This document is an excerpt from the EUR-Lex website
Document 32002D0279
2002/279/EC: Commission Decision of 12 April 2002 amending Decision 2000/666/EC and Decision 2001/106/EC as regards the establishment of a model for lists of approved quarantine facilities or centres for imports of birds in the Member States (Text with EEA relevance) (notified under document number C(2002) 1402)
Id-Deċiżjoni tal-Kummissjoni tat-12 ta' April 2002 li temenda d-Deċiżjoni 2000/666/KE u d-Deċiżjoni 2001/106/KE rigward l-istabbiliment ta' mudell għal listi ta' faċilitajiet jew ċentri approvati għall-kwarantina għall-importazzjoni ta' għasafar fl-Istati Membri (innotifikata taħt in-numru tad-dokument K (2002) 1402)Test b'rilevanza għaż-ŻEE
Id-Deċiżjoni tal-Kummissjoni tat-12 ta' April 2002 li temenda d-Deċiżjoni 2000/666/KE u d-Deċiżjoni 2001/106/KE rigward l-istabbiliment ta' mudell għal listi ta' faċilitajiet jew ċentri approvati għall-kwarantina għall-importazzjoni ta' għasafar fl-Istati Membri (innotifikata taħt in-numru tad-dokument K (2002) 1402)Test b'rilevanza għaż-ŻEE
ĠU L 99, 16.4.2002, p. 17–21
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 18/12/2007; Impliċitament imħassar minn 32007D0846
Relation | Act | Comment | Subdivision concerned | From | To |
---|---|---|---|---|---|
Modifies | 32000D0666 | Sostituzzjoni | anness A. | DATNOT | |
Modifies | 32000D0666 | Sostituzzjoni | artikolu 2.4 | DATNOT | |
Modifies | 32000D0666 | Żieda | artikolu 2.5 | DATNOT | |
Modifies | 32000D0666 | Tlestija | artikolu 3.4 | DATNOT | |
Modifies | 32000D0666 | Emenda | artikolu 4.2 | DATNOT | |
Modifies | 32001D0106 | Tlestija | anness 2 | DATNOT | |
Modifies | 32001D0106 | Tlestija | anness 1 | DATNOT | |
Modifies | 32001D0106 | Sostituzzjoni | titolu | DATNOT |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32007D0846 | 19/12/2007 | |||
Modified by | 32007D0846 | Revoka parzjali |
Official Journal L 099 , 16/04/2002 P. 0017 - 0021
Id-Deċiżjoni tal-Kummissjoni tat-12 ta' April 2002 li temenda d-Deċiżjoni 2000/666/KE u d-Deċiżjoni 2001/106/KE rigward l-istabbiliment ta' mudell għal listi ta' faċilitajiet jew ċentri approvati għall-kwarantina għall-importazzjoni ta' għasafar fl-Istati Membri (innotifikata taħt in-numru tad-dokument K (2002) 1402) (Test b'rilevanza għaż-ŻEE) (2002/279/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 92/65/KEE tat-13 ta' Lulju 1992 li tistabbilixxi l-kondizzjonijiet mitluba tas-saħħa ta' l-annimali li jikkontrollaw il-kummerċ u l-importazzjoni lejn il-Komunità ta' annimali, sperma, bajd u embrijoni li m'humiex suġġetti għall-kondizzjonijiet mitluba tas-saħħa ta' l-annimali stabbiliti f'regoli speċifiċi tal-Komunità msemmija fl-Anness A (I) tad-Direttiva 90/425/KEE [1], kif ġiet l-aħħar emendata bid-Deċiżjoni tal-Kummissjoni 95/176/KE [2], u b'mod partikolari bl-Artikolu 17(3)(ċ) u bir-raba' inċiż ta' l-Artikolu 18(1) fiha msemmija, Billi: (1) Id-Deċiżjoni tal-Kummissjoni 2000/666/KE [3], kif ġiet emendata l-aħħar bid-Deċiżjoni 2001/383/KE [4], stabbilixxiet il-kondizzjonijiet mitluba tas-saħħa ta' l-annimali u taċ-ċertifikazzjoni għall-importazzjoni ta' għasafar minbarra tjur, u l-kondizzjonijiet tal-kwarantina tagħhom. (2) Diversi Stati Membri għaddew minn problemi prattiċi fl-implimentazzjoni tal-kondizzjonijiet mitluba ta' l-importazzjoni msemmija hawn fuq, b'mod partikolari bil-proċedura fil-post ta' l-ispezzjoni fuq il-fruntiera minħabba n-nuqqas ta' tagħrif fuq il-faċilitajiet jew ċentri approvati għall-kwarantina fi Stati Membri oħra. (3) Għalhekk hemm bżonn li titfassal