31994L0036

Id-Direttiva tal-Parlament Ewropew u tal-Kunsill 94/36/KE

tat-30 ta’ Ġunju 1994

dwar il-kuluri għall-użu fl-ikel

IL-PARLAMENT EWROPEW U L-KUNSILL TA’ L-UNJONI EWROPEA,

Wara li kkunsidraw t-Trattat li jistabbilixxi il-Komunità Ewropea, u b’mod partikolari l-Artikolu 100a tiegħu,

Wara li kkunsidraw id-Direttiva tal-Kunsill 89/107/KEE tal-21 ta’ Diċembru 1988 dwar l-approssimazzjoni tal-liġijiet ta’ l-Istati Membri rigward l-addittivi ta’ l-ikel awtorizzati għall-użu fl-ikel intiż għal konsum mill-bniedem [1], u b’mod partikolari l-Artikolu 3 tiegħu,

Wara li kkunsidraw il-proposta mill-Kummissjoni [2],

Wara li kkunsidraw l-opinjoni tal-Kumitat Ekonomiku u Soċjali [3],

Filwaqt li jaġixxu bi qbil mal-proċedura li hemm referenza dwarha fl-Artikolu 189b tat-Trattat [4],

Billi d-differenzi bejn il-liġijiet nazzjonali dwar il-kondizzjonijiet ta’ l-użu tal-kuluri fl-ikel ifixklu l-moviment liberu tal-prodotti ta’ l-ikel; billi dan jista’ joħloq kondizzjonijiet ta’ kompetizzjoni mhux ġusta;

Billi l-ewwel konsiderazzjoni għal xi regoli fuq dawn l-addittivi ta’ l-ikel u l-kondizzjonijiet ta’ l-użu tagħhom għandha tkun il-ħtieġa li jkun protett u infurmat il-konsumatur;

Billi l-addittivi ta’ l-ikel jistgħu jkun użati biss meta jkun hemm evidenza li huma teknoloġikament meħtieġa u li l-użu tagħhom mhuwiex ħażin għas-saħħa;

Billi l-kuluri huma wżati biex jerġgħu jagħtu d-dehra oriġinali ta’ l-ikel li l-kulur tiegħu jkun affettwat bl-ipproċessar, il-ħażna, l-imballaġġ u d-distribuzzjoni, li bihom l-aċċettabiltà viswali tista’ tkun imħassra;

Billi l-kuluri huma użati biex jagħmlu l-ikel iktar attraenti viżwalment u jgħinu biex jidentifikaw it-togħma normalment assoċċjata mal-ikel partikolari u biex jagħtu kulur lil ikel li inkella ma jkollux kulur;

Billi huwa meħtieġ li jkunu inklużi ċerti kuluri maħsuba għall-immarkar tas-saħħa tal-laħam taħt ir-responsabbiltà tal-veterinarju uffiċjali skond il-ħtiġiet tad-Direttiva 91/497/KEE [5], u b’mod partikolari il-Kapitolu XI ta’ l-Anness I tagħha;

Billi dawk il-kuluri biss li huma awtorizzati minn din id-Direttiva għandhom ikunu wżati għad-dekorazzjoni ta’ bajd jew għall-istampar ta’ bajd kif ipprovvdut fir-Regolament (KEE) Nru 1274/91 [6];

Billi l-kuluri huma wżati biex isaħħu l-kuluri diġà preżenti fl-ikel;

Billi huwa ġeneralment rikonoxxut li l-prodotti ta’ l-ikel mhux ipproċessati u ċerti prodotti bażiċi oħra ta’ l-ikel għandhom ikunu ħielsa mill-addittivi ta’ l-ikel;

Billi, fir-rigward ta’ l-informazzjoni xjentifika u tossikoloġika l-aktar reċenti dwar l-addittivi, xi wħud minn dawn jistgħu jkunu permissibbli biss għal ċerti prodotti ta’ l-ikel u taħt ċerti kondizzjonijiet ta’ l-użu;

Billi huwa meħtieġ li jsiru regoli strinġenti għall-użu ta’ l-addittivi fl-ikel għat-tfal żgħar;

Billi l-Kumitat Xjentifiku dwar l-Ikel ġie kkonsultat fuq dawk is-sustanzi li għadhom mhux suġġetti għad-dispożizzjonijiet tal-Komunità;

Billi huwa mixtieq li meta tittieħed deċiżjoni dwar jekk prodott partikolari ta’ l-ikel jagħmilx parti minn ċerta kategorija ta’ l-ikel, il-konsultazzjoni tal-Kumitat Permanenti ta’ l-Ikel hija l-proċedura li għandha tkun segwita;

Billi din id-Direttiva parzjalment tieħu post id-Direttiva tal-Kunsill tat-23 ta’ Ottubru 1962 dwar l-approssimazzjoni tar-regolamenti ta’ l-Istati Membri li jikkonċernaw is-sustanzi kuluranti awtorizzati għall-użu fi prodotti ta’ l-ikel maħsuba għal konsum tal-bniedem [7];

Billi l-modifika eżistenti ta’ kriterji ta’ purità dwar is-sustanzi kuluranti u speċifikazzjoni ġdida għal dawk meta ma teżistix kriterja ta’ purità, għandhom ikunu proposti bi qbil mal-proċedura ta’ l-Artikolu 11 tad-Direttiva 89/107/KEE;

Billi, biex ikunu protetti l-konsumaturi, il-Komunità għandha tippromwovi riċerka dwar l-effetti possibbli (inklużi dawk ta’ natura kumulattiva u sinerġika) dwar is-saħħa tal-bniedem tal-kuluri wżati fil-prodotti ta’ l-ikel, b’referenza speċjali għal dawk li n-nuqqas tagħhom ta’ possibbilità li jagħmlu l-ħsara hija fid-dubju,

ADOTTAW DIN ID-DIRETTIVA:

Artikolu 1

1. Din id-Direttiva hija direttiva speċifika li tifforma parti mid-direttiva komprensiva fi ħdan it-tifsira ta’ l-Artikolu 3 tad-Direttiva 89/107/KEE,

2. Għall-għanijiet ta’ din id-Direttiva, ‘kuluri’ huma sustanzi li jżidu jew jerġgħu jagħtu kulur lil xi ikel, u jinkludu kostitwenti naturali tal-prodotti ta’ l-ikel u sorsi naturali li normalment ma jkunux ikkonsumati bħala prodotti ta’ l-ikel bħala tali u mhux normalment użati bħala ingredjenti karatteristiċi ta’ l-ikel.

