This document is an excerpt from the EUR-Lex website
Document 32006R1984
Commission regulation (EC) No 1984/2006 of 20 December 2006 amending Regulation (EC) No 2535/2001 laying down detailed rules for applying Council Regulation (EC) No 1255/1999 as regards the import arrangements for milk and milk products and opening tariff quotas
Regolament tal-Kummissjoni (KE) Nru 1985/2006 tat- 22 ta’ Diċembru 2006 li jistabbilixxi regoli dettaljati għall-kalkolu ta' l-għajnuna mogħtija mill-Istati Membri lill-organizzazzjonijiet ta' produtturi fis-settur tas-sajd u l-akwakultura (Verżjoni kkodifikata)
Regolament tal-Kummissjoni (KE) Nru 1985/2006 tat- 22 ta’ Diċembru 2006 li jistabbilixxi regoli dettaljati għall-kalkolu ta' l-għajnuna mogħtija mill-Istati Membri lill-organizzazzjonijiet ta' produtturi fis-settur tas-sajd u l-akwakultura (Verżjoni kkodifikata)
ĠU L 387, 29.12.2006, p. 1–13
(EL, FR, IT, PT) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 387, 29.12.2006, p. 1–12
(ES, CS, DA, DE, ET, EN, LV, LT, HU, NL, PL, SK, SL, FI)
ĠU L 387, 29.12.2006, p. 1–14
(SV)
ĠU L 314M, 1.12.2007, p. 734–738
(MT)
No longer in force, Date of end of validity: 31/12/2020; Impliċitament imħassar minn 32020R0760
Relation | Act | Comment | Subdivision concerned | From | To |
---|---|---|---|---|---|
Modifies | 32001R2535 | Emenda | artikolu 2 | 01/01/2007 | |
Modifies | 32001R2535 | Sostituzzjoni | anness 2.B | 01/01/2007 | |
Modifies | 32001R2535 | Sostituzzjoni | artikolu 32.1 | 01/01/2007 | |
Modifies | 32001R2535 | Sostituzzjoni | artikolu 16.1 | 01/01/2007 | |
Modifies | 32001R2535 | Sostituzzjoni | artikolu 8 | 01/01/2007 | |
Modifies | 32001R2535 | abolizzjoni | anness 6 | 01/01/2007 | |
Modifies | 32001R2535 | abolizzjoni | artikolu 21.3 | 01/01/2007 | |
Modifies | 32001R2535 | Sostituzzjoni | artikolu 16.3 | 01/01/2007 | |
Modifies | 32001R2535 | abolizzjoni | artikolu 16.2 | 01/01/2007 | |
Modifies | 32001R2535 | Sostituzzjoni | artikolu 15 | 01/01/2007 | |
Modifies | 32001R2535 | Emenda | artikolu 18.1 | 01/01/2007 | |
Modifies | 32001R2535 | Sostituzzjoni | anness 1.H | 01/01/2007 | |
Modifies | 32001R2535 | abolizzjoni | artikolu 13.3 | 01/01/2007 | |
Modifies | 32001R2535 | Sostituzzjoni | anness 1.D | 01/01/2007 | |
Modifies | 32001R2535 | Emenda | artikolu 13.2 | 01/01/2007 | |
Modifies | 32001R2535 | abolizzjoni | artikolu 18.3 | 01/01/2007 | |
Modifies | 32001R2535 | Emenda | artikolu 6 | 01/01/2007 | |
Modifies | 32001R2535 | Emenda | artikolu 25.2 | 01/01/2007 | |
Modifies | 32001R2535 | Sostituzzjoni | anness 1.A | 01/01/2007 | |
Modifies | 32001R2535 | abolizzjoni | artikolu 28.3 | 01/01/2007 | |
Modifies | 32001R2535 | abolizzjoni | anness 7 | 01/01/2007 | |
Modifies | 32001R2535 | abolizzjoni | artikolu 12 | 01/01/2007 |
Relation | Act | Comment | Subdivision concerned | From | To |
---|---|---|---|---|---|
Corrected by | 32006R1984R(01) | (DE, HU, PT, SK) | |||
Corrected by | 32006R1984R(02) | (DE) | |||
Corrected by | 32006R1984R(03) | (CS, DA, DE, EL, EN, ES, ET, FI, FR, HU, IT, LT, LV, NL, PL, PT, SK, SL, SV) | |||
Corrected by | 32006R1984R(04) | (CS) | |||
Corrected by | 32006R1984R(05) | (MT) | |||
Implicitly repealed by | 32020R0760 | 01/01/2021 |
1.12.2007 |
MT |
Il-Ġurnal Uffiċjali ta’ l-Unjoni Ewropea |
734 |
REGOLAMENT TAL-KUMMISSJONI (KE) Nru 1985/2006
tat-22 ta’ Diċembru 2006
