-Kummissjoni

    Il-President

    José Manuel BARROSO

    (1)  ĠU L 230, 19.8.1991, p. 1.

    (2)  ĠU L 172, 2.7.2009, p. 23.

    (3)  ĠU L 55, 29.2.2000, p. 25.

    ANNESS

    Fl-Anness I tad-Direttiva 91/414/KEE, il-kolonna “Dispożizzjonijiet speċifiċi” tar-ringiela 292 hija emendata kif ġej:

    (1)

    Il-Parti A tinbidel b’dan li ġej:

    “PARTI A

    L-użu bħala fungiċida biss jista’ jiġi awtorizzat.”

    (2)

    Fir-raba’ paragrafu tal-Parti B tal-ewwel sentenza:

    “L-Istati Membri kkonċernati għandhom jitolbu li tingħata iktar informazzjoni dwar id-destin u l-imġiba tal-metabolit tal-ħamrija U1.”

    għandu jinbidel bi:

    “L-Istati Membri kkonċernati għandhom jitolbu li tingħata iktar informazzjoni dwar l-imġiba tal-metabolit tal-ħamrija CGA179944, u xi jsir minnu, fil-ħamrija aċidika.”
    Top