Ten dokument pochodzi ze strony internetowej EUR-Lex
Dokument 32006D0504
2006/504/EC: Commission Decision of 12 July 2006 on special conditions governing certain foodstuffs imported from certain third countries due to contamination risks of these products by aflatoxins (notified under document number C(2006) 3113) (Text with EEA relevance)
Deċiżjoni tal-Kummissjoni tat- 12 ta' Lulju 2006 dwar kundizzjonijiet speċjali li jirregolaw ċerti oġġetti ta' l-ikel impurtati minn ċerti pajjiżi terzi minħabba r-riskju ta' kontaminazzjoni ta' dawn il-prodotti mill-aflatossini (innotifikata taħt dokument numru C(2006) 3113) Test b'rilevanza għaż-ŻEE.
Deċiżjoni tal-Kummissjoni tat- 12 ta' Lulju 2006 dwar kundizzjonijiet speċjali li jirregolaw ċerti oġġetti ta' l-ikel impurtati minn ċerti pajjiżi terzi minħabba r-riskju ta' kontaminazzjoni ta' dawn il-prodotti mill-aflatossini (innotifikata taħt dokument numru C(2006) 3113) Test b'rilevanza għaż-ŻEE.
ĠU L 199, 21.7.2006, str. 21—32
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 118M, 8.5.2007, str. 981—992
(MT)
Już nie obowiązuje, Data zakończenia ważności: 31/12/2009; Imħassar b' 32009R1152
Powiązanie | Akt | Komentarz | Zmienione elementy | Od | do |
---|---|---|---|---|---|
Uchylić | 32000D0049 | ||||
Uchylić | 32002D0079 | ||||
Uchylić | 32002D0080 | ||||
Uchylić w sposób dorozumiany | 32002D0233 | 01/10/2006 | |||
Uchylić w sposób dorozumiany | 32002D0678 | 01/10/2006 | |||
Uchylić w sposób dorozumiany | 32002D0679 | 01/10/2006 | |||
Uchylić | 32003D0493 | ||||
Uchylić w sposób dorozumiany | 32003D0550 | 01/10/2006 | |||
Uchylić w sposób dorozumiany | 32003D0552 | 01/10/2006 | |||
Uchylić w sposób dorozumiany | 32003D0580 | 01/10/2006 | |||
Uchylić w sposób dorozumiany | 32004D0428 | 01/10/2006 | |||
Uchylić w sposób dorozumiany | 32004D0429 | 01/10/2006 | |||
Uchylić | 32005D0085 |
Powiązanie | Akt | Komentarz | Zmienione elementy | Od | do |
---|---|---|---|---|---|
Poprawki wprowadzone przez | 32007D0459 | Sostituzzjoni | artikolu 8.2 | 01/07/2007 | |
Poprawki wprowadzone przez | 32007D0459 | Sostituzzjoni | artikolu 3.3 | 01/07/2007 | |
Poprawki wprowadzone przez | 32007D0459 | Sostituzzjoni | anness 3 | 01/07/2007 | |
Poprawki wprowadzone przez | 32007D0459 | Emenda | artikolu 5.3 | 01/07/2007 | |
Poprawki wprowadzone przez | 32007D0459 | Sostituzzjoni | artikolu 1 | 01/07/2007 | |
Poprawki wprowadzone przez | 32007D0459 | Sostituzzjoni | anness 2 | 01/01/2007 | |
Poprawki wprowadzone przez | 32007D0459 | Emenda | artikolu 5.2 | 01/07/2007 | |
Poprawki wprowadzone przez | 32007D0459 | Sostituzzjoni | anness 1 | 01/07/2007 | |
Poprawki wprowadzone przez | 32007D0459 | Żieda | artikolu 10 BI | 01/10/2006 | |
Poprawki wprowadzone przez | 32007D0459 | Żieda | artikolu 3.7 | 01/07/2007 | |
Poprawki wprowadzone przez | 32007D0563 | Emenda | artikolu 1.2 | 01/09/2007 | |
Poprawki wprowadzone przez | 32007D0563 | Żieda | artikolu 3.8 | 01/09/2007 | |
Poprawki wprowadzone przez | 32007D0563 | Żieda | artikolu 7BI | 01/09/2007 | |
Poprawki wprowadzone przez | 32007D0563 | Tlestija | artikolu 3.1 | 01/09/2007 | |
Poprawki wprowadzone przez | 32007D0563 | Sostituzzjoni | artikolu 1.1 | 01/09/2007 | |
Poprawki wprowadzone przez | 32007D0563 | Tlestija | artikolu 5.2 | 01/09/2007 | |
Poprawki wprowadzone przez | 32007D0563 | Sostituzzjoni | artikolu 8 | 01/09/2007 | |
Poprawki wprowadzone przez | 32007D0759 | Tlestija | artikolu 1 | 20071119 | |
Poprawki wprowadzone przez | 32007D0759 | Żieda | artikolu 7.3 | 20071119 | |
Poprawki wprowadzone przez | 32007D0759 | Emenda | artikolu 5.2 | 20071119 | |
Poprawki wprowadzone przez | 32007D0759 | Żieda | artikolu 3.9 | 20071119 | |
Poprawki wprowadzone przez | 32009R0669 | abolizzjoni | artikolu 1PTA)PT3) | 25/01/2010 | |
Poprawki wprowadzone przez | 32009R0669 | abolizzjoni | artikolu 7.3 | 25/01/2010 | |
Poprawki wprowadzone przez | 32009R0669 | Sostituzzjoni | artikolu 5.2PTA) | 25/01/2010 | |
Poprawki wprowadzone przez | 32009R0669 | abolizzjoni | artikolu 1PTA)PT5) | 25/01/2010 | |
Poprawki wprowadzone przez | 32009R0669 | abolizzjoni | artikolu 1PTA) | 25/01/2010 | |
Poprawki wprowadzone przez | 32009R0669 | abolizzjoni | artikolu 1PTA)PT4) | 25/01/2010 | |
Uchylone przez | 32009R1152 |
8.5.2007 |
MT |
