This document is an excerpt from the EUR-Lex website
Document 22006D0013
2006/13/EC: Decision No 2/2005 of the EC-Faroe Islands Joint Committee of 8 December 2005 amending Decision No 1/2001 laying down provisions to implement the Protocol on veterinary matters supplementing the Agreement between the European Community, of the one part, and the Government of Denmark and the Home Government of the Faroe Islands, of the other part
Deċiżjoni Nru 2/2005 tal-Kumitat konġunt KE-Gżejjer Faroe tat- 8 ta’ Diċembru 2005 li temenda d-Deċiżjoni Nru 1/2001 dwar ir-regoli ta' l-applikazzjoni tal-Protokoll dwar il-kwistjonijiet veterinarji li jissupplimenta l-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern lokali tal-Gżejjer Faroe, min-naħa l-oħra
Deċiżjoni Nru 2/2005 tal-Kumitat konġunt KE-Gżejjer Faroe tat- 8 ta’ Diċembru 2005 li temenda d-Deċiżjoni Nru 1/2001 dwar ir-regoli ta' l-applikazzjoni tal-Protokoll dwar il-kwistjonijiet veterinarji li jissupplimenta l-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern lokali tal-Gżejjer Faroe, min-naħa l-oħra
ĠU L 8, 13.1.2006, p. 46–47
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 118M, 8.5.2007, p. 18–19
(MT)
In force
Relation | Act | Comment | Subdivision concerned | From | To |
---|---|---|---|---|---|
Modifies | 22001D0216(01) | Emenda | artikolu 11.1 | 01/01/2006 | |
Modifies | 22001D0216(01) | abolizzjoni | artikolu 11.2 | 01/01/2006 | |
Modifies | 22001D0216(01) | Żieda | artikolu 7.3 | 01/01/2006 |
8.5.2007 |
MT |
Il-Ġurnal Uffiċjali ta’ l-Unjoni Ewropea |
18 |
DEĊIŻJONI Nru 2/2005 TAL-KUMITAT KONĠUNT KE-GŻEJJER FAROE
tat-8 ta’ Diċembru 2005
li temenda d-Deċiżjoni Nru 1/2001 dwar ir-regoli ta' l-applikazzjoni tal-Protokoll dwar il-kwistjonijiet veterinarji li jissupplimenta l-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern lokali tal-Gżejjer Faroe, min-naħa l-oħra
(2006/13/KE)
IL-KUMITAT KONĠUNT KE-GŻEJJER FAROE,
Wara li kkunsidra il-Ftehim f'forma ta' Skambju ta' Ittri bejn il-Komunità Ewropea, minn naħa waħda, u l-Gvern tad-Danimarka u l-Gvern lokali tal-Gżejjer Faroe, min naħa l-oħra,
Wara li kkunsidra l-Protokoll dwar il-kwistjonijiet veterinarji li jissupplimenta l-Ftehim bejn il-Komunità Ewropea, minn naħa waħda, u l-Gvern tad-Danimarka u l-Gvern lokali tal-Gżejjer Faroe, min-naħa l-oħra (1), u b'mod partikolari l-ewwel paragrafu ta' l-Artikolu 2 tiegħu,
Billi:
(1) |
Fil-laqgħa ta' Brussel ta' l-24 ta’ Awissu 2004 tas-sottogrupp veterinarju tal-Kumitat Konġunt KE-Gżejjer Faroe, il-Gżejjer Faroe ippreżentaw il-pjan ta' kontinġenza tagħhom għall-mard tal-ħut u l-pjan tat-tneħħija tagħhom tal-ħut infettati bl-anemija infettiva tas-salamun; l-esperti tal-KE ikkunsidraw iż-żewġ dokumenti bħala konformi mar-regoli Komunitarji u għalhekk, aċċettabbli. |
(2) |
Is-sottogrupp veterinarju rrakkomanda wkoll l-inklużjoni tal-Gżejjer Faroe fis-Sistema tal-KE ta' Notifikazzjoni tal-Mard ta' l-Annimali. |
(3) |
Is-sottogrupp veterinarju għalhekk irrakkomanda li d-Deċiżjoni Nru 1/2001 tal-Kumitat Konġunt KE-Gżejjer Faroe (2) tiġi konsegwentement emendata, |
IDDEĊIEDA KIF ĠEJ:
Artikolu 1
Id-Deċiżjoni Nru 2001/1 tal-Kumitat Konġunt KE-Gżejjer Faroe għandha tiġi emendata kif ġej:
1) |
fl-Artikolu 7, jiġi miżjud il-paragrafu li ġej: “3. Il-Gżejjer Faroe għandhom jimplimentaw id-Direttiva tal-Kunsill 82/894/KEE (*) u għandhom jipparteċipaw fis-Sistema ta' Notifikazzjoni tal-Mard ta' l-Annimali (ADNS). L-arranġamenti prattiċi għall-parteċipazzjoni tal-Gżejjer Faroe għandhom jiġu miftiehma bejn il-Kummissjoni u l-Gżejjer Faroe. |
2) |
Fil-paragrafu 1 ta' l-Artikolu 11, it-tielet sub-paragrafu jiġi sostitwit bit-test li ġej: “Il-Gżejjer Faroe ippreżentaw lis-sottogrupp veterinarju pjan ta' kontinġenza konformement ma' l-Artikolu 15 tad-Direttiva 93/53/KEE. Il-pjan ta' kontinġenza jinkludi pjan ta' tneħħija konformement ma' l-Artikolu 6 tad-Direttiva 93/53/KEE. Il-pjan ta' kontinġenza u l-pjan ta' tneħħija preżentati f'Settembru 2004 huma approvati bil-proċeduri tal-vaċċinazzjoni stabbiliti b'dak il-pjan. L-aġġornamenti suċċessivi tal-pjan għandhom jiġu preżentati għall-approvazzjoni lill-Kummissjoni wara notifika lill-Istati Membri fi ħdan il-Kumitat Permanenti għall-Katina Alimentari u s-Saħħa ta' l-Annimali.”; |
3) |
Fl-Artikolu 11, jiġi mħassar il-paragrafu 2. |
Artikolu 2
Din id-Deċiżjoni għandha tidħol fis-seħħ fl-ewwel jum tax-xahar wara dak li fih tkun ġiet adottata.
Magħmul fi Brussell, it-8 ta’ Diċembru 2005.
Għall-Kumitat Konġunt
Il-President
Pierre FAUCHERAND
(1) ĠU L 305, 30.11.1999, p. 26.
(2) ĠU L 46, 16.2.2001, p. 24.