li jistabbilixxi regoli dettaljati għall-kalkolu ta' l-għajnuna mogħtija mill-Istati Membri lill-organizzazzjonijiet ta' produtturi fis-settur tas-sajd u l-akwakultura
(Verżjoni kkodifikata)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 2792/1999 tas-17 ta' Diċembru 1999 li jippreskrivi r-regoli u l-arranġamenti dettaljati rigward l-għajnuna Komunitarja strutturali fis-settur tas-sajd (1), u b'mod partikolari l-Artikolu 15(4) dwar dan,
Billi:
(1) |
Ir-Regolament tal-Kummissjoni (KE) Nru 908/2000 tat-2 ta’ Mejju 2000 li jistabbilixxi regoli dettaljati għall-kalkolu ta' l-għajnuna mogħtija mill-Istati Membri lill-organizzazzjonijiet ta' produtturi fis-settur tas-sajd u l-akwakultura (2) ġie emendat (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
(2) |
L-Artikolu 15(1) tar- Regolament (KE) Nru 2792/1999 jistabbilixxi l-kondizzjonijiet ġenerali għall-għotja ta' għajnuna finanzjarja mill-Istati Membri lill-organizzazzjonijiet tal-produtturi rikonoxxuti taħt l-Artikolu 5 u, meta xieraq, rikonoxxuti speċifikament taħt l-Artikolu 12 tar-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq fil-prodotti tas-sajd u l-akwakultura (4). |
(3) |
Sabiex jiġi żgurat li din l-għajnuna tingħata u tiġi ffinanzjata taħt l-istess kondizzjonijiet, iridu jiġu stabbiliti regoli dettaljati għall-kalkolu tal-valur tal-prodott kummerċjalizzat kopert mill-azzjoni ta’-l-organizzazzjonijiet ta' produtturi, kif ukoll ta' l-ispejjeż amministrattivi ta' dawn l-organizzazzjonijiet. Dan il-kalkolu jenħtieġ li jkun msejjes skond bażi tal-kontabilità probatorju. Madankollu, għandu jittieħed kont tad-diffikultà biex jinkiseb dan il-bażi f’ċerti każijiet, billi jkun hemm wkoll disponibbli metodu ta’ rata fissa bħala alternattiva. |
(4) |
L-għajnuna li organizzazzjoni ta' produtturi tista' tikkwalifika għaliha għandha tkun limitata sa ammont totali massimu, peress li kull organizzazzjoni membru tista tikkwalifika għal għajnuna għall-istabbiliment u għall-ħidma. |
(5) |
Kriterji dettaljati jridu jiġu stabbiliti li jiddefinixxu l-ispejjeż għall-implimentazzjoni ta' kull pjan ta' titjieb tal-kwalità ta' kull organizzazzjoni ta' produtturi. |
(6) |
Kriterji dettaljati jridu jiġu stabbiliti dwar ir-rimborż tal-kontribuzzjoni Komunitarja marbuta ma’ għajnuna mogħtija mill-Istati Membri wara l-1 ta' Jannar 2000, abbażi ta’ l-Artikli 7 u 7b tar-Regolament (KEE) Nru 3759/92 tal-Kunsill (5). |
(7) |
Il-miżuri pprovduti għal dan f'dan ir-Regolament huma konformi ma' l-opinjoni tal-Kumitat ta' Amministrazzjoni tas-Sajd u ta' l-Akwakultura, |
ADOTTAT DAN IR-REGOLAMENT:
Artikolu 1
Dan ir-Regolament jistabbilixxi regoli dettaljati għall-għajnuna li tista’ tingħata lillorganizzazzjonijiet ta' produtturi fis-sajd u fl-akwakultura taħt l-Artikolu 15(1)(a) u (b) tar-Regolament (KE) Nru 2792/1999.
Artikolu 2
1. Il-prodotturi membri li l-produzzjoni tagħhom tista' tiġi kkunsidrata għall-applikazzjoni ta' l-Artikolu 15(1)(a) tar-Regolament (KE) Nru 2792/1999 iridu jkunu:
(a) |
produtturi li kienu membri ta' l-organizzazzjoni meta din ġiet rikonoxxuta u li baqgħu membri matul is-sena li għaliha tirreferi l-applikazzjoni għall-għajnuna; |
(b) |
produtturi li ngħaqdu ma' l-organizzazzjoni wara li din ġiet rikonoxxuta u li kienu ilhom membri għall-aħħar disa xhur tas-sena li għaliha tirreferi l-applikazzjoni għall-għajnuna; |
2. Kull assoċjazzjoni ta' organizzazzjonijiet ta' produtturi tista' tingħata l-għajnuna taħt l-Artikolu 15(1)(a) tar-Regolament (KE) Nru 2792/1999 ta' mhux aktar minn EUR 180 000.
