Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 31993L0002

    Id-Direttiva tal-Kummissjoni 93/2/KEE tat-28 ta Jannar 1993 li temenda l-ANNESS II mad-Direttiva tal-Kunsill 66/402/KEE dwar il-marketing taż-żerriegħa taċ-ċereali

    ĠU L 54, 5.3.1993, p. 20–20 (ES, DA, DE, EL, EN, FR, IT, NL, PT)

    ⏵Dan id-dokument ġie ppubblikat f’edizzjoni(jiet) speċjali (FI, SV, CS, ET, LV, LT, HU, MT, PL, SK, SL, BG, RO, HR)

    Legal status of the document In force

    ELI: http://data.europa.eu/eli/dir/1993/2/oj

    Date of document:
    28/01/1993
    Date of effect:
    29/01/1993; Dħul fis-seħħ Data tan-notifika
    Date of notification:
    29/01/1993
    Date of transposition:
    31/05/1993; L-aktar tard Ara Art. 2
    Date of end of validity:
    No end date
    Author:
    Il-Kummissjoni Ewropea
    Responsible body:
    Directorate-General for Agriculture and Rural Development, Directorate-General for Health and Food Safety, DG06
    Form:
    Direttiva
    Addressee:
    It-tnax-il Stat Membru: il-Belġju, id-Danimarka, il-Ġermanja, l-Irlanda, il-Greċja, Spanja, Franza, l-Italja, il-Lussemburgu, il-Pajjiżi l-Baxxi, il-Portugall, ir-Renju Unit
    Additional information:
    Estiża għaż-ŻEE permezz ta' 21994D0628(01) Id-Direttiva li temenda
    Authentic language:
    Spanjol, Daniż, Ġermaniż, Grieg, Ingliż, Franċiż, Taljan, Olandiż, Portugiż, Islandiż, Norveġiż
    Treaty:
    Trattat li jistabbilixxi l-Komunità Ekonomika Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 31966L0402 Emenda anness 2 29/01/1993
    Instruments cited:
    Link

    31993L0002



    Official Journal L 054 , 05/03/1993 P. 0020 - 0020
    Finnish special edition: Chapter 3 Volume 48 P. 0154
    Swedish special edition: Chapter 3 Volume 48 P. 0154


    Id-Direttiva tal-Kummissjoni 93/2/KEE

    tat-28 ta Jannar 1993

    li temenda l-ANNESS II mad-Direttiva tal-Kunsill 66/402/KEE dwar il-marketing taż-żerriegħa taċ-ċereali

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ekonomika Ewropea,

    Wara li kkunsidrat id-Direttiva tal-Kunsill 66/402/KEE ta' l-14 ta Ġunju 1966 dwar il-marketing taż-żerriegħa taċ-ċereali [1], kif l-aħħar emendata bid-Direttiva 90/654/KEE [2], u b'mod partikolari l-Artikolu 21 (a) tagħha,

    Billi, skond it-tagħrif xjentifiku u tekniku preżenti, jidher illi ċerti varjetajiet tal-ħafur (Avena sativa) tat-tip "naked oats" għandhom valur potenzjali bħala għalf aħdar;

    Billi, madankollu, huwa diffiċli li tiġi prodotta ż-żerriegħa ta' dawn il-varjetajiet bil-kapaċità tal-ġerminazzjoni daqs dik normalment miksuba miż-żerriegħa tal-varjetajiet tal-ħafur;

    Billi bid-Direttiva 88/506/KEE [3] il-Kummissjoni ddikjarat illi, fid-dawl ta' l-iżvilupp fit-tagħrif xjentifiku u tekniku kien approprjat li titnaqqas, għall-varjetajiet tal-ħafur tat-tip "naked oats", il-kapaċità minima tal-ġerminazzjoni ta' 85 % taż-żerriegħa pura kif stabbilit fl-Anness II tad-Direttiva 66/402/KEE għal 75 %;

    Billi dan it-tnaqqis kien japplika biss sal-31 ta' Diċembru 1992 sabiex ikun jista' jinġabar u jitqies iktar tagħrif tekniku dwar dawn il-varjetajiet;

    Billi iktar tagħrif tekniku wera li huwa approprjat illi t-tnaqqis jissokta indefinittivament;

    Billi l-miżuri pprovduti f'din id-Direttiva huma skond l-opinjoni tal-Kumitat Permanenti taż-Żrieragħ u l-Materjal tal-Propagazzjoni għall-Agrikoltura, l-Ortikultura u l-Forestrija,

    ADOTTAT DIN ID-DIRETTIVA:

    Artikolu 1

    It-Taqsima (2) (B) (d) ta' l-ANNESS II mad-Direttiva 66/402/KEE hija emendata kif ġej:

    "(d) fil-każ tal-varjetajiet ta' l-Avena sativa li huma kklassifikati uffiċjalment bħala tat-tip "naked oats", il-kapaċità minima tal-ġerminazzjoni hija mnaqqsa għal 75 % taż-żerriegħa pura. F'dan il-każ, it-tikketta uffiċjali għandha tkun ittimbrata "kapaċità minima tal-ġerminazzjoni ta' 75 %"."

    Artikolu 2

    1. L-Istati Membri għandhom idaħħlu fis-seħħ il-liġijiet, ir-Regolamenti jew id-dispoiżzzjonijiet amministrattivi meħtieġa sabiex jikkonformaw ma' din id-Direttiva l-iktar tard sal-31 ta Mejju 1993. Għandhom jgħarrfu lill-Kummissjoni b'dan minnufih.

    Meta l-Istati Membri jadottaw dawn id-dispoiżzzjonijiet, dawn għandu jkun fihom referenza għal din id-Direttiva jew għandhom ikunu akkompanjati b'din ir-referenza filwaqt tal-pubblikazzjoni uffiċjali tagħhom. Il-proċedura għal din ir-referenza għandha tiġi adottata mill-Istati Membri.

    2. L-Istati Membri għandhom jikkomunikaw lill-Kummissjoni d-dispoiżzzjonijiet tal-liġijiet nazzjonali li jadottaw fil-qasam kopert b'din id-Direttiva.

    Artikolu 3

    Din id-Direttiva hija indirizzata lill-Istati Membri.

    Magħmula fi Brussel, fit-28 ta Jannar 1993.

    Għall-Kummissjoni

    René Steichen

    Membru tal-Kummissjoni

    [1] ĠU 125, tal- 11.7.1966, pġ. 2309/66.

    [2] ĠU L 353, tas-17.12.1990, pġ. 48.

    [3] ĠU L 274, tas-6.10.1988, pġ. 44.

    --------------------------------------------------

    Top