This document is an excerpt from the EUR-Lex website
Document 32000D0822
2000/822/EC: Council Decision of 22 December 2000 on the conclusion of an Agreement in the form of an Exchange of Letters between the European Community and the Republic of Tunisia concerning reciprocal liberalisation measures and amendment of the Agricultural Protocols to the EC/Tunisia Association Agreement
Id-Deċiżjoni tal-Kunsill tat-22 Diċembru 2000 fuq il-konklużjoni ta' Ftehim fil-forma ta' Skambju ta' Ittri bejn il-Komunità Ewropea u r-Repubblika tat-Tuneżija dwar miżuri ta' liberalizzazzjoni reċiproċi u emendi għall-Protokolli ta' l-Agrikultura fil-Ftehim ta' Assoċjazzjoni KE/Tuneżija
Id-Deċiżjoni tal-Kunsill tat-22 Diċembru 2000 fuq il-konklużjoni ta' Ftehim fil-forma ta' Skambju ta' Ittri bejn il-Komunità Ewropea u r-Repubblika tat-Tuneżija dwar miżuri ta' liberalizzazzjoni reċiproċi u emendi għall-Protokolli ta' l-Agrikultura fil-Ftehim ta' Assoċjazzjoni KE/Tuneżija
ĠU L 336, 30.12.2000, p. 92–92
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/2000/822/oj
Official Journal L 336 , 30/12/2000 P. 0092 - 0092
Id-Deċiżjoni tal-Kunsill tat-22 Diċembru 2000 fuq il-konklużjoni ta' Ftehim fil-forma ta' Skambju ta' Ittri bejn il-Komunità Ewropea u r-Repubblika tat-Tuneżija dwar miżuri ta' liberalizzazzjoni reċiproċi u emendi għall-Protokolli ta' l-Agrikultura fil-Ftehim ta' Assoċjazzjoni KE/Tuneżija (2000/822/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi il-Komunità Ewropea partikolarment l-Artikolu 133, flimkien ma' l-ewwel sentenza ta' l-Artikolu 300(2), tiegħu, Wara li kkunsidra l-proposta mill-Kummissjoni, Billi: (1) L-Artikolu 16 tal-Ftehim Ewro-Mediterran jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa, u r-Repubblika tat-Tunesija, fuq l-oħra [1], li ilu fis-seħħ mill-1 ta' Marzu 1998, jgħid li l-Komunità u t-Tuneżija għandhom gradwalment jilliberalizzaw il-kummerċ reċiproku tagħhom fil-prodotti ta' l-agrikoltura u tas-sajd. (2) L-Artikolu 18 tal-Ftehim Ewro-Mediterran jipprovdi li mill-1 ta' Jannar 2000 il-Komunità u r-Repubblika tat-Tuneżija għandhom jivvalutaw is-sitwazzjoni biex jistabbilixxu l-miżuri ta' liberalizzazzjoni li għandhom ikunu applikati miż-żewġ Partijiet Kontraenti b'effett mill-1 ta' Jannar 2001. (3) Il-Komunità u r-Repubblika tat-Tuneżija ftehmu li jemendaw il-Protokolli Nru 1 u 3 tal-Ftehim permezz ta' Ftehim fil-forma ta' Skambju ta' Ittri. Dan il-Ftehim għandu jkun approvat. (4) Il-miżuri meħtieġa għall-implimentazzjoni ta' din id-Deċiżjoni għandhom ikunu adattati skond id-Deċiżjoni tal-Kunsill Nru 1999/468/KE tat-28 ta' Ġunju 1999 li tippreskrivi l-proċeduri għall-eżerċizzju tal-poteri ta' implimentazzjoni mogħtija lill-Kummissjoni [2], IDDEĊIEDA DAN LI ĠEJ: Artikolu 1 Il-Ftehim fil-forma ta' Skambju ta' Ittri bejn il-Komunità Ewropea u r-Repubblika tat-Tuneżija dwar miżuri ta' liberalizzazzjoni reċiproċi u emendi għall-Protokolli ta' l-Agrikultura fil-Ftehim ta' Assoċjazzjoni KE/Tuneżija huwa hawnhekk approvat f'isem il-Komunità. It-test ta' dan il-Ftehim huwa anness ma' din id-Deċiżjoni. Artikolu 2 1. Il-Kummissjoni għandha tkun assistita mill-Kumitat tat-Tmexxija għaċ-Ċereali stabbilit bl-Artikolu 23 tar-Regolament tal-Kunsill (KEE) Nru 1766/92 tat-30 ta' Ġunju 1992 fuq l-organizzazzjoni komuni tas-suq f'ċereali [3] jew, fejn xieraq, minn kumitati stabbiliti bid-dispożizzjonijiet korrispondenti ta' regolamenti oħra fuq l-organizzazzjoni komuni tas-swieq jew mill-Kumitat tal-Kodiċi Doganali stabbilit bl-Artikolu 248a tar-Regolament (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali Komunitarju [4]. 2. Meta ssir riferenza għal dan il-paragrafu, għandhom japplikaw l-Artikoli 4 sa 7 tad-Deċiżjoni 1999/468/KE. Il-perjodu taż-żmien preskritt fl-Artikolu 4(3) tad-Deċiżjoni 1999/468/KE għandu jkun stabbilit għal xahar. 3. Il-Kumitat għandu jadotta r-regoli tiegħu ta' proċedura. Artikolu 3 Il-President tal-Kunsill huwa b'dan awtorizzat li jaħtar persuna li jkollha s-setgħa li tiffirma l-Ftehim biex torbot il-Komunità. Magħmula fi Brussel, fit-22 ta' Diċembru 2000. Għall-Kunsill Il-President D. Voynet [1] ĠU L 97, tat-30.3.1998, p. 1. [2] ĠU L 184, 17.07.99, p. 23. [3] ĠU L 181, ta' l-1.7.1992, p. 21. Regolament kif l-aħħar emendat bir-Regolament (KE) Nru 1666/2000 (ĠU L 193, tad-29.7.2000, p. 37). [4] ĠU L 302, tad-19.10.1992, p. 1. --------------------------------------------------