Il-Ġurnal Uffiċjali ta’ l-Unjoni Ewropea |
981 |
DEĊIŻJONI TAL-KUMMISSJONI
tat-12 ta' Lulju 2006
dwar kundizzjonijiet speċjali li jirregolaw ċerti oġġetti ta' l-ikel impurtati minn ċerti pajjiżi terzi minħabba r-riskju ta' kontaminazzjoni ta' dawn il-prodotti mill-aflatossini
(innotifikata taħt dokument numru C(2006) 3113)
(Test b'rilevanza għaż-ŻEE)
(2006/504/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistabbilixxi l-prinċipji u l-ħtiġijiet ġenerali tal-liġi dwar l-ikel, li jistabbilixxi l-Awtorità Ewropea għas-Sigurtà fl-Ikel u li jistipula proċeduri fi kwistjonijiet ta' sigurtà fl-ikel (1), u b'mod partikulari l-Artikolu 53 (1)(b)(ii) tiegħu,
Billi:
(1) |
Il-Kumitat Xjentifiku għall-Ikel innota li l-aflatossina B1 hija karċinoġenu ġenotossiku qawwi u, anki f'livelli estremament baxxi, tikkontribwixxi fir-riskju ta' kanċer fil-fwied. |
(2) |
Ir-Regolament tal-Kummissjoni (KE) Nru 466/2001 tat-8 ta' Marzu 2001 li jistabbilixxi livelli massimi għal ċerti kontaminanti fl-oġġetti ta' l-ikel (2) jistipula livelli massimi għal ċerti kontaminanti u b'mod partikolari l-aflatossini li huma permessi fl-oġġetti ta' l-ikel. Dawk il-limiti għall-aflatossini inqabżu regolarment f'ċerti oġġetti ta' l-ikel minn ċerti pajjiżi terzi. |
(3) |
Din il-kontaminazzjoni tikkostitwixxi theddida serja għas-saħħa pubblika fil-Komunità u għalhekk huwa xieraq li jiġu adottati kundizzjonijiet speċjali fil-livell tal-Komunità. |
(4) |
Id-Deċiżjoni tal-Kummissjoni 2000/49/KE tas-6 ta' Diċembru 1999 li tirrevoka d-Deċiżjoni 1999/356/KE u li timponi kundizzjonijiet speċjali fuq l-importazzjoni ta' karawett u ta' ċerti prodotti derivati mill-karawett li joriġinaw minn jew huma konsenjati mill-Eġittu (3) tistipula kundizzjonijiet speċjali fuq l-importazzjoni tal-karawett u ċerti prodotti derivati mill-karawett li joriġinaw minn jew huma konsenjati mill-Eġittu. |
(5) |
Id-Deċiżjoni tal-Kummissjoni 2002/79/KE ta' l-4 ta' Frar 2002 timponi kundizzjonijiet speċjali fuq l-importazzjoni ta' karawett u ċerti prodotti derivati mill-karawett li joriġinaw minn jew huma konsenjati miċ-Ċina (4) tistipula kundizzjonijiet speċjali fuq l-importazzjoni ta' karawett u ċerti prodotti derivati mill-karawett li joriġinaw minn jew huma konsenjati miċ-Ċina. |
(6) |
Id-Deċiżjoni tal-Kummissjoni 2002/80/KE ta' l-4 ta' Frar 2002 li timponi kundizzjonijiet speċjali fuq l-importazzjoni ta' tin, ġellewż u pistaċċi u ċerti prodotti derivati minnhom li joriġinaw minn jew huma konsenjati mit-Turkija (5), tistipula ċerti kundizzjonijiet fuq l-importazzjoni ta' tin, ġellewż u pistaċċi u ċerti prodotti derivati minnhom li joriġinaw minn jew huma konsenjati mit-Turkija. |
(7) |
Id-Deċiżjoni tal-Kummissjoni 2003/493/KE ta' l-4 ta' Lulju 2003 li timponi kundizzjonijiet speċjali fuq l-importazzjoni ta' ġewż tal-Brażil bil-qoxra li joriġina minn jew huwa konsenjat mill-Brażil (6) tistipula kundizzjonijiet speċjali fuq l-importazzjoni ta' ġewż tal-Brażil bil-qoxra li joriġina minn jew huwa konsenjat mill-Brażil. |
(8) |
Id-Deċiżjoni tal-Kummissjoni 2005/85/KE tas-26 ta' Jannar 2005 li timponi kundizzjonijiet speċjali fuq l-importazzjoni ta' pistaċċi u ċerti prodotti derivati mill-pistaċċi li joriġinaw minn jew huma konsenjati mill-Iran (7), tistipula kundizzjonijiet speċjali fuq l-importazzjoni ta' pistaċċi u ċerti prodotti derivati minnhom li joriġinaw minn jew huma konsenjati mill-Iran. |
(9) |
Bosta mill-kundizzjonijiet speċjali għall-importazzjoni ta' oġġetti ta' l-ikel koperti mid-Deċiżjonijiet 2000/49/KE, 2002/79/KE, 2002/80/KE, 2003/493/KE u 2005/85/KE mill-Brażil, iċ-Ċina, l-Eġittu, l-Iran u t-Turkija huma l-istess. Għalhekk, fl-interess taċ-ċarezza tal-leġiżlazzjoni tal-Komunità, huwa xieraq li jiġu stipulati l-kundizzjonijiet speċjali għall-importazzjoni ta' dawk l-oġġetti ta' l-ikel minn dawn il-pajjiżi terzi minħabba l-kontaminazzjoni ta' dawn il-prodotti bl-aflatossini f'Deċiżjoni waħda. |
(10) |
Ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 fuq kontrolli uffiċjali mwettqa biex jiżguraw il-verifika tal-konformità mal-liġi dwar l-għalf u l-ikel, mar-regoli dwar is-saħħa ta' l-annimali u l-benesseri ta' l-annimali (8) jistabbilixxi fil-livell tal-Komunità qafas armonizzat ta' regoli ġenerali għall-organizzazzjoni ta' kontrolli uffiċjali. |
(11) |
