EUR-Lex Access to European Union law
This document is an excerpt from the EUR-Lex website
Document 32006L0039
Commission Directive 2006/39/EC of 12 April 2006 amending Council Directive 91/414/EEC to include clodinafop, pirimicarb, rimsulfuron, tolclofos-methyl and triticonazole as active substances (Text with EEA relevance)
2006/39/KE: Direttiva tal-Kummissjoni 2006/39/KE tat- 12 ta’ April 2006 li temenda d-Direttiva tal-Kunsill 91/414/KEE għall-inklużjoni tal-clodinafop, il-pirimicarb, ir-rimsulfuron, it-tolclofos-methyl u t-triticonazole bħala sustanzi attivi Test b’rilevanza għaż-ŻEE.
2006/39/KE: Direttiva tal-Kummissjoni 2006/39/KE tat- 12 ta’ April 2006 li temenda d-Direttiva tal-Kunsill 91/414/KEE għall-inklużjoni tal-clodinafop, il-pirimicarb, ir-rimsulfuron, it-tolclofos-methyl u t-triticonazole bħala sustanzi attivi Test b’rilevanza għaż-ŻEE.
ĠU L 104, 13.4.2006, p. 30–35
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 330M, 28.11.2006, p. 336–341
(MT)
No longer in force, Date of end of validity: 13/06/2011
Relation | Act | Comment | Subdivision concerned | From | To |
---|---|---|---|---|---|
Modifies | 31991L0414 | Emenda | anness 1 | 01/02/2007 |
28.11.2006 |
MT |
Il-Ġurnal Uffiċjali ta’ l-Unjoni Ewropea |
336 |
DIRETTIVA TAL-KUMMISSJONI 2006/39/KE
tat-12 ta’ April 2006
li temenda d-Direttiva tal-Kunsill 91/414/KEE għall-inklużjoni tal-clodinafop, il-pirimicarb, ir-rimsulfuron, it-tolclofos-methyl u t-triticonazole bħala sustanzi attivi
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tqegħid fis-suq ta’ prodotti għall-protezzjoni tal-pjanti (1), u partikolarment l-Artikolu 6 (1) tagħha,
Billi:
(1) |
Ir-Regolamenti tal-Kummissjoni (KE) Nru 451/2000 (2) u (KE) Nru 703/2001 (3) jistipolaw regoli dettalljati għall-implimentazzjoni tat-tieni stadju tal-programm ta’ xogħol imsemmi fl-Artikolu 8(2) tad-Direttiva tal-Kunsill 91/414/KEE u jistabbilixxu lista ta’ sustanzi attivi li għandhom jiġu vvalutati, bil-għan ta’ l-inklużjoni possibbli tagħhom fl-Anness I tad-Direttiva 91/414/KEE. Dik il-lista tinkludi il-clodinafop, il-pirimicarb, ir-rimsulfuron, it-tolclofos-methyl u t-triticonazole. |
(2) |
Għal dawk is-sustanzi attivi l-effetti fuq is-saħħa tal-bniedem u fuq l-ambjent ġew valutati skond id-dispożizzjonijiet stipolati mir-Regolament (KE) Nru 451/2000 u (KE) Nru 703/2001 għal ġabra ta’ użi proposti minn notifikant. Barra minn hekk, dawk ir-Regolamenti jinnominaw lill-Istati Membri relaturi li għandhom iressqu r-rapporti ta’ valutazzjoni u r-rakkomandazzjonijiet rilevanti lill-Awtorità Ewropea dwar is-Sigurtà ta’ l-Ikel (EFSA) skond l-Artikolu 8(1) tar-Regolament (KE) Nru 451/2000. Għall-clodinafop l-Istat Membru Relatur kienet l-Olanda u kull informazzjoni rilevanti tressqet fis-7 ta’ Novembru 2003. Għall-pirimicarb l-Istat Membru Relatur kien ir-renju Unit u kull informazzjoni rilevanti tressqet fl-4 ta’ Novembru 2003. Għar-rimsulfuron l-Istat Membru Relatur kien il-Ġermanja u kull informazzjoni rilevanti tressqet fis-6 ta’ Awissu 2003. Għall-tolclofos-methyl l-Istat Membru Relatur kien l-Iżvezja u kull informazzjoni rilevanti tressqet fit-3 ta’ Novembru 2003. Għat-triticonazole l-Istat Membru Relatur kien l-Awstrija u kull informazzjoni rilevanti tressqet fid-29 ta’ Settembru 2003. |
