This document is an excerpt from the EUR-Lex website
Document 32005D0084
2005/84/Euratom:Council Decision of 24 January 2005 approving the accession of the European Atomic Energy Community to the ‘Joint Convention on the Safety of Spent Fuel Management and on the Safety of Radioactive Waste Management’
Deċiżjoni tal-Kunsill ta’ l- 24 ta' Jannar 2005 li tapprova l-adeżjoni tal-Komunità Ewropea ta’ l-Enerġija Atomika mal- Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv
Deċiżjoni tal-Kunsill ta’ l- 24 ta' Jannar 2005 li tapprova l-adeżjoni tal-Komunità Ewropea ta’ l-Enerġija Atomika mal- Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv
ĠU L 30, 3.2.2005, p. 10–11
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 159M, 13.6.2006, p. 85–86
(MT)
In force
13.6.2006 |
MT |
Il-Ġurnal Uffiċjali ta’ l-Unjoni Ewropea |
85 |
DEĊIŻJONI TAL-KUNSILL
ta’ l-24 ta' Jannar 2005
li tapprova l-adeżjoni tal-Komunità Ewropea ta’ l-Enerġija Atomika mal-“Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv”
(2005/84/Euratom)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea ta’ l-Enerġija Atomika, u b’mod partikolari t-tieni paragrafu ta’ l-Artikolu 101 tiegħu,
Wara li kkunsidra l-proposta mill-Kummissjoni,
Billi:
(1) |
Il-Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv kienet miftuħa għall-iffirmar mid-29 ta’ Settembru 1997 sad-dħul fis-seħħ tagħha fit-18 ta’ Ġunju 2001. |
(2) |
Din il-Konvenzjoni issa hija miftuħa għall-adeżjoni minn organizzazzjonijiet reġjonali ta’ natura ta’ integrazzjoni jew oħra, bil-kondizzjoni li kwalunkwe tali organizzazzjoni hija kostitwita minn Stati sovrani u għandha kompetenza fir-rigward tan-negozjar, il-konklużjoni u l-applikazzjoni ta’ ftehim internazzjonali fi kwistjonijiet koperti minn din il-Konvenzjoni, u l-Komunità għażlet li taderixxi. |
(3) |
Fid-dawl tal-kompiti assenjati lill-Komunità mill-Kapitolu 3 “Saħħa u Sigurtà” tat-Trattat li jistabbilixxi l-Komunità Ewropea ta’ l-Enerġija Atomika, l-adeżjoni tal-Komunità Ewropea ta’ l-Enerġija Atomika mal-Konvenzjoni Konġunta għandha tiġi approvata. |
(4) |
Meta taderixxi ma’ din il-Konvenzjoni l-Komunità Ewropea ta’ l-Enerġija Atomika ser ikollha tressaq riżerva dwar in-non-konformità ta’ l-Artikolu 12 (1) tad-Direttiva 92/3/Euratom dwar is-sorveljanza u l-kontroll ta’ konsenji ta’ skart radjuattiv bejn l-Istati Membri u ’l ġewwa u ’l barra mill-Komunità (1) bil-ħtieġa speċifika fl-Artikolu 27, paragrafu 1 (i) tal-Konvenzjoni Konġunta li teħtieġ il-kunsens ta’ l-Istat destinatarju fil-qafas ta’ movimenti transkonfini. |
(5) |
Meta ssir parti minn din il-Konvenzjoni, l-Art. 39 (4)(iii) ta’ din il-Konvenzjoni jobbliga lil tali organizzazzjoni biex tikkomunika lid-Depożitarju dikjarazzjoni li tindika liema Stati huma membri tagħha, liema Artikoli ta’ din il-Konvenzjoni japplikaw għaliha, u l-estent tal-kompetenza tagħha fil-qasam kopert minn dawk l-artikoli. |
(6) |
Il-kompetenzi, taħt il-Konvenzjoni Konġunta, ta’ l-Istati Membri bħala partijiet kontraenti għaliha mhux ser jiġu preġudikati mill-adeżjoni tal-Komunità, |
IDDEĊIEDA KIF ĠEJ:
Artikolu uniku
1. L-adeżjoni tal-Komunità Ewropea ta’ l-Enerġija Atomika mal-Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv hija b’dan approvata.
2. It-test tad-dikjarazzjoni mill-Komunità Ewropea ta’ l-Enerġija Atomika skond id-dispożizzjonijiet ta’ l-Artikolu 39 § 4 (iii) tal-Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv huwa mehmuż mad-Deċiżjoni preżenti.
Magħmula fi Brussel, nhar il-24 ta' Jannar 2005.
Għall-Kunsill
Il-President
F. BODEN
(1) ĠU L 35, tat-12.2.1992, p. 24.
ANNESS
Dikjarazzjoni mill-Komunità Ewropea ta’ l-Enerġija Atomika Skond id-dispożizzjonijiet ta’ l-Artikolu 39 § 4 (iii) tal-Konvenzjoni Konġunta dwar is-Sigurtà tal-Maniġġar ta’ Karburant Użat u dwar is-Sigurtà tal-Maniġġar ta’ Skart Radjuattiv
L-Istati li ġejjin huma attwalment membri tal-Komunità Ewropea ta’ l-Enerġija Atomika: ir-Renju tal-Belġju, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika ta’ l-Estonja, ir-Repubblika Ellenika, ir-Renju ta’ Spanja, ir-Repubblika Franċiża, l-Irlanda, ir-Repubblika Taljana, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, ir-Repubblika ta’ l-Ungerija, ir-Repubblika ta’ Malta, ir-Renju ta’ l-Olanda, ir-Repubblika ta’ l-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Repubblika Slovakka, ir-Repubblika tal-Finlandja, ir-Renju ta’ l-Isvezja, ir-Renju Unit tal-Gran Brittanja u l-Irlanda ta’ Fuq.
Il-Komunità tiddikjara li l-Artikoli 1 sa 16, 18, 19, 21 u 24 sa 44 tal-Konvenzjoni Konġunta japplikaw għaliha.
Il-Komunità tippossjedi kompetenzi, maqsuma ma’ l-Istati Membri msemmija hawn fuq, fl-oqsma koperti mill-Artikoli 4, 6 sa 11, 13 sa 16, 19 u 24 sa 28 tal-Konvenzjoni Konġunta kif previst mit-Trattat li jistabbilixxi l-Komunità Ewropea ta’ l-Enerġija Atomika fl-Artikolu 2(b) u l-Artikoli rilevanti tat-Titolu II, Kapitolu 3, intitolat “Protezzjoni tas-Saħħa”.