Il-preparazzjonijiet miksuba mill-prodotti ta’ l-ikel u sorsi materjali naturali oħrajn miksuba minn estrazzjoni fiżika u/jew kimika li tirriżulta f’estrazzjoni selettiva ta’ pigmenti relattivi mal-kostitwenti nutrittivi jew aromatiċi huma kuluri fi ħdan it-tifsira ta’ din id-Direttiva.

3. Madankollu, s-sustanzi li ġejjin m’għandhomx ikunu kkonsidrati kuluri għall-għan ta’ din id-Direttiva:

- prodotti ta’ l-ikel, kemm jekk niexfa jew f’forma kkonċentrata u sustanzi li jagħtu t-togħma inkorporati waqt il-manifattura ta’ prodotti ta’ komposti ta’ l-ikel, minħabba l-propjetajiet aromatiċi, bnini jew nutrittivi flimkien mal-effett kulurit sekondarju, bħal ma hi l-paprika, it-turmerik u ż-żagħfran,

- kuluri wżati biex ikunu kkuluranti l-partijiet esterni mhux tajba għall-ikel tal-prodotti ta’ l-ikel, bħal kisi tal-ġobon u għal kisi taz-zalzett.

Artikolu 2

1. Is-sustanzi biss elenkati fl-Anness I jistgħu jkunu wżati bħala kuluri fil-prodotti ta’ l-ikel.

2. Il-kuluri jistgħu jintużaw biss fil-prodotti ta’ l-ikel elenkati fl-Annessi III, IV u V u taħt il-kondizzjonijiet speċifikati hemmhekk; il-kuluri jistgħu jintużaw f’dawk l-istess prodotti ta’ l-ikel meta jkunu maħsuba għal użu partikolari bi qbil mad-Direttiva 89/398/KEE [8].

3. Il-kuluri ma jistgħux jintużawx fil-prodotti ta’ l-ikel elenkati fl-Anness II minbarra kif ipprovvdut speċifikament fl-Annessi III, IV jew V.

4. Il-kuluri permissibbli għal ċerti użu biss huma elenkati fl-Anness IV.

5. Il-kuluri permissibbli b’mod ġenerali fi prodotti ta’ l-ikel u l-kondizzjonijiet ta’ l-użu għal dan il-għan huma elenkati fl-Anness V.

6. Il-livelli massimi indikati fl-Annessi:

- jirrelataw ma’ prodotti ta’ l-ikel lesti biex jittieklu, ippreparati skond l-istruzzjonijiet għall-użu,

- jirreferu għal kwantitajiet tal-prinċipju tal-kulur kontenut fil-preparazzjoni tal-kulur.

7. Fl-Annessi ta’ din id-Direttiva ‘quantum satis’ tfisser li l-ebda l-livell massimu m’huwa speċifikat. Madankollu, sustanzi kuluranti għandhom jintużaw skond prattika ta’ manifattura tajba f’livell mhux għola minn dak meħtieġ biex jinkiseb l-għan intiż u bil-kondizzjoni li ma jiżgwidawx lil konsumatur.

8. Għall-iskopijiet ta’ l-immarkar tas-saħħa kif ipprovvdut fid-Direttiva 91/497/KEE u l-immarkar l-ieħor meħtieġ fuq prodotti tal-laħam, jistgħu jintużaw biss E 155 Kannella HT, E133 Ikħal Brillanti FCF jew E 129 Aħmar Allura AC jew taħlita xierqa ta’ E133 Ikħal Brillanti FCF u E 129 Aħmar Allura AC.

9. Biss dawk il-kuluri msemmija fl-Anness I jistgħu jkunu wżati għad-dekorazzjoni tal-qxur tal-bajd jew għall-istampar tal-qxur tal-bajd kif ipprovvdut fir-Regolament (KEE) Nru 1274/91.

10. Biss dawk il-kuluri elenkati fl-Anness I, bl-eċċezzjoni ta’ E 123, E 127, E 128, E 154, E 160b, E 161g, E 173 u E 180, jistgħu jinbiegħu direttament lill-konsumaturi.

11. Fi ħdan it-tifsira ta’ din id-Direttiva ‘mhux ipproċessat’ tfisser li m’għaddiex mill-ebda trattament li jirriżulta f’bidla sostanzjali mill-istat oriġinali tal-prodotti ta’ l-ikel. Madankollu, jistgħu per eżempju jkunu diviżi, maqsuma, servuti, iddissussati, magħmula kapuljat, misluħa, maqtugħa, mqaxxra, mitħuna, mnaddfa, mirquma, iffriżati ħafna, iffriżati, mkessħin, mitħuna jew mifsuqa, ippakkjati jew mhux ippakkjati.

Artikolu 3

Mingħajr preġudizzju għad-dispożizzjonijiet l-oħra tal-Komunità, il-preżenza ta’ kulur fi prodott ta’ l-ikel hija permissibbli:

- fi prodott ta’ l-ikel kompost apparti minn dak msemmi fl-Anness II sal-limiti li l-kulur ikun permissibli f’wieħed mill-ingredjenti tal-prodott ta’ l-ikel kompost.

jew

- jekk il-prodott ta’ l-ikel jkun iddestinat biex jintuża biss fil-preparazzjoni ta’ prodott ta’ l-ikel kompost u sal-limiti li dak il-prodott ta’ l-ikel kompost ikun konformi mad-dispożizzjonijiet ta’ din id-Direttiva.

