21.11.2006   

MT

Il-Ġurnal Uffiċjali ta’ l-Unjoni Ewropea

132

(1)

Ir-Regolament tal-Kummissjoni (KE) Nru 466/2001 tat-8 ta’ Marzu 2001 li jistabbilixxi livelli massimi ta' ċerti kontaminanti fl-oġġetti ta' l-ikel (2), kif emendat mir-Regolament (KE) Nru 563/2002 (3), jipprovdi b’mod partikolari għal miżuri speċifiċi dwar il-livelli ta’ nitrati fil-ħass u l-ispinaċi u jistipola perjodi ta’ tranżizzjoni meta l-ħass u l-ispinaċi li fihom livell ta’ nitrati ogħla mil-limitu massimu jista’ jitqiegħed fis-suq fit-territorju nazzjonali.

(2)

Minkejja żviluppi fl-applikazzjoni ta’ prassi agrikola tajba, id-data ta’ monitoraġġ mill-Istati Membri tindika l-problemi attwali biex tinkiseb il-konformità mal-livelli massimi tan-nitrati għall-ħass u l-ispinaċi.

(3)

Ħafna min-nuqqasijiet ta’ konformità mal-livelli massimi għan-nitrati fl-ispinaċi frisk isiru fix-xahar ta’ Ottubru. Il-perjodu tas-Sajf għall-ispinaċi bħalissa jinkludi Ottubru, filwaqt li għall-ħass Ottubru huwa l-perjodu tax-Xitwa. Għall-konsistenza, Ottubru għandu jiġi inkluż fil-perjodu tax-Xitwa għall-ispinaċi frisk.

(4)

F’reġjuni fejn hemm diffikultajiet sabiex il-livelli ta’ nitrati jinżammu taħt il-livelli massimi għall-ħass frisk u l-ispinaċi frisk, per eżempju meta jiġi assoċjat ma’ inqas dawl tax-xemx kuljum, ċerti Stati Membri talbu għal derogi u pprovdew biżżejjed informazzjoni biex juru li hemm investigazzjonijiet għaddejjin sabiex jgħinu fit-tnaqqis tal-livelli fil-ġejjieni.

(5)

Sakemm ma jsiru żviluppi oħrajn fl-applikazzjoni ta’ prassi agrikola tajba, huwa xieraq li jiġu awtorizzati għal perjodu limitat dawk l-Istati Membri sabiex jippermettu t-tqegħid fis-suq tal-ħass frisk u spinaċi frisk li fihom livell ta’ nitrati li huma ogħla mil-livelli massimi, iżda li jista’ jsir biss fit-territorji nazzjonali tagħhom u għall-konsum nazzjonali.

(6)

In-nitrati huma preżenti fi ħxejjex oħrajn, xi drabi f’livelli għolja. Sabiex jinformaw diskussjonijiet fil-ġejjieni dwar strateġija fit-tul għall-immaniġġjar tar-riskji min-nitrati fil-ħxejjex, l-Istati Membri għandhom jissorveljaw il-livelli tan-nitrati fil-ħxejjex u għandhom jimmiraw biex inaqqsu l-livelli, fejn hu possibbli, b’mod partikolari billi japplikaw kodiċi mtejjeb ta’ prassi agrikola. Evalwazzjoni xjentifika tar-riskji aġġornata mill-Awtorità Ewropea tas-Sigurtà Alimentari tista’ tgħin sabiex tiċċara r-riskji ppreżentati min-nitrati fil-ħxejjex. Il-livelli massimi stipolati fir-Regolament (KE) Nru 466/2001 għandhom jiġu riveduti u l-informazzjoni minn tali attivitajiet għandha tittieħed inkonsiderazzjoni.

(7)

Ir-Regolament (KE) Nru 466/2001 għandu għalhekk jiġi emendat kif xieraq.

(8)

Il-miżuri stipolati f’dan ir-Regolament jikkonformaw ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimali,

(1)

L-Artikolu 3 jitneħħa.

(2)

Jiddaħħal l-Artikolu 3a kif ġej:

“L-Artikolu 3a

L-Istati Membri għandhom jissorveljaw il-livelli tan-nitrati fil-ħxejjex li fihom livelli sinifikanti, b’mod partikolari ħxejjex ħodor b’ħafna weraq, u jikkomunikaw ir-riżultati lill-Kummissjoni sat-30 ta’ Ġunju ta’ kull sena”

(3)

Jiddaħħal l-Artikolu 3b kif ġej:

“L-Artikolu 3b

1.   Permezz ta’ deroga mill-Artikolu 1(1), il-Belġju, l-Irlanda, l-Olanda u r-Renju Unit huma awtorizzati sal-31 ta’ Diċembru 2008 li jqiegħdu fis-suq spinaċi frisk li ġie kkoltivat u li huwa intenzjonat għall-konsum fit-territorju tagħhom u li għandu livelli ta’ nitrati ogħla mil-livelli massimi stipolati fil-punt 1.1 ta’ l-Anness I.

2.   Permezz ta’ deroga mill-Artikolu 1(1), l-Irlanda u r-Renju Unit huma awtorizzati sal-31 ta’ Diċembru 2008 li jqiegħdu fis-suq ħass frisk li ġie kkoltivat u li huwa intenzjonat għall-konsum fit-territorju tagħhom u li għandu livelli ta’ nitrati ogħla mil-livelli massimi stipolati fil-punt 1.3 ta’ l-Anness I.

Permezz ta’ deroga mill-Artikolu 1(1), Franza hija awtorizzata sal-31 ta’ Diċembru 2008 li tqiegħed fis-suq ħass frisk li ġie kkoltivat u li huwa intenzjonat għall-konsum fit-territorju tagħha u li ġie maħsud mill-1 ta’ Ottubru sal-31 ta’ Marzu li għandu livelli ta’ nitrati ogħla mil-livelli massimi stipolati fil-punt 1.3 ta’ l-Anness I.”

(4)

Taqsima 1 ta’ l-Anness I tar-Regolament (KE) Nru 466/2001 hi mibdula bit-tabella kif stipolata fl-Anness tar-Regolament.