Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006D0075

    Deċiżjoni tal-Kunsill tat- 30 ta' Jannar 2006 li temenda u testendi d-Deċiżjoni 2001/923/KE li tistabbilixxi programm ta' skambju, għajnuna u taħriġ għall-protezzjoni ta' l-Euro kontra l-falsifikazzjoni (il-programm Pericles )

    ĠU L 36, 8.2.2006, p. 40–41 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 270M, 29.9.2006, p. 133–134 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO, HR)

    Legal status of the document No longer in force, Date of end of validity: 31/12/2013; Imħassar b' 32014R0331

    ELI: http://data.europa.eu/eli/dec/2006/75(1)/oj

    Date of document:
    30/01/2006
    Date of effect:
    01/01/2006; Applikazzjoni Ara Art. 3
    Date of effect:
    08/02/2006; Applikazzjoni Jidħol fis-seħħ Data tal-pubblikazzjoni Ara Art. 3
    Date of end of validity:
    31/12/2013; Imħassar b' 32014R0331
    Author:
    Il-Kunsill tal-Unjoni Ewropea
    Form:
    Deċiżjoni
    Additional information:
    CNS 2005/0029
    Treaty:
    Trattat li jistabbilixxi l-Komunità Ewropea
    Legal basis:
    Proposal:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Extended validity 32001D0923 31/12/2006
    Modifies 32001D0923 Emenda artikolu 11 01/01/2006
    Modifies 32001D0923 Emenda artikolu 6 01/01/2006
    Modifies 32001D0923 Tlestija artikolu 12.1 01/01/2006
    Modifies 32001D0923 Emenda artikolu 10.1 01/01/2006
    Modifies 32001D0923 Tlestija artikolu 2.2 01/01/2006
    Modifies 32001D0923 Emenda artikolu 12.2 01/01/2006
    Modifies 32001D0923 Tlestija artikolu 12.2 01/01/2006
    Modifies 32001D0923 Tlestija artikolu 3.3 01/01/2006
    Modifies 32001D0923 Emenda artikolu 12 01/01/2006
    Modifies 32001D0923 Emenda artikolu 1.2 01/01/2006
    Modified by:
    Relation Act Comment Subdivision concerned From To
    Repealed by 32014R0331
    Subsequent related instruments:
    Instruments cited:
    Link
    Link
    Related document(s):

    29.9.2006   

    MT

    Il-Ġurnal Uffiċjali ta’ l-Unjoni Ewropea

    133

    DEĊIŻJONI TAL-KUNSILL

    tat-30 ta' Jannar 2006

    li temenda u testendi d-Deċiżjoni 2001/923/KE li tistabbilixxi programm ta' skambju, għajnuna u taħriġ għall-protezzjoni ta' l-Euro kontra l-falsifikazzjoni (il-programm “Pericles”)

    (2006/75/KE)

    IL-KUNSILL TA’ L-UNJONI EWROPEA,

    Wara li kkunsidra t-Trattat li jistabbilixxi l-Komunità Ewropea, u b'mod partikolari t-tielet sentenza ta' l-Artikolu 123(4) tiegħu,

    Wara li kkunsidra l-proposta mill-Kummissjoni,

    Wara li kkunsidra l-opinjoni tal-Parlament Ewropew (1),

    Wara li kkunsidra l-opinjoni tal-Bank Ċentrali Ewropew (2),

    Billi:

    (1)

    Skond l-Artikolu 13(3)(a) tad-Deċiżjoni 2001/923/KE (3) sat-30 ta' Ġunju 2005 il-Kummissjoni għandha tibgħat lill-Parlament Ewropew u lill-Kunsill rapport li għandhu jkun indipendenti mill-amministratur tal-programm, li jevalwa r-relevanza, l-effiċjenza u l-effettività tal-programm u komunikazzjoni dwar jekk dan il-programm għandhux jitkompla u jiġi adottat, akkumpanjat minn proposta xierqa.

    (2)

    Ir-rapport ta' evalwazzjoni previst fl-Artikolu 13 ta' dik id-Deċiżjoni ġie maħruġ fit-30 ta' Novembru 2004. Dan jikkonkludi li l-programm qed jilħaq l-objettivi tiegħu u jirrakkomanda t-tkomplija tal-programm.

    (3)

    Ammont ta' referenza finanzjarju, fis-sens tal-punt 34 tal-Ftehim Interistituzzjonali tas-6 ta' Mejju 1999 bejn il-Parlament Ewropew, il-Kunsill u l-Kummissjoni dwar dixxiplina tal-budget u titjib tal-proċedura tal-budget  (4) hu inkluż f'din id-Deċiżjoni għat-tul kollu tal-programm, mingħajr ma dan jaffettwa s-setgħat ta' l-awtorità tal-budget kif definiti mit-Trattat.

    (4)

    It-tkomplija tal-programm tirrifletti l-ħtieġa ta' viġilanza, taħriġ u assistenza teknika kontinwa meħtieġa biex issostni l-protezzjoni ta' l-euro kontra l-iffalsifikar.

    (5)

    L-effiċjenza tal-programm għall-protezzjoni ta' l-euro tista' tiġi msaħħa jekk l-appoġġ tekniku jiġi mkabbar biex jipprovdi wkoll, bl-involviment ta' l-Europol, għall-appoġġ finanzjarju għall-kooperazzjoni f'operazzjonijiet trans-konfinali; u tista' tibbenefika, f'każijiet debitament ġustifikati, minn flessibbiltà akbar fil-proporzjon ta' l-ispejjeż li l-Komunità tista' ġġorr u fin-numru ta' proġetti li Stat Membru jista' jippreżenta.