Artikolu 4

Jista’ jkun deċiż mill-proċedura stabbilita fl-Artikolu 5, jekk prodott ta’ l-ikel partikolari jagħmilx parti minn kategorija ta’ l-ikel msemmija fl-Annessi, u jekk sustanzi humiex kuluri fit-tifsira ta’ l-Artikolu 1.

Artikolu 5

1. Meta l-proċedura stabbilita f’dan l-Artikolu għandha tkun segwita, il-Kummissjoni għandha tkun mgħejjuna mill-Kumitat Permanenti dwar l-Ikel, stabbilit permezz tad-Direttiva 69/414/KEE [9], minn hawn ‘l quddiem msemmi bħala ‘il-Kumitat’.

2. Il-president għandu jirreferi l-materja lejn il-Kumitat jew fuq l-inizjattiva tiegħu stess jew fuq it-talba ta’ rappreżentant ta’ Stat Membru.

3. Ir-rappreżentant tal-Kummissjoni għandu jissottometti lejn il-Kumitat abbozz tal-miżuri li għandhom jittieħdu. Il-Kumitat għandu jagħti l-opinjoni tiegħu fuq l-abbozz fil-limitu taż-żmien li l-president jista’ jistabbilixxi skond l-urġenza tal-każ L-opinjoni għandha tingħata mill-maġġoranza kif stabbilita fl-Artikolu 148(2) tat-Trattat fil-każ ta’ deċiżjonijiet li l-Kunsill huwa meħtieġ li jieħu fuq proposta mill-Kummissjoni. Il-voti tar-rappreżentanti tal-Istati Membri fi ħdan il-Kumitat għandhom jkunu mogħbija skond il-maniera stabbilita f’dak l-Artikolu. Il-president m’għandux jivvota.

4. (a) Il-Kummissjoni għandha tadotta l-miżuri maħsuba jekk dawn ikunu jaqblu mal-opinjoni tal-Kumitat.

(b) Jekk il-miżuri maħsuba ma jkunux bi qbil mal-opinjoni tal-Kumitat, jew jekk ma tingħata l-ebda opinjoni, il-Kummissjoni għandha minnufih tissottometti lejn il-Kunsill proposta relatata mal-miżuri li għandhom jittieħdu. Il-Kunsill għandu jaġixxi b’maġġoranza kwalifikata.

Jekk, fit-tmiem ta’ tliet xhur mid-data tar-referenza lejn il-Kunsill, il-Kunsill ikun għandu ma aġixxiex, il-miżuri proposti għandhom ikunu adottati mill-Kummissjoni.

Artikolu 6

L-Istati Membri għandhom, fi żmien tliet snin mill-adozzjoni ta’ din id-Direttiva, jistabbilixxu sistemi biex jissorveljaw il-konsum u l-użu tal-kuluri u jirrapurtaw ir-riżultati tagħhom lejn il-Kummissjoni.

Il-Kummissjoni għandha tagħmel rapport lejn il-Parlament Ewropew fi żmien ħames snin mill-adozzjoni ta’ din id-Direttiva dwar il-bidliet li jkunu seħħu fis-suq tal-kuluri, il-livelli ta’ l-użu u l-konsum.

Bi qbil mal-kriterji ġenerali tal-punt 4 ta’ l-Anness II tad-Direttiva 89/107/KEE, fi żmien ħames snin mill-adozzjoni ta’ din id-Direttiva, il-Kummissjoni għandha tirrevedi il-kondizzjonijiet ta’ l-użu msemmija f’din id-Direttiva, u tipproponi bidliet fejn meħtieġ.

Artikolu 7

L-Artikoli 1 sa 7, l-Artikolu 8(1), it-tieni nċiż u (2), u l-Artikoli 9 sa 15 tad-Direttiva tat-23 ta’ Ottubru 1962 dwar is-sustanzi tal-kulur fi prodotti ta’ l-ikel huma hawnhekk revokati.

Ir-referenzi għad-dispożizzjonijiet revokati għandhom jkunu interpretati bħala referenzi għad-dispożizzjonijiet korrispondenti ta’ din id-Direttiva.

Artikolu 8

Il-Kummissjoni għandha, biex tikkoinċidi mad-data tad-dħul fis-seħħ ta’ din id-Direttiva, tistabbilixxi kampanja, flimkien mal-Parlament Ewropew, ministeri nazzjonali, l-industriji ta’ l-ikel u l-korpi tal-konsumatur, biex tinforma lill-konsumaturi dwar il-proċeduri ta’ l-evalwazzjoni u l-awtorizzazzjoni għall-kuluri permissibbli, u t-tifsira tas-sistema tan-numri ‘E'.

Artikolu 9

1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva mhux aktar tard mil-31 ta’ Diċembru 1995 sabiex:

- jippermettu, mhux aktar tard mill-31 ta’ Diċembru 1995, kummerċ u użu tal-prodotti li huma konformi ma’ din id-Direttiva,

- jipprojbixxu, mhux iktar tard mit-30 ta’ Ġunju 1996, kummerċ u użu tal-prodotti li ma humiex konformi ma’ din id-Direttiva. Prodotti mpoġġija fis-suq jew ittikkettjati qabel dik id-data li ma jkunux konformi ma’ din id-Direttiva jistgħu, b’dana kolu, jkunu mibjugħa sakemm jispiċċaw il-ħażniet.

Dawn għandhom jinfurmaw lill-Kummissjoni minnufih.

