This document is an excerpt from the EUR-Lex website
Document 32006E0708
Council Joint Action 2006/708/CFSP of 17 October 2006 amending and extending Joint Action 2005/190/CFSP on the European Union Integrated Rule of Law Mission for Iraq, EUJUST LEX
Azzjoni Konġunta tal-Kunsill 2006/708/PESK tas- 17 ta’ Ottubru 2006 li temenda u testendi l-Azzjoni Konġunta 2005/190/PESK dwar il-Missjoni Integrata ta' l-Unjoni Ewropea ta' l-Istat ta' Dritt għall-Iraq, EUJUST LEX
Azzjoni Konġunta tal-Kunsill 2006/708/PESK tas- 17 ta’ Ottubru 2006 li temenda u testendi l-Azzjoni Konġunta 2005/190/PESK dwar il-Missjoni Integrata ta' l-Unjoni Ewropea ta' l-Istat ta' Dritt għall-Iraq, EUJUST LEX
ĠU L 291, 21.10.2006, p. 43–43
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 200M, 1.8.2007, p. 96–96
(MT)
No longer in force, Date of end of validity: 31/12/2007
Relation | Act | Comment | Subdivision concerned | From | To |
---|---|---|---|---|---|
Modifies | 32005E0190 | Sostituzzjoni | artikolu 11.3 | 17/10/2006 | |
Modifies | 32005E0190 | DATE artikolu 14 | |||
Extended validity | 32005E0190 | 31/12/2007 |
1.8.2007 |
MT |
Il-Ġurnal Uffiċjali ta’ l-Unjoni Ewropea |
96 |
AZZJONI KONĠUNTA TAL-KUNSILL 2006/708/PESK
tas-17 ta’ Ottubru 2006
li temenda u testendi l-Azzjoni Konġunta 2005/190/PESK dwar il-Missjoni Integrata ta' l-Unjoni Ewropea ta' l-Istat ta' Dritt għall-Iraq, EUJUST LEX
IL-KUNSILL TA' L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 14 tiegħu,
Billi:
(1) |
Fit-12 ta' Ġunju 2006, wara reviżjoni tal-missjoni mis-Segretarju Ġenerali/Rappreżentant Għoli, il-Kunsill qabel li jestendi l-EUJUST LEX għal 18-il xahar ieħor wara l-iskadenza tal-mandat eżistenti, sal-31 ta' Diċembru 2007. |
(2) |
Fl-istess data, il-Kunsill adotta l-Azzjoni Konġunta 2006/413/PESK li temenda u testendi l-Azzjoni Konġunta 2005/190/PESK dwar il-Missjoni Integrata ta' l-Unjoni Ewropea ta' l-Istat ta' Dritt għall-Iraq, EUJUST LEX (1). Dik l-Azzjoni Konġunta tkopri l-ewwel fażi ta' din l-estensjoni sal-31 ta' Ottubru 2006. |
(3) |
Din l-Azzjoni Konġunta għandha tipprovdi l-bażi għat-tieni fażi ta' din l-estensjoni, sal-31 ta' Diċembru 2007. |
(4) |
L-Azzjoni Konġunta 2005/190/PESK (2) għandha tiġi emendata kif meħtieġ, |
ADOTTA DIN L-AZZJONI KONĠUNTA:
Artikolu 1
L-Azzjoni Konġunta 2005/190/PESK hija b'dan emendata kif ġej:
1. |
L-Artikolu 11(3) għandu jiġi mibdul b' dan li ġej: “Minħabba s-sitwazzjoni ta' sigurtà partikolari fl-Iraq, is-servizzi f’Bagdad għandhom jiġu pprovduti permezz tal-kuntratti magħmula mir-Renju Unit mal-kumpanniji li jipprovdu dawn is-servizzi u joħorġu fattura għalihom. Il-baġit ta' l-EUJUST LEX għandu jkopri dawn l-ispejjeż sa mhux aktar minn EUR 2,4 miljun. Ir-Renju Unit għandu, f'konsultazzjoni mal-Kap tal-Missjoni, jirrapporta b' informazzjoni adegwata lill-Kunsill dwar dawn l-ispejjeż.” |
2. |
It-tieni subparagrafu ta' l-Artikolu 14 għandu jiġi sostitwit b'li ġej: “Din għandha tiskadi fil-31 ta’ Diċembru 2007.” |
Artikolu 2
L-ammont finanzjarju ta' referenza maħsub sabiex ikopri n-nefqa addizzjonali relatata mal-missjoni għall-perijodu mill-1 ta' Novembru 2006 sal-31 ta' Diċembru 2007 għandu jkun EUR 11,2 miljun.
Artikolu 3
Din l-Azzjoni Konġunta għandha tidħol fis-seħħ fid-data ta' l-adozzjoni tagħha.
Artikolu 4
Din l-Azzjoni Konġunta għandha tiġi pubblikata fil-Ġurnal Uffiċjali ta' l-Unjoni Ewropea.
Magħmul fil-Lussemburgu, 17 ta’ Ottubru 2006.
Għall-Kunsill
Il-President
E. TUOMIOJA
(1) ĠU L 163, 15.6.2006, p. 17.