Għal xi oġġetti ta' l-ikel minn ċerti pajjiżi terzi, huma meħtieġa miżuri addizzjonali speċifiċi. |
(12) |
Il-miżuri previsti f'din id-Deċiżjoni, b'mod partikolari fir-rigward ta' oġġetti ta' l-ikel mill-Iran u l-Brażil, għandhom impatt sinifikanti fuq ir-riżorsi ta' kontroll ta' l-Istati Membri. Huwa għalhekk xieraq li jkun mitlub li l-ispejjeż kollha li jirriżultaw mit-teħid ta' kampjuni, analiżi, ħażna u l-ispejjeż kollha li jirriżultaw minn miżuri uffiċjali meħuda fil-każ ta' kunsinni mhux konformi relatati mal-kontrolli uffiċjali ta' oġġetti ta' l-ikel mill-Iran u mill-Brażil skond din id-Deċiżjoni għandhom jinġarru mill-importaturi jew l-operaturi tan-negozju ta' l-ikel ikkonċernati. |
(13) |
Mis-sejbiet tal-missjoni ta' l-Uffiċċju ta' l-Ikel u Veterinarju (“FVO”) tal-Kummissjoni, jista' jiġi konkluż li l-Brażil fil-preżent ma jistax jiżgura riżultati analitiċi ta' min jorbot fuqhom jew jiggarantixxi l-integrità ta' lott rigward iċ-ċertifikazzjoni tal-kunsinni ta' ġewż tal-Brażil mingħajr qoxra. Barra minn hekk, jista' jiġi konkluż ukoll li l-kontrolli uffiċjali attwali fuq lottijiet imreġġgħin lura huma inadegwati. Huwa għalhekk xieraq li l-analiżi tiġi limitata għal-laboratorju uffiċjali li jista' jagħti garanziji rigward ir-riżultati analitiċi u li jiġu imposti kundizzjonijiet stretti rigward it-treġġigħ lura ta' lottijiet mhux konformi. F'każ ta' nuqqas ta' konformità ma' dawk il-kundizzjonijiet stretti, il-lottijiet mhux konformi sussegwenti għandhom jinqerdu. |
(14) |
Fl-interess tas-saħħa pubblika, l-Istati Membri għandhom iżommu lill-Kummissjoni infurmata permezz ta' rapport kull tliet xhur bir-riżultati kollha tal-kontrolli uffiċjali mwettqa fir-rigward ta' kunsinni ta' oġġetti ta' l-ikel koperti minn din id-Deċiżjoni. Dawn ir-rapporti għandhom ikunu b'żieda ma' l-obbligi ta' notifika skond is-Sistema Rapida ta' l-Allert għall-Ikel u t-Tgħam stabbilita bir-Regolament (KE) Nru 178/2002. |
(15) |
Huwa importanti li jiġi assigurat li t-teħid ta' kampjuni u l-analiżi ta' kunsinni ta' oġġetti ta' l-ikel koperti minn din id-Deċiżjoni jitwettqu b'mod armonizzat madwar il-Komunità kollha. Għalhekk it-teħid ta' kampjuni u l-analiżi li għandhom jitwettqu skond din id-Deċiżjoni għandhom jitwettqu f'konformità mad-dispożizzjonijiet tar-Regolament tal-Kummissjoni (KE) Nru 401/2006 tat-23 ta' Frar 2006 li jistipula l-metodi ta' teħid ta' kampjuni u ta' analiżi għall-kontroll uffiċjali tal-livelli ta' mikotossini fl-oġġetti ta' l-ikel (9) |
(16) |
It-tħaddim ta' din id-Deċiżjoni għandu jinżamm taħt verifika fuq il-bażi tal-garanziji li jingħataw mill-awtoritajiet kompetenti tal-pajjiżi terzi konċernati u tar-riżultati tal-kontrolli uffiċjali mwettqa mill-Istati Membri biex jivverifikaw jekk il-kundizzjonijiet speċjali jipprovdux livell suffiċjenti ta' ħarsien għas-saħħa pubblika fil-Komunità u jekk għadhomx meħtieġa. |
(17) |
Id-Deċiżjonijiet tal-Kummissjoni 2000/49/KE, 2002/79/KE, 2002/80/KE, 2003/493/KE u 2005/85/KE għandhom għalhekk jiġu mħassra. |
(18) |
Il-miżuri previsti f'din id-Deċiżjoni huma konformi ma' l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
L-Artikolu 1
Firxa ta' applikazzjoni
Din id-Deċiżjoni għandha tapplika għall-oġġetti ta' l-ikel imsemmija fil-punti (a) sa (e) u għall-oġġetti ta' l-ikel ipproċessati u komposti derivati minn jew li fihom l-oġġetti ta' l-ikel imsemmija fil-punti (a) sa (e).
L-oġġetti ta' l-ikel għandhom jitqiesu li fihom l-oġġetti ta' l-ikel meta tali oġġetti ta' l-ikel huma mniżżla bħala ingredjenti fuq it-tikketta jew l-imballaġġ skond l-Artikolu 6 tad-Direttiva 2000/13/KE tal-Parlament Ewropew u tal-Kunsill ta' l-20 ta' Marzu 2000 dwar l-approssimazzjoni tal-liġijiet ta' l-Istati Membri rigward l-ittikkettjar, il-preżentazzjoni u r-riklamar ta' l-oġġetti ta' l-ikel (10)
(a) |
L-oġġetti ta' l-ikel li ġejjin impurtati mill-Brażil:
|
(b) |
L-oġġetti ta' l-ikel li ġejjin impurtati miċ-Ċina:
|
(ċ) |
L-oġġetti ta' l-ikel li ġejjin impurtati mill-Eġittu:
|
(d) |
L-oġġetti ta' l-ikel li ġejjin impurtati mill-Iran:
|
(e) |
L-oġġetti ta' l-ikel li ġejjin impurtati mit-Turkija:
|
L-Artikolu 2
Definizzjonijiet
Għall-għanijiet ta' din id-Deċiżjoni, id-definizzjonijiet stipulati fl-Artikoli 2 u 3 tar-Regolament (KE) Nru 178/2002 u fl-Artikolu 2 tar-Regolament (KE) Nru 882/2004 għandhom japplikaw.