2. Meta l-Istati Membri jadottaw il-miżuri li hemm referenza dwarhom fil-paragrafu 1, dawn għandhom ikollhom referenza għal din id-Direttiva jew għandhom jkunu akkumpanjati b’din ir-referenza fl-okkażjoni tal-publikazzjoni uffiċjali tagħhom. Il-metodi ta’ kif isiru dawn it-tipi ta’ referenzi għandhom ikunu stabbiliti mill-Istati Membri.

Artikolu 10

Din id-Direttiva għandha tidħol fis-seħħ fil-jum tal-publikazzjoni tagħha fil-Ġurnal Uffiċjali tal-Komunitajiet Ewropej.

Artikolu 11

Din id-Direttiva hija indirizzata lill-Istati Membri.

Magħmula fi Brussel, it-30 ta’ Ġunju 1994.

Għall-Parlament Ewropew

Il-President

E. Klepsch

Għall-Kunsill

Il-President

A. Baltas

[1] ĠU L 40, 11.2.1989, p. 27; Id-Direttiva kif l-aħħar emendata bid-Direttiva 94/34/KE (ara l-paġna 1 ta’ dan il-Ġurnal Uffiċjali).

[2] ĠU Ċ 12, 8.1.1992, p. 7.

[3] ĠU Ċ 313, 30.11.1992, p. 1.

[4] L-Opinjoni tal-Parlament Ewropew tal-10 ta’ Marzu 1993 (ĠU Ċ 115, 26.4.1993, p. 105), ikkonfermata fit-2 ta’ Diċembru 1993 (ĠU Ċ 342, 20.12.1993), il-pożizzjoni komuni tal-Kunsill tad-9 ta’ Marzu 1994 (għadha mhux pubblikata fil-Ġurnal Uffiċjali) u d-Id-Deċiżjoni tal-Parlament Ewropew tad-9 ta’ Marzu 1994 (ĠU Ċ 91, 28.3.1994, p. 79).

[5] ĠU Ċ 268, 24.6.1991, p. 69; Id-Direttiva kif l-aħħar emendata bid-Direttiva 92/5/KEE (ĠU L 57, 2.3.1992, p. 1).

[6] Ir-Regolament tal-Kummissjoni (KEE) Nru 1274/91 tal-15 ta’ Mejju 1991 li jintroduċi regoli għall-implimentazzjoni tar- Regolament (KEE) Nru 1907/90 dwar ċerti standards ta’ kummerċ għall-bajd (ĠU L 121, 16.5.1991, p. 11). Ir-Regolament kif l-aħħar emendat bir-Regolament (KE) Nru 1259/94 (ĠU L 137, 1.6.1994, p. 54).

[7] ĠU L 115, 11.11.1962, p. 2645/62; Id-Direttiva kif l-aħħar emendata bid-Direttiva 85/7/KEE (ĠU L 2, 3.1.1995, p.22).

[8] ĠU L 186, 30.6.1989, p. 27.

[9] ĠU L 291, 19.11.1969, p. 9.

--------------------------------------------------

ANNESS 1

LISTA TA’ KULURI PERMISSIBBLI TA’ L-IKEL

Nota:

Koloranti ta’ l-aluminju ppreparati mill-kuluri msemmija f’dan l-Anness huma awtorizzati.

Nru KE | Isem komuni | Indiċi tal-kulur Nru jew deskrizzjoni |

E 100 | Kurkumin | 75300 |

E 101 | (i)Riboflavin(ii)Riboflavin-5’-fosfat | |

E 102 | Tartrażina | 19140 |

E 104 | Kwinolin Isfar | 47005 |

E 110 | Isfar ta’ nżul ix-xemx FCF Isfar fl-oranġjo S | 15985 |

E 120 | ‘Koċinil’, aċidu Karminiku, Karmini | 75470 |

E 122 | Ażorubine, Karmojsin | 14720 |

E 123 | Amarant | 16185 |

E 124 | Ponsu 4R, Koċineal Aħmar A | 16255 |

E 127 | Eritrosin | 45430 |

E 128 | Aħmar 2G | 18050 |

E 129 | Aħmar Allura AC | 16035 |

E 131 | Ikħal Patenti V | 42051 |

E 132 | Indigotin, Karminju Indigo | 73015 |

E 133 | Ikħal ileqq FCF | 42090 |

E 140 | Klorofilli u Klorofillini: (i)Klorofilli(ii)Klorofillini | 75810 75815 |

E 141 | Kumplessi tar-ram (aħmar) tal-klorofilli u Klorofillini (i)Kumplessi tar-ram tal-klorofilli(ii)Kumplessi tar-ram tal-klorofillini | 75815 |

E 142 | Aħdar S | 44090 |

E 150a | Karamella sempliċi | |

E 150b | Karamella tas-sulfid kawstiku | |

E 150ċ | Caramel ta’ l-ammonja | |

E 150d | Caramel b’sulfid ta’ l-ammonja | |

E 151 | Iswed ileqq BN, Iswed PN | 28440 |

E 153 | Karbonju tal-ħaxix | |

E 154 | Kannella FK | |

E 155 | Kannella HT | 20285 |

E 160a | Karoteni: (i)Karoteni mħallta(ii)Beta-karoteni | 75130 40800 |

E 160b | Annatto, bixin, norbixin | 75120 |

E 160ċ | Estratt tal-paprika, kapsantin, kapsorubin | |

E 160d | Likopin | |

E 160e | Beta-apo-8’-karotenal (C30) | 40820 |

E 160f | Ester etiliku ta’ l-aċidu beta-apo-8’-karotenal (C 30) | 40825 |

E161b | Lutejna | |

E 1 | Kantaxantin | |

E 162 | Aħmar tal-pitravi, betanin | |

E 163 | Antosajnini | Preparat b’mezzi fiżiċi mill-frott u l-ħaxix |

E 170 | Karbonat tal-kalċju | 77220 |

E 171 | Diossidu tat-titanju | 77891 |

E 172 | Ossidi tal-ħadid u idro-ossidi | 77491 77492 77499 |

E 173 | Aluminju | |

E 174 | Fidda | |

E175 | Deheb | |

E 180 | Litolrubin BK | |

--------------------------------------------------

ANNESS II

PRODOTTI TA’ L-IKEL LI MA FIHOMX KULURI MIŻJUDA, MINBARRA META PROVVDUT SPEĊIFIKAMENT FL-ANNESSI III, IV JEW V

(It-titoli wżati fl-Anness II ma jippreġudikawx il-prinċipju li jitmexxew ‘il quddiem fil-każi meta l-prodotti jkun fihom ingredjenti b’kulur leġittmu bi dritt tagħhom)

1. Prodotti ta’ l-ikel mhux ipproċessati

2. L-ilma kollu fil-fliexken jew ippakkjat

3. Ħalib, nofsu-xkumat u ħalib xkumat, pasturizzat jew sterilizzat (inkluża l-isterilizzazzjoni UHT) (mingħajr togħma)

4. Ħalib biċ-ċikkulata

5. Ħalib iffermentat (mingħajr togħma)

6. Ħalib ippriservat kif msemmi fid-Direttiva 76/118/KEE

7. Xorrox tal-butir (mingħajr togħma)

8. Krema u trabijiet tal-krema (mingħajr togħma)

9. Żjut u xaħmijiet li ġejjin mill-annimali jew mill-ħaxix

10. Bajd u prodotti tal-bajd kif definiti fl-Artikolu 2(1) tad-Direttiva 89/437/KEE

11. Dqiq u prodotti oħra mitħuna u l-lamti

12. Ħobż u prodotti simili

13. Għaġin u njokki

14. Zokkor, inklużi l-mono- u d-dissakkaridi kollha

15. Kunserva tat-tadam u tadam fil-bott jew fil-flixkun

16. Zlazi tat-tadam

17. Ġulepp tal-frott u nektar tal-frott kif msemmi fid-Direttiva 75/726/KEE u ġulepp tal-ħxejjex

18. Frott, ħaxix (inkluża l-patata) u faqqiegħ - fil-bott, fil-flixkun jew imqadded; frott, ħaxix (inkluża l-patata) u faqqiegħ ipproċessat

19. Kunserva kkonċentrata tal-frott, ġelatina kkonċentrata, u purea tal-qastan kif msemmija fid-Direttiva 79/693/KEE; crème de pruneaux

20. Ħut, molluski u krustaċej, laħam, tjur u kaċċa kif ukoll il-preparazzjonijiet tagħhom, imma ma jinkludux ikliet ippreparati li fihom dawn l-ingredjenti

21. Prodotti tal-kawkaw u komponenti taċ-ċikkulata fi prodotti taċ-ċikkulata kif imsemmija fid-Direttiva 73/241/KEE

22. Kafè, tè, ċikwejra, inkaljati; estratti tat-tè u ċ-ċikwejra; preparazzjonijiet tat-tè, tal-pjanti, tal-frott u taċ-ċereali għall-infużjoni, kif ukoll taħlitiet u taħlitiet istantanji ta’ dawn il-prodotti

23. Melħ, sostituti tal-melħ, ħwawar u taħlit tal-ħwawar

24. Inbid u prodotti oħra kif definiti fir-Regolament (KEE) Nru 822/87

25. Korn (qamħ Ġermaniż), Kornbrand, xorb spirtuż mil-frott, spirti tal-frott, Ouzo, Grappa, Tsikoudia minn Kreta, Tsipouro mill-Maċedonja, Tsipouro minn Thessaly, Tsipouro minn Tyrnavos, Eau de vie de marcMarque nationale luxembourgeoise, Eau de vie de seigle Marque nationale luxembourgeoise, ġnibru ta’ Londra, kif definiti fir-Regolament (KEE) Nru 1576/89

26. Sambuca, Maraschino u Mistra kif definiti fir-Regolament (KEE) Nru 1180/91

27. Sangria, Clarea u Zurra kif imsemmija fir-Regolament (KEE) Nru 1601/91

28. Ħall magħmul mill-inbid

29. Ikel għat-trabi u għat-tfal żgħar kif msemmi fid-Direttiva 89/398/KEE inkluż l-ikel għat-trabi u għat-tfal żgħar li ma jkunux f’saħħithom

30. Għasel

31. Xgħir u prodotti tax-xgħir

32. Ġobon misjur u mhux misjur (mingħajr togħma)

33. Ġobon mill-ħalib tan-nagħaġ u tal-mogħoż

--------------------------------------------------

ANNESS III

IKEL LI MIEGĦU JISTGĦU JIŻDIEDU BISS CERTI KULURI PERMISSIBBLI

Ikel | | Kulur permissibbli | Livell massimu |

Ħobż tax-xgħir | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

Birra | E 150a | Karamella sempliċi | quantum satis |

Cidre bouché | E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

Butir (inkluż il-butir b’anqas xaħam u butir ikkonċentrat) | E 160a | Karoteni | quantum satis |

Marġerina, ‘minarine’, emulsjonijiet oħra ta’ xaħam, u xaħmijiet essenzjalment ħielsa mill-ilma | E 160a | Karoteni | quantum satis |

E 100 | Kurkumin | quantum satis |

E 160b | Annatto, Bixine, Norbixine | 10 mg/kg |

Ġobon Sage Derby | E 140 | Klorofilli Klorofillini | quantum satis |

E 141 | Kumplessi tar-ram tal-korofilli u l-klorofillini | |

Ġobon misjur Oranġjo, Isfar u abjad-safrani; ġobon mhux ipproċessat u mingħajr togħma | E 160a | Karoteni | quantum satis |