Artikolu 3
1. Għall-kalkolu ta' l-għajnuna prevista skond l-Artikolu 15(1)(a)(i) tar-Regolament (KE) Nru 2792/1999, il-valur tal-prodott kummerċjalizzat mill-organizzazzjoni ta' produtturi għandu jiġi stabbilit fuq bażi ta' rata fissa, għal kull sena, bil-multiplikazzjoni għal kull prodott kopert mill-azzjoni ta’ l-organizzazzjoni ta':
(a) |
il-produzzjoni miżjuna medja espressa f'100 kg nett, kummerċjalizzata mill-membri matul it-tliet snin fuq il-kalendarju qabel il-perjodu li għaliha tirreferi l-applikazzjoni għall-għajnuna, ma |
(b) |
Il-prezz medju ippeżat tal-produzzjoni miksub minn dawk il-produtturi matul l-istess perjodu, kalkulat kull 100 kg nett. |
2. Għall-kalkolu tal-produzzjoni medja msemmija fil-paragrafu 1(a), il-produzzjoni kummerċjalizzata mill-prodotturi membri matul kull waħda mit-tliet snin imsemmija tiġi stabbilita:
(a) |
skond id-dokumenti kummerċjali u tal-kontabilità disponibbli, li għandhom valur probatorju, jew, fin-nuqqas ta' dawn, |
(b) |
skond evalwazzjoni fuq rata fissa stabbilita mill-awtoritajiet kompetenti ta' l-Istati Membri, skond parametri stabbiliti minn qabel li jiddependu mit-tipi ta' prodotti involuti. |
3. Sabiex jiġi kkalkulat il-prezz medju msemmi fil-paragrafu 1(b), il-prezz medju miksub mill-produtturi għal kull waħda mit-tliet snin konċernati irid jiġi stabbilit mis-servizzi kompetenti ta' l-Istati Membri:
(a) |
skond id-dokumenti kummerċjali u tal-kontabilità disponibbli, li għandhom valur probatorju, jew, fin-nuqqas ta' dawn, |
(b) |
bil-kalkolu tal-prezz medju annwali għal kull prodott fis-suq prinċipali fis-settur ta' attività ta' l-organizzazzjoni ta' produttur involut |
Artikolu 4
1. L-ispejjeż amministrattivi fis-sens ta' l-Artikolu 15(1)(a)(ii) tar-Regolament (KE) Nru 2792/1999 huma l-ispejjeż imħallsin effetivament mill-organizzazzjoni ta' produtturi fl-istabbiliment u fix-xogħol tagħha, li jaqgħu taħt l-intestaturi li ġejjin:
(a) |
spejjeż ta' xogħol preparatorju għall-istabbiliment ta' l-organizzazzjoni u t-tfassil jew l-emenda ta' l-att ta' kostituzzjoni tagħha u l-istatut tagħha; |
(b) |
spejjeż ta' kontroll ta' adempjament mar-regoli msemmija fl-Artikolu 5(1) ta' Regolament (KE) Nru 104/2000; |
(ċ) |
spejjeż ta' personnel (pagi u salarji, spejjeż ta' taħriġ, spejjeż tas-sigurtà soċjali u spejjeż ta’ missjonijiet) u onararji għal servizzi u pariri tekniċi; |
(d) |
spejjeż ta' korrispondenza u telekomunikazzjonijiet; |
(e) |
spejjeż ta' tagħmir ta' l-uffiċċju u d-deprezzament jew spejjeż tal-kiri (leasing) ta' dan it-tagħmir; |
(f) |
spejjeż għall-mezzi tat-trasport disponibbli għall-impjegati ta' l-organizzazzjoni; |
(ġ) |
spejjeż tal-kera jew, fil-każ ta' xiri, spejjeż marbuta ma’ l-imgħax mħallas effetivament u spejjeż oħra minħabba l-okkupazzjoni tal-fond użat għall-ħidma amministrattiva ta' l-organizzazzjoni ta' produtturi; |
(h) |
spejjeż t’assigurazzjoni għat-trasport ta’ l-impjegati, għall-bini amministrattivi u għall-kontenut. |
2. L-organizzazzjoni ta' produttur għandha l-għażla li tifrex l-ispejjeż imsemmija fil-paragrafu 1 matul is-snin li magħtulhom tingħata l-għajnuna.