’postijiet ta' dħul magħżula’ tfisser dawk il-postijiet li minnhom biss jistgħu jiġu impurtati fil-Komunità l-oġġetti ta' l-ikel imsemmija fl-Artikolu 1. Lista sħiħa ta' postijiet ta' dħul magħżula tinsab fl-Anness II.
L-Artikolu 3
Ir-riżultati tat-teħid ta' kampjuni u ta' l-analiżi u ċ-ċertifikat tas-saħħa
1. L-Istati Membri jistgħu jippermettu biss l-importazzjoni ta' l-oġġetti ta' l-ikel li hemm referenza għalihom fl-Artikolu 1 (minn hawn 'il quddiem imsejħa ’oġġetti ta' l-ikel’), fejn il-kunsinna hija akkumpanjata mir-riżultati tat-teħid ta' kampjuni u ta' l-analiżi u ċertifikat tas-saħħa (11) skond il-mudell muri fl-Anness I, mimli, iffirmat u vverifikat minn rappreżentant awtorizzat ta':
(a) |
il-Ministério da Agricultura, Pecuária e Abastecimento (MAPA) għal oġġetti ta' l-ikel mill-Brażil; |
(b) |
l-Amministrazzjoni Statali għal spezzjoni ta' Dħul-Ħruġ u Kwarantina tar-Repubblika Popolari taċ-Ċina għal oġġetti ta' l-ikel miċ-Ċina; |
(ċ) |
il-Ministeru ta' l-Agrikoltura Eġizzjan għal oġġetti ta' l-ikel mill-Eġittu; |
(d) |
il-Ministeru tas-Saħħa Iranjan għal oġġetti ta' l-ikel mill-Iran; |
(e) |
id-Direttorat Ġenerali għall-protezzjoni u l-kontroll tal-Ministeru ta' l-Agrikoltura u ta' l-Affarijiet Rurali tar-Repubblika tat-Turkija għal oġġetti ta' l-ikel mit-Turkija. |
2. Iċ-ċertifikat tas-saħħa previst fil-paragrafu 1 ikun validu biss għall-importazzjoni ta' oġġetti ta' l-ikel fil-Komunità mhux aktar tard minn erba' xhur mid-data tal-ħruġ taċ-ċertifikat tas-saħħa.
3. L-awtoritajiet kompetenti f'kull Stat Membru għandhom jiżguraw li l-oġġetti ta' l-ikel huma suġġetti għall-kontrolli tad-dokumenti biex ikun aċċertat li r-rekwiżiti tar-riżultati tat-teħid ta' kampjuni u ta' l-analiżi u ċ-ċertifikat tas-saħħa previsti fil-paragrafu 1 jiġu osservati. Il-kontroll tad-dokumenti jsir fil-post ta' l-ewwel dħul fit-territorju tal-Komunità.
4. Fejn kunsinna ta' oġġetti ta' l-ikel ma tkunx akkumpanjata mir-riżultat tat-teħid ta' kampjuni u ta' l-analiżi u ċ-ċertifikat tas-saħħa kif hemm previst fil-paragrafu 1, il-kunsinna ma tkunx tista' tidħol fil-Komunità biex titwassal għall-post ta' dħul magħżul u lanqas tista' tiġi impurtata fil-Komunità u għandha tintbagħat lura lejn il-pajjiż ta' l-oriġini jew tinqered.
5. It-teħid ta' kampjuni u l-analiżi previsti fil-paragrafu 1 għandhom jitwettqu skond id-dispożizzjonijiet tar-Regolament tal-Kummissjoni (KE) 401/2006.
6. Kull kunsinna ta' oġġetti ta' l-ikel għandha tkun identifikata b'kodiċi li jaqbel mal-kodiċi tar-riżultat tat-teħid ta' kampjuni u ta' l-analiżi u ċ-ċertifikat tas-saħħa msemmija fil-paragrafu 1. Kull pakkett individwali, jew kull forma oħra ta' ppakkjar, tal-kunsinna għandu jkun identifikat b'dak il-kodiċi.
L-Artikolu 4
Postijiet ta' dħul magħżula fil-Komunità
1. Oġġetti ta' l-ikel jistgħu jiġu impurtati biss fil-Komunità minn wieħed mill-postijiet ta' dħul magħżula mniżżla fl-Anness II.