E 160c | Estratt tal-paprika | |

| E 160b | Annatto, Bixin, Norbixin | 15 mg/kg |

Ġobon Red Leicester | E 160b | Annatto, Bixin, Norbixin | 50 mg/kg |

Ġobon mimolette | E 160b | Annatto, Bixin, Norbixin | 35 mg/kg |

Ġobon morbier | E 153 | Karbonju tal-ħxejjex | quantum satis |

Ġobon irhamat aħmar | E 120 | Koċineal, aċidu karminiku, karminji | 125 mg/kg |

| E 163 | Anthocyanins | quantum satis |

Ħall | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

Whisky, Whiskey, spirtu tal-qamħ (minbarra l-Korn jew il-Kornbrand jew Eau de vie de seigle Marquenationale luxemburgeoise), spirtu ta’ l-inbid, rum, Brandy, Weinbrand, il-karfa ta’ l-għeneb, l-ispirtu tal-karfa ta’ l-għeneb (minbarra Tsikoudia u Tsipouro u Eau de vie de marc Marque nationale luxemburgeoise), Grappa invecchiata, Bagaceira velha kif msemmija fir-Regolament (KEE) Nru 1576/89 | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

Xorb aromatiku b’bażi ta’ l-inbid (minbarra bitter soda) u nbejjed aromatiċi kif msemmija fir-Regolament (KEE) Nru 1601/91 | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfidi ta’ l-ammonja | |

Amerikan | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfidi ta’ l-ammonja | |

E 163 | Anthocyanins | |

| E 100 | Kurkumin | 100 mg/l (individwalment jew flimkien) |

| E 101 | (i)Riboflavin(ii)Riboflavin-5’-fosfat | |

| E 102 | Tartrażina | |

| E 104 | Kinolin Isfar | |

| E 120 | Koċineal, aċidu Karminiku, Karminji | |

| E 122 | Azorubine carmoisine | |

| E 123 | Amaranth | |

| E 124 | Ponceau 4R | |

Bittersoda, bittervino kif msemmi fir-Regolament (KEE) Nru 1601/91 | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

| E 100 | Kurkumin | 100 mg/l (individwalment jew flimkien) |

| E 101 | (i)Riboflavin(ii)Riboflavin-5’-fosfat | |

| E 102 | Tartrażina | |

| E 104 | Kinolin Isfar | |

| E 110 | Isfar ta’ nżul ix-xemx FCF Isfar oranġjo S | |

| E 120 | Koċineal, aċidu Karminiku, Karminji | |

| E 122 | Azorubine carmoisine | |

| E 123 | Amaranth | |

| E 124 | Ponceau 4R, Aħmar Koċineal A | |

| E 129 | Aħmar Allura AC | |

Inbejjed likurużi u inbejjed likurużi ta’ kwalita prodotti f’reġjuni speċifiċi | E 150a | Karamella sempliċi | quantum satis |

E 150b | Karamella b’sulfid kawstiku | |

E 150c | Karamella ta’ l-ammonja | |

E 150d | Karamella b’sulfid ta’ l-ammonja | |

Ħaxix fil-ħall, fis-salmura jew fiż-żejt (minbarra ż-żebbuġ) | E 101 | (i)Riboflavin(ii)Riboflavin-5’-fosfat | quantum satis |

E 140 | Klorofilli, Klorofillini | |

E 150a | Karamella sempliċi | |

E 150b | Karamella b’sulfid kawstiku | |

E 150ċ | Karamella ta’ l-ammonja | |

E 150d | Karamella b’sulfid ta’ l-ammonja | |

E 141 | Kumplessi tar-ram tal-klorofilli u klorofillini | |

E 160a | Karoteni: (i)Karoteni mħallta(ii)Beta-karoteni | |

E 162 | Aħmar tal-pitravi, betanin | |

E 163 | Anthocyanins | |

Ċereali tal-kolazzjon estrużi, minfuha u/jew bit-togħmal tal-frott | E 150c | Karamella ta’ l-ammonja | quantum satis |

E 160a | Karoteni | quantum satis |

E 160b | Annatto, Bixin, Norbixin | 25 mg/kg |

E 160c | Estratt tal-paprika, Kapsantin, Kapsorubin | quantum satis |

Ċereali tal-kolazzjon bit-togħma tal-frott | E 120 | Koċineal, aċidu Karminiku, Karminji | 200 mg/kg (individwalment jew imħalta) |

E 162 | Aħmar tal-pitravi, betanine | |

E 163 | Anthocyanins | |

Kunserva tal-frott, ġelatini u marmellati kif msemmija fid-Direttiva 79/693/KEE u taħlitiet oħrajn simili tal-frott inklużi l-prodotti ta’ kaloriji baxxi | E 100 | Kurkumin | quantum satis |

E 140 | Klorofills u klorofillini | |

E 141 | Kumplessi tar-ram tal-klorofilli u l-klorofillini | |

E 150a | Karamella sempliċi | |

E 150b | Karamella b’sulfid kawstiku | |

E 150ċ | Karamella ta’ l-ammonja | |

E 150d | Karamella b’sulfid ta’ l-ammonja | |

E 160a | Karoteni: (i)Karoteni mħallta(ii)Beta-karoteni | |

E 160c | Estratti tal-paprika, Kapsantin, Kapsorubin | |

E 162 | Aħmar tal-pitravi, betanine | |

E 163 | Anthocyanins | |

| E 104 | Kwinolin Isfar | 100 mg/kg (individwalment jew imħalta) |

| E 110 | Isfar ta’ nżul ix-xemx | |

| E 120 | Koċineal, aċidu Karminiku, Karminji | |

| E 124 | Ponceau 4R, Koċineal | |

| E 142 | Aħdar S | |

| E 160d | Lypcopene | |

| E 161b | Luteine | |

Zalzett, patés u terrini | E 100 | Kurkumin | 20 mg/kg |

E 120 | Koċineal, aċidu Karminiku, Karminji | 100 mg/kg |

E 150a | Karamella sempliċi | quantum satis |

E 150b | Karamella b’sulfid kawstiku | quantum satis |

E 150c | Karamella ta’ l-ammonja | quantum satis |

E 150d | Karamella b’sulfid ta’ l-ammonja | quantum satis |

E 160a | Karoteni | 20 mg/kg |

E 160c | Estratti tal-paprika, Kapsantin, Kapsorubin | 10 mg/kg |

E 162 | Aħmar tal-pitravi, betanine | quantum satis |

Luncheon meat | E 129 | Aħmar Allura | 25 mg/kg |

Zalzett għall-kolazzjon b’kontenut minimu ta’ ċereali ta’ 6 % | E 129 | Aħmar Allura AC | 25 mg/kg |