(3) |
Ir-rapporti ta’ valutazzjoni ġew riveduti flimkien ma’ Stati membri u l-EFSA ippreżentat lill-Kummissjoni fl-14 ta’ Marzu u fl-10 ta’ Awissu fil-format tar-Rapporti Xjentifiċi ta’ l-EFSA għall-clodinafop, il-pirimicarb, ir-rimsulfuron, it-tolclofos-methyl u t-triticonazole (4). Dan ir-rapport ġie rivedut mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa ta’ l-Annimali u ġie ffinalizzat fis-27 ta’ Jannar 2006 fil-format tar-rapport ta’ reviżjoni tal-Kummissjoni għall-clodinafop, pirimicarb, rimsulfuron, tolclofos-methyl ut-triticonazole. |
(4) |
Ir-reviżjoni ta’ l-pirimicarb wriet numru ta’ mistoqsijiet miftuħa li ġew indirizzati mill-Bord Xjentifiku dwar is-saħħa tal-Pjanti, il-prodotti għall-Protezzjoni tal-Pjanti u r-Residwi tagħhom (PPR) ta’ l-Awtorità Ewropea Dwar is-Sigurtà ta’ l-Ikel (EFSA). Il-Bord Xjentifiku ġie mistoqsi biex jagħti opinjoni dwar l-użu ta’ “approċċ ta’ kwozjent taż-żmien” fil-valutazzjoni akuta tar-riskji għall-għasafar u fil-valutazzjoni tar-riskji akuti fl-għasafar li kienu saru. Fl-opinjoni tagħhom dwar l-ewwel mistoqsija, il-Bord tal-PPR ikkonkludew li “l-approċċ bil-kwozjent taż-żmien” fuq suġġeriment ta’; l-OECD huwa ekwivalenti għall-ewwel livell Ewropew tal-valutar tar-riskji akuti ħlief li l-Anness VI tad-Direttiva 91/414/KEE tistipola fattur ta’ sigurtà ta’ 10. Għalhekk, analiżi xjentifika dettalljata tkun meħtieġa għall-valutazzjoni dwar jekk il-fattur ta’ sigurta kurrenti tiħu konsiderazzjoni xierqa tal-kwestjonijiet kollha li huma rilevanti. Minħabba li dn jeħtieġ ammont sostanzjali ta’ xogħol żejjed li jmur lil hinn mill-ambitu ta’ l-opinjoni, il-Bord tal-PPR jissuġġerixxi li għandu jintuża approċċ għal skond xi jkun il-każ. Riżultat ta’ dan, dwar it-tieni mistoqsija, il-Bord tal-PPR wettqu valutazzjoni tar-riskji iktar preċiża u kkonkludew li fl-ogħla livell ta’ esponimernt kredibbli l-għasafar li jieklu mill-ħaxix li jinsab f’din l-għalqa mhumiex fil-periklu li jieħdu wkoll doża mortali ta’ pirimicarb (5). |
(5) |
Ir-reviżjonijiet tal-clodinafop, rimsulfuron, tolclofos-methyl u triticonazole ma wrew ebda mistoqsijiet miftuħa li għandhom jiġu indirizzati mill-Bord Xjentifiku dwar is-saħħa tal-Pjanti, il-prodotti għall-Protezzjoni tal-Pjanti u r-Residwi tagħhom (PPR) ta’ l-Awtorità Ewropea Dwar is-Sigurtà ta’ l-Ikel (EFSA). |
(6) |
Ħareġ ċar minn bosta eżaminazzjonijiet li saru li l-prodotti għall-protezzjoni tal-pjanti li fihom il-clodinafop, pirimicarb, rimsulfuron, tolclofos-methyl u triticonazole jistgħu huma mistennija li jikkonformaw, b’mod ġenerali, mall-kondizzjonijiet stipolati fl-Artikolu 5(1) (a) u (b) tad-Direttiva 91/414/KEE, b’mod partikolari dwar l-użu għalihom li ġew eżaminati u mniżżla fid-dettall fir-rapport ta’ reviżjoni tal-Kummissjoni. Huwa għalhekk xieraq li jkunu inklużi dawn is-sustanzi attivi fl-Anness I, sabiex ikun żgurat li fl-Istati Membri kollha, l-awtorizzazzjonijiet tal-prodotti tal-protezzjoni tal-pjanti li fihom dawn is-sustanzi attivi, jistgħu jingħataw skond id-dispożizzjonijiet ta’ dik id-Direttiva. |
