(1)

An 20 Meitheamh 2018, ghlac an Coimisiún Rialachán Cur Chun Feidhme (AE) 2018/886 (2) lena ndéantar foráil maidir le cur i bhfeidhm dleachtanna custaim breise ar allmhairí táirgí sonraithe de thionscnamh Stáit Aontaithe Mheiriceá (‘na Stáit Aontaithe’) a allmhairítear isteach san Aontas.

(2)

An 7 Aibreán 2020, ghlac an Coimisiún Rialachán Cur Chun Feidhme (AE) 2020/502 (3) lena ndéantar foráil maidir le cur i bhfeidhm dleachtanna custaim breise ar allmhairí táirgí sonraithe eile de thionscnamh na Stát Aontaithe a allmhairítear isteach san Aontas.

(3)

Bhí na dleachtanna custaim breise a forchuireadh le Rialacháin Cur Chun Feidhme (AE) 2018/886 agus (AE) 2020/502 dírithe ar na bearta coimirce a fhrithchothromú i bhfoirm dleachtanna custaim breise a bhí tugtha isteach ag na Stáit Aontaithe ar bhonn Roinn 232 d’Acht um Fhairsingiú Trádála na Stát Aontaithe 1962 ar allmhairí táirgí sonraithe cruach agus alúmanaim de thionscnamh an Aontais, le héifeacht ón 1 Meitheamh 2018, agus ar allmhairí táirgí díorthaithe cruach agus alúmanaim de thionscnamh an Aontais, le héifeacht ón 8 Feabhra 2020.

(4)

An 18 Nollaig 2023, ghlac an Coimisiún Rialachán Cur Chun Feidhme (AE) 2023/2882 (4) lena gcuirtear ar fionraí, go dtí an 31 Márta 2025, na dleachtanna ad valorem breise, dleachtanna arna bhforchur le Rialacháin Cur Chun Feidhme (AE) 2018/886 agus (AE) 2020/502.

(5)

An 10 Feabhra 2025, thug na Stáit Aontaithe a mbearta coimirce isteach arís i bhfoirm dleachtanna custaim breise ar allmhairí táirgí cruach agus alúmanaim agus táirgí díorthaithe cruach agus alúmanaim de thionscnamh an Aontais, inter alia, ar na leibhéil tosaigh 25 % agus 10 % ad valorem, faoi seach, le héifeacht ón 12 Márta 2025, ar feadh tréimhse gan teorainn (5).

(6)

An 31 Márta 2025, ghlac an Coimisiún Rialachán Cur Chun Feidhme (AE) 2025/664 (6) lena gcuirtear ar fionraí, go dtí an 14 Aibreán 2025, na dleachtanna custaim breise, dleachtanna arna bhforchur le Rialacháin Cur Chun Feidhme (AE) 2018/886 agus (AE) 2020/502, agus arna leasú le Rialachán Cur Chun Feidhme (AE) 2023/2882, dá réir sin.

(7)

An 2 Aibreán 2025, thug na Stáit Aontaithe dleachtanna allmhairiúcháin breise isteach ar raon leathan táirgí mar chuid dá ‘Bheartas Taraife Cómhalartach’, mar a thugtar air, lena n-áirítear ón Aontas, mar a leanas:

(8)

An 14 Aibreán 2025, ghlac an Coimisiún Rialachán Cur Chun Feidhme (AE) 2025/778 (8), lena ndéantar foráil maidir le cur i bhfeidhm dleachtanna custaim breise ar allmhairí táirgí áirithe eile de thionscnamh na Stát Aontaithe isteach san Aontas agus maidir le dleachtanna custaim breise áirithe a leasú mar a fhorchuirtear le Rialachán Cur Chun Feidhme (AE) 2018/886.

(9)

An 14 Aibreán 2025, ghlac an Coimisiún Rialachán Cur Chun Feidhme (AE) 2025/786 (9) lena gcuirtear ar fionraí, ón 15 Aibreán 2025 go dtí an 14 Iúil 2025, cur i bhfeidhm na ndleachtanna custaim breise, dleachtanna arna bhforchur le Rialacháin Cur Chun Feidhme (AE) 2025/778, (AE) 2018/886 agus (AE) 2020/502, agus arna leasú le Rialachán Cur Chun Feidhme (AE) 2023/2882, dá réir sin.

(10)

An 7 Iúil 2025, chuir na Stáit Aontaithe síneadh le fionraí na dleachta allmhairiúcháin ad valorem 20 % ar allmhairí an Aontais ón 9 Iúil 2025 go dtí an 1 Lúnasa 2025.

(11)

I bhfianaise na bhforbairtí, amhail na forbairtí a thuairiscítear in aithris 10, agus i bhfianaise na forbartha foriomláine a tháinig ar an gcaidreamh trádála idir an tAontas agus na Stáit Aontaithe, ba cheart don Aontas a bhearta freagartha a chalabrú, agus a áirithiú freisin go mbeidh deiseanna comhair ann leis na Stáit Aontaithe, lena n-áirítear d’fhonn an chonspóid maidir leis na taraifí lena mbaineann a réiteach.

(12)

Dá bhrí sin, ba cheart cur i bhfeidhm na ndleachtanna custaim ad valorem breise arna bhforchur le Rialacháin Cur Chun Feidhme (AE) 2025/778, (AE) 2018/886 agus (AE) 2020/502 a chur ar fionraí go dtí an 6 Lúnasa 2025. Dá thoradh sin, ba cheart na codanna ábhartha de Rialachán Cur Chun Feidhme (AE) 2025/778 a chur ar fionraí agus ba cheart Rialachán Cur Chun Feidhme (AE) 2023/2882 a leasú.

(13)

Ba cheart don Choimisiún athbhreithniú tráthrialta a dhéanamh ar an bhfionraíocht i bhfianaise tuilleadh forbairtí sa chaidreamh trádála leis na Stáit Aontaithe, agus féadfaidh sé gníomhaíochtaí breise a dhéanamh, lena n-áirítear an tréimhse fionraíochta a ghiorrú.

(14)

I bhfianaise mórchúiseanna práinne a bhfuil bonn cirt leo mar gheall ar an ngá atá ann na bearta athchothromúcháin ábhartha atá ar tí a chur i bhfeidhm, an cur i bhfeidhm sin a chur ar fionraí chun deiseanna éifeachtacha a thabhairt chun na cuspóirí a thuairiscítear in aithris 11 a bhaint amach, ba cheart feidhm a bheith ag forálacha an Rialacháin seo láithreach. Ar na cúiseanna céanna, ba cheart forálacha an Rialacháin seo a theacht i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

(15)

Tá an Rialachán seo gan dochar do sheasamh an Aontais toisc go bhfuil bearta coimirce na Stát Aontaithe fós ar neamhréir leis an gComhaontú lenar bunaíodh an Eagraíocht Dhomhanda Trádála.

(16)

I gcomhréir le hAirteagal 8 de Rialachán (AE) Uimh. 182/2011 ó Pharlaimint na hEorpa agus ón gComhairle (10), 14 lá ar a dhéanaí tar éis a ghlactha, ba cheart don Choimisiún an Rialachán seo a chur faoi bhráid an Choiste um Bacainní ar an Trádáil chun a thuairim a fháil,

(1)

in Airteagal 1, cuirtear ‘6 Lúnasa 2025’ in ionad ‘14 Iúil 2025’;

(2)

In Airteagal 2, cuirtear ‘6 Lúnasa 2025’ in ionad ‘14 Iúil 2025’.