Laħam tal-pulpetti (burgers) b’kontenut minimu ta’ ħaxix u/jew ċereali ta’ 4 % | E 120 | Koċineal, aċidu Karminiku, Karminji | 100 mg/kg |

E 150a | Karamella sempliċi | quantum satis |

E 150b | Karamella b’sulfid kawstiku | quantum satis |

E 150c | Karamella ta’ l-ammonja | quantum satis |

E 150d | Karamella b’sulfid ta’ l-ammonja | quantum satis |

Zalzett Chorizo Salchichon | E 120 | Koċineal, aċidu Karminiku, Karminji | 200 mg/kg |

E 124 | Ponceau 4R, Koċineal Aħmar A | 250 mg/kg |

Sobrasada | E 110 | Isfar ta’ nżul ix-xemx FCF | 135 mg/kg |

E 124 | Ponceau 4R, Koċineal Aħmar A | 200 mg/kg |

Pasturmas (kisi estern li jittiekel) | E 100 | Kurkumin | quantum satis |

E 101 | (i)Riboflavin(ii)Riboflavin-5’-fosfat | |

E 120 | Koċineal, aċidu Karminiku, Karminji | |

Granuli u frak tal-patata mqadda | E 100 | Kurkumin | quantum satis |

Piżelli mgħaffġa w ipproċessata (fil-bott) | E 102 | Tartrażina | 100 mg/kg |

E 133 | Ikħal ileqq | 20 mg/kg |

E 142 | Aħdar S | 10 mg/kg |

--------------------------------------------------

ANNESS IV

KULURI PERMISSIBBLI BISS GĦAL ĊERTU UŻU

| Kuluri | Ikel | Livell massimu |

E 123 | Amaranth | nbejjed aperittivi, xorb spirtuż inklużi l-prodotti b’anqas minn 15 % alkohol bil-volum | 30 mg/l |

| | Bajd tal-ħut | 30 mg/kg |

E 127 | Erythrosine | Ċirasa tal-cocktail u konfettura taċ-ċirasa | 200 mg/kg |

| | Ċirasa bigarreaux fil-ġulepp u fil-cocktail | 150 mg/kg |

E 128 | Aħmar 2G | Zalzett tal-kolazzjon b’kontenut minimu ta’ ċereali ta’ 6 % | 20 mg/kg |

| | Laħam tal-burger b’kontenut minimu ta’ ħaxix u/jew ċereali ta’ 4 % | |

E 154 | Kannella FK | Ħut immellaħ | 20 mg/kg |

E 161g | Canthaxanthin | Saucisses de Strasbourg | 15 mg/kg |

E 173 | Aluminju | Kisi estern taz-zokkor tad-dolċiera għad-dekorazzjoni tal-kejkijiet jew tal-ħlewwiet | quantum satis |

E 174 | Fidda | Kisi minn barra ta’ prodotti tad-dulċiera | quantum satis |

| | Dekorazzjoni taċ-ċikkulati | |

| | Likuri | |

E 175 | Deheb | Kisi minn barra ta’ prodotti tad-dulċiera | quantum satis |

| | Dekorazzjoni taċ-ċikkulati | |

| | Likuri | |

E 180 | Lithorubine BK | Qoxra tal-ġobon li tittiekel | quantum satis |

E 160b | Annatto, Bixin, Norbixin | Marġerina, ‘minerine’, emulsjonijiet oħra ta’ xaham, u xahmijiet essenzjalment ħielsa mill-ilma | 10 mg/kg |

| | Dekorazzjonijiet u kisi | 20 mg/kg |

| | Prodotti fini tal-ifran | 10 mg/kg |

| | Silġ li jittiekel | 20 mg/kg |

| | Likuri, inkluż xorb imsaħħah b’inqas minn 15 % alkohol bil-volum | 10 mg/l |

| | Ġobon ipproċessat bit-togħma | 15 mg/kg |

| | Ġobon misjur Oranġjo, Isfar u abjad-safrani Ġobon ipproċessat mingħajr togħma | 15 mg/kg |

| | Deżerti | 10 mg/kg |

| | ’Ikliet ħfief’: niexfa, ‘savoury potato’, ċereali, jew prodotti b’bażi ta’ lamtu: | |

| | —Prodotti ‘savoury snack’ ‘estrużi’ jew minfuha | 20 mg/kg |

| | —Prodotti ta’ ‘savoury snack’ oħra u lewż miksi għat-togħma tajba | 10 mg/kg |

| | Ħut iffumigat | 10 mg/kg |

| | Qoxra tal-ġobon li tittiekel u kisi li jittiekel | 20 mg/kg |

| | Ġobon Red Leicester | 50 mg/kg |

| | Ġobon mimolette | 35 mg/kg |

| | Ċereali għal kolazzjon, estrużi, minfuha u/jew bit-togħma tal-frott | 25 mg/kg |

--------------------------------------------------

ANNESS V

KULURI PERMISSIBBLI FI PRODOTTI TA’ L-IKEL APPARTI MINN DAWK IMSEMMIJA FL-ANNESSI II U III

Parti 1

Il-kuluri li ġejjin jistgħu jintużaw fi prodotti ta’ l-ikel msemmija fl-Anness V, il-Parti 2 u fil-prodotti l-oħra kollha ta’ l-ikel minbarra dawk elenkati fl-Annessi II u III fi quantum satis.