2. L-awtoritajiet kompetenti f'kull Stat Membru għandhom jiżguraw li l-postijiet ta' dħul magħżula (12) mniżżla fl-Anness II huma konformi mar-rekwiżiti li ġejjin:
(a) |
il-preżenza ta' staff imħarreġ biex iwettaq kontrolli uffiċjali fuq kunsinni ta' oġġetti ta' l-ikel; |
(b) |
id-disponibbiltà ta' struzzjonijiet dettaljati dwar it-teħid ta' kampjuni u kif jintbagħtu l-kampjuni fil-laboratorju, f'konformità mad-dispożizzjonijiet fl-Anness I tar-Regolament tal-Kummissjoni (KE) 401/2006; |
(ċ) |
il-possibbiltà li jsir il-ħatt u t-teħid ta' kampjuni f'post mgħotti fil-post ta' dħul magħżul; irid ikun possibbli li l-kunsinna ta' l-oġġetti ta' l-ikel titpoġġa taħt il-kontroll uffiċjali ta' l-awtorità kompetenti mill-post ta' dħul magħżul 'il quddiem f'każi fejn il-kunsinna trid tinġarr sabiex isir it-teħid ta' kampjuni minnha; |
(d) |
id-disponibbiltà ta' kmamar għall-ħażna, ta' mħażen biex kunsinni ta' oġġetti ta' l-ikel miżmuma jinħażnu f'kundizzjonijiet tajbin matul il-perjodu ta' detenzjoni sakemm jaslu r-riżultati ta' l-analiżi; |
(e) |
id-disponibbiltà ta' tagħmir għall-ħatt u apparat adegwat għat-teħid ta' kampjuni; |
(f) |
id-disponibbiltà ta' laboratorju uffiċjali akkreditat (13) għall-analiżi ta' l-aflatossina, li jkun f'post fejn il-kampjuni jkunu jistgħu jittieħdu fi żmien qasir; il-laboratorju għandu jkun mgħammar b'tagħmir għat-tħin approprjat għall-omoġenejizzazzjoni ta' kampjuni ta' 10-30 kg (14). Il-laboratorju għandu jkun kapaċi janalizza l-kampjun f'perjodu raġonevoli ta' żmien bil-għan li jikkonforma mal-perjodu massimu ta' 15-il jum ta' xogħol ta' detenzjoni għall-kunsinni. |
3. L-Istati Membri għandhom jiżguraw li l-operaturi tan-negozju ta' l-ikel għandhom joffru biżżejjed riżorsi umani u loġistika għall-ħatt tal-kunsinna ta' l-oġġetti ta' l-ikel, biex ikun jista' jsir teħid ta' kampjuni rappreżentattiv.
F'każ ta' ġarr speċjali u/jew forom ta' ppakkjar speċifiċi, l-operatur/l-operatur tan-negozju ta' l-ikel responsabbli għandu jpoġġi għad-dispożizzjoni ta' l-ispettur uffiċjali t-tagħmir approprjat għat-teħid ta' kampjuni kemm-il darba it-teħid ta' kampjuni ma jistax isir b'mod rappreżentattiv bit-tagħmir normali għat-teħid ta' kampjuni.
L-Artikolu 5
Kontroll uffiċjali
1. L-awtoritajiet kompetenti f'kull Stat Membru għandhom jieħdu kampjun għall-analiżi, f'konformità mad-dispożizzjonijiet fl-Anness I tar-Regolament 401/2006 minn kunsinni ta' oġġetti ta' l-ikel għall-analiżi ta' l-aflatossina B1 u kontaminazzjoni minn aflatossina totali qabel ir-rilaxx għaċ-ċirkolazzjoni ħielsa mill-post ta' dħul magħżul għall-Komunità.
2. It-teħid ta' kampjuni għall-analiżi msemmija fil-paragrafu 1 għandu jitwettaq fuq:
(a) |
kull kunsinna ta' oġġetti ta' l-ikel mill-Brażil; |
(b) |
madwar 10 % tal-kunsinni ta' oġġetti ta' l-ikel miċ-Ċina; |
(ċ) |
madwar 20 % tal-kunsinni ta' oġġetti ta' l-ikel mill-Eġittu; |
(d) |
kull kunsinna ta' oġġetti ta' l-ikel mill-Iran; |
(e) |
madwar 5 % tal-kunsinni għal kull kategorija ta' ġellewż li hemm riferenza għaliha fil-punti (e)(ii), (iv) u (vi) ta' l-Artikolu 1 u prodotti derivati minn dan il-ġellewż mit-Turkija u madwar 10 % tal-kunsinni ta' kategoriji oħra ta' oġġetti ta' l-ikel mit-Turkija. |
3. Kwalunkwe kunsinna ta' oġġetti ta' l-ikel li għandha tkun suġġetta għat-teħid ta' kampjuni u analiżi tista' tinżamm qabel ir-rilaxx għaċ-ċirkolazzjoni ħielsa mill-post ta' dħul magħżul għall-Komunità għal perjodu massimu ta' 15-il jum ta' xogħol mill-mument li l-kunsinna tiġi offruta għall-importazzjoni u tkun fiżikament disponibbli għat-teħid ta' kampjuni.
L-awtoritajiet kompetenti ta' l-Istat Membru importatur għandhom joħorġu dokument uffiċjali ta' akkumpanjament li jistabbilixxi li l-kunsinna ta' l-oġġetti ta' l-ikel kienet suġġetta għat-teħid ta' kampjuni u analiżi u li juri r-riżultati ta' l-analiżi.
4. L-Istati Membri għandhom jissottomettu lill-Kummissjoni kull tliet xhur rapport tar-riżultati analitiċi kollha tal-kontrolli uffiċjali fuq il-kunsinni ta' oġġetti ta' l-ikel. Dan ir-rapport għandu jiġi sottomess matul ix-xahar wara kull kwart ta' sena (April, Lulju, Ottubru, u Jannar).
L-Artikolu 6
Taqsim ta' kunsinna
Jekk kunsinna tinqasam, kopji taċ-ċertifikat tas-saħħa kif previst fl-Artikolu 3(1) u d-dokument uffiċjali kif previst fl-Artikolu 5(3), u ċċertifikat mill-awtorità kompetenti ta' l-Istat Membru li fuq it-territorju tiegħu jkun sar it-taqsim, għandhom jakkumpanjaw kull parti tal-kunsinna maqsuma sa u inkluż l-istadju tal-bejgħ bl-ingrossa.
L-Artikolu 7
Kundizzjonijiet addizzjonali fir-rigward ta' importazzjoni ta' oġġetti ta' l-ikel mill-Brażil
1. L-analiżi prevista fl-Artikolu 3(1) għandha ssir mil-laboratorju ta' kontroll uffiċjali għall-analiżi ta' l-aflatossini f'oġġetti ta' l-ikel mill-Brażil f'Belo Horizonte, il-Brażil, il-Laboratório de Controle de Qualidade de Segurança Alimentar — (LACQSA).
