This document is an excerpt from the EUR-Lex website
Document 32006L0120
Commission Directive 2006/120/EC of 27 November 2006 correcting and amending Directive 2005/30/EC amending, for the purposes of their adaptation to technical progress, Directives 97/24/EC and 2002/24/EC of the European Parliament and of the Council, relating to the type-approval of two or three-wheel motor vehicles (Text with EEA relevance)
Direttiva tal-Kummissjoni 2006/120/KE tas- 27 ta’ Novembru 2006 li tikkoreġi u temenda d-Direttiva tal-Kummissjoni 2005/30/KE li temenda, għall-finijiet ta’ l-addattament tagħhom għall-progress tekniku, id-Direttivi 97/24/KE u 2002/24/KE tal-Parlament Ewropew u tal-Kunsill, li għandhom x’jaqsmu ma’ l-approvazzjoni tat-tip ta’ vetturi bil-mutur b’żewġ roti jew bi tlieta Test b'rilevanza għaż-ŻEE.
Direttiva tal-Kummissjoni 2006/120/KE tas- 27 ta’ Novembru 2006 li tikkoreġi u temenda d-Direttiva tal-Kummissjoni 2005/30/KE li temenda, għall-finijiet ta’ l-addattament tagħhom għall-progress tekniku, id-Direttivi 97/24/KE u 2002/24/KE tal-Parlament Ewropew u tal-Kunsill, li għandhom x’jaqsmu ma’ l-approvazzjoni tat-tip ta’ vetturi bil-mutur b’żewġ roti jew bi tlieta Test b'rilevanza għaż-ŻEE.
ĠU L 330, 28.11.2006, p. 16–17
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 314M, 1.12.2007, p. 362–363
(MT)
No longer in force, Date of end of validity: 31/12/2015; Impliċitament imħassar minn 32013R0168
Relation | Act | Comment | Subdivision concerned | From | To |
---|---|---|---|---|---|
Modifies | 32005L0030 | Żieda | artikolu 3.3 | 28/11/2006 | |
Modifies | 32005L0030 | Sostituzzjoni | artikolu 3.1 | 28/11/2006 | |
Modifies | 32005L0030 | Emenda | anness 1 | 28/11/2006 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32013R0168 | 01/01/2016 |
1.12.2007 |
MT |
Il-Ġurnal Uffiċjali ta’ l-Unjoni Ewropea |
362 |
DIRETTIVA TAL-KUMMISSJONI 2006/120/KE
tas-27 ta’ Novembru 2006
li tikkoreġi u temenda d-Direttiva tal-Kummissjoni 2005/30/KE li temenda, għall-finijiet ta’ l-addattament tagħhom għall-progress tekniku, id-Direttivi 97/24/KE u 2002/24/KE tal-Parlament Ewropew u tal-Kunsill, li għandhom x’jaqsmu ma’ l-approvazzjoni tat-tip ta’ vetturi bil-mutur b’żewġ roti jew bi tlieta
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 97/24/KE tal-Parlament Ewropew u tal-Kunsill tas-17 ta' Ġunju 1997 dwar ċerti komponenti u karatteristiċi ta' vetturi bil-mutur b’żewġ roti jew bi tlieta (1), u b’mod partikolari l-Artikolu 7 tagħha,
Wara li kkunsidrat id-Direttiva 2002/24/KE tal-Parlament Ewropew u tal-Kunsill tat-18 ta' Marzu 2002 dwar l-approvazzjoni tat-tip ta' vetturi bil-mutur b'żewġ roti jew bi tlieta u li tirrevoka d-Direttiva tal-Kunsill 92/61/KEE (2), u b'mod partikolari l-Artikolu 17 tagħha,
Billi:
(1) |
Id-Direttiva tal-Kummissjoni 2005/30/KE fiha xi żbalji li jridu jiġu kkoreġuti. |
(2) |
Huwa meħtieġ li jiġi ċċarat b'effett retroattiv li l-Artikolu 3(1) tad-Direttiva 2005/30/KE jikkonċerna konverturi katalitiċi ġodda ta’ sostituzzjoni li jikkonformaw mad-Direttiva 97/24/KE kif emendata bid-Direttiva 2005/30/KE. |
(3) |
Għandhom isiru wkoll xi tiswijiet editorjali fl-Anness I tad-Direttiva 2005/30/KE. |
(4) |
Barra minn hekk, jeħtieġ li jkun iċċarat, permezz ta’ dispożizzjoni ġdida, li l-bejgħ jew l-installar fuq vettura ta’ konvertituri katalitiċi ta’ sostituzzjoni li mhumiex ta’ tip li dwaru tkun ingħatat approvazzjoni tat-tip b'konformità mad-Direttiva 97/24/KE, kif emendata bl-2005/30/KE, huwa pprojbit wara ċertu perjodu ta’ tranżizzjoni. |
(5) |
Id-Direttiva 2005/30/KE għaldaqstant għandha tiġi kkorreġuta u emendata skond dan. |
(6) |
Il-miżuri stipulati f'din id-Direttiva huma skond l-opinjoni tal-Kumitat dwar l-Adattament għall-Progress Tekniku, |
ADOTTAT DIN ID-DIRETTIVA:
Artikolu 1
Id-Direttiva 2005/30/KE hija korretta kif ġej:
1. |
L-Artikolu 3, huwa sostitwit b'dan li ġej: “1. B’seħħ mit-18 ta’ Mejju 2006, l-Istati Membri, fir-rigward ta’ konverturi katalitiċi ġodda ta’ sostituzzjoni li jikkonformaw mar-rekwiżiti tad-Direttiva 97/24.KE kif emendata b’din id-Direttiva u li huma maħsuba biex jitwaħħlu f’vetturi li t-tip tagħhom ġie approvat skond id-Direttiva 97/24/KE, m’għandhomx:
|
2. |
Fl-Anness 1, it-“taqsima 5 ta' l-Anness VI” qed tinbidel b'“taqsima 4a ta' l-Anness VI” fit-test kollu. |
Artikolu 2
L-Artikolu 3 ta' din id-Direttiva 2005/30/KE huwa emendat kif ġej:
Jiżdied il-paragrafu li ġej:
“3. B'seħħ mill-1 ta' Jannar 2009, l-Istati Membri għandhom jirrifjutaw il-bejgħ jew l-installar fuq vetturi ta' konverturi katalitiċi ta' sostituzzjoni li mhumiex ta' tip li fir-rigward tiegħu tkun ingħatat approvazzjoni tat-tip b'konformità mad-Direttiva 97/24/KE, kif emendata b'din id-Direttiva.”
Artikolu 3
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva sa mhux aktar tard mit-30 ta' Settembru 2007. Għandhom mingħajr dewmien jipprovdu lill-Kummissjoni bit-test ta’ dawk id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, għandu jkun fihom referenza għal din id-Direttiva, jew ikunu akkumpanjati minn tali referenza, fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-riferenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert b'din id-Direttiva.
Artikolu 4
Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmul fi Brussell, 27 ta’ Novembru 2006.
Għall-Kummissjoni
Günter VERHEUGEN
Membru tal-Kummissjoni
(1) ĠU L 226, 18.8.1997, p. 1. Id-Direttiva kif emendata l-aħħar bid-Direttiva 2006/27/KE (ĠU L 66, 8.3.2006, p. 7).
(2) ĠU L 124, 9.5.2002, p. 1. Id-Direttiva kif emendata l-aħħar bid-Direttiva 2005/30/KE (ĠU L 106, 27.4.2005, p. 17).