E 101 | (i)Riboflavin(ii)Riboflavin-5’-phosfat |

E 140 | Klorofilli u klorofillini |

E 141 | Kumplessi tar-ram (aħmar) tal-klorofilli u l-klorofillini |

E 150a | Karamella sempliċi |

E 105b | Karamella b’sulfid kawstiku |

E 150ċ | Karamella ta’ l-ammonja |

E 105d | Karamella b’sulfid ta’ l-ammonja |

E 153 | Karbonju tal-ħaxix |

E 160a | Karoteni |

E 160c | Estrett tal-paprika, kapsantin, kapsorubin |

E 162 | Aħmar tal-pitravi, betanin |

E 163 | Anthocyanins |

E 170 | Kalċju karbonat |

E 171 | Diossidu tat-titanju |

E 172 | Ossidi tal-ħadid u idro-ossidi |

Parti 2

Il-kuluri li ġejjin jistgħu jintużaw waħedhom jew flimkien fl-ikel li ġej sal-livell massimu speċifikat fit-tabella. Madankollu, għal xorb mhux alkoħoliku bit-togħma, silġ li jittiekel, deżerti, prodotti fini tal-furnara, il-kuluri jistgħu jintużaw biss sal-limitu indikat fit-tabella xierqa imma l-kwantitajiet ta’ kull wieħed mill-kuluri E 110, E 122, E 124 u E 155 ma jistgħux jeċċedu l-50mg/kg jew mg/l.

E 100 | Kurkumin |

E 102 | Tartrażina |

E 104 | Kinolin Isfar |

E 110 | Isfar ta’ nżul ix-xemx FCF, Isfar fl-oranġjo S |

E 120 | Koċineal, aċidu Karminiku, Karminji |

E 122 | Azorubine, Carmoisine |

E 124 | Ponceau 4R, Aħmar Koċineal A |

E 129 | Aħmar Allura AC |

E 131 | Ikħal Speċjali V |

E 132 | Indigotine, Karminju ta’ l-indigo |

E 133 | Ikħal ileqq FCF |

E 142 | Aħdar S |

E 151 | Iswed Ileqq BN, Iswed PN |

E 155 | Kannella HT |

E 160d | Lycopene |

E 160e | Beta-apo-8’-carotenal (C 30) |

E 160f | Ester etile ta’ l-aċidu Beta-apo-8’-carotenic (C 30) |

E 161b | Luteina |

Ikel | Livell massimu |

Xorb mhux alkoholiku bit-togħma | 100 mg/l |

Konfettura tal-frott u l-ħaxix, Mostarda di frutta | 200 mg/kg |

Frott aħmar ippriservat | 200 mg/kg |

Prodotti tad-dulċiera | 300 mg/kg |

Dekorazzjonijiet u kisi | 500 mg/kg |

Prodotti fini ta’ l-ifran (e.g. viennoiserie, gallettini, kejkijiet, ‘wafers’) | 200 mg/kg |

Silġ li jittiekel | 150 mg/kg |

Ġobon ipproċessat bit-togħma | 100 mg/kg |

Deżerti, inklużi prodotti tal-ħalib bit-togħma | 150 mg/kg |

Zlazi, ħwawar (per eżempju, trab tal-curry, tandoori), pikles, zlazi pikkanti, chutney u piccalilli | 500 mg/kg |

Mustarda | 300 mg/kg |

Dlik tal-ħut u dlik tal-krustaċej | 100 mg/kg |

Krustaċej imsajjra bil-lest | 250 mg/kg |

Sostituti tas-salamun | 500 mg/kg |

Surimi | 500 mg/kg |

Bajd tal-ħut | 300 mg/kg |

Ħut iffumigat | 100 mg/kg |

"Ikliet ħfief": mqadda, patata bit-tgħoma, ċereali jew prodotti ta’ ikliet ħfief ibbażati fuq il-lamtu:

—Prodotti ta’ ikliet ħfief bit-togħma estrużi jew espanduti | 200 mg/kg |

—Prodotti ta’ ikliet ħfief oħrajn u ġews miksi bit-tgħoma | 100 mg/kg |

Qoxra u kisi li jittieklu tal-ġobon | quantum satis |

Formuli sħaħ għall-kontroll tal-piż maħsuba biex jieħdu post l-ammont ta’ l-ikel mittiekel ta’ kull jum jew ta’ ikla ndividwali | 50 mg/kg |

Formuli sħaħ u supplimenti nutrizzjonali għall-użu taħt is-superviżżjoni medika | 50 mg/kg |

Supplimenti likwidi ta’ l-ikel/integraturi tad-dieta | 100 mg/l |

Supplimenti solidi ta’ l-ikel/integraturi tad-dieta | 300 mg/kg |

Sopop | 50 mg/kg |

Analogi tal-laħam jew tal-ħut ibbażati fuq il-proteini veġitali | 100 mg/kg |

Xorb spiritus (inklużi l-prodotti ta’ anqas minn 15 % alkoħol bil-volum), apparti minn dawk imsemmija fl-Anness II jew III | 200 mg/l |

Inbejjed aromatizzati, xorb ibbażat fuq inbejjed aromatizzati u prodotti ta’ cocktails b’inbejjed aromatizzati kif imsemmija fir-Regolament (KEE) Nru 1601/91, apparti minn dawk imsemmija fl-Annes II jew III | 200 mg/l |

Inbejjed tal-frott (normali jew frizzanti) cider (apparti mil-ciderbouche) u inbejjed perry aromatizzati tal-frott, cider u perry | 200 mg/l |

--------------------------------------------------