2. Kunsinni ta' ġewż tal-Brażil mingħajr qoxra li m'humiex konformi mal-livelli massimi għall-aflatossina B1 u l-aflatossina totali, stabbiliti mir-Regolament (KE) Nru 466/2001 jistgħu jintbagħtu lura biss lejn il-pajjiż ta' oriġini fejn, għal kull kunsinna kkonċernata individwali mhux konformi, il-Ministério da Agricultura, Pecuária e Abastecimento — (MAPA) jipprovdi dan li ġej bil-miktub:
(a) |
qbil espliċitu għar-ritorn tal-kunsinna kkonċernata, bl-indikazzjoni tal-kodiċi tal-kunsinna; |
(b) |
impenn li l-kunsinna mibgħuta lura titpoġġa taħt kontroll uffiċjali mid-data tal-wasla 'l quddiem; |
(ċ) |
indikazzjoni konkreta ta':
|
Madankollu, jekk il-kundizzjonijiet previsti fil-punti (a), (b) u (ċ) ma jiġux osservati mill-Ministério da Agricultura, Pecuária e Abastecimento — (MAPA), il-kunsinni sussegwenti kollha li ma jkunux konformi mal-livelli massimi għall-aflatossina B1 u l-aflatossina totali, stabbiliti mir-Regolament (KE) Nru 466/2001 għandhom jinqerdu mill-awtoritajiet kompetenti ta' l-Istat Membru importatur.
L-Artikolu 8
Kundizzjonijiet addizzjonali rigward l-importazzjoni ta' oġġetti ta' l-ikel mill-Brażil u mill-Iran
1. L-ispejjeż kollha li jirriżultaw minn teħid ta' kampjuni, analiżi, ħażna u ħruġ ta' dokumenti uffiċjali ta' akkumpanjament u kopji taċ-ċertifikat tas-saħħa u dokumenti ta' akkumpanjament skond l-Artikoli 3(1) u 5(3) għal oġġetti ta' l-ikel mill-Brażil u mill-Iran kif imsemmija fil-punti (a) u (d) ta' l-Artikolu 1 u għal oġġetti ta' l-ikel kompost u pproċessat li ġej minn jew li fih l-oġġetti ta' l-ikel msemmija f'dawn il-punti, għandhom jinġarru mill-operatur tan-negozju ta' l-ikel responsabbli mill-kunsinna jew mir-rappreżentant tiegħu.
2. L-ispejjeż kollha relatati ma' miżuri uffiċjali meħuda mill-awtoritajiet kompetenti rigward in-nuqqas ta' konformità ta' kunsinni ta' oġġetti ta' l-ikel mill-Brażil u mill-Iran kif imsemmi fil-punti (a) u (d) ta' l-Artikolu 1 u għal oġġetti ta' l-ikel kompost u pproċessat li ġej minn jew li fih l-oġġetti ta' l-ikel msemmija f'dawn il-punti, għandhom jinġarru mill-operatur tan-negozju ta' l-ikel responsabbli mill-kunsinna jew mir-rappreżentant tiegħu.
L-Artikolu 9
Reviżjoni
Din id-Deċiżjoni għandha tkun riveduta fuq il-bażi tar-rapporti previsti fl-Artikolu 5(4) u l-garanziji provduti mill-awtoritajiet kompetenti tal-pajjiżi li jkunu qed jesportaw l-oġġetti ta' l-ikel u tar-riżultati tat-teħid ta' kampjuni u ta' l-analiżi mwettqa mill-Istati Membri bil-għan li jivvalutaw jekk il-kundizzjonijiet stipulati fl-Artikoli 3, 4, 5, 6, 7 u 8 jipprovdux livell suffiċjenti ta' ħarsien għas-saħħa pubblika fil-Komunità u jekk dawn ikunux għadhom meħtieġa.
L-Artikolu 10
Revoki
Id-Deċiżjonijiet tal-Kummissjoni 2000/49/KE, 2002/79/KE, 2002/80/KE, 2003/493/KE u 2005/85/KE huma b'dan revokati.
L-Artikolu 11
Applikabbiltà
Din id-Deċiżjoni għandha tapplika mill-1 ta' Ottubru 2006.
L-Istati Membri għandhom jadottaw u jippubblikaw il-miżuri meħtieġa biex ikunu konformi ma' din id-Deċiżjoni. Huma għandhom jinfurmaw b'dan lill-Kummissjoni minnufih.
L-Artikolu 12
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, nhar it-12 ta' Lulju 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 31, 1.2.2002, p. 1. Regolament kif emendat mir-Regolament (KE) Nru 575/2006, (ĠU L 100, 8.4.2006, p. 3).
(2) ĠU L 77, 16.3.2001, p. 1. Regolament kif emendat l-aħħar mir-Regolament (KE) Nru 199/2006 (ĠU L 32, 4.2.2006, p. 34).
(3) ĠU L 19, 25.1.2000, p. 46. Deċiżjoni kif emendata l-aħħar mid-Deċiżjoni 2004/429/KE (ĠU L 189, 27.5.2004, p. 13).
(4) ĠU L 34, 5.2.2002, p. 21. Deċiżjoni kif emendata l-aħħar bid-Deċiżjoni 2004/429/KE.
(5) ĠU L 34, 5.2.2002, p. 26. Deċiżjoni kif emendata l-aħħar bid-Deċiżjoni 2004/429/KE.
(6) ĠU L 168, 5.7.2003, p. 33. Deċiżjoni kif emendata bid-Deċiżjoni 2004/428/KE (ĠU L 189, 27.5.2004, p. 8).
(8) ĠU L 165, 30.4.2005, p. 1. Verżjoni kkoreġuta ĠU L 191, 28.5.2004, p. 1. Regolament kif l-aħħar emendat bir-Regolament tal-Kummissjoni (KE) Nru 776/2006 (ĠU L 136, 24.5.2006, p. 3).
(10) ĠU L 109, 6.5.2000, p. 29. Direttiva kif emendata l-aħħar bid-Direttiva 2003/89/KE (ĠU L 308, 25.11.2003, p. 15).
