(1)

Ir-Regolament tal-Kunsill (KEE) Nru 3181/78 tat-18 ta' Diċembru 1978 dwar is-sistema monetarja Ewropea (3) jagħti lill-Fond Ewropew ta' Kooperazzjoni Monetarja (EMCF) is-setgħa li jirċievi riżervi mill-Istati Membri u li joħroġ ECUs. Il-kompiti ta' l-EMCF ttieħdu f'idejn l-Istitut Monetarju Ewropew u l-EMCF ġie xolt. Sussegwentement dawk il-kompiti ttieħdu f'idejn il-Bank Ċentrali Ewropew. Għaldaqstant, dak ir-Regolament m'għadux rilevanti u għandu jiġi revokat.

(2)

Ir-Regolament tal-Kunsill (KEE) Nru 1736/79 tat-3 Awwissu 1979 dwar sussidji fuq l-interessi għal ċertu self mogħti taħt is-sistema monetarja Ewropea (4) jipprevedi li matul perijodu ta' ħames snin mid-data ta' applikazzjoni tiegħu l-Komunità tista' tagħti sussidji fuq l-interessi għal ċerti tipi ta' self (self mill-Bank Ewropew ta' l-Investiment (BEI) għall-finanzjament ta' l-investimenti fl-Istati Membri inqas sinjuri, inter alia fl-infrastruttura). Dan il-perijodu ta' ħames snin, li ma ġiex estiż, skada fl-1984. Barra minn hekk, skond l-Artikolu 1 ta' dak ir-Regolament, Stat Membru kellu jipparteċipa fil-mekkaniżmu tas-sistema monetarja Ewropea sabiex jibbenefika mis-sussidji. Din il-kondizzjoni tissuġġerixxi wkoll li dak ir-Regolament m'għadux applikabbli. Dak is-self mogħti mill-BEI li bbenefika mis-sussidji, sa dak iż-żmien tħallas. Għaldaqstant, dak ir-Regolament m'għadux rilevanti u għandu jiġi revokat,