This document is an excerpt from the EUR-Lex website
Document 32000L0064
Directive 2000/64/EC of the European Parliament and of the Council of 7 November 2000 amending Council Directives 85/611/EEC, 92/49/EEC, 92/96/EEC and 93/22/EEC as regards exchange of information with third countries
Id-Direttiva 2000/64/KE tal-Parlament Ewropew U Tal-Kunsill tas-7 ta’ Novembru 2000 li temenda d-Direttivi tal-Kunsill 85/611/KEE, 92/96/KEE u 93/22/KEE rigward l-iskambju ta’ informazzjoni ma’ pajjiżi terzi
Id-Direttiva 2000/64/KE tal-Parlament Ewropew U Tal-Kunsill tas-7 ta’ Novembru 2000 li temenda d-Direttivi tal-Kunsill 85/611/KEE, 92/96/KEE u 93/22/KEE rigward l-iskambju ta’ informazzjoni ma’ pajjiżi terzi
ĠU L 290, 17.11.2000, p. 27–28
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 01/11/2012: This act has been changed. Current consolidated version: 19/12/2002
Relation | Act | Comment | Subdivision concerned | From | To |
---|---|---|---|---|---|
Modifies | 31985L0611 | Sostituzzjoni | artikolu 50. 4 | 17/11/2000 | |
Modifies | 31992L0049 | Sostituzzjoni | artikolu 16. 3 | 17/11/2000 | |
Modifies | 31992L0096 | Sostituzzjoni | artikolu 15. 3 | 17/11/2000 | |
Modifies | 31993L0022 | Sostituzzjoni | artikolu 25. 3 | 17/11/2000 |
Relation | Act | Comment | Subdivision concerned | From | To |
---|---|---|---|---|---|
Repealed by | 32002L0083 | Revoka parzjali | artikolu 2 | 19/12/2002 | |
Modified by | 32009L0065 | Revoka parzjali |
Official Journal L 290 , 17/11/2000 P. 0027 - 0028
Id-Direttiva 2000/64/KE tal-Parlament Ewropew U Tal-Kunsill tas-7 ta’ Novembru 2000 li temenda d-Direttivi tal-Kunsill 85/611/KEE, 92/96/KEE u 93/22/KEE rigward l-iskambju ta’ informazzjoni ma’ pajjiżi terzi IL-PARLAMENT EWROPEW U L-KUNSILL TA’ L-UNJONI EWROPEA, Wara li kkunsidraw it-Trattat li jistabbilixxi l-Komunità Ewropea, u b’mod partikolari l-ewwel u t-tielet sentenzi ta’ Artikolu 47 (2) tiegħu, Wara li kkunsidraw il-proposta mill-Kummissjoni [1], Wara li kkunsidraw l-Opinjoni tal-Kumitat Ekonomiku u Soċjali [2], Filwaqt li jaġixxu b’konformità mal-proċedura li hemm referenza għaliha fl-Artikolu 251 tat-Trattat [3], Billi: (1) Id-Direttivi tal-Kunsill 85/611/KEE [4] 92/49/KEE [5], 92/96/KEE [6] u 93/22/KEE [7] jippermettu l-iskambju ta’ informazzjoni bejn awtoritajiet kompetenti u ma’ ċerti awtoritajiet jew korpi oħra fl-Istat Membru jew bejn Stati Membri. L-imsemmija Direttivi jippermettu ukoll il-konklużjoni minn Stati Membri ta’ ftehim ta’ kooperazzjoni li jipprovdu għall-iskambju ta’ informazzjoni ma’ l-awtoritajiet kompetenti ta’ pajjiżi terzi. (2) Fuq il-bażi ta’ konsistenza mad-Direttiva 98/33/KE [8], din l-awtorizzazzjoni li jkunu konklużi ftehim dwar l-iskambju ta’ informazzjoni ma’ pajjiżi terzi għandha tiġi estiża sabiex tinkludi l-iskambju ta’ informazzjoni ma’ ċerti awtoritajiet jew korpi oħra f’dawk il-pajjiżi li jipprovdu li l-informazzjoni żvelata tkun suġġetta għal garanziji xierqa ta’ segretezza professjonali. (3) Id-Direttiva 85/611/KEE, id-Direttiva 92/49/KEE, id-Direttiva 92/96/KEE u d-Direttiva 93/22/KEE għandhom ikunu emendati kif xieraq, ADOTTAW DIN ID-DIRETTIVA: L-Artikolu 1 L-Artikolu 50(4) tad-Direttiva 85/611/KEE għandu jinbidel b’dan li ġej: "4. L-Istati Membri jistgħu jikkonkludu ftehim ta kooperazzjoni, li jipprovdu għal skambju ta’ informazzjoni, ma’ l-awtoritajiet kompetenti ta’ pajjiżi terzi jew ma’ awtoritajiet