This document is an excerpt from the EUR-Lex website
Document 32002D1919
Decision No 1919/2002/EC of the European Parliament and of the Council of 21 October 2002 amending Council Decision 96/411/EC on improving Community agricultural statistics
Id-Deċiżjoni nru 1919/2002/ke tal-Parlament Ewropew u tal-Kunsill tal-21 ta’ Ottubru 2002 li temenda id-Deċiżjoni tal-Kunsill 96/411/KE dwar it-titjib ta’ l-istatistika agrikola tal-Komunità
Id-Deċiżjoni nru 1919/2002/ke tal-Parlament Ewropew u tal-Kunsill tal-21 ta’ Ottubru 2002 li temenda id-Deċiżjoni tal-Kunsill 96/411/KE dwar it-titjib ta’ l-istatistika agrikola tal-Komunità
ĠU L 293, 29.10.2002, p. 5–6
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
Relation | Act | Comment | Subdivision concerned | From | To |
---|---|---|---|---|---|
Modifies | 31996D0411 | Emenda | artikolu 11 | 01/11/2002 | |
Modifies | 31996D0411 | Emenda | artikolu 3 | 01/11/2002 | |
Modifies | 31996D0411 | Sostituzzjoni | artikolu 6.4 | 01/11/2002 |
Relation | Act | Comment | Subdivision concerned | From | To |
---|---|---|---|---|---|
Corrected by | 32002D1919R(01) | (DA, DE, EL, EN, ES, FI, FR, IT, NL, PT, SV) |
Official Journal L 293 , 29/10/2002 P. 0005 - 0006
Id-Deċiżjoni nru 1919/2002/ke tal-Parlament Ewropew u tal-Kunsill tal-21 ta’ Ottubru 2002 li temenda id-Deċiżjoni tal-Kunsill 96/411/KE dwar it-titjib ta’ l-istatistika agrikola tal-Komunità IL-PARLAMENT EWROPEW U L-KUNSILL TA’ L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b’mod partikolari l-Artikolu 285(1) tiegħu, Wara li kkunsidraw il-proposta mill-Kummissjoni [1], Jaġixxu skond il-proċedura stabbilita fl-Artikolu 251 tat-Trattat [2], Billi: (1) Id-Deċiżjoni tal-Kunsill 96/411/KE hija maħsuba biex tgħin biex l-istatistika agrikola tal-Komunità [3] tilqa’ b’mod aħjar għall-ħtiġiet ta’ informazzjoni li joħorġu mill-politika agrikola komuni. (2) Ir-rapport mill-Kummissjoni lill-Parlament Ewropew u lill-Kunsill dwar il-progress fl-implimentazzjoni tad-Deċiżjoni 96/411/KE jagħmel stima pożittiva ta’ l-applikazzjoni ta’ dik id-Deċiżjoni. (3) Il-proċess ta’ addattament tas-sistemi nazzjonali ta’ l-istatistika għall-ħtiġiet li joħorġu mill-bidliet fil-politika agrikola komuni għadu ma tlestiex. (4) Kemm l-iżvilupp intern tal-politika agrikola komuni kif ukoll il-kuntest estern tat-tkabbir lejn il-lvant, u l-ftuħ tas-serje ġdida ta’ negozjati multilaterali dwar il-kummerċ, jitolbu identifikazzjoni aħjar tal-ħtiġiet fl-istatistika u, fejn xieraq, għall-miżuri biex titkompla l-infrastruttura regolatorja kurrenti li tistabbilixxi l-firxa ta’ l-informazzjoni dwar l-istatistika tal-politika agrikola komuni li l-Istati Membri huma obbligati li jagħmlu disponibbli għall-Kummissjoni. (5) Il-proposta għal deċiżjoni tal-Parlament Ewropew u tal-Kunsill dwar il-programm għall-istatistika tal-Komunità (2003 sa l-2007) [4] tirrakkomanda t-tkomplija ta’ l-azzjonijiet biex tiġi mtejjba l-istatistika agrikola eżistenti u biex jiġu mfassla żviluppi bil-għan li jilqgħu b’mod sodisfaċenti għall-ħtiġiet tal-politika agrikola komuni. (6) L-għodda ntrodotta bid-Deċiżjoni 96/411/KE għenet biex iġġib ‘il quddiem il-proċess ta’ addattament tas-sistema ta’ statistika agrikola tal-Komunità għal bidliet fil-ħtiġiet fl-informazzjoni ta’ statistika tal-politika agrikola komuni. Madankollu, dan il-proċess għadu mhux lest. Id-Deċiżjoni 96/411/KE għandha għalhekk tiġi emendata sabiex jiġi estiż dan il-proċess, ADOTTAW DIN ID-DEĊIŻJONI: L-Artikolu 1 Id-Deċiżjoni 96/411/KE hija hawnhekk emendata kif ġej: 1. fl-Artikolu 3, il-kliem "matul il-perjodu 2000 sa l-2002" għandhom jiġu sostitwiti bil-kliem "matul il-perjodu 2003 sa l-2007"; 2. fl-Artikolu 6, il-paragrafu 4 għandu jiġi sostitwit b’dan li ġej: "4. L-istruttura finanzjarja għall-implimentazzjoni ta’ dan il-programm għall-perjodu 2003 sa l-2007 qegħda tiġi stabbilita b’dan il-mezz għal 5 miljun EUR. L-allokazzjonijiet għal kull sena għandhom jiġu awtorizzati mill-awtorità ta’ l-estimi fil-limiti tal-perspettiva finanzjarja." 3. fl-Artikolu 11, il-figura "2002" għandha tiġi sostitwita bil-figura "2007"; 4. fl-Artikolu 11, il-frażi "wara li jkun ikkonsulta lill-Kumitat Permanenti dwar l-Istatistika Agrikola" għandha titħassar. L-Artikolu 2 Din id-Deċiżjoni għandha tidħol fis-seħħ fit-tielet jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej. L-Artikolu 3 Din id-Deċiżjoni hija ndirizzata lill-Istati Membri. Magħmula l-Lussemburgu, 21 ta’ Ottubru 2002. Għall-Parlament Ewropew Il-President P. Cox Għall-Kunsill Il-President M. Fischer Boel [1] ĠU C 126 E, tat-28.5.2002, p. 403. [2] L-Opinjoni tal-Parlament Ewropew tat-3 ta’ Settembru 2002 (għadha ma ġietx ippubblikata fil-Ġurnal Uffiċjali) u d-Deċiżjoni tal-Kunsill ta’ l-14 ta’ Ottubru 2002. [3] ĠU L 162, ta’ l-1.7.1996, p. 14. Deċiżjoni kif l-aħħar emendata bid-Deċiżjoni Nru 2298/2000/KE tal-Parlament Ewropew u tal-Kunsill (ĠU L 263, tat-18.10.2000, p. 1). [4] ĠU C 75 E, tas-26.3.2002, p. 274. --------------------------------------------------