(7) |
Mingħajr preġudizzju għal dik il-konklużjoni, huwa xieraq li tinkiseb iktar informazzjoni dwar ċerti punti speċifiċi li jikkonċernaw il-pirimicarb u t-triticonazole. L-Artikolu 6(1) tad-Direttiva 91/414/KE jistipola li l-inklużjoni ta’ sustanza fl-Anness I tista’ tiġi soġġetta għall-kondizzjonijiet. Għalhekk huwa xieraq li jinħtieġ li l-pirimicarb u t-triticonazole ikunu soġġetti għal aktar testijiet għall-konferma tal-valutazzjoni tar-riskji għal ċerti kwistjonijiet u li tali studji għandhom jitressqu minn notifikanti. |
(8) |
Perjodu ta’ żmien raġonevoli għandu jiitħalla jgħaddi qabel is-sustanza attiva tiġi inkluża fl-Anness I sabiex l-Istati Membri u partijiet interessati jkunu jistgħu jitħallew jagħmlu l-preparamenti sabiex jilħqu l-kondizzjonijiet ġodda li jirriżultaw mill-inklużjoni. |
(9) |
Mingħajr preġudizzju għall-obbligazzjonijiet stipolati mid-Direttiva 91/414/KEE konsegwenza ta’ l-inklużjoni tas-sustanzi attivi fl-Anness I, l-Istati Membri għandhom jitħallew għal perjodu ta’ sitt xhur wara l-inklużjoni li jirrevedu l-awtorizzazzjonijiet ta’ prodotti għall-protezzjoni tal-pjanti eżistenti li fihom il-clodinafop, pirimicarb, rimsulfuron, tolclofos-methyl jew triticonazole sabiex jaċċertaw li l-kondizzjonijiet stipolati fid-Direttiva 91/414/KEE, u b’mod partikolari l-Artikolu 13 tagħha u l-kondizzjonijiet rilevanti stipolati fl-Anness I, jiġu sodisfatti. L-Istati Membri għandhom ivarjaw, ibiddlu jew jirtiraw, kif xieraq, awtorizzazzjonijiet eżistenti, skond id-dispożizzjonijiet tad-Direttiva 91/414/KEE. Permezz tad-deroga mil-limitu ta’ żmien stabilit hawn fuq, perjodu itwal għandu jiġi pprovdut għas-sottomissjoni u għall-assessjar ta’ dossier komplut ta’ Anness III għal kull prodott għall-protezzjoni tal-pjanti għal kull użu intenzjonat skond il-prinċipji uniformi stipolati fid-Direttiva 91/414/KEE. |
(10) |
L-esperjenza miksuba minn inklużjonijiet preċedenti fl-Anness I għad- Direttiva 91/414/KEE ta’ sustanzi attivi evalwati fil-qafas tar-Regolament (KEE) Nru 3600/92 uriet li jistgħu jinqalgħu xi diffikultajiet fl-interpretazzjoni tad-dmirijiet tad-detenturi ta’ awtorizzazzjonijiet eżistenti dwar l-aċċess għad-data. Sabiex jiġu evitati iżjed diffikultajiet, għalhekk, jidher li huwa meħtieġ li d-dmirijiet ta’ l-Istati Membri jiġu ċċarati, speċjalment id-dmir li jivverifikaw li d-detentur ta’ awtorizzazzjoni juri aċċess għal dossier li jissodisfa r-rekwiżiti ta’ l-Anness II għal dik id-Direttiva. Madankollu, din il-kjarifika ma timponix xi obbligi ġodda fuq l-Istati Membri jew id-detenturi ta’ l-awtorizzazzjonijiet meta mqabbla mad-direttivi li ġew adottati sa issa li jemendaw l-Anness I. |
(11) |
Huwa għalhekk xieraq li tiġi emendata d-Direttiva 91/414/KEE kif xieraq. |
(12) |
Il-miżuri previsti f’din id-Direttiva huma konformi ma’ l-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, |
ADOTTAT DIN ID-DIRETTIVA:
Artikolu 1
L-Anness I tad-Direttiva 91/414/KEE huwa emendat kif stabbilit fl-Anness ta’ din id-Direttiva.