jew korpi ta’ pajjiżi terzi kif iddefiniti fil-paragrafi 6 u 7, biss jekk l-informazzjoni li tkun żvelata tkun suġġetta għal garanziji ta’ segretezza professjonali mill-anqas ekwivalenti għal dik li hemm referenza għalihom f’dan l-Artikolu. Dan l-iskambju ta’ informazzjoni għandu jkun għall-iskopijiet tat-twettiq tad-doveri ta’ superviżjoni mill-awtoritajiet jew korpi msemmija. Meta l-informazzjoni toriġina fi Stat Membru ieħor, din ma tkunx tista tiġi żvelata mingħajr il-qbil espress ta’ l-awtoritajiet kompetenti li jkunu żvelaw u, fejn xieraq, biss għall-iskopijiet li dwarhom dawk l-awtoritajiet ikunu taw il-kunsens tagħhom." L-Artikolu 2 L-Artikolu 16(3) tad-Direttiva 92/49/KEE, l-Artikolu 15(3) tad-Direttiva 92/96/KEE u l-Artikolu 25(3) tad-Direttiva 93/22/KEE, għandhom ikunu mibdula b’dan li ġej: "4. L-Istati Membri jistgħu jikkonkludu ftehim ta kooperazzjoni, li jipprovdu għal skambju ta’ informazzjoni, ma’ l-awtoritajiet kompetenti ta’ pajjiżi terzi jew ma’ awtoritajiet jew korpi ta’ pajjiżi terzi kif definiti f’paragrafi 6 u 7, biss jekk l-informazzjoni li tkun żvelata tkun suġġetta għal garanziji ta’ segretezza professjonali mill-anqas ekwivalenti għal dik li hemm referenza għalihom f’dan l-Artikolu. Dan l-iskambju ta’ informazzjoni għandu jkun għall-iskopijiet tat-twettiq tad-doveri ta’ superviżjoni mill-awtoritajiet jew korpi msemmija. Meta l-informazzjoni toriġina fi Stat Membru ieħor, din ma tkunx tista’ tiġi żvelata mingħajr il-qbil espress ta’ l-awtoritajiet kompetenti li jkunu żvelaw u, fejn xieraq, biss għall-iskopijiet li dwarhom dawk l-awtoritajiet ikunu taw il-kunsens tagħhom." L-Artikolu 3 1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex dawn ikunu konformi ma’ din id-Direttiva sas-17 ta’ Novembru 2002. Għandhom minnufih jinfurmaw lill-Kummissjoni dwar dan. Meta l-Istati Membri jadottaw dawn il-miżuri, dawn għandhom ikollhom referenza għal din id-Direttiva jew għandhom ikunu akkumpanjati b’din ir-referenza fl-okkażjoni tal-pubblikazzjoni uffiċjali tagħhom. Il-metodi biex jagħmlu din ir-referenza għandhom ikunu esiġiti mill-Istati Membri. 2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi domestika li huma jadottaw fil-qasam irregolat minn din id-Direttiva. L-Artikolu 4 Dan id-Direttiva għandha tidħol fis-seħħ fil-jum tal-publikazzjoni tagħha fil-Ġurnal Uffiċjali tal-Komunitajiet Ewropej. L-Artikolu 5 Din id-Direttiva hija indirizzata lill-Istati Membri. Magħmula fi Brussel, fis-7 ta’ Novembru 2000. Għall-Parlament Ewropew Il-President N. Fontaine Għall-Kunsill Il-President L. Fabius [1] ĠU C 116 E, tas-26.4.2000, p. 61. [2] ĠU C 168, tas-16.6.2000, p. 1. [3] L-opinjoni tal-Parlament Ewropew ta’ l-14 ta’ Ġunju 2000 (għadha ma ġietx ippubblikata fil-Ġurnal Uffiċjali) u d-Deċiżjoni tal-Kunsill tad-29 ta’ Ġunju 2000. [4] ĠU L 375, tal-31.12.1985, p. 3. Id-Direttiva emendata b’Direttiva tal-Parlament Ewropew u tal-Kunsill 95/26/KE (ĠU L 168, tat-18.7.1995, p. 7)., [5] ĠU L 228, tal-11.8.1992, p. 1. Id-Direttiva kif l-aħħar emendata bid-Direttiva 95/26/KE. [6] ĠU L 360, tad-9.12.1992, p. 1. Id-Direttiva kif l-aħħar emendata bid-Direttiva 95/26/KE. [7] ĠU L 141, tal-1.6.1993, p.27. Id-Direttiva kif l-aħħar emendata bid-Direttiva tal-Parlament Ewropew u d-Direttiva tal-Kunsill 97/9/KE (ĠU L 84, tas-26.3.1997, p. 22). [8] ĠU L 204, tal-21.7.1998, p. 29. --------------------------------------------------