32003R2011

Ir-Regolament tal-Kummissjoni (KE) Nru 2011/2003

ta’ l-14 ta’ Novembru 2003

li jemenda l-Annessi I u III tar-Regolament tal-Kunsill (KEE) Nru 2377/90 li jistabbilixxi l-proċedura tal-Komunità għall-istabbiliment ta’ livelli massimi ta’ residwi ta’ prodotti mediċinali veterinarji fl-ikel li joriġina mill-annimali

(Test b’rilevanza ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KEE) Nru 2377/90 tas-26 ta’ Ġunju 1990 li jistabilixxi l-proċedura tal-Komunità għall-istabbiliment ta’ limiti massimi ta’ residwi ta’ prodotti mediċinali veterinarji fl-ikel li joriġina mill-annimali [1], kif l-aħħar emendat bir-Regolament tal-Kummissjoni (KE) Nru 1873/1999 [2], u partikolarment l-Artikoli 6, 7 u 8 tiegħu,

Billi:

(1) Skond ir-regolament (KEE) Nru 2377/90, limiti massimi ta’ residwi għandhom ikunu stabbiliti progressivament għas-sustanzi farmakoloġikament attivi kollha li huma wżat fi ħdan il-Komunità fi prodotti mediċinali veterenarji intiżi għall-amministrazzjoni ta’ l-annimali li jipproduċu l-ikel.

(2) Il-limiti massimi ta’ residwi għandhom ikunu stabbiliti biss wara l-eżaminazzjoni fi ħdan il-Kumitat għall-Prodotti Mediċinali Veterinarji ta’ l-informazzjoni relevanti kollha li tikkonċerna s-sigurtà tar-residwi tas-sustanzi kkonċernati għal-konsumatur ta’ l-oġġetti ta’ l-ikel ta’ l-oriġini mill-annimali u l-impatt tar-residwi fuq l-indistrija tal-ipproċċessar ta’ l-oġġetti ta’ l-ikel.

(3) Fl-istabbeliment tal-limiti tar-residwi massimi għal residwi tal-prodotti mediċinali veterinarji fl-oġġetti ta’ l-ikel ta’ l-oriġini mill-annimali, huwa meħtieġ li jkunu speċifikati l-ispeċje ta’ l-annimali li fihom ir-residwi jistgħu jkunu preżenti, il-livelli li jistgħu jkunu preżenti f’kull waħda mill-insiġ taċ-ċelloli akwistati minn annimali ttrattati (iċ-ċelloli mmirati) u n-natura tar-residwi li hija relevanti għall-monitoraġġ tar-residwi (ir-residwi mmirati).

(4) Għall-kontroll tar-residwi, kif hemm provvediment dwar dan fil-leġislazzjoni xierqa tal-Komunità, il-limiti massimi tar-residwi għandhom normalment ikunu stabbiliti għaċ-ċelloli mmirati tal-fwied jew tal-kliewi. B’dana kollu, il-fwied u l-kliewi ta’ spiss huma mneħħija mill-karkassi li jkunu ttrasportati f’kummerċ internazzjonali, u l-limiti massimi ta’ residwi għandhom għalhekk ikunu wkoll stabbiliti għall-muskoli u ċ-ċelloli tax-xaħam.

(5) Fil-każ ta’ prodotti mediċinali veterinarji intiżi għall-użu fi tjur tal-bajd, annimali tal-ħalib jew naħal ta’ l-għasel, il-limiti massimi tar-residwi għandhom ukoll ikunu stabbiliti għal-bajd, għall-ħalib u għall-għasel.

(6) Il-Alphacypermethrin u Metamizole għandhom ikunu miżjuda fl-Anness I tar-Regolament (KEE) Nru 2377/90.

(7) Sabiex jippermetti għall-finalizzar tal-istudji xjentifi1i, il-Phoxim għandu jkun miżjud fl-Anness III tar-Regolament (KEE) Nru 2377/90.

(8) Perijodu adekwat għandu jkun imħolli qabel id-dħul fis-seħħ ta’ dan ir-Regolament sabiex jippermetti lill-Istati Membri li jwettqu xi aġġustamenti li jistgħu jkunu meħtieġa għall-awtorizzazzjonijiet li jseħħu fil-prodotti mediċinali veterinarji kkonċernati fis-suq li jkunu ġew mogħtija bi qbil mad-Direttiva 2001/82/KE [3] tal-Parlament Ewropew u tal-Kunsill sabiex ikunu meqjusa d-dispożizzjonijiet ta’ dan ir-Regolament.

(9) Il-miżuri li hemm provvediment dwarhom f’dan ir-Regolament huma bi qbil mal-opinjoni tal-Kumitat Permanenti dwar il-Prodotti Mediċinali Veterinarji,

ADOTTAT DAN IR-REGOLAMENT LI ĠEJ:

Artikolu 1

L-Annessi I u III tar-Regolament (KEE) 2377/90 huma b’dan emendati kif stabbilit fl-Anness ta’ dan.

Artikolu 2

Dan ir-Regolament għandu jidħol fis-seħħ fit-tielet jum li jiġi wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu jkun japplika mis-60 jum li jiġi wara l-pubblikazzjoni tiegħu.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fl-14 ta’ Novembru 2003.

Ghall-Kummissjoni

Erkki Liikanen

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 275, tal-25.10.2003, p. 9.

[3] ĠU L 311, tat-28.11.2001, p. 1.

--------------------------------------------------

L-ANNESS

A. L-Anness I tar-Regolament (KEE) Nru 2377/90 huwa emendat kif ġej:

2. Aġenti antiparassitiċi

2.2 Aġenti li jaħdmu kontra l-ektoparassiti

2.2.3 Piretrojdi

"Sustanza(i) faramkoloġikalment attivi | Residwi mmirati | Speċje ta' l-annimali | LRM | Celloli mmirati |

Alphacypermethrin | Sipermetrin (total ta' l-isomeri) | Bovini, ovine | 20 µg/kg | Il-muskolu, |

200 µg/kg | x-Xaħam, |

20 µg/kg | il-Fwied, |

20 µg/kg | il-Kliewi, |

20 µg/kg | il-Ħalib |

"Sustanza(i) faramkoloġikalment attivi | Residwi mmirati | Speċje ta' l-annimali | LRM | Celloli mmirati |

Metamizole | 4-Methylaminoantipyrin | Bovini, | 100 µg/kg | Muskoli, |

100 µg/kg | Xaħam, |

100 µg/kg | Fwied, |

100 µg/kg | Kliewi, |

50 µg/kg | Ħalib, |

Porċini, | 100 µg/kg | il-ġilda |

100 µg/kg | tal-muskoli u x-xaħam, |

100 µg/kg | fwied, |

100 µg/kg | il-muskolu |

Ekwidi | 100 µg/kg | tal-kliewi, |

100 µg/kg | Xaħam, |

100 µg/kg | fwied, |

100 µg/kg | kliewi" |

B. L-Anness III tar-Regolament (KEE) Nru 2377/90 huwa emendat kif ġej:

2. Aġenti antaparassitiċi

2.2 Aġenti li jaħdmu kontra l-ektoparassiti

2.2.4 Organofosfati

"Sustanza(i) faramkoloġikalment attivi | Residwi mmirati | Speċje ta' l-annimali | LRM | Celloli mmirati |

Phoxim | Phoxim | Tiġieġ | 50 µg/kg | Il-ġilda |

550 µg/kg | tal-muskolu |

25 µg/kg | u kliewi, |

50 µg/kg | bajd |

60 µg/kg | Bajd |

--------------------------------------------------