lista ta' faċilitajiet u ċentri approvati għall-kwarantina mill-Istati Membri, li għandha tkun ikkomunikata lill-Kummissjoni u lill-Istati Membri. (4) Id-Deċiżjoni tal-Kummissjoni 2001/106/KE [5] stabbilixxiet mudell għal listi ta' ċentri ta' ġbir ta' l-annimali ħajjin, ċentri ta' ġbir ta' sperma u timijiet li jiġbru embrijoni fi Stati Membri u l-mod tat-trasmissjoni ta' dawn il-listi; huwa xieraq u konvenjenti li jitwessa' l-iskop ta' dik id-Deċiżjoni sabiex ikunu inklużi l-faċilitajiet jew ċentri approvati għall-kwarantina għall-għasafar importati minbarra tjur. (5) Id-Deċiżjonijiet 2000/666/KE u 2001/106/KE għandhom ikunu emendati kif mitlub miċ-ċirkostanzi. (6) Il-miżuri provduti f'din id-Deċiżjoni jaqblu ma' l-opinjoni tal-Kumitat Permanenti għall-Katina ta' l-Ikel u s-Saħħa tal-Bhejjem, ADOTTAT DIN ID-DEĊIŻJONI: Artikolu 1 Id-Deċiżjoni 2000/666/KE hija emendata kif ġej: 1. It-test fl-Artikolu 2(4) se jkun sostitwit b'li ġej: "L-għasafar huma trasportati lejn faċilità jew ċentru approvat għall-kwarantina li jidher fil-lista kif stabbilita fl-Artikolu 2(5) u l-importatur ipprovda informazzjoni miktuba fil-lingwa ta' l-Istat Membru tad-dħul mill-persuna responsabbli għall-faċilità jew ċentru għall-kwarantina li l-għasafar se jkunu aċċettati għall-kwarantina. Din l-informazzjoni se turi b'mod ċar l-isem u l-indirizz u n-numru ta' l-approvazzjoni tal-faċilità jew ċentru għall-kwarantina u se tilħaq il-post ta' l-ispezzjoni fuq il-fruntiera b'e-mail jew fax qabel il-wasla tal-kunsinna fil-post ta' l-ispezzjoni fuq il-fruntiera jew se tkun ippreżentata mill-importatur jew l-aġent tiegħu qabel ma' l-għasafar ikunu merħija mill-post ta' l-ispezzjoni fuq il-fruntiera." 2. Fl-Artikolu 2 dan li ġej se jkun miżjud bħala punt 5: "5. L-Istati Membri jikkomunikaw il-lista tan-numri ta' l-approvazzjoni tal-faċilitajiet jew ċentri approvati għall-kwarantina u l-isem u n-numru-ANIMO taċ-Ċentru Veterinarju Lokali responsabbli lill-Istati Membri l-oħra u lill-Kummissjoni kif ukoll bidliet f'dik il-lista, skond il-provvedimenti tad-Deċiżjoni 2001/106/KE." 3. Fl-Artikolu 3(4) is-sentenza li ġejja se tkun miżjuda: "Din l-approvazzjoni se titneħħa meta dawn il-kondizzjonijiet ma jibqgħux jintlaħqu." 4. Fl-Artikolu 4(2) il-kliem "mhux inqas minn sebat ijiem u mhux iżjed minn" se jkunu sostitwiti bil-kelmiet "fi żmien". 5. L-Anness A tad-Deċiżjoni 2000/666/KE se jkun sostitwit bl-Anness ta' din id-Deċiżjoni. Artikolu 2 Id-Deċiżjoni 2001/106/KE hija emendata kif ġej: 1. It-titlu huwa sostitwit bit-test li ġej: "Deċiżjoni tal-Kummissjoni li tistabbilixxi mudell għal-listi ta' entitajiet approvati mill-Istati Membri skond provvedimenti varji tal-leġislazzjoni veterinarja tal-Komunità, u r-regoli li japplikaw għat-trasmissjoni ta' dawn il-listi lill-Kummissjoni." 2. F'l-Anness I punt ġdid 4 huwa miżjud: "4. Faċilitajiet jew ċentri għall-kwarantina ta' l-għasafar approvati skond ir-raba' inċiż ta' l-Artikolu 18(1) tad-Direttiva 92/65/KEE u d-Deċiżjoni 2000/666/KE." 3. F'l-Anness II punt ġdid IV huwa miżjud: +++++ TIFF +++++ Artikolu 3 Din id-Deċiżjoni hija indirizzata lill-Istati Membri. Magħmul fi Brussel, fit-12 ta' April 2002. Għall-Kummissjoni David Byrne Membru tal-Kummissjoni [1] ĠU L 268, ta’ l-14.9.1992, pġ. 54. [2] ĠU L 117, ta’ l-24.5.1995, pġ. 23. [3] ĠU L 278, tal-31.10.2000, pġ. 26. [4] ĠU L 137, tad-19.5.2001, pġ. 28. [5] ĠU L 39, tad-9.2.2001, pġ. 39. -------------------------------------------------- ANNESS ANNESS A +++++ TIFF +++++ +++++ TIFF +++++ +++++ TIFF +++++ --------------------------------------------------