This document is an excerpt from the EUR-Lex website
Document 32010D0228
2010/228/: Commission Decision of 21 April 2010 authorising the placing on the market of puree and concentrate of the fruits of Morinda citrifolia as a novel food ingredient under Regulation (EC) No 258/97 of the European Parliament and of the Council (notified under document C(2010) 2397)
2010/228/: Deċiżjoni tal-Kummissjoni tal- 21 ta’ April 2010 li tawtorizza t-tqegħid fis-suq ta’ polpa u konċentrat tal-frott Morinda citrifolia bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2010) 2397)
2010/228/: Deċiżjoni tal-Kummissjoni tal- 21 ta’ April 2010 li tawtorizza t-tqegħid fis-suq ta’ polpa u konċentrat tal-frott Morinda citrifolia bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument numru C(2010) 2397)
ĠU L 102, 23.4.2010, p. 49–51
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 21/04/2010
- Date of effect:
- 23/04/2010; Jidħol fis-seħħ Data tan-notifika
- Date of notification:
- 23/04/2010; L-att ġie nnotifikat iżda d-data tan-notifika mhix disponibbli fil-EUR-Lex – minflok hi użata d-data tal-pubblikazzjoni
- Date of end of validity:
- No end date
- Author:
- Il-Kummissjoni Ewropea
- Responsible body:
- Directorate-General for Health and Food Safety
- Form:
- Deċiżjoni
- Addressee:
- TAHITIAN NONI INTERNATIONAL INC., 333 WEST RIVER PARK DRIVE, PROVO, UTAH 84604, ɔATS-UNIS
- Authentic language:
- Ingliż
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 31997R0258 - A07
- Link
- Link
- Link
- Select all documents mentioning this document
- Link
- EUROVOC descriptor:
- Subject matter:
- Directory code:
|
23.4.2010 |
MT |
Il-Ġurnal Uffiċjali tal-Unjoni Ewropea |
L 102/49 |
DEĊIŻJONI TAL-KUMMISSJONI
tal-21 ta’ April 2010
li tawtorizza t-tqegħid fis-suq ta’ polpa u konċentrat tal-frott Morinda citrifolia bħala ingredjent ġdid tal-ikel skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument numru C(2010) 2397)
(It-test bl-Ingliż biss huwa awtentiku)
(2010/228/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta’ Jannar 1997 dwar l-ikel ġdid u l-ingredjenti tal-ikel il-ġdid (1), u partikolarment l-Artikolu 7 tiegħu,
Billi:
|
(1) |
Fl-20 ta’ April 2006 Tahitian Noni International Inc. għamlet talba lill-awtoritajiet kompetenti tal-Belġju biex tqiegħed il-polpa u l-konċentrat tal-frott tal-Morinda citrifolia fis-suq bħala ingredjent ġdid għall-ikel. |
|
(2) |
Fit-28 ta’ Frar 2007, il-korp kompetenti għall-valutazzjoni tal-ikel tal-Belġju ħareġ l-ewwel rapport ta’ evalwazzjoni tiegħu. F’dak ir-rapport dan wasal għall-konklużjoni li l-użu tal-polpa u l-konċentrat tal-frott Morinda citrifolia bħala ingredjent alimentari kien aċċettabbli. |
|
(3) |
Il-Kummissjoni għaddiet dan l-ewwel rapport ta’ evalwazzjoni lill-Istati Membri kollha nhar it-28 ta’ Marzu 2007. |
|
(4) |
Fi żmien il-perjodu ta’ 60 jum stipulat fl-Artikolu 6(4) tar-Regolament (KE) Nru 258/97, tressqu oġġezzjonijiet motivati għat-tqegħid fis-suq tal-prodott skont din id-dispożizzjoni. |
|
(5) |
Għalhekk, l-Awtorità Ewropea dwar is-Sikurezza Alimentari (l-EFSA) ġiet ikkonsultata fis-7 ta’ Novembru 2007. |
|
(6) |
Fit-13 ta’ Marzu 2009, l-EFSA fl-“Opinjoni Xjentifika tal-Bord fuq in-Nutriment u l-Allerġiji tal-Prodotti tad-Dieta fuq talba mill-Kummissjoni Ewropea dwar is-sigurtà tal-polpa u l-konċentrat tal-frott ‘Morinda citrifolia (Noni)’ ” bħala ingredjent tal-ikel ġdid waslet għall-konklużjoni li l-polpa u l-konċentrat tal-frott Noni kien sigur għall-popolazzjoni ġenerali. |
|
(7) |
Fuq il-bażi tal-evalwazzjoni xjentifika, ġie stabbilit li l-polpa u l-konċentrat tal-frott Morinda citrifolia (Noni) jikkonformaw mal-kriterji stipulati fl-Artikolu 3(1) tar-Regolament (KE) Nru 258/97. |
|
(8) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-polpa u l-konċentrat tal-frott Morinda citrifolia (Noni) kif speċifikat fl-Anness I jista’ jitqiegħed fis-suq tal-Unjoni bħala ingredjent alimentari ġdid għall-użi mniżżla fl-Anness II.
Artikolu 2
L-isem tal-polpa tal-frott Morinda citrifolia awtorizzat minn din id-Deċiżjoni dwar l-ittikkettjar tal-oġġetti tal-ikel li fihom din il-polpa għandu jkun “polpa tal-frott Morinda citrifolia” jew “polpa tal-frott Noni”.
