This document is an excerpt from the EUR-Lex website
Document 32006R0426
Council Regulation (EC) No 426/2006 of 9 March 2006 amending Annex I to Regulation (EEC) No 2658/87 on the tariff and statistical nomenclature and on the Common Customs Tariff
Regolament tal-Kunsill (KE) Nru 426/2006 tad- 9 ta' Marzu 2006 li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni
Regolament tal-Kunsill (KE) Nru 426/2006 tad- 9 ta' Marzu 2006 li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni
ĠU L 79, 16.3.2006, p. 1–1
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 270M, 29.9.2006, p. 335–335
(MT)
In force
Relation | Act | Comment | Subdivision concerned | From | To |
---|---|---|---|---|---|
Modifies | 31987R2658 | Emenda | anness 1 | 01/01/2006 |
29.9.2006 |
MT |
Il-Ġurnal Uffiċjali ta’ l-Unjoni Ewropea |
335 |
REGOLAMENT TAL-KUNSILL (KE) Nru 426/2006
tad-9 ta' Marzu 2006
li jemenda l-Anness I mar-Regolament (KEE) Nru 2658/87 dwar in-nomenklatura tat-tariffa u ta' l-istatistika u dwar it-Tariffa Doganali Komuni
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 26 tiegħu,
Wara li kkunsidra l-proposta tal-Kummissjoni,
Billi:
(1) |
Fin-Nomenkaltura Magħquda li tidher fl-Anness I tar-Regolament (KEE) Nru 2658/87 (1), id-dazju doganali huwa sospiż, fuq bażi awtonoma u għal tul ta' żmien indeterminat, għal ċerta merkanzija tal-Kapitolu 27 meta tkun suġġetta għal proċessi speċifiċi, sakemm ikunu sodisfatti ċerti kondizzjonijiet stabbiliti fir-Regolament tal-Kummissjoni (KEE) Nru 2454/93 tat-2 ta' Lulju 1993 li jistabbilixxi d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi Doganali tal-Komunità (2). |
(2) |
Ċertu skart ta' żjut destinat għar-riċiklaġġ, klassifikat taħt il-kodiċi NM 2710 99 00, attwalment ma jgawdix minn din l-eżenzjoni. |
(3) |
Għal raġunijiet ambjentali konnessi mar-riċiklaġġ ta' żjut skart, għandu jingħata l-istess trattament tariffarju għal żjut skart u żjut mill-istess grupp, sakemm ikunu sodisfatti l-kondizzjonijiet tekniċi u legali. Għalhekk huwa fl-interess tal-Komunità li tissospendi, fuq bażi awtonoma u għal tul ta' żmien indeterminat, id-dazju doganali fuq tali prodotti. |
(4) |
Ir-Regolament (KEE) Nru 2658/87 għandu għalhekk jiġi emendat kif meħtieġ. |
(5) |
Minħabba li l-emenda introdotta permezz ta' dan ir-Regolament għandha tiġi applikata mill-istess data ta' l-applikazzjoni tan-Nomenklatura Magħquda għas-sena 2006, stabbilita fir-Regolament tal-Kummissjoni (KE) Nru 1719/2005 (3), jeħtieġ li dan ir-Regolament jidħol fis-seħħ minnufih u li jibda japplika mill-1 ta' Jannar 2006, |
ADOTTA DAN IR-REGOLAMENT:
Artikolu 1
Fit-Taqsima V, Kapitolu 27 tat-Tieni Parti (Tabella ta' Dazji Doganali) ta' l-Anness I mar-Regolament (KEE) Nru 2658/87, fir-rigward ta' l-entrata għall-kodiċi NM 2710 99 00, l-entrata fit-tielet kolonna għandha tiġi sostitwita b'dan li ġej:
“3,5 (*)
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Għandu japplika mill-1 ta' Jannar 2006.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar id-9 ta' Marzu 2006.
Għall-Kunsill
Il-President
J. PRÖLL
(1) ĠU L 256, 7.9.1987, p. 1. Regolament kif l-aħħar emendat bir-Regolament (KE) Nru 2175/2005 (ĠU L 47, 17.2.2006, p. 1).
(2) ĠU L 253, 11.10.1993, p. 1. Regolament kif l-aħħar emendat bir-Regolament (KE) Nru 883/2005 (ĠU L 38, 9.2.2006, p. 11).
(3) ĠU L 286, 28.10.2005, p. 1.