Artikolu 2
L-Istati Membri għandhom jadottaw u jippubblikaw sal-31 ta’ Lulju 2007 l-aktar tard, il-liġijiet, regolamenti u d-dispożizzjonijiet amministrattivi neċessarji sabiex jikkonformaw ma’ din id-Direttiva. Huma għandhom minnufih jikkomunikaw lill-Kummissjoni it-test ta’ dawn id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Għandhom japplikaw dawk id-dispożizzjonijiet mill-1 ta’ Awissu ta’ l-2007.
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew ikunu akkumpanjati mit-tali referenza meta dawn jiġu ppubblikati uffiċjalment. L-Istati Membri għandhom jistabbilixxu kif għandha issir referenza bħal din.
Artikolu 3
1. L-Istati Membri għandhom, fejn meħtieġ, u skond id-Direttiva 91/414/KEE, jemendaw jew jirtiraw l-awtorizzazzjonijiet eżistenti għall-prodotti għall-protezzjoni tal-pjanti li fihom il-clodinafop, pirimicarb, rimsulfuron, tolclofos-methyl jew triticonazole bħala sustanzi attivi sal-31 ta’ Lulju 2007.
Sa dik id-data huma għandhom b’mod partikolari jivverifikaw li l-kondizzjonijiet fl-Anness I ta’ dik id-Direttiva li jikkonċernaw il-clodinafop, pirimicarb, rimsulfuron, tolclofos-methyl jew triticonazole bl-eċċezzjoni ta’ dawk identifikati fil-parti B tad-daħla li jikkonċernaw dik is-sustanza attiva, u li d-detentur ta’ l-awtorizzazzjoni jkollu f’idejh, jew li jkollu aċċess għal, dossier li jissodisfa l-kondizzjonijiet ta’ l-Anness II ta’ dik id-Direttiva skond il-kondizzjonijiet ta’ l-Artikolu 13 ta’ dik id-Direttiva.
2. B’deroga minn paragrafu 1, għal kull prodott għall-protezzjoni tal-pjanti li fih il-clodinafop, pirimicarb, rimsulfuron, tolclofos-methyl jew triticonazole bħala l-unika sustanza attiva jew inkella bħala waħda minn bosta sustanzi attivi li huma kollha elenkati fl-Anness I tad-Direttiva 91/414/KEE sa mhux aktar tard mit-31 ta’ Jannar 2007, l-Istati Membri għandhom jerġgħu jevalwaw mill-ġdid il-prodott skond il-prinċipji uniformi li hemm imsemmija fl-Anness VI tad-Direttiva 91/414/KEE, fuq il-bażi ta’ dossier li jissodisfa r-rekwiżiti ta’ l-Anness III ta’ dik id-Direttiva u billi titqies il-parti B tad-daħla fl-Anness I ta’ dik-id-Direttiva li tikkonċerna l-clodinafop, pirimicarb, rimsulfuron, tolclofos-methyl jew triticonazole rispettivament. Fuq il-bażi ta’ dik l-evalwazzjoni, għandhom jiddeterminaw jekk il-prodott jissodisfax il-kondizzjonijiet stabbiliti fl-Artikolu 4(1)(b), (c), (d) u (e) tad-Direttiva 91/414/KEE.
Wara li jiddeterminaw dan, l-Istati Membri għandhom:
(a) |
fil-każ ta’ prodott li jkun fih il-clodinafop, pirimicarb, rimsulfuron, tolclofos-methyl jew triticonazole bħala l-unika sustanza attiva, fejn meħtieġ, jemendaw jew jirtiraw l-awtorizzazzjoni sa mhux aktar tard mill-31 ta’ Jannar 2011; jew |
(b) |
fil-każ ta’ prodott li fih il-clodinafop, pirimicarb, rimsulfuron, tolclofos-methyl jew triticonazole bħala waħda minn bosta sustanzi attivi, fejn meħtieġ, għandhom jemendaw jew jirtiraw l-awtorizzazzjoni sat-31 ta’ Jannar 2011 jew sad-data ffissata, għal tali emenda jew l-irtirar fid-Direttiva jew Direttivi rispettivi li kien ġabu fis-seħħ l-inklużjoni tas-sustanza jew tas-sustanzi inkwistjoni fl-Anness I tad-Direttiva 91/414/KEE, skond liema waħda hi l-iktar reċenti. |
Artikolu 4
Din id-Direttiva ser tidħol fis-seħħ fl-1 ta’ Frar 2007.
Artikolu 5
Din id-Direttiva hija indirizzata lill-Istati Membri.
Magħmul fi Brussell, nhar it-12 ta’ April 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 230, 19.8.1991, p. 1.
