This document is an excerpt from the EUR-Lex website
Document 32009D0321
2009/321/EC: Commission Decision of 8 April 2009 setting a new deadline for the submission of dossiers for certain substances to be examined under the 10-year work programme referred to in Article 16(2) of Directive 98/8/EC of the European Parliament and of the Council (notified under document number C(2009) 2564) (Text with EEA relevance)
2009/321/KE: Deċiżjoni tal-Kummissjoni tat- 8 ta' April 2009 li tiffissa data ta’ skadenza ġdida għall-preżentazzjoni tad-dokumentazzjoni għal ċerti sustanzi li għandhom jiġu eżaminati skont il-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u l-Kunsill (notifikata taħt id-dokument numru C(2009) 2564) (Test b’relevanza għaż-ŻEE)
2009/321/KE: Deċiżjoni tal-Kummissjoni tat- 8 ta' April 2009 li tiffissa data ta’ skadenza ġdida għall-preżentazzjoni tad-dokumentazzjoni għal ċerti sustanzi li għandhom jiġu eżaminati skont il-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u l-Kunsill (notifikata taħt id-dokument numru C(2009) 2564) (Test b’relevanza għaż-ŻEE)
ĠU L 95, 9.4.2009, p. 42–43
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
9.4.2009 |
MT |
Il-Ġurnal Uffiċjali tal-Unjoni Ewropea |
L 95/42 |
DEĊIŻJONI TAL-KUMMISSJONI
tat-8 ta' April 2009
li tiffissa data ta’ skadenza ġdida għall-preżentazzjoni tad-dokumentazzjoni għal ċerti sustanzi li għandhom jiġu eżaminati skont il-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u l-Kunsill
(notifikata taħt id-dokument numru C(2009) 2564)
(Test b’relevanza għaż-ŻEE)
(2009/321/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq tal-prodotti bijoċidali (1), u b’mod partikolari t-tieni subparagrafu tal-Artikolu 16(2) tagħha,
Billi:
(1) |
Ir-Regolament tal-Kummissjoni (KE) Nru 1451/2007 tal-4 ta’ Diċembru 2007 dwar it-tieni fażi tal-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq tal-prodotti bijoċidali (2) jistabbilixxi lista ta’ sustanzi attivi li għandhom jiġu vvalutati, bil-għan li possibbilment ikunu inklużi fl-Anness I, IA jew IB għad-Direttiva 98/8/KE. |
(2) |
Għal għadd ta’ taħlitiet ta’ tipi ta’ sustanzi/prodotti inklużi f’dik il-lista, jew irtiraw il-parteċipanti kollha jew ma waslet l-ebda dokumentazzjoni fi żmien l-iskadenza speċifikata fl-Artikolu 9(2)(c) tar-Regolament (KE) Nru 1451/2007 mill-Istat Membru maħtur bħala r-Rapporteur għall-evalwazzjoni. |
(3) |
Konsegwentement, u skont l-Artikolu 11(2) tar-Regolament (KE) Nru 1451/2007, il-Kummissjoni għarrfet lill-Istati Membri dwar dan. Dak it-tagħrif kien ukoll ippubblikat b’mezzi elettroniċi fit-18 ta’ Jannar 2008. |
(4) |
Fi żmien tliet xhur mill-pubblikazzjoni elettronika ta’ dak it-tagħrif, intwera interess li jittieħed ir-rwol ta’ parteċipant għal uħud mis-sustanzi u t-tipi ta’ prodotti kkonċernati, skont l-Artikolu 12(1) tar-Regolament (KE) Nru 1451/2007. |
(5) |
Għalhekk għandha tiġi ffissata skadenza ġdida għall-preżentazzjoni tad-dokumentazzjoni għal dawn is-sustanzi u t-tipi ta’ prodotti skont it-tieni subparagrafu tal-Artikolu 12(3) ta’ dak ir-Regolament. |
(6) |
Il-miżuri stipulati f’din id-Deċiżjoni huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DEĊIŻJONI:
Artikolu 1
Għas-sustanzi u t-tipi ta’ prodotti mniżżlin fl-Anness, l-iskadenza l-ġdida għall-preżentazzjoni tad-dokumentazzjoni għandha tkun il-31 ta’ Mejju 2010.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, 8 ta’ April 2009.
Għall-Kummissjoni
Stavros DIMAS
Membru tal-Kummissjoni
(1) ĠU L 123, 24.4.1998, p. 1.
(2) ĠU L 325, 11.12.2007, p. 3.
ANNESS
SUSTANZI U TIPI TA’ PRODOTTI LI GĦALIHOM L-ISKADENZA L-ĠDIDA GĦALL-PREŻENTAZZJONI TAD-DOKUMENTAZZJONI HIJA L-31 TA’ MEJJU 2010.
Isem |
Numru tal-KE |
Numru CAS |
Tip ta’ prodott |
RMS |
Estratt tal-Margosa |
283-644-7 |
84696-25-3 |
19 |
DE |
Prodott tar-reazzjoni tal-adipat dimetil, tal-glutarat dimetil, tas-suċċinat dimetil mal-perossidu tal-idroġenu/mal-Perestan |
432-790-1 |
- |
4 |
HU |