This document is an excerpt from the EUR-Lex website
Document 31987R3556
Commission Regulation (EEC) No 3556/87 of 26 November 1987 laying down additional detailed rules for the application of the system of advance-fixing certificates in the case of certain cereal sector products exported in the form of pasta falling within heading No 19.03 of the Common Customs Tariff
Ir-Regolament tal-Kummissjoni (KEE) Nru 3556/87 tas-26 ta' Novembru 1987 li jistabbilixxi regoli dettaljati addizzjonali għall-applikazzjoni tas-sistema ta' ċertifikati ffissati bil-quddiem, fil-każ ta' ċerti prodotti tas-settur taċ-ċereali esportati fil-għamla ta' għaġin li jaqgħu taħt l-intestatura Nru 19.03 tat-Tariffa Komuni tad-Dwana
Ir-Regolament tal-Kummissjoni (KEE) Nru 3556/87 tas-26 ta' Novembru 1987 li jistabbilixxi regoli dettaljati addizzjonali għall-applikazzjoni tas-sistema ta' ċertifikati ffissati bil-quddiem, fil-każ ta' ċerti prodotti tas-settur taċ-ċereali esportati fil-għamla ta' għaġin li jaqgħu taħt l-intestatura Nru 19.03 tat-Tariffa Komuni tad-Dwana
ĠU L 337, 27.11.1987, p. 57–58
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 27/12/2023; Imħassar b' 32023R2835
Relation | Act | Comment | Subdivision concerned | From | To |
---|---|---|---|---|---|
Modified by | 31987R4057 | Sostituzzjoni | artikolu 2 | 01/01/1988 | |
Modified by | 31987R4057 | Sostituzzjoni | artikolu 3 | 01/01/1988 | |
Modified by | 31987R4057 | Sostituzzjoni | artikolu 1 | 01/01/1988 | |
Modified by | 31987R4057 | Sostituzzjoni | titolu | 01/01/1988 | |
Modified by | 31992R1613 | Emenda | artikolu 1 | 02/07/1992 | |
Modified by | 31992R1613 | Emenda | artikolu 3.2 | 02/07/1992 | |
Modified by | 31992R1613 | Emenda | artikolu 3.1 | 02/07/1992 | |
Modified by | 31992R1613 | Sostituzzjoni | artikolu 4.2 | 02/07/1992 | |
Repealed by | 32023R2835 | 28/12/2023 |
Official Journal L 337 , 27/11/1987 P. 0057 - 0058
Finnish special edition: Chapter 3 Volume 24 P. 0198
Swedish special edition: Chapter 3 Volume 24 P. 0198
Ir-Regolament tal-Kummissjoni (KEE) Nru 3556/87 tas-26 ta' Novembru 1987 li jistabbilixxi regoli dettaljati addizzjonali għall-applikazzjoni tas-sistema ta' ċertifikati ffissati bil-quddiem, fil-każ ta' ċerti prodotti tas-settur taċ-ċereali esportati fil-għamla ta' għaġin li jaqgħu taħt l-intestatura Nru 19.03 tat-Tariffa Komuni tad-Dwana IL-KUMMISSJONI TAL-KOMUNITAJIET EWROPEJ, Wara li kunsidrat it-Trattat li jwaqqaf il-Komunità Ekonomika Ewropea, Wara li kunsidrat ir-Regolament tal-Kunsill (KEE) Nru 2727/75 tad-29 ta' Ottubru 1975 dwar l-organizzazzjoni komuni tas-suq taċ-ċereali [1], kif l-aħħar emendat bir-Regolament (KEE) Nru 1900/87 [2], u b'mod partikolari l-Artikoli 16 (6) u 24 tiegħu, Billi l-Artikolu 5 (2) tar-Regolament tal-Kunsill (KEE) Nru 3035/80 [3], kif emendat l-aħħar bir-Regolament (KEE) Nru 2223/86 [4], jistipula li sistema ta' ffissar tar-rifużjoni bil-quddiem għandha tiġi applikata fil-każ ta' prodotti taċ-ċereali użati fil-produzzjoni ta' oġġetti koperti b'dan ir-Regolament; Billi r-Regolament tal-Kummissjoni (KEE) Nru 1760/83 [5], kif emendat l-aħħar bir-Regolament (KEE) Nru 349/86 [6], jistabbilixxi regoli dettaljati għall-applikazzjoni ta' ċertifikati għall-iffissar bil-quddiem; billi l-Artikolu 3 (a) ta' dak ir-Regolament jippermetti li d-deskrizzjoni ta' iżjed minn prodott wieħed tiddaħħal fis-sezzjoni 12 taċ-ċertifikat ta’l-iffissar bil-quddiem; Billi skond il-politika kummerċjali komuni ġie deċiż li l-esportazzjoni Komunitarja ta’l-għaġin li jaqa’ taħt l-intestatura Nru 19.03 tat-Tariffa Komuni tad-Dwana lejn l-Istati Uniti ta’l-Amerika għandha tikkonsisti in parti minn prodotti li lilhom ġew applikati l-arranġamenti tat-traffiku għall-ipproċessar tad-dħul, u in-parti minn prodotti li għalihom jingħataw rifużjonijiet għall-esportazzjoni; Billi hu meħtieġ f'dan ir-rigward li ċ-ċertifikati ta’ l-ifissar minn qabel juru biss il-merkanzija li għandha tiġi esportata bhala għaġin; Billi l-Kummissjoni għandu jkollha għad-disposizzjoni tagħha mill-aktar fis possibli l-informazzjoni kollha li hija teħtieġ sabiex tagħmel stima tat-tendenzi probabbli fl-esportazzjonijiet tal-għagin lejn l-Istati Uniti ta’l-Amerika; billi għandu jkun possibli li din l-informazzjoni sservi bhala l-bażi għal ċerti deċiżjonijiet maħsuba biex jipprevjenu żieda mhux approprjata fil-kwantitajiet tal-prodotti bażiċi fis-settur taċ-ċereali li għalihom jinħarġu ċ-ċertifikati ta’l-ifissar bil-quddiem biex dawn jiġu esportati fil-għamla ta' għaġin lejn l-Istati Uniti tal-Amerika; billi għalhekk għandu jkun hemm perjodu ta' stennija qabel ma l-applikazzjonijiet għaċ-ċertifikati jiġu aċċettati; Billi l-miżuri previsti f’dan ir-Regolament huma skond l-opinjoni tal-Kumitat tal-Ġestjoni taċ-Ċereali, ADOTTAT DAN IR-REGOLAMENT: Artikolu 1 Meta jintużaw l-arranġamenti għall-iffissar tar-rifużjoni bil-quddiem ta’ prodott bażiku tas-settur taċ-ċereali esportat fil-għamla ta' għaġin li jaqa’ taħt it-Tariffa Komuni tad-Dwana fl-intestatura Nru 19.03: (a) is-sezzjoni 12 ta’l-applikazzjoni għaċ-ċertifikat ta’l-iffissar bil-quddiem u ċ-ċertifikat innifsu għandhom jindikaw biss li l-prodotti jaqgħu taħt l-intestatura Nru 19.03 tat-Tariffa Komuni tad-Dwana: (b) is-sezzjoni 13 ta’l-applikazzjoni għal ċertifikat ta’l-iffissar bil-quddiem u ċ-ċertifikat innifsu għandhom jimtlew 'Stati Uniti ta’l-Amerika' jew ' minbarra l-Istati Uniti ta’l-Amerika'. Iċ-ċertifikat għandu jkollu miegħu l-obbligu għall-esportazzjoni kif indikat. Artikolu 2 L-applikazzjonijiet għaċ-ċertifikati ta’l-iffissar bil-quddiem għall-prodotti bażiċi tas-settur taċ-ċereali li għandhom jiġu esportati lejn l-Istati Uniti ta’l-Amerika fil-għamla ta' għaġin li jaqa’ taħt l-intestatura Nru 19.03 tat-Tariffa Komuni tad-Dwana għandhom jiġu kkunsinnati fil-ħames jum ta' xogħol ta' wara dak li fih tkun tressqet l-applikazzjoni, sakemm sadattant ma jkunux ittieħdu miżuri speċifiċi. Artikolu 3 1. L-awtoritajiet kompetenti ta’l-Istati Membri għandhom jinnotifikaw lill-Kummissjoni f'kull jum ta' xogħol dwar: - il-kwantitajiet ta' prodotti bażiċi tas-settur taċ-ċereali li għalihom kien hemm applikazzjonijiet għal ċertifikati tal-iffissar bil-quddiem fil-ġurnata ta' qabel għall-iskop ta' l-esportazzjoni lejn l-Istati Uniti ta’l-Amerika fil-għamla ta' għaġin li jaqa' taħt l-intestatura Nru 19.03 tat-Tariffa Komuni tad-Dwana, - il-kwantitajiet ta’l-għaġin li jaqgħu taħt l-intestatura Nru 19.03 tat-Tariffa Komuni tad-Dwana li għalihom ir-rata tar-rifużjoni ta’l-esportazzjoni mogħtija fil-ġurnata ta' xogħol ta' qabel għaċ-ċereali użati fil-fabbrikazzjoni tiegħu tkun ġiet iffissata bil-quddiem, flimkien mad-data li fiha d-dikjarazzjoni ta’l-esportazzjoni ta’l-għaġin lejn l-Istati Uniti ta’l-Amerika tkun ġiet aċċettata mill-awtoritajiet tad-dwana relevanti. 2. L-informazzjoni speċifikata fil-paragrafu 1 għandha, għall-finijiet tan-notifika lill-Kummissjoni, tiġi maqsuma skond is-subintestaturi tat-Tariffa Komuni tad-Dwana u għandha tintbagħat fl-indirizz li ġej: Il-Kummissjoni tal-Komunitajiet Ewropej,III/B/2,rue de la Loi, 200,B Brussel. Artikolu 4 Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Gazzetta Uffiċjali tal-Komunitajiet Ewropej. Dan għandu jgħodd għal ċertifikati li tkun tressqet applikazzjonijiet għalihom bejn l-1 ta' Diċembru 1987 u t-30 ta' April 1988. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, 26 Novembru 1987. Għall-Kummissjoni Cockfield Viċi-President [1] ĠU L 281, 1.11.1975, p. 1. [2] ĠU L 182, 3.7.1987, p. 40. [3] ĠU L 323, 29.11.1980, p. 27. [4] ĠU L 194, 17.7.1986, p. 1. [5] ĠU L 172, 30.6.1983, p. 20. [6] ĠU L 42, 19.2.1986, p. 5. --------------------------------------------------