This document is an excerpt from the EUR-Lex website
Document 32006D0007
2006/7/EC: Commission Decision of 9 January 2006 concerning certain protection measures in relation to the import of feathers from certain third countries (notified under document number C(2006) 33) (Text with EEA relevance)
Deċiżjoni tal-Kummissjoni tad- 9 ta' Jannar 2006 dwar ċerti miżuri ta' ħarsien marbuta ma' l-importazzjoni tar-rix minn ċerti pajjiżi terzi (innotifikata taħt dokument numru C(2006) 33) Test b'rilevanza għaż-ŻEE.
Deċiżjoni tal-Kummissjoni tad- 9 ta' Jannar 2006 dwar ċerti miżuri ta' ħarsien marbuta ma' l-importazzjoni tar-rix minn ċerti pajjiżi terzi (innotifikata taħt dokument numru C(2006) 33) Test b'rilevanza għaż-ŻEE.
ĠU L 5, 10.1.2006, p. 17–19
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 118M, 8.5.2007, p. 1–3
(MT)
No longer in force, Date of end of validity: 31/12/2006
Relation | Act | Comment | Subdivision concerned | From | To |
---|---|---|---|---|---|
Modified by | 32006D0183 | Sostituzzjoni | anness | 28/02/2006 | |
Modified by | 32006D0183 | Emenda | artikolu 4 | 28/02/2006 | |
Validity extended by | 32006D0183 | 31/07/2006 | |||
Modified by | 32006D0521 | Emenda | artikolu 4 | 27/07/2006 | |
Modified by | 32006D0521 | Emenda | titolu | 27/07/2006 | |
Modified by | 32006D0892 | Emenda | artikolu 4 | 05/12/2006 | |
Validity extended by | 32006D0892 | 30/06/2007 |
8.5.2007 |
MT |
Il-Ġurnal Uffiċjali ta’ l-Unjoni Ewropea |
1 |
DEĊIŻJONI TAL-KUMMISSJONI
tad-9 ta' Jannar 2006
dwar ċerti miżuri ta' ħarsien marbuta ma' l-importazzjoni tar-rix minn ċerti pajjiżi terzi
(innotifikata taħt dokument numru C(2006) 33)
(Test b'relevanza għaż-ŻEE)
(2006/7/KE)
IL-KUMMISSJONI TAL-KOMMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (1), u b'mod partikolari l-Artikolu 22 tagħha,
Billi:
(1) |
L-influwenza tat-tjur hija marda virali li tittieħed li taffettwa t-tjur tar-razzett u l-għasafar, u li tikkawża numru kbir ta' mwiet u disturbi li jistgħu jilħqu proporzjonijiet epiżootiċi malajr u li aktarx iwasslu għall-periklu serju għas-saħħa ta' l-annimali u tal-pubbliku u għal tnaqqis konsiderevoli tal-profitti mit-trobbija tat-tjur tar-razzett. Hemm riskju li l-aġent tal-marda jista' jiddaħħal permezz tal-kummerċ internazzjonali fit-tjur tar-razzett ħajjin u fil-prodotti tat-tjur tar-razzett, inklużi r-rix mhux ipproċessat. |
(2) |
Bosta tifqigħat ta' l-influenza tat-tjur ġew innotifikati mill-awtoritajiet Torok f'qatgħat domestiċi fl-Anatolja tal-Lvant. Peress li l-marda x'aktarx xterdet fit-Turkija minn għasafar migratorji, il-preżenza tal-marda fl-Armenja, l-Ażerbajġan, il-Ġeorġja, l-Iran, l-Iraq u s-Sirja ma tistax tiġi eskluża. |
(3) |
Bħalissa, l-ebda prodotti tat-tjur tar-razzett għajr rix u partijiet ta' rix mhux ipproċessat ma huma awtorizzati għall-importazzjoni mill-pajjiżi ġirien tat-Turkija. |
(4) |
Skond id-Deċiżjoni 2005/733/KEE (2), l-importazzjonijiet mit-Turkija ta' rix mhux ipproċessat huma diġà sospiżi. |
(5) |
Peress li m'hemmx aktar tagħrif disponibbli dwar is-sorveljanza ta' l-influwenza tat-tjur fil-pajjiżi ġirien tal-parti tal-Lvant tat-Turkija, u minħabba r-riskju tas-saħħa ta' l-annimali ta' l-introduzzjoni tal-marda fil-Komunità, jixraq li jiġu sospiżi l-importazzjonijiet tar-rix u partijiet ta' rix mhux ipproċessat mill-Armenja, l-Ażerbajġan, il-Ġeorġja, l-Iran, l-Iraq u s-Sirja. |
(6) |
Konsegwentement, jixraq li tiġi rekwiżita xhieda ta' trattament għal importazzjonijiet ta' konsenji kummerċjali ta' rix ipproċessat mill-pajjiżi terzi kkonċernati. |
(7) |
Il-miżuri previsti f'din id-Deċiżjoni huma fi qbil ma' l-opinjoni tal-Kumitat Permanenti fuq il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Istati Membri għandhom jissospendu l-importazzjoni ta' rix mhux ipproċessat u partijiet ta' rix mhux ipproċessati mit-territorji tal-pajjiżi elenkati fl-Anness għal din id-Deċiżjoni.
Artikolu 2
L-Istati Membri għandhom jiżguraw li meta jiġu importati mit-territorju tal-pajjiżi elenkati fl-Anness, konsenji ta' rix ipproċessat jew partijiet ta' rix ipproċessat (minbarra rix ipproċessat għat-tiżjin, rix ipproċessat li jġorruh vjaġġaturi għall-użu privat tagħhom jew konsenji ta' rix ipproċessat mibgħut lill-individwi privati għal skopijiet mhux industrijali), dawn jiġu akkumpanjati minn dokument kummerċjali li jiddikjara li r-rix ipproċessat jew partijiet ta' rix ipproċessat inħasel b'kurrent ta' fwar jew b'xi metodu ieħor li jiżgura l-inattivazzjoni tal-patoġenu.
Artikolu 3
L-Istati Membri għandhom jieħdu l-miżuri meħtieġa biex ikunu konformi ma' din id-Deċiżjoni u jippubblikaw dawk il-miżuri. Huma għandhom jgħarrfu lill-Kummissjoni b'dawn minnufih.
Artikolu 4
Din id-Deċiżjoni għandha tgħodd sat-30 ta' April 2006.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, id-9 ta' Jannar, 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 24, 31.1.1998, p. 9. Direttiva kif emendata l-aħħar mir-Regolament (KE) Nru 882/2004 tal-Parlament Ewropew u tal-Kunsill (ĠU L 165, 30.4.2004, p. 1; verżjoni kkoreġuta fi ĠU L 191, 28.5.2004, p. 1).
(2) ĠU L 274, 20.10.2005, p. 102.
ANNESS
Il-pajjiżi msemmija fl-Artikoli 1 u 2 ta' din id-Deċiżjoni:
— |
Il-Ġeorġja |
— |
L-Armenja |
— |
L-Ażerbajġan |
— |
L-Iran |
— |
L-Iraq |
— |
Is-Sirja |