3. L-ammont ta' spejjeż amministrattivi deskritti fil-paragrafu 1 irid jiġi stabbilit fuq il-bażi ta' dokumenti kummerċjali u tal-kontabilità li għandhom valur probatorju.
Artikolu 5
1. L-ispejjeż msemmija fl-Artikolu 15(1)(b) tar-Regolament (KE) Nru 2792/1999 huma l-ispejjeż effetivament mħallsa mill-organizzazzjoni ta' produtturi għat-tfassil u implimentazzjoni tal-pjan ta' titjieb tal-kwalità approvat skond l-Artikolu 12 tar-Regolament(KE) Nru 104/2000, li jaqgħu taħt l-intestaturi li ġejjin:
(a) |
spejjeż ta' studji preliminari, it-tfassil u l-emendi tal-pjan; |
(b) |
spejjeż li għalihom hemm referenza fl-Artikolu 4(1)(ċ), (d) u (e) ta' dan ir-Regolament; |
(ċ) |
spejjeż ta' miżuri ta’ tagħrif għall-membri dwar metodi ta' teknika u ħiliet għat-titjieb tal-kwalità; |
(d) |
spejjeż għat-twaqqif u ta' l-implimentazzjoni ta' sistema għall-kontroll ta' adempjament mal-miżuri adottati mill-organizzazzjoni għall-applikazzjoni tal-pjan ta' titjieb tal-kwalità. |
2. L-organizzazzjoni ta' produtturi għandha l-għażla li tifrex l-ispejjeż imsemmija fil-paragrafu 1 matul is-snin li magħtulhom tingħata l-għajnuna.
3. L-ammont ta' spejjeż amministrattivi kif deskritti fil-paragrafu 1 irid jiġi stabbilit fuq il-bażi ta' dokumenti kummerċjali u tal-kontabilità, b’valur probatorju, li juru b'mod ċar li l-ispejjeż huma marbuta ma’ l-implimentazzjoni tal-pjan.
Artikolu 6
Fil-kaz ta' għajnuna deċiża mill-Istati Membri wara 1 ta' Jannar 2000 fuq il-bażi ta' l-Artikolu 7 u 7b tar-Regolament (KEE) Nru 3759/92, ir-radd lura tal-flus għandu jsir fil-kuntest tal-ipprogrammar tal-Fondi Strutturali għall-Istat membru konċernat għall-perjodu 2000 sa 2006.
Artikolu 7
Ir-Regolament (KE) Nru 908/2000 hu mħassar.
Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness II.
Artikolu 8
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, 22 ta’ Diċembru 2006.
Għall-Kummissjoni
Il-President
José Manuel BARROSO
(1) ĠU L 337, 30.12.1999, p. 10. Ir-Regolament kif emendat l-aħħar bir-Regolament (KE) Nru 485/2005 (ĠU L 81, 30.3.2005, p. 1).
(2) ĠU L 105, 3.5.2000, p. 15. Ir-Regolament kif emendat bir-Regolament (KE) Nru 2438/2000. (ĠU L 280, 4.11.2000, p. 37).
(3) Ara l-Anness I.
(4) ĠU L 17, 21.1.2000, p. 22. Regolament emendat mill-Att ta’ Adeżjoni 2003.
(5) ĠU L 388, 31.12.1992, p. 1. Ir-Regolament imħassar bir-Regolament (KE) Nru 104/2000.
ANNESS I
Regolament imħassar flimkien ma’ l-emendi tiegħu
Regolament tal-Kummissjoni (KE) Nru 908/2000 |
|
Regolament tal-Kummissjoni (KE) Nru 2438/2000 |
ANNESS II
TABELLA TA’ KORRELAZZJONI
Regolament (KE) Nru 908/2000 |
Dan ir-Regolament |
Artikolu 1 |
Artikolu 1 |
Artikolu 2 |
Artikolu 2 |
Artikolu 3 |
Artikolu 3 |
Artikolu 4 |
Artikolu 4 |
Artikolu 5 |
Artikolu 5 |
Artikolu 6 l-ewwel paragrafu |
— |
Artikolu 6 it-tieni paragrafu |
— |
Artikolu 6 it-tielet paragrafu |
Artikolu 6 |
— |
Artikolu 7 |
Artikolu 7 |
Artikolu 8 |
— |
Anness I |
— |
Anness II |