This document is an excerpt from the EUR-Lex website
Document 32009R0676
Commission Regulation (EC) No 676/2009 of 27 July 2009 opening an invitation to tender for the reduction in the duty on maize imported into Spain from third countries
Regolament tal-Kummissjoni (KE) Nru 676/2009 tas- 27 ta’ Lulju 2009 dwar il-ftuħ ta’ sejħa għall-offerti għat-tnaqqis tad-dazji tal-importazzjoni fi Spanja tal-qamħirrum minn pajjiżi terzi
Regolament tal-Kummissjoni (KE) Nru 676/2009 tas- 27 ta’ Lulju 2009 dwar il-ftuħ ta’ sejħa għall-offerti għat-tnaqqis tad-dazji tal-importazzjoni fi Spanja tal-qamħirrum minn pajjiżi terzi
ĠU L 196, 28.7.2009, p. 6–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/05/2010; Imħassar b' 32010R0462
Relation | Act | Comment | Subdivision concerned | From | To |
---|---|---|---|---|---|
Modified by | 32009R1292 | Deroga | artikolu 2 | 27/12/2009 | 27/05/2010 |
Repealed by | 32010R0462 |
28.7.2009 |
MT |
Il-Ġurnal Uffiċjali tal-Unjoni Ewropea |
L 196/6 |
REGOLAMENT TAL-KUMMISSJONI (KE) Nru 676/2009
tas-27 ta’ Lulju 2009
dwar il-ftuħ ta’ sejħa għall-offerti għat-tnaqqis tad-dazji tal-importazzjoni fi Spanja tal-qamħirrum minn pajjiżi terzi
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikolu 144 tiegħu, flimkien mal-Artikolu 4 tiegħu,
Billi:
(1) |
Skont l-obbligi internazzjonali tal-Komunità fil-kuntest tan-negozjati multilaterali taċ-ċiklu tal-Urugwaj (2), il-Komunità ħadet l-impenn li timporta fi Spanja ċerta kwantità ta’ qamħirrum, |
(2) |
Ir-Regolament tal-Kummissjoni (KE) Nru 1296/2008 tat-18 ta’ Diċembru 2008 dwar regoli dettaljati għall-applikazzjoni ta’ kwoti ta’ tariffi għall-importazzjoni ta’ qamħirrum u sorgu fi Spanja u importazzjoni ta’ qamħirrum fil-Portugall (3) stabbilixxa r-regoli dettaljati meħtieġa għall-implimentazzjoni tas-sejħiet għall-offerti. |
(3) |
Fid-dawl tal-qagħda tas-suq fi Spanja, jeħtieġ li tinfetaħ sejħa għall-offerti għat-tnaqqis tad-dazju tal-importazzjoni tal-qamħirrum, biex il-kwota tal-importazzjoni tintuża għal kollox. |
(4) |
Il-Kumitat ta’ Ġestjoni għall-Organizzazzjoni Komuni tas-Swieq Agrikoli ma ressaqx fehmtu fil-limitu taż-żmien stabbilit mill-President tiegħu, |
ADOTTAT DAN IR-REGOLAMENT:
Artikolu 1
1. Għandha ssir sejħa għal-offerti għat-tnaqqis tad-dazju msemmi fl-Artikolu 136 tar-Regolament (KE) Nru 1234/2007 għall-qamħirrum importat fi Spanja.
2. Għandhom japplikaw id-dispożizzjonijiet tar-Regolament (KE) Nru 1296/2008.
Artikolu 2
Is-sejħa għall-offerti hija miftuħa sas-17 ta’ Diċembru 2009. Matul il-perjodu tas-sejħa, għandhom isiru sejħiet parzjali li għalihom id-dati tat-tressiq tal-offerti huma ffissati bl-avviż tas-sejħa.
Artikolu 3
Il-liċenzji tal-importazzjoni maħruġa fil-kuntest ta’ din is-sejħa għall-offerti għandhom ikunu validi għal ħamsin jum mid-data li jinħarġu, skont it-tifsira tal-Artikolu 11(4) tar-Regolament (KE) Nru 1296/2008.
Artikolu 4
Dan ir-Regolament għandu jidħol fis-seħħ dakinhar tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Lulju 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1.
(2) ĠU L 336, 23.12.1994, p. 22.
(3) ĠU L 340, 19.12.2008, p. 57.