(11) Iċ-ċertifikati tas-saħħa għandhom jinkitbu f'ilsien mifhum mill-uffiċjal li jiċċertifika, li jippermetti lill-uffiċjal li jiċċertifika li jkun totalment konxju mit-tifsir tal-kontenuti ta' kull ċertifikat li jiffirma u f'ilsien mifhum mill-uffiċjal tal-kontroll tal-pajjiż li qed jimporta.
(12) Ir-rekwiżiti japplikaw għall-postijiet ta' dħul magħżula jew għall-post fejn effettivament isir it-teħid ta' kampjuni f'każ fejn il-kunsinna tkun qed tinġarr mill-post ta' dħul taħt kontroll uffiċjali għal dak il-post biex jittieħdu l-kampjuni.
(13) Laboratorju li huwa akkreditat u li huwa laboratorju uffiċjali (li jappartjeni lill-istruttura ta' l-Awtorità Kompetenti) jew laboratorju magħżul mill-awtorità kompetenti.
(14) Il-pass tat-tħin għall-omoġenejizzazzjoni bħala parti mit-tħejjija tal-kampjun, tista' ssir barra l-laboratorju, iżda l-bini fejn isir it-tħin għandu jkollu t-tagħmir għat-tħin, l-ambjent u l-protokoll xierqa għall-omoġenejizzazzjoni.
L-ANNESS II
Lista ta’ postijiet ta’ dħul magħżula li minnhom oġġetti ta’ l-ikel koperti mill-Artikolu 1 jistgħu jiġu impurtati fil-Komunità
Stat Membru |
Postijiet ta’ dħul magħżula |
Il-Belġju |
Antwerpen, Zeebrugge, Brussel/Bruxelles, Aalst |
Ir-Repubblika Ċeka |
Celní úřad Praha D5 |
Id-Danimarka |
Il-portijiet u l-ajruporti kollha Daniżi |
Il-Ġermanja |
HZA Lörrach – ZA Weil am Rhein–Autobahn, HZA Stuttgart – ZA Flughafen, HZA München – ZA München – Flughafen, HZA Berlin – ZA Dreilinden, HZA Frankfurt (Oder) – ZA Frankfurt (Oder) Autobahn, HZA Frankfurt (Oder) – ZA Forst–Autobahn, HZA Bremen – ZA Neustädter Hafen, HZA Bremen – ZA Bremerhaven, HZA Hamburg–Hafen – ZA Waltershof, HZA Hamburg–Stadt, HZA Itzehoe – ZA Hamburg–Flughafen, HZA Frankfurt–am–Main-Flughafen, HZA Braunschweig – ZA Braunschweig–Broitzem, HZA Hannover – ZA Hamburger Allee, HZA Koblenz – ZA Hahn–Flughafen, HZA Oldenburg – ZA Wilhelmshaven, HZA Bielefeld – ZA Eckendorfer Straße Bielefeld, HZA Erfurt – ZA Eisenach, HZA Potsdam – ZA Ludwigsfelde, HZA Potsdam – ZA Berlin–Flughafen Schönefeld, HZA Potsdam – ZA Berlin – Flughafen Schönefeld, HZA Potsdam – ZA Berlin – Flughafen Tegel, HZA Augsburg – ZA Memmingen, HZA Ulm – ZA Ulm (Donautal), HZA Karlsruhe – ZA Karlsruhe, HZA Gießen – ZA Gießen, HZA Gießen – ZA Marburg, HZA Singen – ZA Bahnhof, HZA Lörrach – ZA Weil am Rhein – Schusterinsel, HZA Hamburg–Stadt – ZA Oberelbe, HZA Hamburg–Stadt – ZA Oberelbe – Abfertigungsstelle Billbrook, HZA Hamburg-Stadt – ZA Oberelbe – Abfertigungsstelle Großmarkt, HZA Düsseldorf – ZA Düsseldorf Nord, HZA Köln – ZA Köln Niehl |
L-Estonja |
L-Uffiċċji tad-Dwana kollha Estoni |
Il-Greċja |
Athina, Pireas, Elefsina, Ajruport Internazzjonali ta’ Athina, Thessaloniki, Volos, Patra, Iraklion Kritis, Larisa, Katerini, Veria, Drama, Serres, Kavala, Xanthi, Alexadroupolis, Rodos |
Spanja |
Algeciras (Puerto), Alicante (Aeropuerto, Puerto), Almeria (Aeropuerto, Puerto), Asturias (Aeropuerto), Barcelona (Aeropuerto, Puerto, Ferrocarril), Bilbao (Aeropuerto, Puerto), Cadiz (Puerto), Cartagena (Puerto), Castellon (Puerto), Ceuta (Puerto), Gijón (Puerto), Huelva (Puerto), Irun (Carretera), La Coruña (Puerto), La Junquera (Carretera) Las Palmas de Gran Canaria (Aeropuerto, Puerto), Madrid (Aeropuerto, Ferrocarril), Malaga (Aeropuerto, Puerto), Marin (Puerto), Melilla (Puerto), Murcia (Ferrocarril), Palma de Mallorca (Aeropuerto, Puerto), Pasajes (Puerto), San Sebastián (Aeropuerto), Santa Cruz de Tenerife (Puerto), Santander (Aeropuerto, Puerto), Santiago de Compostela (Aeropuerto), Sevilla (Aeropuerto, Puerto), Tarragona (Puerto), Tenerife Norte (Aeropuerto), Tenerife Sur (Aeropuerto), Valencia (Aeropuerto, Puerto), Vigo (Aeropuerto, Puerto), Villagarcia (Puerto), Vitoria (Aeropuerto), Zaragoza (Aeropuerto) |
Franza |
Marseille (Bouches–du–Rhone), Le Havre (Seine–Maritime), Rungis MIN (Val–de–Marne), Lyon Chassieu CRD (Rhône), Strasbourg CRD (Bas–Rhin), Lille CRD (Nord), Saint–Nazaire Montoir CRD (Loire–Atlantique), Agen (Lot–et–Garonne), Port de la Pointe des Galets à la Réunion |
L-Irlanda |