L-isem tal-konċentrat tal-frott Morinda citrifolia awtorizzat minn din id-Deċiżjoni dwar l-ittikkettjar tal-oġġetti tal-ikel li fihom dan il-konċentrat għandu jkun “konċentrat tal-frott Morinda citrifolia” jew “konċentrat tal-frott Noni”.
Artikolu 3
Din id-Deċiżjoni hija indirizzata lil Tahitian Noni International Inc., 333 West River Park Drive, Provo, Utah 84604, l-Istati Uniti tal-Amerika.
Magħmul fi Brussell, il-21 ta’ April 2010.
Għall-Kummissjoni
John DALLI
Membru tal-Kummissjoni
ANNESS I
Speċifikazzjonijiet tal-polpa u l-konċentrat tal-frott Morinda citrifolia
Deskrizzjoni:
Il-frott Morinda citrifolia nħasad bl-idejn. Iż-żerriegħa u l-qoxra jinfirdu b’mod mekkaniku mill-frott f’polpa. Wara l-pasturizzazzjoni, il-polpa tiġi ppakkjata f’kontenituri li mhumiex settiċi u maħżuna f’kundizzjonijiet kesħin.
Il-konċentrat tal-Morinda citrifolia jitħejja mill-polpa tal-M. citrifolia permezz ta’ trattament b’enżimi pektinolitiċi (50-60 °Ċ għal siegħa-sagħtejn). Imbagħad il-polpa tissaħħan biex tmewwet il-pectinases imbagħad titkessaħ mill-ewwel. Il-meraq jinfired f’karaffa ċentrifuga. Wara, il-meraq jinġabar u jiġi pasturizzat, qabel ma jiġi kkonċentrat f’evaporatur vakwu minn brix ta’ 6 sa 8 għal brix ta’ 49 sa 51 fil-konċentrat finali.
|
Kompożizzjoni tal-polpa u l-konċentrat tal-frott Morinda citrifolia |
||
|
Indewwa |
89 – 93 % |
48 – 53 % |
|
Proteina |
< 0,6 g/100 g |
3 – 3,5 g/100 g |
|
Xaħam |
< 0,2 g/100 g |
< 0,04 g/100 g |
|
Irmied |
< 1 g/100 g |
4,5 – 5 g/100 g |
|
Karboidrati totali |
5 – 10 g/100 g |
37 – 45 g/100 g |
|
Fruttosi |
0,5 – 2 g/100 g |
9 – 11 g/100 g |
|
Glukożju |
0,5 – 2 g/100 g |
9 – 11 g/100 g |
|
Fibra tad-dieta |
1,5 – 3 g/100 g |
1,5 – 5 g/100 g |
|
5,15-dimethylmorindol (*) |
0,19 – 0,20 μg/mL |
0,11 – 0,77 μg/mL |
|
Lucidin (*) |
Ma jistax jinstab |
Ma jistax jinstab |
|
Alizarin (*) |
Ma jistax jinstab |
Ma jistax jinstab |
|
Rubiadin (*) |
Ma jistax jinstab |
Ma jistax jinstab |
(*) Permezz ta’ metodu HPLC-UV żviluppat u vvalidat mill-applikant għall-analiżi ta’ antrakinoni fil-polpa u l-konċentrat tal-Morinda citrifolia
Il-limiti ta’ detezzjoni: 2,5 ng/mL (5,15 dimethylmorindol); 50,0 ng/mL (lucidin); 6,3 ng/mL (alizarin) u 62,5 ng/mL (rubiadin).
ANNESS II
Użi tal-polpa u l-konċentrat tal-frott Morinda citrifolia
|
Grupp ta’ Użu |
Livell ta’ użu massimu tal-frott Morinda citrifolia |
|
|
polpa |
konċentrat |
|
|
Ħelu |
45 g/100 g |
10 g/100 g |
|
Bars taċ-ċereali |
53 g/100 g |
12 g/100 g |
|
Taħlitiet tax-xorb nutrittiv bi trab (piż xott) |
53 g/100 g |
12 g/100 g |
|
Xorb bil-karbonat |
11 g/100 g |
3 g/100 g |
|
Ġelat u sorbet |
31 g/100 g |
7 g/100 g |
|
Jogurt |
12 g/100 g |
3 g/100 g |
|
Biskuttini |
53 g/100 g |
12 g/100 g |
|
Pannozzi, kejkijiet u pastini |
53 g/100 g |
12 g/100 g |
|
Ċereali għall-fatra (qamħ sħiħ) |
88 g/100 g |
20 g/100 g |
|
Ġammijiet u ġelijiet (preżervati tal-frott) |
(*) 133 g/100 g |
30 g/100 g |
|
Pejst tal-ħelu, mili u ġelu |
31 g/100 g |
7 g/100 g |
|
Zlazi mħawwra, pikles, grejvi u kondimenti |
88 g/100 g |
20 g/100 g |
|
Supplimenti tal-ikel (skont id-Direttiva 2002/46/KE tal-Parlament Ewropew u tal-Kunsill (1)) |
26 g f’kull doża ta’ kuljum kif rakkomandat mill-manifattur |
6 g f’kull doża ta’ kuljum kif rakkomandat mill-manifattur |
(*) Imsejjes fuq il-kwantità ta’ qabel l-ipproċessar biex jiġi magħmul prodott finali ta’ 100 g.