(2) ĠU L 55, 29.2.2000, p. 25. Regolament kif emendat l-aħħar mir-Regolament (KE) Nru 1044/2003 (ĠU L 151, 19.6.2003, p. 32).
(4) EFSA Scientific Report (2005) 34, 1-78, Conclusion regarding the Peer review of the pesticide risk assessment of the active substance clodinafop (ffinalizzat: l-10 ta’ Awissu 2005).
EFSA Scientific Report (2005) 43, 1-76, Conclusion regarding the Peer review of the pesticide risk assessment of the active substance pirimicarb (ffinalizzat: l-10 ta’ Awissu 2005).
EFSA Scientific Report (2005) 45, 1-61, Conclusion regarding the Peer review of the pesticide risk assessment of the active substance rimsulfuron (ffinalizzat: l-10 ta’ Awissu 2005).
EFSA Scientific Report (2005) 28, 1-77, Conclusion regarding the peer review of the pesticide risk assessment of the active substance triticonazole (ffinalizzat: l-14 ta’ Marzu 2005).
EFSA Scientific Report (2005) 28, 1-77, Conclusion regarding the peer review of the pesticide risk assessment of the active substance tolclofos-methyl (ffinalizzat: l-14 ta’ Marzu 2005).
(5) Opinjoni tal-Bord Xjentifiku dwar is-Saħħa tal-Pjanti; prodotti għall-protezzjoni tal-Pjanti u residwi tagħhom fuq talba ta’ l-EFSA fir-rigward tal-valutazzjoni tal-primicarb Ġurnal EFSA (2005) 240, 1-21.
ANNESS
Li ġej għandu jiġi inkluż fl-aħħar tat-tabella fl-Anness I tad-Direttiva 91/414/KE.
“Nru |
Isem Komuni, Numri ta’ Identifikazzjoni |
Isem IUPAC |
Purezza (1) |
Id-dħul fis-seħħ |
Skadenza ta’ żmien għall-inklużjoni |
Disposizzjonijiet speċifiċi |
||||||
125 |
Clodinafop CAS No 114420-56-3 CIPAC No 683 |
(R)-2-[4-(5-chloro-3-fluoro-2 pyridyloxy)-phenoxy]-propionic acid |
≥ 950 g/kg (expressi bħala clodinafop-propargyl) |
l-1 ta’ Frar 2007 |
il-31 ta’ Jannar 2017 |
PARTI A Użu bħala erbiċida biss jista’ jiġi awtorizzat. PARTI B Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ evalwazzjoni dwar il-clodinafop b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-27 ta’ Jannar 2006. |
||||||
126 |
Pirimicarb CAS No 23103-98-2 CIPAC No 231 |
2-dimethylamino-5,6-dimethylpyrimidin-4-yl dimethylcarbamate |
≥ 950 g/kg |
l-1 ta’ Frar 2007 |
il-31 ta’ Jannar 2017 |
PARTI A Huma biss użi bħala insettiċidi li jistgħu jiġu awtorizzati. PARTI B Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ evalwazzjoni dwar il-pirimicarb u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-27 ta’ Jannar 2006. L-Istati Membri għandhom jagħtu attenzjoni partikolari għas-sigurtà ta’ l-operaturi u jaċċertaw li l-kondizzjonijiet ta’ l-użu jippreskrivu tagħmir ta’ protezzjoni personali xieraq. L-Istati Membri għandhom joqgħodu attenti b’mod partikolari għall-protezzjoni ta’ l-organiżmi akwatiċi u għandhom jiżguraw li l-kundizzjonijiet ta’ l-awtorizzazzjoni jinkludu miżuri għall-mitigazzjoni tar-riskji, fejn jixraq, bħala pereżempju. il-buffer zones. L-Istati Membri kkonċernati għandhom jitolbu s-sottomissjoni ta’ iktar studji sabiex jikkonfermaw li l-valutazzjoni tar-riskji ta’ termninu taż-żmien twil għall-għasafar u għall-kontaminazzjoni potenzjali ta’ l-ilam tal-pjan, b’mod partikolari fir-rigward tal-prodott metaboliku l-R35140. Huma għandhom jaċċertaw lin-notifikanti li fuq talba tagħhom il-pirimicarb ġie inkluż f’dan l-Anness jipprovdu tali studji lill-Kummissjoni fi żmien sentejn mid-dħul fis-seħħ ta’ din id-Direttiva. |
