RIALACHÁN CUR CHUN FEIDHME (AE) .../... ÓN gCOIMISIÚN
an 13.1.2022
lena gcuirtear chun feidhme Rialachán (AE) 2021/1139 ó Pharlaimint na hEorpa agus ón gComhairle lena mbunaítear an Ciste Eorpach Muirí, Iascaigh agus Dobharshaothraithe agus lena leasaítear Rialachán (AE) 2017/1004 a mhéid a bhaineann le teicneolaíocht atá tíosach ar fhuinneamh a shainaithint agus na heilimintí modheolaíochta a shonrú chun na ghnáthiarracht iascaireachta soithí iascaireachta a chinneadh.
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2021/1139 ó Pharlaimint na hEorpa agus ón gComhairle lena mbunaítear an Ciste Eorpach Muirí, Iascaigh agus Dobharshaothraithe agus lena leasaítear Rialachán (AE) 2017/1004 1 , agus go háirithe Airteagal 18(5) de,
De bharr an mhéid seo a leanas:
(1)Le hAirteagal 18(1) de Rialachán (AE) 2021/1139 ceadaítear don Chiste Eorpach Muirí, Iascaigh agus Dobharshaothraithe tacú le le hionadú nó nuachóiriú príomh-innill nó innill choimhdigh de chuid soitheach iascaireachta nach faide ná 24 mhéadar a fhad foriomlán..
(2)Leis an tacaíocht dá dtagraítear in Airteagal 18 de Rialachán (AE) 2021/1139, rannchuidítear leis an gcuspóir sonrach atá ann an éifeachtúlacht fuinnimh a mhéadú agus astaíochtaí CO2 a laghdú trí na hinnill ar shoithí iascaireachta a ionadú nó a nuachóiriú, dá dtagraítear in Airteagal 14(1), pointe (b) de Rialachán (AE) 2021/1139.
(3)Déantar tagairt in Airteagal 18(5), an dara fomhír, pointe (a) de Rialachán (AE) 2021/1139 do theicneolaíochtaí atá éifeachtúil ó thaobh fuinnimh de san inneall nua, is gá na teicneolaíoachtaí sin atá tíosach ar fhuinneamh a chuireann le laghdú astaíochtaí CO2 a shainaithint.
(4)Déantar foráil in Airteagal 18(5), an dara fomhír, pointe (c) de Rialachán (AE) 2021/1139 go ndéanfaidh an Ballstát a thomhas go n-astaíonn an t-inneall nua 20 % níos lú CO2 nó go n-úsáideann sé 20 % níos lú breosla ná an t‑inneall atá á ionadú faoi ghnáthiarracht iascaireachta an tsoithigh lena mbaineann.
(5)Chun críocha tomhais ag an mBallstát, is gá a chinneadh céard ba cheart a mheas mar ‘ghnáthiarracht iascaireachta na soithí lena mbaineann’, agus éagsúlacht mhór na soithí iascaireachta, a dteicnící iascaireachta, achair thaistil agus tosca ualaigh á gcur san áireamh, ar nithe iad a athraíonn le himeacht ama agus a bhfuil tionchar acu ar astaíochtaí CO2 agus ar ídiú breosla.
(6)Chun go bhféadfar na bearta dá bhforáiltear sa Rialachán seo a chur i bhfeidhm go pras, ba cheart an Rialachán seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
(7)Na bearta dá bhforáiltear sa Rialachán seo, is bearta iad atá i gcomhréir le tuairim an Choiste um an gCiste Eorpach Muirí, Iascaigh agus Dobharshaothraithe.
TAR ÉIS AN RIALACHÁN SEO A GHLACADH:
Airteagal 1
Teicneolaíochtaí atá éifeachtúil ó thaobh fuinnimh de a úsáideann innill nua
Chun críocha Airteagal 18(5), an dara fomhír, pointe (a) de Rialachán (AE) 2021/1139, forléireofar innill nua ar shoithí iascaireachta mar teicneolaíochtaí atá éifeachtúil ó thaobh fuinnimh de á n‑úsáid acu i gcás ina:
(1)úsáidtear iontu:
(a)hidrigin