Dublin – Port, Shannon – Ajruport |
L-Italja |
Ufficio Sanità Marittima ed Aerea di Ancona Ufficio Sanità Marittima ed Aerea di Bari Ufficio Sanità Marittima ed Aerea di Genova Ufficio Sanità Marittima di Livorno Ufficio Sanità Marittima ed Aerea di Napoli Ufficio Sanità Marittima di Cagliari Ufficio Sanità Marittima di Ravenna Ufficio Sanità Marittima di Savona Ufficio Sanità Marittima di Salerno Ufficio Sanità Marittima e aerea di Trieste, compresa Dogana di Fernetti-Interporto Monrupino Ufficio di Sanità Marittima di La Spezia Ufficio di Sanità Marittima e Aerea di Venezia Ufficio di Sanità Marittima e Aerea di Reggio Calabria |
Ċipru |
Il-port ta’ Limassol, l-Ajruport ta’ Larnaca |
Il-Latvja |
Grebneva – triq mar-Russja Terehova – triq mar-Russja Pātarnieki – triq mal-Bjelorussja Silene – triq mal-Bjelorussja Daugavpils – stazzjon tal-ferrovija Rēzekne – stazzjon tal-ferrovija Liepāja – port marittimu Ventspils – port marittimu Rīga – port marittimu Rīga – ajruport ta’ Rīga Rīga – Il-Posta tal-Latvja |
Il-Litwanja |
Triq: Kybartai, Lavoriškės, Medininkai, Panemunė, Šalčininkai. Ajruport: Vilnius. Port marittimu: Malkų įlankos, Molo, Pilies. Ferrovija: Kena, Kybartai, Pagėgiai |
Il-Lussemburgu |
Centre Douanier, Croix de Gasperich, Luxembourg Administration des Douanes et Accises, Bureau Luxembourg–Aéroport, Niederanven |
L-Ungerija |
Ferihegy – Budapest – ajruport Záhony – Szabolcs–Szatmár–Bereg – triq Eperjeske – Szabolcs–Szatmár–Bereg – ferrovija Nagylak – Csongrád – triq Lökösháza – Békés – ferrovija Röszke – Csongrád – triq Kelebia – Bács-Kiskun – ferrovija Letenye – Zala – triq Gyékényes – Somogy – ferrovija Mohács – Baranya – port L-Uffiċċji tad-Dwana Ewlenin kollha Ungeriżi |
Malta |
Malta Freeport, l-Ajruport Internazzjonali ta’ Malta u l-Port il-Kbir. |
L-Olanda |
Il-portijiet u l-ajruporti kollha u l-istazzjonijiet kollha fuq il-fruntiera |
L-Awstrija |
Zollamt Feldkirch, Zollamt Graz, Zollstellen Nickelsdorf und Sopron/Bahnhof im Bereich des Zollamtes Eisenstadt, Zollamt Wien, Zollamt Wels, Zollamt Flughafen Wien, Zollamt Salzburg, Zollamt Villach |
Il-Polonja |
Bezledy – Warmińsko – Mazurskie – punt ta’ fruntiera fuq it-triq Kuźnica Białostocka – Podlaskie – punt ta’ fruntiera fuq it-triq Bobrowniki – Podlaskie – punt ta’ fruntiera fuq it-triq Koroszczyn – Lubelskie – punt ta’ fruntiera fuq it-triq Dorohusk – Lubelskie – punt ta’ fruntiera fuq it-triq u l-ferrovija Gdynia – Pomorskie – punt ta’ fruntiera fil-port marittimu Gdańsk – Pomorskie – punt ta’ fruntiera fil-port marittimu Medyka – Przemyśl – Podkarpackie – punt ta’ fruntiera tul il-ferrovija Medyka – Podkarpackie – punt ta’ fruntiera fuq it-triq Korczowa – Podkarpackie – punt ta’ fruntiera fuq it-triq Jasionka – Podkarpackie – punt ta’ fruntiera fl-ajruport Szczecin – Zachodnio – Pomorskie – punt ta’ fruntiera fil-port marittimu Świnoujście – Zachodnio – Pomorskie – punt ta’ fruntiera fil-port marittimu Kołobrzeg – Zachodnio – Pomorskie – punt ta’ fruntiera fil-port marittimu |
Il-Portugall |
Lisboa, Leixões Sines, Alverca, Riachos, Setúbal, Bodadela, ajruport ta’ Liżbona, ajruport ta’ Oporto |
Is-Slovenja |
Obrežje – qsim tal-fruntiera bit-triq Koper – qsim tal-fruntiera fil-port Dobova – qsim tal-fruntiera bil-ferrovija Brnik – qsim tal-fruntiera fl-ajruport Jelšane – qsim tal-fruntiera bit-triq Ljubljana – qsim tal-fruntiera bil-ferrovija u bit-triq Gruškovje – qsim tal-fruntiera bit-triq Sežana – qsim tal-fruntiera bil-ferrovija u bit-triq |
Is-Slovakkja |
Uffiċċji tad-Dwana: Banská Bystrica, Bratislava, , Košice, Žilina, Nitra, Prešov, Trnava, Trenčín, Čierna nad Tisou |
Il-Finlandja |
L-Uffiċċji tad-Dwana kollha Finlandiżi. |
L-Iżvezja |
Göteborg, Stokkolma, Helsingborg, Landvetter, Arlanda |
Ir-Renju Unit |
Belfast, Dover, Felixstowe, Gatwick Airport, Goole, Harwich, Heathrow Airport, Hull, Ipswich, Liverpool, London (inklużi Tilbury, Thamesport e Sheerness), Manchester Airport, Manchester Container Base, Manchester International Freight Terminal, Manchester (Ellesmere Port biss), Southampton, Teesport. |