||||||
127 |
Rimsulfuron CAS No 122931-48-0 CIPAC No 716 |
1-(4-6 dimethoxypyrimidin-2-yl)-3-(3-ethylsulfonyl-2-pyridylsulfonyl) urea |
≥ 960 g/kg (expressi bħala rimsulfuron) |
l-1 ta’ Frar 2007 |
il-31 ta’ Jannar 2017 |
PARTI A Użu bħala erbiċida biss jista’ jiġi awtorizzat. PARTI B Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ evalwazzjoni dwar it-rimsulfuron b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-27 ta’ Jannar 2006. L-Istati Membri għandhom jagħtu attenzjoni partikolari għall-protezzjoni tal-pjanti li mhumiex fil-mira u għall-ilma tal-pjan f’sitwazzjonijiet vulnerabbli. Kundizzjonijiet ta’ awtorizzazzjoni għandhom jinkludu miżuri għat-tnaqqis tar-riskju, fejn huma xierqa. |
||||||
128 |
Tolclofos-methyl CAS No 57018-04-9 CIPAC No 479 |
O-2,6-dichloro-p-tolyl O,O-dimethyl phosphorothioate O-2,6-dichloro-4-methylphenyl O,O-dimethyl phosphorothioate |
≥ 960 g/kg |
l-1 ta’ Frar 2007 |
il-31 ta’ Jannar 2017 |
PARTI A L-użu biss bħala funġiċida jista’ jkun awtorizzat PARTI B Waqt il-valutazzjoni ta’ l-applikazzjonijiet għall-awtorizzazzjoni tal-prodotti għall-protezzjoni tal-pjanti li fihom it-tolclofos-methyl għall-użi għajr dawk ta’ trattamenti ta’ qabel iż-żrigħ tat-tuberi (taż-żrieragħ) tal-patata u t-trattament tal-ħamrija għall-ħass fis-serer, l-Istati Membri għandhom joqogħdu partikolarment attenti għall-kriterji fl-Artikolu 4(1)(b), u għandhom jassiguraw li tiġi pprovduta kull data jew informazzjoni meħtieġa qabel ma tingħata awtorizzazzjoni bħal din. Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-tolclofos-methyl, u b’mod partikolari l-Appendiċi I u II tiegħu, kif iffinalizzat mill-Kumitat Permanenti tal-Katina Alimentari u s-Saħħa ta’ l-Annimali nhar is-27 ta’ Jannar 2006. |
||||||
129 |
Triticonazole CAS No 131983-72-7 CIPAC No 652 |
(±)-(E)-5-(4-chlorobenzylidene)-2,2-dimethyl-1-(1H-1,2,4-triazol-1-ylmethyl)cyclopentanol |
≥ 950 g/kg |
l-1 ta’ Frar 2007 |
il-31 ta’ Jannar 2017 |
PARTI A L-użu biss bħala funġiċida jista’ jkun awtorizzat PARTI B Waqt il-valutazzjoni ta’ l-applikazzjonijiet għall-awtorizzazzjoni tal-prodotti għall-protezzjoni tal-pjanti li fihom it-triticonazole għall-użi għajr dawk ta’ trattament taż-żrieragħ, l-Istati Membri għandhom joqogħdu partikolarment attenti għall-kriterji fl-Artikolu 4(1)(b), u għandhom jassiguraw li tiġi pprovduta kull data jew informazzjoni meħtieġa qabel ma tingħata awtorizzazzjoni bħal din. Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ evalwazzjoni dwar it-triticonazoleu b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-27 ta’ Jannar 2006. F’din il-valutazzjoni ġenerali, l-Istati Membri għandhom:
Il-kondizzjonijiet ta’ l-awtorizzazzjoni għandhom jinkludu miżuri ta’ mitigazzjoni tar-riskju, fejn ikun xieraq. L-Istati Membri kkonċernati għandhom jitolbu s-sottomissjoni ta’ iktar studji sabiex jikkonfermaw il-valutazzjoni tar-riskju għall-għasafar granivori. Huma għandhom jaċċertaw lin-notifikant li fuq talba tiegħu it-triticonazole ġie inkluż f’dan l-Anness jipprovdu tali studji lill-Kummissjoni fi żmien sentejn mid-dħul fis-seħħ ta’ din id-Direttiva. |
(1) Dettalji oħra dwar l-identità u l-ispeċifikazzjoni tas-sustanżi attivi huma pprovduti fir-rapport tar-reviżjoni.”