This document is an excerpt from the EUR-Lex website
Document 32000D0463
2000/463/EC: Commission Decision of 17 July 2000 recognising in principle the completeness of the dossier submitted for detailed examination with a view to the possible inclusion of MKH 65 61 (propoxycarbazone-sodium) in Annex I to Council Directive 91/414/EEC concerning the placing of plant-protection products on the market (notified under document number C(2000) 2006)
Id-Deċiżjoni tal-Kummissjoni tas-17 ta’ Lulju 2000 li tagħraf fil-prinċipju t-tkomplija tad-dossier sottomess għal eżaminazzjoni dettaljata bil-intenzjoni tad-dħul possibbli ta’ l-MKH 65 61 (propoxycarbazone-sodju) fl-Anness I tad-Direttiva tal-Kunsill 91/414/KEE li tirigwarda l-kummerċ ta’ prodotti għall-protezzjoni tal-pjanti (notifikata bin-numru tad-dokument C(2000) 2006)
Id-Deċiżjoni tal-Kummissjoni tas-17 ta’ Lulju 2000 li tagħraf fil-prinċipju t-tkomplija tad-dossier sottomess għal eżaminazzjoni dettaljata bil-intenzjoni tad-dħul possibbli ta’ l-MKH 65 61 (propoxycarbazone-sodju) fl-Anness I tad-Direttiva tal-Kunsill 91/414/KEE li tirigwarda l-kummerċ ta’ prodotti għall-protezzjoni tal-pjanti (notifikata bin-numru tad-dokument C(2000) 2006)
ĠU L 183, 22.7.2000, p. 21–22
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 183 , 22/07/2000 P. 0021 - 0022
Id-Deċiżjoni tal-Kummissjoni tas-17 ta’ Lulju 2000 li tagħraf fil-prinċipju t-tkomplija tad-dossier sottomess għal eżaminazzjoni dettaljata bil-intenzjoni tad-dħul possibbli ta’ l-MKH 65 61 (propoxycarbazone-sodju) fl-Anness I tad-Direttiva tal-Kunsill 91/414/KEE li tirigwarda l-kummerċ ta’ prodotti għall-protezzjoni tal-pjanti (notifikata bin-numru tad-dokument C(2000) 2006) (2000/463/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tirrigwarda l-kummerċ ta’ prodotti għall-protezzjoni tal-pjanti [1], kif l-aħħar emendata bid-Direttiva tal-Kummissjoni 2000/10/KE [2], u partikolarment l-Artikolu 6(3) tagħha, Billi: (1) Id-Direttiva 91/414/KEE (minn issa ’l quddiem imsejħa "id-Direttiva") tipprovdi għall bini ta’ lista Komunitarja dwar is-sustanzi attivi awtorizzati sabiex jintużaw bħala prodotti għall-protezzjoni tal-pjanti. (2) Bayer AG issottomettiet dossier dwar is-sustanza attiva MKH 65 61 (propoxycarbazone-sodju) lill-awtoritajiet Ġermaniżi fil-25 ta’ Jannar 2000. (3) L-awtoritajiet imsemmija għarrfu lill-Kummissjoni bir-riżultati ta’ l-eżaminazzjoni tal-bidu dwar id-dossier sabiex jiġi żgurat illi jipprovdi t-tagħrif kollu preskrit fl-Anness II u, għall-inqas prodott wieħed li fih is-sustanza attiva interessata, fl-Anness III ta’ mad-Direttiva. Sussegwentement, b’mod konformi ma’ l-Artikolu 6(2), l-applikant issottometta d-dossier lill-Kummissjoni u lill-Istati Membri. (4) Id-dossier dwar il-MKH 65 61 (propoxycarbazone-sodju) kien riferit lill-Kumitat Permanenti dwar is-Saħħa tal-Pjanti fl-10 ta’ Marzu 2000. (5) L-Artikolu 6(3) tad-Direttiva jirrikjedi konferma uffiċjali fil-livell tal-Komunità illi kull dossier iwettaq il-ħtieġijiet dwar it-tagħrif preskritt fl-Anness II u, għall-inqas prodott wieħed għall-protezzjoni tal-pjanti ikun fih is-sustanza attiva interessata, fl-Anness III ta’ mad-Direttiva. (6) Din il-konferma hija meħtieġa sabiex tippermetti l-eżaminazzjoni dettaljata tad-dossier u sabiex tippermetti lill-Istati Membri jikkonċedu awtorizzazjoni proviżorja filwaqt li jitħarsu l-kondizzjonijiet preskritti fl-Artikolu 8(1) tad-Direttiva u, partikolarment, il-kondizzjoni li tirrigwarda l-eżaminazzjoni dettaljata tas-sustanza attiva u tal-prodott għall-protezzjoni tal-pjanti fid-dawl tal-ħtiġijiet preskritti mid-Direttiva. (7) Din id-deċiżjoni ma tippreġudikax li jistgħu jintalbu iktar fatti magħrufa jew tagħrif mingħand l-applikant sabiex jiġu ċċarati ċerti punti fid-dossier. It-talba mill-Istat Membru (li jagħmilha ta’) rapporteur għas-sottomissjoni ta’ iktar fatti magħrufa meħtieġa sabiex jiġi ċċarat id-dossier ma għandhiex taffettwa l-limitu taż-żmien għas-sottomissjoni tar-rapport msemmi fl-inċiż 9. (8) L-Istati Membri u l-Kummissjoni jaqblu illi l-Ġermanja għandha twettaq l-eżaminazzjoni dettaljata tad-dossier dwar il-MKH 65 61 (propoxycarbazone-sodju). (9) Il-Ġermanja għandha tirrapporta l-konklużjonijiet ta’ l-eżaminazzjonijiet tagħhom akkumpanjati b’kull rakkommandazzjoni dwar id-dħul jew it-tħollija barra u b’kull kondizzjoni li għandha x’taqsa magħhom malajr kemm jista’ jkun u l-iktar tard f’perjodu taż-żmien ta’ sena mid-data tal-pubblikazzjoni ta’ din id-deċiżjoni. (10) Il-miżuri pprovduti f’din id-Deċiżjoni jikkonformaw ma’ l-opinjoni tal-Kumitat Permanenti dwar is-Saħħa tal-Pjanti, ADOTTAT DIN ID-DEĊIŻJONI: Artikolu 1 Id-dokument li ġej jissodisfa fil-prinċipju l-ħtiġijiet dwar it-tagħrif preskritti fl-Anness II u, li għall-inqas prodott wieħed għall-protezzjoni tal-pjanti li jkun fih is-sustanza attiva interessata, fl-Anness III tad-Direttiva filwaqt li jitqiesu l-użi maħsuba: id-dossier sottomess mill-Bayer AG lill-Kummissjoni u lill-Istati Membri bil-ħsieb li jiddaħħal il-MKH 65 61 (propoxycarbazone- sodju) bħala sustanza attiva fl-Anness I ta’ tad-Direttiva 91/414/KEE u li ġie riferit lill-Kumitat Permanenti dwar is-Saħħa tal-Pjanti fl-10 ta’ Marzu 2000. Artikolu 2 Dan id-Deċiżjoni hija indirizzata lill-Istati Membri. Magħmula fi Brussel, fis-17 ta’ Lulju 2000. Għall-Kummissjoni David Byrne Membru tal-Kummissjoni [1] ĠU L 230, tad-19.8.1991, p. 1. [2] ĠU L 57, tat-2.3.2000, p. 28. --------------------------------------------------