EUR-Lex Access to European Union law
This document is an excerpt from the EUR-Lex website
Document 32004R0426
Commission Regulation (EC) No 426/2004 of 4 March 2004 fixing the Community selling prices for the fishery products listed in Annex II to Council Regulation (EC) No 104/2000 for the 2004 fishing year
Ir-Regolament tal-Kummissjoni (KE) Nru 426/2004 ta' l-4 ta' Marzu 2004 li jiffissa l-prezzijiet tal-bejgħ tal-Komunità għall-prodotti tas-sajd elenkati fl-Anness II tar-Regolament tal-Kunsill (KE) Nru 104/2000 għas-sena ta' sajd 2004
Ir-Regolament tal-Kummissjoni (KE) Nru 426/2004 ta' l-4 ta' Marzu 2004 li jiffissa l-prezzijiet tal-bejgħ tal-Komunità għall-prodotti tas-sajd elenkati fl-Anness II tar-Regolament tal-Kunsill (KE) Nru 104/2000 għas-sena ta' sajd 2004
ĠU L 70, 9.3.2004, p. 22–23
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2004
Official Journal L 070 , 09/03/2004 P. 0022 - 0023
Ir-Regolament tal-Kummissjoni (KE) Nru 426/2004 ta' l-4 ta' Marzu 2004 li jiffissa l-prezzijiet tal-bejgħ tal-Komunità għall-prodotti tas-sajd elenkati fl-Anness II tar-Regolament tal-Kunsill (KE) Nru 104/2000 għas-sena ta' sajd 2004 IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KE) Nru 104/2000 tas-17 ta' Diċembru 1999 dwar l-organizzazzjoni komuni tas-swieq fil-prodotti tas-sajd u ta' l-akkwakultura [1],u b'mod partikolari l-Artikolu 25(1) and (6) tiegħu, Billi: (1) Il-prezz tal-bejgħ tal-Komunità għandu jiġi ffissat għal kull wieħed mill-prodotti elenkati fl-Anness II tar-Regolament (KE) Nru 104/2000 qabel il-bidu tas-sena tas-sajd, f'livell ta' l-anqas ugwali għas-70 % u li ma jeċċedix id-90 % tal-gwida tal-prezz. (2) Ir-Regolament tal-Kunsill (KE) Nru 2326/2003 [2] jiffissa l-gwida tal-prezzijiet għas-sena tas-sajd 2004 għall-prodotti kollha kkonċernati. (3) Il-prezzijiet tas-suq ivarjaw konsiderevolment skond l-ispeċi u kif ikunu ppreżentati l-prodotti, partikolarment fil-każ tal-klamar u tal-marlozz. (4) Il-fatturi tal-konverżjoni għandhom għalhekk ikunu ffissati għall-ispeci differenti u l-preżentazzjonijiet tal-prodotti ffriżati li jinsabu fil-Komunità sabiex ikun stabbilit il-livell tal-prezz li jibda l-miżura ta' intervent previst fl-Artikolu 25(2) tar-Regolament (KE) Nru 104/2000. (5) Il-miżuri li għalihom jipprovdi dan ir-Regolament huma skond l-opinjoni tal-Kumitat ta' Ġestjoni għall-Prodotti tas-Sajd, ADOTTAT DAN IR-REGOLAMENT: Artikolu 1 Il-prezzijiet tal-bejgħ tal-Komunità applikabbli għas-sena tas-sajd 2004 għall-prodotti elenkati fl-Anness II tar-Regolament (KE) Nru 104/2000 u l-preżentazzjonijiet u l-fatturi tal-konverżjoni li huma konnessi magħhom jidhru fl-Anness ta' dan ir-Regolament. Artikolu 2 Dan ir-Regolament għandu jidħol fis-seħħ fil-ġurnata ta' wara l-pubblikazzjoni fil-Ġurnal Uffiċjali tal-Unjoni Ewropea. Għandu japplika mill-1 ta' Jannar 2004. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-l4 ta' Marzu 2004. Għall-Kummissjoni Franz Fischler Membru tal-Kummissjoni [1] ĠU L 17, tal-21.01.00, pġ. 22. [2] ĠU L 345, tal-31.12.03, pġ. 27. -------------------------------------------------- ANNESS Prezzijiet tal-bejgħ u fatturi tal-konverżjoni Forom ta' preżentazzjoni kummerċjali: - sħiħ, mhux imnaddaf: prodott li ma ġiex ittrattat, - imnaddaf: prodotti li mill-inqas ġie mnaddaf mill-imsaren, - tubu: il-klamar li mill-inqas ġie mnaddaf mill-imsaren u tneħħietlu r-ras. L-Ispeċi: | Il-Preżentazzjoni | Il-fattur tal-konverżjoni | Il-livell ta' intervent | Il-prezz tal-bejgħ (EUR/tunnellata metrika) | Il-Ħalibatt ta' Groenlandja (Reinhardtius hippoglossoides) | Sħiħ, bir-ras jew mingħajrha | 1,0 | 0,85 | 1663 | Il-Marlozz (Merluccius spp.) | Sħiħ, bir-ras jew mingħajrha. | 1,0 | 0,85 | 1069 | | Fletti individwali | | | | | —bil-ġilda | 1,0 | 0,85 | 1274 | | —mingħajr ġilda | 1,1 | 0,85 | 1402 | Id-Denċi u l-Paġell (Dentex dentex and Pagellus spp.) | Sħiħ, bir-ras jew mingħajrha | 1,0 | 0,85 | 1348 | Il-Pixxispad (Xiphias gladius) | Sħiħ, bir-ras jew mingħajrha | 1,0 | 0,85 | 3416 | Il-gambli żgħar u kbar Penaeidae | Iffriżati | | | | (a)Parapenaeus Longirostris | | 1,0 | 0,85 | 3430 | (b)Penaeidae oħra | | 1,0 | 0,85 | 6921 | Is-Siċċ (Sepia officinalis, Rossia macrosoma u Sepiola rondeletti) | Iffriżat | 1,0 | 0,85 | 1705 | Il-klamar (Loligo spp.) | | | | | (a)Loligo patagonica | —sħiħ, mhux imnaddaf | 1,00 | 0,85 | 993 | —imnaddaf | 1,20 | 0,85 | 1191 | (b)Loligo vulgaris | —sħiħ, mhux imnaddaf | 2,50 | 0,85 | 2482 | —imnaddaf | 2,90 | 0,85 | 2879 | Il-Qarnit (Octopus spp.) | Iffriżat | 1,00 | 0,85 | 1801 | Illex argentinus | —sħiħ, mhux imnaddaf | 1,00 | 0,80 | 678 | —tubu | 1,70 | 0,80 | 1153 | --------------------------------------------------