    (6)

    Id-Deċiżjoni tal-Kunsill 2001/923/KE għandha għalhekk tiġi emendata għaldaqstant.

    IDDEĊIEDA KIF ĠEJ:

    Artikolu 1

    Emendi

    Id-Deċiżjoni tal-Kunsill 2001/923/KE hija b' dan emendata kif ġej:

    1)

    L-aħħar sentenza ta' l-Artikolu 1(2), għandha tinbidel b’dan li ġej:

    “Għandu jibda jopera mill-1 ta' Jannar 2002 sal-31 ta' Diċembru 2006.”.

    2)

    Il-punt li ġej għandu jiżdied fl-Artikolu 2(2):

    “(e)

    għan li jiġu pubblikati r-riżultati miksuba, bħala parti mill-iskambju ta' informazzjoni, esperjenza u prattika tajba.”

    .

    3)

    Il-punt li ġej għandu jiżdied fl-Artikolu 3(3):

    “(d)

    fuq bażi sekondarja appoġġ finanzjarju għall-kooperazzjoni f'operazzjonijiet trans-konfini meta tali appoġġ m'huwiex disponibbli minn istituzzjonijiet Ewropej u korpi oħra.”

    .

    4)

    L-ewwel subparagrafu ta' l-Artikolu 6 għandu jinbidel b’dan li ġej:

    “L-ammont ta' referenza finanzjarju għall-implimentazzjoni tal-programm ta' azzjoni tal-Komunità għall-perijodu mill-1 ta' Jannar 2002 sal-31 ta' Diċembru 2005 għandu jkun ta' EUR 4 miljun.

    L-ammont ta' referenza finanzjarju għall-implimentazzjoni tal-programm ta' azzjoni tal-Komunità għall-perijodu mill-1 ta' Jannar 2006 sal-31 ta' Diċembru 2006 għandu jkun ta' EUR 1 miljun.”

    5)

    Fl-Artikolu 10(1), il-frażi ta' introduzzjoni għandha tinbidel b’dan li ġej:

    “Il-Komunità għandha, f'każijiet debitament ġustifikati, iġġorr sa 80 % ta' l-ispiża ta' l-appoġġ operazzjonali msemmija fl-Artikolu 3 permezz ta' ko-finanzjament, b'mod partikolari:”

    .

    6)

    Fl-Artikolu 11 “70 %” għandha tinbidel bi “80 %”.

    7)

    L-Artikolu 12 għandu jiġi emendat kif ġej:

    a)

    it-tieni sub-paragrafu ta’ paragrafu 1 għandu jinbidel b’dan li ġej:

    “L-Istati Membri jistgħu jippreżentaw proġett wieħed jew, eċċezzjonalment, tnejn fis-sena li jikkonċernaw il-workshops, il-laqgħat u s-seminarji imsemmija fit-tieni sub-paragrafu ta' l-Artikolu 3(2). Il-proġetti f'rabta ma' tqegħid, skambjar jew assistenza jistgħu jiġu preżentati ukoll.”

    ;

    b)

    Is-sub-paragrafu li ġej għandu jiżdied ma' paragrafu 1:

    “Fil-każ li iżjed minn proposta waħda jiġu preżentati minn Stat Membru wieħed, il-koordinazzjoni titwettaq mill-awtorità nazzjonali kompetenti definita fl-Artikolu 2(b) ir-raba' inċiż tar-Regolament (KE) Nru 1338/2001.”

    ;

    ċ)

    f' paragrafu 2 il-punt (e) għandu jinbidel b' dan li ġej:

    “(e)

    il-kwalità intrinsika tal-proġett f'termini tal-proporzjon tal-konċezzjoni, l-organizzazzjoni, il-preżentazzjoni, l-objettivi u l-effettività ta' l-infiq tagħha”

    .

    d)

    Il-punt li ġej għandu jiżdied f' paragrafu 2:

    “(h)

    kompatibbiltà max-xogħol li qed jitwettaq jew jiġi mħejji bħala parti mill-azzjoni ta' l-UE fil-qasam tal-ġlieda kontra l-iffalsifikar tal-valuta”

    .

    Artikolu 2

    Applikabbiltà

    Din id-Deċiżjoni għandu jkollha effet fl-Istati Membri parteċipanti kif definit fl-ewwel inċiż ta' l-Artikolu 1 tar-Regolament tal-Kunsill (KE) Nru 974/98 tat-3 ta' Mejju 1998 dwar l-introduzzjoni ta' l-euro (5).

    Artikolu 3

    Dħul fis-seħħ

    Din id-Deċiżjoni għandu jkollha effett fil-jum tal-pubblikazzjoni tagħha fil-Ġurnal Uffiċjali ta' l-Unjoni Ewropea.

    Għandha tapplika mill-1 ta' Jannar 2006.

    Magħmul fi Brussell, nhar it-30 ta' Jannar 2006

    Għall-Kunsill

    Il-President

    U. PLASSNIK

    (1)  Opinjoni mogħtija fit-13 ta' Ottubru 2005 wara l-konsultazzjoni mhux obbligatorja (għadha mhux pubblikata fil-ĠU).

    (2)  ĠU C 161, 1.7.2005, p. 11.

    (3)  ĠU L 339, 21.12.2001, p. 50.

    (4)  ĠU C 172, 18.6.1999, p. 1.

    (5)  ĠU L 139, 11.5.1998, p. 1. Regolament kif emendat bir-Regolament (KE) Nru 2596/2000 (ĠU L 300, 29.11.2000, p. 2).

    Top